Mizo Zirlai Pawl chuan March ni 5, 2010 khian India sorkarin Jet Fighter hmanga Mizoram a bomb champhaphak, ‘Zoram Ni’ tia an vuah chu urhsun taka hman an tum a. Hemi chungchanga thuchhuah an siam chu Home Minister chuan khakin, MZP te chu zirtirna diklo kalpuia thehdarhah a puh. MZP president erawh chuan ‘Zirtirna diklo a nih kan hre lo,’ a ti thung.
MZP hian kumhnih kalta atang khan India sorkarin Jet Fighter hmanga India sorkarin Mizoram a bomb champhahphak hi an hmang tan a, kuminah pawh urhsun taka hman leh tumin zirlai naupangte tan lem inziahsiak buatsaih an tum thu te pawh thuchhuah siamin an sawi a. “‘Zoram Ni’ hi zirlaite leh Zoram mipuite’n kan hriat reng theih nan leh kum 1966-a India in Zofate rawt chimit barh pawh pawi ti lova min suasam dante thangthar ten kan rilrua kan hriatreng hi MZP chuan a duh a ni,” an ti.
Home Minister hian February ni 19 khan Mizoram Police Service Association (MPSA) ten Arya Mess, PHQ, Khatla-a khawmpui an neih khuallian nia a hmanpuinaah MZP thuchhuah demna thu hi a auchhuahpui a. MZP chu zirtirna diklo kalpuiah puhin, “Hetiang zirtirna dik lo hi kan tihreh a ngai. Naupang zawkte hnena zirtirna diklo tuh tumtute hi an tenawm a ni,” a ti hial a. India sorkarin India rama helte zingah, Mizoram-a bomb a hman bik chhan chu independence puan bik vang niin a sawi bawk a ni.
MZP president chuan March ni 5-a an hun hman tur chungchang hi a pangngaia an kaltlangpui tur thu leh, Home Minister thusawi chu pawl anga chhanlet tul a tih lem loh thu a sawi a. Thil diklo thehdarh leh zirtir anga puhna chungchangah an thiltih tum chu zirtirna diklo a nihna a hriat loh thu Zalen a hrilh.
“Kan thiltih tum hi hnam anga kan thil tawn thangthar zelten an hriat hi tul kan ti a. India sorkar haw thar leh tura inzirtirna a ni lo,” a ti a. Mizo mipuite chunga tawrhna rapthlak tak thleng kha hriatreng tlak a ni a, khatiang taka tawrhna rapthlak kha Mizo history kan hriat ve chinah a la awm lo, hnam leh ram changkang apiangin an history an hre chiang a, chuvangin, Mizote pawhin kan hnam nuna thil thleng hi kan hriatreng a pawimawh a, khang tawrhna rapthlak takte kha hnam min tipumkhattu atan hmang hlauh ila tih hi kan duhthusam a ni zawk, a ti a. “Thangthar zelte hnenah kan history-a thil thlengte inhrilh thar leh inzirtir zel hi a tul kan ti,” a ti bawk.
India sorkar hian ram chhunga hel tam tak chunga vawiin thlenga a la tih hauh loh Jet Fighter hmanga Mizoram a bomb hian hel chauh ni lo, mipui tamtak a bomb tih erawh kan chiang a, ‘Crush them’ tih tawngkam hialte pawh an hmang a. Mizo mipui tihchimih vek an tum a, Mizo kan nih avanga min bomb tih a chiang viauin ka hria, a ti bawk.
March ni 5-a Zoram Ni hman turah hian R.Zamawia leh Dr JV. Hluna ten rambuai laia India sorkarin Mizoram mipuite chunga a thiltih dan leh a nghawngte an sawi dawn a ni.
Similar Posts:
- Aizawl a bomb an ti…
- Mizo = Indian
- Zoram Ni Chungchang
- Zoram Ni hi Hnam min ti pumkhattu a ni thei em?
- Aizawl Bomb kum 41-na, Zawlkhawpui Senmei Chan Ni Kha
February 23rd, 2010 at 7:29 pm
@hiho, mahni hming vai hawh tir hi ilo hre ve elo, avai aikhan ka haw zawk mah emawni ka ti, ka hriat pakhat chu an kohhranah kohhran upa ania a thil tih dik loh a hre lo reng2 maw le.
[Report abuse]
February 23rd, 2010 at 7:39 pm
Buaiin a hrek hmanho leh Buai hnu daiha ram zalena piang tawhte COMMENT chu ka lo thlir thiam ve khawp mai!
A hun lai nang phate leh thawnthu maia hriate kan ni tawh si a, March 5 chu thil inhrilh hriat chian nan a tha KUM TIN phian ang. Kei chu Capt Ramliana (Zohnuai) a thih dawn zana (August 25, 1966)-a a vankaichaw a kil lai meka pawna DUTY ka ni a.
Thil awmzia thangtharte leh hranghlui inkar boruak ka man thiam ta khawp zawk mai! Khatiang chiaha nuai nawn ni leh ta ila, TIK ti ngam lo tur kan va tam dawn rua!
Chhiar nawn leh la —
https://misual.life/2008/03/.....an-ni-kha/
Vai sipaiin, “Ka pu, nangmah intipenden duh mo? Tam tak pe ang,” ti paha an han hlap tak tak mai te kha, ramtuileilo eng zat nge awm? Atomic Bomb khan min tichhe lo, kan ram thlawhnaa rawn beitu awm chhun chu Japan (WWII) leh India (1966) an ni.
Japan khan hmun engemaw zatah kan ramah bomb an rawn thlak ve, Lunglei Rahsi Veng Baptist Church pawhin an Biak In dara an hman kha Japan Bomb Shell a nih thin kha!
[Report abuse]
February 23rd, 2010 at 7:49 pm
MZP bang rawh se
[Report abuse]
February 23rd, 2010 at 8:00 pm
MZP hi ka support e, “History zawng duhdan anga ziah nilo in, a nih dan ang taka ziah ani si a“.
[Report abuse]
February 23rd, 2010 at 8:10 pm
(With due respect) Pu Zirliana hi Pu Zoramthanga second a ang deuh tran viauin ka hria. Vantlang hmaah a ang huai lu deuh thin. “Second thought” a hman a trul khawpin ka hria.
Tin, MSU pawhin VAI hrim hrim huatna rilru siam tumna a nih vaih chuan, Pu Zirliana sawi ang hian a tha lem lo hle ka ti. Amaherawhchu, hun kaltawha kan nu leh pate tawrhna hriatpui tumna a nih erawhin a tha hle ang.
Hetiang thil pawimawh hi politic inchirhthehna hmanrua atan hman chi a ni lo. (e.g MNF VRS the Congtess). India hnam dang pawh tranrualna chang an hria. Amritsar-ah General dyer an mipui a suasam kha, England in ngaihdam dil tura phut a ni. India an tangrual viauin ka hria.
Khatih lai hun kha kan ngaihtuah, India ram kha hmeichhe lalna hnuaiah kan awm a. Pi ber Indira Gandhi kha a rorum zia chu India ram chanchin bu lian ho hian an hre chiang viau ang. Jail chhungah media mi engzat nge a khung hman kha?
India emaw ramdang ten mahni ramchhungah Bomb an hmang ngai meuh em? India in rikrap nan vawikhat dang south lamah a tir tawh. Chupawh, bomb thlak tumna reng a awm lo. India hian Bomb a hmang a nih chuan, Mizo min ngaihdan hi chhuttham a ni.
J.V Hluna : “Prime Minister Indira Gandhi’n, “Bomb kan thlak lo, ration a ni kan thlak” a tih khan Prof. Swell, M.P. chuan India Parliament-ah Aizawl nana an hman keh them Aizawl atanga a thlak chu lekchhuakin “Hei hi maw in ration thlak chu, Chhum hmin a va’n har awm ve?” ti meuhin Prime Minister a chhuahchhal a, a zal phah deuh a nih kha. Assam Assembly House-ah khan Nichols Roy leh Hoover-ten nasa takin min chhan lo se, Home Minister G.L. Nanda’n, “An ram alawm kan duh, a mihringte chu sipai motor-in phur khawm vek ila, India state tinah sem darh vek ila, buaina chu a reh mai ang,” a tihte kha an ti tak tak lo ang tih a sawi theih loh.
(a detail J.V Hluna ziak hi han chhiar phawt mai teh u..https://www.scribd.com/doc/2208724/senmei?secret_password=&autodown=doc
[Report abuse]
February 23rd, 2010 at 8:16 pm
Hemi chungchang hi misual.com ah post tawh a ni. CHhiar nawn duhtan..
https://misual.life/2007/03/.....d-of-1966/
[Report abuse]
February 23rd, 2010 at 8:43 pm
Historian kan neihten engemaw chu an ziak, ziah chin nei an ni. A tuartu an ni ve kher lo. A tuartu tak takten kan la rawn ziak ve dawn e. Tunah hian ka thianpa Pukpui khua nen kan inkawm mek a, Pukpui khua bomb leh hal a nih dante, kan tlanchhiat dan leh sipai rawnzia kan sawi dun mek.
Dr JV-a thuziak kha chu LAKCHHAWN a ni tawh a, Assam Legislative Assembly atanga ngeia photostat copy-in Dr JV khan an Assembly record a hnuk chhuak thei a, chu ngei chu mi chhiarpui hman a. Ka rilru ka vawn reng, saptawnga ka chhiar ka rawn ti ri ve zauh thin. Epistemology hian ngaihnawm tak tak lai a rawn tarlang keuh thin, a lawmawm e. C. Pahlira in leh Ch. Chhunga in inkara thil thleng zawng zawngte pawh kha a saptawng ka chhiar ka rawn tarlan dawn chuan a original rendering ka zahpah si a, kan tawnhriat kan rawn tarlang chhunzawm ve dawn!
[Report abuse]
February 23rd, 2010 at 10:04 pm
#53,kal mai teh
[Report abuse]
February 23rd, 2010 at 10:23 pm
Fighter a Aizawl an rawn bomb ni kha 6March 1966 a ni zawk lo maw?
[Report abuse]
February 23rd, 2010 at 10:24 pm
Tlangval pakhat pawh kha tuitla chhar turin an ti a, a lut hreh lutuk a, “Ka hriat ngai pawh a ni lo; zuk hmu pawh ni ila ka hre chuang lo ang,” te a ti vel! Hetiang tho hi kan tam hmel!
Veng inep chiaha YMA Information mike-a an thupuan inrual: Zanin dar 7 khan… Retailer No. 2-ah … Pu Lalvena kum 78 … asthma avangin… mi pakhat tan… a boral a….KG 2 zelin …. chhun dar 12-ah …. ration card kengin … vui tur … a ni e.
A inpawlhsawp ve ru ra! Hrethiam chiang tak maw? Zirtirna dik lo hi mausam tur (OT loh nan!) Thil inpawlhsawp takah kan cheng ta … Zopa rilru pawh a inchen ta lo hle.
[Report abuse]
February 25th, 2010 at 1:50 pm
Aizawl (Mizoram) bomb a ni lo
Ngaihnawm khawp mai
https://www.lawrkhawm.com/index.php?page=6982
[Report abuse]
February 25th, 2010 at 2:03 pm
A puah ul ul pawh a an bomb lo lo tih tak tlat mai chu le.
[Report abuse]
February 25th, 2010 at 3:32 pm
An bomb ngei ani lo ti ta ila, anih leh PU BER khan a dang kan va duh belh ve a ti sia, min bomb darh vek kha pawi a ti lo zawk amaw ni le.
[Report abuse]
March 2nd, 2010 at 12:48 pm
March 5, India sorkarin aizawl a bomb ni hi zofate tan chuan ni chhinchhiah tlat a tling a, jan 11, 1894 chanchintha lo thlenni chhinchhiah tlak a ni ang tho a ni. Hemi nia pu R.Zamawia leh Dr.JVHluna te thusawite hi hriat a chakawm, rawn post vek rawh u. A thei theiin aizawl bomb thlalak dah bawk ila. Tun dinhmun thleng tura tha leh zung, thisen leh thlan far tam zia hi thalaiten kan hriat a pawimawh
[Report abuse]