MZP chuan hetiang hian Zoram Ni chungchangah Press Release an chhuah -
MZP PRESS RELEASE
Dt. 27th February, 2010.
Dt. 27th February, 2010.
MZP -in Mizo zawng zawng huap Zoram Ni a hmang leh dawn. Kum 2008, March ni 5-a mithahnemngai thenkhatte nen lungrual taka India-in 5th March 1966-a Mizoram a bomb champha Zoram Ni ti-a urh sun taka Vanapa Hall, Aizawl-a khatih laia Mizoram Chief Minister Pu Zoramthanga Khuallianna hnuaia alo hman tawh chu chhunzawmin, nikum 2009 khan hlawhtling takin I & PR Auditorium-ah MZP chuan a hmang leh a, he hunah hian MJA President Pu K.Sapdanga chu Khuallian a ni.
Hun kal tawha Zoram Ni hmanna ah hian khatih laia nunna chante sunna hunte hman a niin, hliam leh ruang senghawitu leh mi mangang tanpuina kawnga thawhhlawk tak takte hnenah chawimawina thuziak hlan an ni. Kumin 5th March 2010 (Dar 12:00 noon)hian urhsun taka hman tum a ni leh a, a hmun atan I&PR Auditorium ruahman fel tawh chu rokhawlhna dang avangin Central YMA Hall, Tuikhuahtlangah sawn leh a ni.
MZP in he Ni a hman chhan hi Mizote hun kal tawh thlirlet-a hnam pumpuia kan tawrhna ni rapthlak ber leh chhinchhiah tlak niah a ngai a, pawisawilo nunna tam tak hlohna leh kuttualleichhama awmte, buh leh bal kangral tam takte kha channa runthlak, sawi hleih theih lohah a ngai a ni. Mahni hnam nunkawnga thilthleng hriatreng leh chhinchhiah that hi thangtharte leh Zoram mipuite tih turah a ngai a ni. He ni hman a nih avanga inhriatthiam lohna leh inremlohna Mizote zingah MZP chuan a awm tha a ti lova, he tawrhna rapthlak tak hriatrengna ni hian inpumkhatna thazawkte, tumruhna leh taimakna thar te, Mizo hnamin hma a sawnna tura inpek tharna ni ah hman nise a duh takzet a.
Inremtheilote inremna ni atan te, Mizo leh Mizo kara inhmangaihna lantirna ni atan hman nise a duhdan a ni bawk. India-in a hnuaia a State hrang hranga helna neite chunga a tih ngai loh Jet Fighter hmang meuha bei a, Mizoram bomb a nih chungchangah hrilhfiah dan tam tak awm mek chu MZP chuan Indo thlawhna-in a beihte chunga a thlak puak dur chu Mizoten kan sawi dan thin leh Dictionary hrang hrang behchhanin Bomb a ti mai a, kha bomb rapthlak tak, Mizoram hmun hrang hranga thlak tuartute kha Mizo mipui an nih angin thinlung takin a tawrhpui takzet a ni.
Ram changkang leh hnam hmasawn zawkte hnung zuiin, Mizote nuna thilthleng rapthlak tak, sawi nep ngawt chi nilo chu hre renga, nunthar kan neih a duh takzet a ni. Thang tharte hian ‘nuamsa taka vawiin hun remna leh muanna hi thleng kan nih loh thu leh, zum leh hriam, silaimu kara Pathian kaihhruaina hnuaia thleng kan ni’ tih hi hre reng se a duh a, kha ni kha Mizoten a huhova mangang awrawl nena Pathian Chhanhimna kan auh nasat ber ni ah ngaiin, he ni champha ah hian lungrualna leh hmangaihna nei thar tura tihtakzeta Pathian kan auhna ni ah hman a duh takzet bawk a ni.
He hun hman turah hian 5th March 1966 hma lam leh hnung lam huna thil thlen dan chungchang Pu R.Zamawia leh Dr. JV. Hluna hnen atangin ngaihthlak a ni ang a, Nunna chante sunna hun hman a ni anga, MZP President thusawi leh he hun atana Special Guest-a sawm Dr. Samujal Batacharya, Chairman, NESO thusawi ngaihthlak a ni ang. Zoram Ni hman dan report MZP General Secretary hnen atangin ngaihthlak a ni bawk anga, he Ni puala zirlaite zinga Lemziak intihsiak lawmman sem a ni ang a, Rev. Biakthansanga, President, Mizoram Conference Seventh Day Adventist, -in hunserh a hmang dawn a ni. Tin, he ni pual hian Talk Show LPS Vision-ah ni 1.3.2010 chawhnu dar 1hian neih a ni dawn bawk.
MZP chuan he ni; urhsun taka a hman turah hian Mizo zawng zawngte kim taka kal turin thinlung takin a sawm a, midang huat tharna ni atana hman a nih dawn lohzia hria a, he hun hlawhtlinna tura hmanraw tangkai ni vek tur leh an tawngtai puina a ngen takmeuh a ni.
Sd/-
(H. LALREMSIAMA)
Gen. Secretary,
——————————-
Zoram Ni hman an tumdan pawh hi tarlang nghal law law ila a tha awm e :
ZORAM NI TENTATIVE PROGRAMME
A hmun :Central YMA Hall, Tuikhuahtlang
A hun :Dt 5.3.2010 Dar .12:00. Noon.
Hruaitu :S.Lalrinawma. Vice President, MZP Gen.Hqrs.
Hunserh :Pastor Biakthansanga,President, Mizo Conference Seventh Day Adventist
Mal zai : Zoramchhani
Reports : H.Lalremsiama. General Secretary, MZP Gen.Hqrs.
President thusawi : Pu VL Krosshnehzova. President,MZP Gen.Hqrs.
Mal zai : Mimi Renthlei.
Sunna : conducted by Pu C.Lalhmachhuana. Adviser MZP Gen.Hqrs.
Thusawi : Pu Dr. Samujal BattacharyaChairman, NESO.
Zai pawl : Vohbik thalai.
Thusawi : 1). Pu R.Zamawia. Tanhril
( Ni 5.3.1966 hmalam chanchin)
2). Dr JV. Hluna. Mission Veng. ( Ni 5.3.1966 hnulam chanchin)
A hun :Dt 5.3.2010 Dar .12:00. Noon.
Hruaitu :S.Lalrinawma. Vice President, MZP Gen.Hqrs.
Hunserh :Pastor Biakthansanga,President, Mizo Conference Seventh Day Adventist
Mal zai : Zoramchhani
Reports : H.Lalremsiama. General Secretary, MZP Gen.Hqrs.
President thusawi : Pu VL Krosshnehzova. President,MZP Gen.Hqrs.
Mal zai : Mimi Renthlei.
Sunna : conducted by Pu C.Lalhmachhuana. Adviser MZP Gen.Hqrs.
Thusawi : Pu Dr. Samujal BattacharyaChairman, NESO.
Zai pawl : Vohbik thalai.
Thusawi : 1). Pu R.Zamawia. Tanhril
( Ni 5.3.1966 hmalam chanchin)
2). Dr JV. Hluna. Mission Veng. ( Ni 5.3.1966 hnulam chanchin)
Lawmman semna : Lalsangzuala NgenteAGS, MZP Gen. Hqrs.
Thusawi : A duh apiang tan (Minute 3 zel) Tlangkawmna : Pu Lalmuanpuia. Punte.
Vice Chairman, North East Students’ Organisation (NESO).
Thusawi : A duh apiang tan (Minute 3 zel) Tlangkawmna : Pu Lalmuanpuia. Punte.
Vice Chairman, North East Students’ Organisation (NESO).
……….Thingpui Ruai Thingpui Ruai……
Similar Posts:
- Zirtirna diklo a nih kan hre lo : MZP
- Aizawl a bomb an ti…
- Mizo = Indian
- Aizawl Bomb kum 41-na, Zawlkhawpui Senmei Chan Ni Kha
- Zoram Ni hi Hnam min ti pumkhattu a ni thei em?
March 1st, 2010 at 5:13 pm
A tha ka ti khop mai
March 1st, 2010 at 5:14 pm
Good… kha Indian airforce retired putar lah khan 60MMRP te a ti mai mai a, 68 mm missile a ni Toofanis in a ken theih tih thu te kha han sawi fiah nghal nghe nghe ula.
Missile hi bomb nilo anga a sawi te kha sawifiah tir bawk ula. Rocket khan bomb nilo enge a propelled te kha zawt chiang bawk ula (”bomb a nilo, 60mmrp alawm ati a ni lawm ni?!”)
March 1st, 2010 at 5:18 pm
Battacharya nilo in Bhattacharya tih zawk tur ani e.
March 1st, 2010 at 5:44 pm
an press release chu a that fu lawisi hi mawle. An hmang dawn anih pawhin hetiang zawng hian kalpui se a tha reng ani. insurgency chawh thawh leh tum niawm ziazanga atomic bomb thlak ang hrima sawi uar vaka bomb darh vek pawh an hrehlo han tih hluai te, mizo kan nih vang.. India ram hian keini mizo boral vek pawh pawi antilo.. tih ang zawnga kalpui thar leh kha a trullo reng ani.
March 1st, 2010 at 5:46 pm
A dik khop mai, rocket hian bomb ni lo enge a ken tel chuan le Rocket hmawrah chuan bomb a ni lom ni awm thin. Rocket in a kah chuan bomb a awm tel ngei ang. Rocket 5 a a kah vaih chuan biomb panga (5) in a bei tihna a ni mai.
March 1st, 2010 at 5:55 pm
News channel ho hian han kher kual vel se ka ti ngawt mai..
March 1st, 2010 at 6:12 pm
A dik chiah. hiho hi a fing ka ti lutuk, ka thlawp e. Tunge thlawp ve. Lal hiho i va han fing chungchuang tak em!
March 1st, 2010 at 6:13 pm
mi(sual) diktak chu hman hrama kal ve keuh chi anih hi, kan rin ang ngawt chu an lo ni lo tawp mai a kan MZP te hi. An lo mature khoops
March 1st, 2010 at 6:17 pm
hiho: he thil hi ngaihtuah thui angai reng asin, tun thlengin hemi ni an hman vang pawh nilovin, vai tamtak chuan norh east ah insurgency a nasa tih hi an ngaihdan ala ni renga, chu chuan awmho na ah te inbiak danah te, thil ho te te anga lang, mahse ho em emlo thlengin nghawng a nei thei thin. Tin, mizo phaia awm tamtak pawhin, “vaiho chu…” tih kha tawngka lamah an hmang ve bawka. engemaw hlek ah “min en hrang/duhsaklo bik..” tiin kan iak kan iak leh a. keimahni bul tran ah hian, lungawilovin kan iak kan iak leh thin ani ber mai.
tun thil pawh hi vai ram news velin han kher vak se chuan a lungawilo hmasa tur kanni leh mai ang. bakah, vai leh mizo tan pawh, first para a ka sawi ang rilru khi a promote anih ngat chuan thil thalo tak ani ang. chuvang chu ani hnam feelings tichhuak thei zawng nilova peacefully a an kalpui a pawimawh ni.
March 1st, 2010 at 6:18 pm
@duhawmi .. KA lawm lutuk min thlawp a vang in,, ka lawm chungchuang e.
March 1st, 2010 at 6:21 pm
para inkar ah line break a awm lovang avangin chhiar a har lutuk a, ka chhiar lo mai ang. Mit a hah em a mai.
March 1st, 2010 at 6:27 pm
Kei pawh Dt. 5/3/2010, chhun dar 12:00-ah chu CYMA Hall lam panin ka va thlawk ve te’ng!
March 1st, 2010 at 6:37 pm
@funny ..i ti dike e,, ngaihtuah nung chu a ngai ka ti mahse.. fighter hmang a mizoram beih/bomb a nih leh nih loh ah chuan, thudik tak a lan chhuah te chuan Mizo te hi chu lawm zawk kannih ka rin em vang a ni.
March 1st, 2010 at 6:48 pm
hiho: thil thleng chu kan hre sa vek alawm, kan describe duhdan a inanglo mai ani. mi tamtakin vaiho an describe duhdan avang hian mi tamtakin vai ah prejudice an neih phah theia, tin vai ho pawhin, mizo ah prejudice an neih phah thei bawk. Hetiang thil hi keini generation pawhin kan ute generation atangin kan rochung mek asin. chutiang te avang chuan thil reng reng ah, vai nen anih tawh chuan kan hnam feelings hian min haunt tlat a, rational thinking nei theilo tamtak kan awm phah ni in ka hria
March 1st, 2010 at 6:57 pm
He thu hi Lengzem mag. ah hman deuh khan chiang zetin an rawn ziah tawh kha, internet ah pawh lengzem.info ah a chhiar theih hi, lo chhiar ve chhin ve teh u, mahse kha aia kimchang khan a la ziah theih ka ring tlat, research mumal a ti peih om se ka ti kher mai, ka awmna Delhi atangin ka puih theihna ah chuan lo puih ve poh ka inhuam khawp ania, email add. te in share tawn ta ila. Kha thu ziaktu kha Zoram research Foundation a tel ve kha a ni em o? tunge hrechiang deuh tunge kan awm em le o ?
March 1st, 2010 at 7:03 pm
MZP -in Mizo zawng zawng huap….
Kei chu ka tel lo. “Mizo thenkhat huap…” tih a dik zawk ang.
March 1st, 2010 at 7:03 pm
He mi ni hian Mizoram chungah fighter rawn thlawk kual turin Pu Wg Cdr-te hian zuk request sela maw le! Thlamuang taka lo thlirtu nih leh 1966-a thihna kara mangang thlabara kan awm dan nena tehkhin chian nan pawh!
Gorkha pawh, Chakma pawh … eng thil nge ni ta zel?
Scud vela va kap, a va puak hi BOMB kan ti dawn tawh lo em?
March 1st, 2010 at 7:13 pm
‘hiho: thil thleng chu kan hre sa vek alawm’
mizo te chuan kan hria ang chu.. INDIA mi zawng2 hian hria se ka ti a lawm kei chuan. India sawrkar ka dem/ngei em em vang pawh ni lo in.. Thil a lo tih sual toh ah hian mizo mipui te hi NGAIHDAM min dil ve mai se ka ti a ni.(ka ngaih dan chuan INDIA hian MIZO mipui lak ah thil a ti sual ngei a ni). mahse thu tak sawi chhuak tur leh din chhuah pui tur pawn mizopa ngei in an sawi mawi(sawi ho) toh a ni sia.. hei tak hian ka rilru a ti na zual.
March 1st, 2010 at 7:16 pm
vai ngalsin mai mai sala!
March 1st, 2010 at 7:21 pm
Vai ngalsin tih tak ah chuan inkhel a kan zin ve thin lai hian Bus/sumo vel ah Mizo kan chuan pui te hian he tawngkam ‘VAI CHHIA/ vai ngalsang te chu kan thisen hian a ngam em a.. in hneh hrim2 ang’ an ti thin a.. Vai chhia kan tih leh vai ngal sang ho hian min lo hlau lo nasa thin mai a.. chak loh tum phei hi chuan sawi tur a vang duh a nia oo.. vai chhia kan hneh lo han tih a nuam toh si lo a hehe
March 1st, 2010 at 7:23 pm
bomb tih chin leh bomb lovin a huamchin hi hrethui deuh kan awm em le o ? hetia sawi mai mai lo hian i chhuizui deuh teh ang u, kei chu tunlai chhanah rinthu a soi mai mai hi ho ka ti vetlat, in ti ve tho em,? Min bomb lova min kap anih pon engahnge in bomb tir kher chu a tul ang le te ka ti mai mai. Min bomb ngei anih chuan min kap tih chu a tul bok lo ang a.
March 1st, 2010 at 7:27 pm
Ka pa in minhrilh thin dan kha chuan bomb lam a sawi awm pawh ka hre lo. Fighter a lo thlawka a rawn kap alh puat puata a ti thin. Vaiho khan khawhal an chinga a fighter hmangin an hal ni turah ka lo ngai ve mai thin a.Tun hnuah bomb tih hlira sawi a ni leh ta bawk si. Min rappp.! Ka hlauh zawng tak a ni. Pachhunga in chauh kha lung ina sak a la ni bawk si.
March 1st, 2010 at 7:37 pm
Eng anga sawi nèp pawh tum mahse, Bomb dik tak ani e! Bomb lo nilo ta tehreng pawh nise, Jet Fighter hming a ri hrim hrim hi mahni ramchhung, hmarchhak kil khawra hel pawl 1 ve mai, (mnf)beih nan chuan a bon-ra lutuk, a sawia sawi mam chi a nilo hrim2! Mizo kan ni a, hmel/ pian phung, kalchar leh sakhua-ah kan danglamin kan Indian lo èm a, India/ Vai sipai, Vai em em ho khan min bei u-chuàk bik… Chu chu ni mai! Sawi mam phet tum duh suh se.
March 1st, 2010 at 7:48 pm
hiho: kan sawi mawi/ho ani hauhlo, thlawhna hmangin a bei ngei e, thlawhna hmanga beih nih ringawt pawh hi UNO chuan thiam a chantir lo sa ang. bomb tenau a thlak ngei e. civilian pawisawilo tamtak in an tuar a a rapthlak hle. kha thil ah khan sawrkar laipui a thiam hauhlo. tuna an ni hman tur pawh khi a pawng apuiin ka thlawplo hauhlo. tuna an press release ang zawnga an tih phei khi chuan tha kati ve tho.
Amaherawhchu, tunhnu thlenga, vaiho chu.., india sawrkar chuan.., mizo kan nih vang.. tih phah vel nana hman leh hetiang rilru naupang zawk in an rawn neih chhoh theih natur zawnga sawi kher hi a trul tawhlo ka tia ni.
entirnan, bangali phakar zia an sawi hre tam chuan, phaia an awm pawhin bangali zawng zawng phakar tura ngaih nghal ngawt nate an nei thei.
March 1st, 2010 at 7:51 pm
Rambuai laia tharum hmanga “grouping” an han beih maih kha chu “crime against humanity” a tling pha hial lo vang maw.
March 1st, 2010 at 8:06 pm
Khatihlai khan kum 18 vel kan ni ve toh awm e. Chiang takin ka la hre reng mai. Sikulpuikawn chung zawnah hian thlawhna a lo thlawk rum rum mai a, kan hlau lutuk. Tawmbona kan zong ruai mai a, thlawhna atang khan silai an lo kap chur chur mai a, huan lamah kan tlanthla a, a then tanker chhungah an biru bawk a, kan vai buai a ni ber e. Kulikawn lamah lah chuan meialh a sen zuai zuai mai a, tumah reng inngaihsak hman pawh kan awm lo. Pu Laldika, khatihlaia kan sipai chhuanvawr ve ber pawh khan tihngaihna a awm loh hi, tiin ani pawh a tlan chhia a, mipui mangang aurawlte kha ka bengah a la cham reng mai, han ti mai ila, in awih awm..ha..ha
March 1st, 2010 at 8:10 pm
@funny sawi dik hle mai..
Vai sipai sual/hur tur a ngaih chu Mizo rilru ah chuan in thuh hnget ngei ni ka hria.. more over, ‘MIZOTE’ tih tawngkam kan hman na hi i chhut ve ngai m? entir nan MIZOTE hi chu kan rinawm lo ltk a/ Mizote hi chu nep/ dawih /huau huau lawm/mizia tak lo etc .. tam ltk sawi seng lo.. compensation Hnam tih ang chi te.. he tiang hian Naupang zawk hi eng tin tak nge a hngawng ang tih ka ngaihtuah ve nasa thin a lawm..Heng thu hre tam tu tunlai naupang hian a Mizo pui te eng tin tak hmu ang maw?A mizopui te chu tun a VAI kan hmuh ang hian a hmu ve mai lo ang maw? Tin MIZOTE tih sawitu hian Mi sual sawi nan te a hnam ang zawng in a hmer thin in ka hria.. (ka comment thui mah2 em. sory)
March 1st, 2010 at 8:10 pm
@LakherAnthur: Darzo khua hi kan khua a ni a, khaw dang panga nen South Vanlaiphai ah chhunkhawm anni. Mahni silh lai chiah changin an inlum zawng zawng hal darh vek ani a. He Khaw thar ah hian lungin tang ang maiin luhchhuah an khap a, ei leh intur an tlachham ta ema anthur rep chhum kha an nitin hmeh thin ani. A kum hmasaberin Darzo (Thingtlang Khua ve mai niin mihring cheng an tlem tih lo hria la) mipui 40 chuang riltam avangin an boral nghal pang a – Duh hun hunah a chhunga mi (Ramhnuai chhung ni a an hriat te) kha an man thin, hmeichhia leh mipa an thliarhrang lo. Ka Ni, tunhnaia boral ta leh, a U (A boral tawh bawk) Hmeichhia (A nausen thlathum pawm lai kha) man niin kum 2 chuang thubuai awm hauh lo in an tan tir. An sawi tak tak thin chuan ‘The Killing Field‘ nena a danglamna ka hre thin lo.
Khang hunlai khan ‘Human Rights’ hi Mizoten kan hriat ve loh avang ani chek ang chu, sawi leh chi nilo thilthleng a tam khawp mai. Brig. T. Sailo ka ngaihsan nachhan pakhat pawh ani e, he thupui kan hriat ngailoh rawn kenglut tu ani.
Vai sipai te hi ka hawlo, thupetu ina a duhdan an ti tluantling mai ani. Ka huat zawk tak chu Kawktu an tih, Mizo tho mahse sum tlemte avanga Vai laka an Mizo puite hralh duh tute, kha anni. Mahni duhdan kawng theuh a kal anni, mahse cheng tlemte leh hamthatna tlem avanga mahni Hnampui leh Zahawmna hralh duh mai te hi ka hua.
March 1st, 2010 at 8:13 pm
Gorkha pawh Chakma pawh tuikuk pawh kuklo pawh vote nei zawng zawng tan …………………hahahahahahahahaahahBurma mi pawh ,,,,,,,,Tel ve awi em? Mizoram day ah chuan hahahahah
Pu Hawla pawh hahahaah
March 1st, 2010 at 8:16 pm
#17 Bomb-in sangha kan vawm thin. Kan nu leh pa te’n Aizawl an bomb an tih hi ‘an bomb’ ngeiah ngai mai ang. Sangha bomb-na ai chuan a puak ring zawk hmel si a. Vansang atanga beihtham kan han ni reng2 hi a ropui ka ti. Lungawi loh chi vakah pawh ka ngai lo. Intihtheihna chi hial a ni lo maw?
March 1st, 2010 at 8:40 pm
Ka zawhna khi min chhang hram teh u, thildang hlir in soi mai
bomb nge bomb lo tih chu ?
March 1st, 2010 at 9:08 pm
An bomb. Air Force officer la naupang deuh, 1966 hnu zawm tih hriat ngawih ngawih te in biak chuan anni pawhin zah thlak an ti in khatih laia IAF thil tih kha an chhuang lo khawp ang. Lo bomb tehreng pawh nise, tun hnaia Jammu & Kashmir leh 1080s a Punjab vela an kut tuar tute tawrh aiin kan pi leh pute khan an tuar bik pawn ka ring lo.
March 1st, 2010 at 9:12 pm
https://www.defenceaviation.com.....eople.html
March 1st, 2010 at 9:15 pm
@Sony, Mizo IAS hmasaber kha Hmar Hnam ani, late ’50’s a tling ani, a dawtah ka Chipui C.L.Rema…1966 a IAF a lut chuan a luhna kum bakah a nihna leh a zirchhuahna han sawi se, ka Pa ka lo zawt chiang ange – Ani pawh hi late ’60’s a Geography (Hons), St. Edmunds College chhuak ani e, Mizo zinga he zirna penga hmu hmasaber Batch ani. Sarkari takin hepa ‘Service Book’ leh a ‘Pension’ na lehkha hi ka hmuchak ani…………………1966 a Wing Commodore maw, uniform ha ho ‘Promotion’ muan lutuk avanga hnathawk tur hmuloa an awm laiin ka Mizo puite chu…he he he…anni mai….A tlem berah ‘66 hma kum 20 aia tlemlo bera a thawh a ngaih hmel – UPSC hnuaia Direct Recruit anih chuan
March 1st, 2010 at 10:18 pm
Thil pahnih insaikalh buk chunga sawi ngai hi a hahthlak dawbawl,hriatreng loh a tana ka duh (mahse harsa si te)tlem a zawng le…
2/ Khulam sorkar in Arm force special act changchawi a mipui zawng an vai hma kha !mihring rinhlelh zawng chung a action an lak theihna khan -Khawhal te,nunau tihretheih,mipa zawng zawng sawisakte a lo huam reng em le?.lo zir chiang leh deuh awm se.
3/ Khulam in ANTI-CIVILIAN IDEOLOGY nasa lutuk mai hmang a khawkhawm (grouping centres)te siam a,eitur leh in leh lo buaipui tak tak si lo va Ran ang a min khalhkhawmte kha eng dan nge an hman ang aw!Grouping leh a kaihhnawihte tih research bei awm se la,hnam ro a tling ngei ang.
A hunlai boruakah len bo leh hriat lohna a vanga kan tawrh vanduaina hi Thangthar mithiam leh fing zawk te hian an tawng ve tawh tur a ni lo.India ram leh khawihmunah pawh hleng tawh lul suh se!
Kan rual ute tih fuh loh leh India Sorkar lo tih dik loh vanga tawrhna hi inzirfin nan a thangthar ten kan hman a,Ram hmangaihna thinlung diktak leh hriatna dik eng nen chauha a tha lamah ke pen turin duhsakna ka hlan e.
https://www.yale.edu/agrarianst.....sundar.pdf
(darzo hal leh grouping chungchang)
March 1st, 2010 at 10:26 pm
Zoram hi zalen han ni tak tak mai ila aw…!!kan dam chhung hi chuan kan zalen tawh dawn si lo….. poi eee
Funny thuken hi a tha em mai…. han chhiar chet chet hian a ril ru tlat… sem darh ur urah ka it!!
March 1st, 2010 at 10:36 pm
an press release hi a tha ka ti ta khawp mai, DUH2a Mizo mipuite kan bum theih emaw ti ang hrima thu dik chanve nena chhuah aichuan, heti zawnga hriat reng an ti hi chu ka pawm zawng tak a ni ta tlat mai.
March 1st, 2010 at 10:48 pm
@darchhunval
I link dah chu ka chhiar ka la chhiar leh ang. Thanks for the link
March 1st, 2010 at 10:53 pm
Russia atangin nuclear bomb lei ila, silchar zuk bomb ve ila aniang chu hahahaahahah NOI fiamthu
March 1st, 2010 at 10:57 pm
A tha e ti zel rawh se, ” Zoram Ni ” kan hmang tur hi a lawmawm khawp mai. Political party thar thatak lo pian chhuah belhna tur pawh a ni mahna….
A tirah kha chuan kan tangrual ngei mai, India khan min rawn run a, Aizawl khawpui pawh, lirnghing in a sawi ang deuh thaw khawpin a sawprawp a…Bomb leh silai hmangin min rawn bei a….mipui a thei thei chu ramhnuai lamah kan in thiar bo zo va….khawpui leh khawte…khua hrim hrim chu a ruah hian a ruak huai a nih kha. A fing deuh ho lahin anlo hausak hluai phah bawk a ni awm e..
Silchar tlang dungah sipai an lo lut chho a, anlo thlen chhohna a piang khua, an hal loh leh an rawk a. Tlan chhe ve lo kan nih avangin, kan awmna khua an lo thlen zana, kan awmna chhak kawngpui hrul a dawr kawngka an chhu hawng a, dawr chhung thil an han suasam (rawk) vel thawm kha chu theih nghilh a har khawp mai.
A hnu lamah kha chuan, Fighter rawn hmang tawh bik lovin, lei lam ah kan in tawng chho ta zel a, MNF lam chet thatna chanchin kan han hriat chuan kan lo lawm ve hle thin.
Hun alo kal zel a, mipui tan alo buai thlak chho ta, sipai lamin khawchhunga an mipa hmuh hmuh an man a, an dawp a, ‘kawk-tu’ ah te an hmang a. Hmei chhia an hmuh apiang lah an ’tisa chakna hrik thlaknan’ an hmang zel bawk a, kawktu thenkhat lah volunteer lam tan ‘hnar a hlit awm’ ang mai anlo ni ta, Mizo leh Mizo mahni ila, in phil alo ngai chho ta, Sipaiin, kawktu atana an hman thenkhat te phei kha chu an chaldar a verh te alo ngai ta hial a nih kha…chu bakah thik thu a lo chhe chho zel a, MNF ve lo deuh kha chu, “Volunteer lam in – chu mi chu zan ah mit tuamin an hrai chhuak a an that” tih thawm a awm zut mai bawk. A va han thlamuan thlak loh tehlul em…zan a thawm nei mang lova, kawngka rawn kik an awm phei kha chuan laltin (khawn var)herh hniam a reh thap thap (bih ruk thap)kha a kawng awm chhun alo ni ta. Sipai lam chauh khan min rik-rap a ni tawh lova, keimahni Mizo leh Mizo kan in rik-rap leh ta zel a nih kha.
Khan zawng zawng kha hriat reng tlak a ni teh meuh mai…mahse “HRIAT RENG DAN” tur feltak, fimkhur-tak a kan duang a nih loh chuan, thenkhat tan a, ‘thu – mu- hnu’ lo tho leh-in, Mizo te in lungrual lohna ala thlen chho mai ang tih pawh a hlauh awm thei mai a ngem?
Ti daih ila, ‘thil ho te’han in zawt ta mai mai ila, khual lian atan kan CM zahawm tak te hming ava lang lo em? An thlawp vak lo nge? an hman lo le?…misual awm tha duh lo fing tak tak, thil hre tak tak zingah khan hria kan awm mial lo maw?
March 1st, 2010 at 11:11 pm
Pu hv, thangthar ho hi an lo va indian tiah2 ta ve, an rilru ngaihtuahna nen lam!? Heng ho hi “Mizoram hian india lakah zalenna lo nei ta ila, engtinnge kan nun ang?” ti a dawihzep dui ho an ni tlangpui leh nghal. Ka chhanna chu ; Mizoram hi India lakah lo zalen ta ila tun ang mai2 hi kan nilo ang, tun ai hian kan changkang fè ang!
March 1st, 2010 at 11:11 pm
Ka tawn hriat ve te; kan khua tum hnih min hal sak a kan in hi fighter in min kah alh sak a kan chhungin kan huan mawng puk ah kan tawm(tlanchhia)sipai kalliam hnu ah kan in chu meivap mai alo nita mai. zan ah eitur nei lo in mei alh ka en ringawt mai, thawmhnaw pakhat mah kan la chhuak lo a theihngilh chu a har duh khawp mai tun tlengin kan in hmun ka la luah thei lo a. India sawrkar hian a citizen te hi hetiang hian hmundangah ti ve maw?
March 1st, 2010 at 11:31 pm
2008 Zoram Ni-a MZP banner hi Mizotawngin han let chhuak teh u-
https://img522.imageshack.us/im.....jy2dx8.jpg
Let India lingers “Apology is must” upon bombing of innocent Mizos in 1966
March 1st, 2010 at 11:37 pm
hiho, ka thlawp e.
I@PR Auditorium a remchan loh thu lo lang tel khian kan rulling party te rilru tur min ngaihtuah tir.
March 1st, 2010 at 11:56 pm
samuelapa, ka letling thiam lo tawp mai kei chuan, midang khan han tum teh u.
“Let India Lingers” tih hi chu India damreng rawh se tihna angah ka ngai deuh ngawt a!! mak ka ti viau.
March 2nd, 2010 at 12:05 am
Chawnghilha thiam chi a nih ka ring
March 2nd, 2010 at 12:36 am
“Pawisawilo Mizo an bomb avanginn ngaihdam an dil tur ani! hei hi India in hre reng rawh se” tihna a ni ta ve ang!
March 2nd, 2010 at 1:12 am
Heti zawnga in ngaihtuah zel dawn anih chuan heti hian ti ila mawle, Pu Laldenga a boral tawh si a, pu zoramthanga hian kan mizo pui ngei pawisawilo MNF ina rawng taka an thah te, hrawka zai hlum tihvel chhungte lakah lakah tal khan tihtakzetin hemi ni ah hian ngaihdam dil sela a tha ang chu. mittui tla zawih zawiha ngaithlatu tur ala hmu nual in ka ring.. Pu zoramthanga’n nui sawng chunga an underground lai chanchin a sawi khan, nuihza ve miahlo an awm in ring em??? a hrawka an zai hlum chhungte khan, zai hlum tura thupetu kha, hrawkna talin thi se anti vetho angem???
ka sawi duh zawk chu, khatih hunlai kha a rapthlak in, thlawhna a beih kanni khan rilru ala tina reng, amaherawhchu kan ngaihtuah telve tura ka duh chu.. kan mizo puite ngei kan tana nunna chan huama bei inti tekhan kan mizo puite ngei pawisawilo kha rawng takin an thah hrehloh chuan, eng ang takin nge maw kan hnampui pawh nilo chu zahngai tura in phut le… A diktak chuan Vai sipai ho khan, khaw tamtak ah MNF ho tranpuitu civilian an awm tih an hriat avanga khua tekha khawm thrin anni zawk. kan MNF vethung tekha chuan engmah an hriatloh pawhin kawktu ina an kawh tekha chu thudik pawh zawnchhuah tumlovin rawng takin an that hmiah hmiah zawk asin.. Vai sipai ho chuan, khaw tamtakin underground ho an pui tih an hriat pawhin, pawisawilo thah an duhloh avangin anla dawp tal zawk asin… MNF vethung chuan dawp pawh awmlovin an that hmiah hmiah a, chutianga kan hnampui te zawk pawhin an thah hmiah hmiah chuan, kan hnampui nilo zawk chu eng ang taka zahngai turin nge maw in beisei le.. tuikuk helin mizo pakhat an thah avanga tuikuk ho nuai chimih duha, “tharum chu tharumin kan chhanglet ang” tihte, “tuikuk ka hlaulo” ti vetho tekha kannih chuan in justify tur kan awm bik angem aw…
ps:
kala sawi zolo nasa lutuk, thesis chapter khat daih fact and figure sawitur kala nei, personally pawhin ka kawm hnem mai, mi tamtak rilru ala nat avangin hetiang thil hi sawi chhuah a nuamlova ka sawi duhlo mai mai ani.March 2nd, 2010 at 1:19 am
vai ho awmdan ringawt hi kan politicise dawn anih chuan mizo kan nih avangin mizo ah kan biased sa tihna ah ka ngai
kan mizo puite underground ho chet dan tekha politicise ve law law ila..
khatih lai situation kha eng ang takin nge kan hriat chian hlawm ang aw… MNF ho khan India opponent ber china leh pakistan an thawhpui a, Pu zoramthanga’n, Pathianin kan tawngtaina a chhanga, china in cheng nuai khat min rawn pe a.. atih tekha.. awi awi, china ram khan an oppnent ber India a buaina siam tur annih avangin sum leh ralthuamin an tranpui chak ngawih ngawih zawk asin.. Pathian malsawmna ani angem???? china ramin an bawl mai mai niin ka hria..
by the way: khatih laia bomb hlau a thlabar taka tlanchhia nge, thiamthu sawi hman miahlo a MNF ho ina rawng taka an thah chhungte ho tawrhna kha nasa ang aw…. dawt a an puhna leh thiamthu pawh sawina hun pek annih loh avangin lunglai ana tel tlat ve tho asin..(hetiang ho mizo mipuiten kan tawrhpuilo leh kan hre changlo hi a pawi kati hle..)
March 2nd, 2010 at 6:30 am
#48 Funny ziah chu ngaihtuah a ti thui hle mai.
A hrim hrimin MZP hi an huang lo chu an nawr zel niin a lang. “Zirlai pawl” inti lovin hming dawng pu tawh se ka ti, kan naupan lai atang khan “Zirlai” in an hruai ngai lo, political ideologists (ka ti mai dawn mi?)ho rorel ni maiin ka hria. A tam zawkin kan lo hmuh dan chu – “strike huaihawttu” hi a ni mai a sin.
March 2nd, 2010 at 6:40 am
Ka hnar bur bur hlanin min lova ching let nasa deuh ve … “chutia tihna chu a ni ber lo’ng maw?” tih a nih chak chak hian —a awmzia a hausa duh ber zel.
Saptawng thiam (dangnal satliah ni lo)-in a phuah ngial chu a nih khi le! “Han sawngkhawm dawn ngial” mah ila —ka thiam chuang bik lo!
MZP hi 1974 khan “an awm” tih ka hre ve chauh … a hmain ka lo hre ngai lo, ka zirna sikul-ah kan hre ve pha lo! Mawl heh heh tak ka ni. MZP pawhin an rawn thleng ngai pha bawk lo!
March 2nd, 2010 at 6:52 am
@funny-a nen kan rilru ava ing ang ve aw, a sawi te hian han sawi thiam ve ilang chuan a bu ka siam ang! Khawngaihna nei lovin khawngaihna kan beisei ang vel ani! Vai leh Tuikuk pawng paw huat ringawt hi MZP thil tum a nih bik ka ring lo (nge a lo ni zawk), ka ring phal lo bawk, amaherawh chu thatnain sual ngam tumna tawngkam MZP atang hian kan hre ngai tawh lo ve
March 2nd, 2010 at 7:49 am
Kan sawi hnem ta malh malh hle mai. Ti zawng hian i han ngaihtuah ve chhin ang u hmiang. MNF leh vai sipai vanga tuar hlir mai leh thlah kal zel te kan ni bawk a.
Zoram Ni a he March ni 5 bomb ni kan hmang tlat mai hian tuhrah tha tak a chhuah ka ring ve miah lo mai kei chuan. Thil kan sawi dan atang hian he thil hian kan Indian puite nen a in unauna lam aimahin ‘revenge’ lam ah min hruai tlat mai a. Vai ngalsin a tangin kan tan leh ringawt tawh mai zawng a nih hi. A politics mah mah deuh lo maw?
A tum chu chumi khami chu ti eng ang mah se, mipui te rilru ah kha hun thim khan hriatrengna thalo lam zawk min hriat chhuah tir zawk lo maw? Independence Day, Republic Day etc etc kan hman chuan a chhan kha atha lam a ni zel. Mah se keini chuan Zoram ni ah kan lungaih ni kan thlang leh ta tlat mai le.
In ti ve em? Kha tih hunlai thlir khan, vai ho zawng zawng sual aimahin politics a inrawlh thuk em em a. Indira han inhrosa vel khan a hnuai mi te tan chuan ‘Kal mai teh’ tihna ang chauh a ni dawn lawm ni? Thu an zawm a ngai tlat a ni. Pu Thena ngei pawhin jail bang a zut rawp rawp mai kha. MISA dan hmanga lungin bang an zut lai khan, keini hruaitu te chauh lo pawh vai hruaitu tam tak in lung bang an zut a nih kha.
Kha hun ka ngaihtuah let leh khan kei zawng India ram opposition leaders dang te jail atanga an chhuah ur ur tawh hnuah pawh keini hruaitu ve te kha chu an la tang tlat a. Khatih hunlai a UT sawrkarna chelhtu te khan chhuak lo se an ti tlat a ni lawm ni.
Vai ho khan min thah chimih barh an tum ka hre thei lo a, ka pawm thei bawk hek lo. Jet fighter an hmang a nih kan hai lo. Kha ni kha kan lungngaih ni a ni. Hlimna ni a ni lo. Thil tha lo hriat reng kan tum talh chuan mi beidawng awmkhawm kan ang dawn tlatin ka hria. Hawh u a englam i thlir ve i la. Thil hlui te i kalsan ang u hmiang.
Kha tih lai hun kha heti zawnga kan in remind reng dawn chuan kan rohlu neih ve chhun kan lehkhabu rohlu neih ve ang chhun chhun te dahna tha kan la neih ve chhun min halsak tu te kha vai ni loin Mizo ngei an nih kha. SPecial Force hming a politics inchirhthehna hmanrua a hmang tu te kha Mizo ngeite kan nih kha. Khang te kha hriatreng tlakah kan ngai lo nge ni a, thudik hailan tumna kan neih der loh. Khatiang thu hla ah te khan thutak hriat a hun ve tawh tho lo maw?
Kei misual hian March ni 5 hi Zoram ni ah ka pawm ve thei lo tlat mai!
March 2nd, 2010 at 7:52 am
mzp chuan lo hmang mai mai teh se, ka thlawp hlawl lo.
hnehloh tur tih hriat sa tharum hmanga zalenna an sual avanga kan tawrhna zawng zawng ka ngaihtuah a, keichuan mnf thiltih kha engtik lai mahin ka ngaidam ngai lovang.
March 2nd, 2010 at 10:12 am
Tichuan (i han ti zel teh ang) India Sipai an hlauhawm rual rualin, MNF pawh an thlamuanpui awm ta bik lo.
A tirah chuan, Lal duh avanga Independence sawimawi leh sawi awlsam in, India (khawvel a sipai ngah ber dawt tu) hotu ten min do pui a, kan tangrual viau a nih kha. Chutih rualin, kan kal phung diklohna leh a thalo sawi lang kha chu…mithi khuaah kan intir ta zel bawk a. Independent ta chiah ila, kan kal phung chu a dictatorship viau mai awm e.
Mi thil hre deuh leh thlir thui deuh te kha chuan, kan hlawhtling dawn chuanglo tih hria-in, hun leh tha sen thlawn ai chuan tin anlo inlam let ta a…tunah chuan ‘vangvat kai leh kailo’ te kan lo inti ta zel a nih hi.
A tirah chuan MNF Volunteer leh India an indo a, MNF lam an che hmasa a, India a rawn che ve ta a nih kha. MNF volunteer lam in mipui te an sahimna lamah min tawlh bo san a, a thei deuh te kha chu ,foreign ah an awm in an fate School tha ah an dah hman zel an ti.
Tichuan mipui chu thlavang hauhtu neilo anlo ni ta…inti vangvat kai ho hian, an mahni buaina chawh chhuah avanga, Guwahiti (Gauhati) jail te, Nowgong Special Jail etc. a lut ho te kha inchhuan khum tur a ni bik lovang.
Tun hunah pawh hian, Zoram Ni kan ti ta sa sa, rambuai avanga Sipai man zawng zawng te kan in ko khawm kim theilo a nih pawhin, Jail bang zut ho tal kha in ko khawm kim in, Mizoram Freedom fighter Special Award te pek ni se.
Tin, MNF kut tuar a thi te chhungte hnenah thupha chawina leh zangna dawmna engemawzat te pe ve se, lemziak thiam lawmman sem tih ai chuan rah tha a chhuah mai awm e…te ka ti ve mai mai a.
March 2nd, 2010 at 11:28 am
tichuan min bomb ta em ni? nge bomb lovin min kap ?
March 2nd, 2010 at 1:43 pm
Khatih lai khan kan la naupang hle…..mi sawi mai ni lovin, keima mit ngei a ka hmuh ve dan….Aizawl (Aijal) khawpui chung boruakah Jet Fighter pahnih-hian, rawn bir (dive) phei pahin, Aijal khawpui (dawrpui phei vel leh a piah deuh thlengin) chu an tlir phei char char a, an tlir tur an tlir zawh hnu ah, van sang lama in vawrh chhoh pah-in, thil mum an thlak a…chumi thil mum chuan lei a thlen-in….B..O..M..B a ti a(a rik dan)a tlak na bawr vel a alh sen zuai thin a…..chu chu keini naupang la hre ve lo leh hmu ve ngai ta lo chuan Bomb kan ti.
Chaltlang field sir ah khian lungphun a awm thin a, chuta tang chuan hlauhna chang hre lem lovin kan thlir a, a mawi kan ti nasa mai a. Mahse chutia hmuhnawm ti tak a kan thlir lai chuan, mahni nu te theuhin min rawn kai haw ta dawr dawr a…khamlo takin kan tin ta a ni.
March 2nd, 2010 at 1:48 pm
India chuan min rawn bei a, min rawn BOMB ngei a lawm.
Mahse, German hovin Juda hnam an suat dan te kan hre fur awm e. “India in Mizo hnam min nuai chimih tum” kan tih ve ngawt nen chuan a in anglo deuh…kan sawi uar deuh mah mah ni in alang.
March 2nd, 2010 at 2:00 pm
@54 sisen
i hau na mah2…insum teh khai:-)
March 2nd, 2010 at 2:50 pm
@funny #48-49 KAWK-TU leh A-DUM-PAWL i sawi kai dawn… Shhhhhhh
Dt 5.3.2010 a Central YMA Hall, Tuikhuahtlang hmeichhe kal zawng zawng in Rambuai lai a pawngsual duh loh entir na’n, ngawi reng in Minute 1 mahni ta theuh hup vek tur!
March 2nd, 2010 at 3:53 pm
La chhiar ve lote tan ngaihnawm ve mai mai chu -
Aizawl Burning