Hmangaihna kan khel rei tawh bawka hmangaihna lampang lo deuhah i kai daih teh ang. Inngaizawng te pawhin an duhloh, innei tawhte pheichuan an duhloh em em chu midang lo kawp hi ania, mihringpawn in kawp kan duhloh chuan Pathian hian ama rawng kan bawl chuan rinawm taka a rawng kan bawlsak a duh/phut ngei ka ring. Sual hi thliar dan chiah k thiamloa, thenkhat tan chuan kuhva ei ringawt poh hi sual anithei, sual anga kan dah thin ti tawp teh ang, zuk leh hmuam, tualthah, thil ruk leh eiruk etc., te hi an ni tlangpuia, chuvang chuan he post poh hi keima ngaihdan ani boka heng denchhan hian ka’n ziak mai teh ang.
Zu in mi chuan a in nachhan a sawi in sual em em ah pawh a in ngailo maithei, rukru pawn a chhungte, nupui fanaute chawm nana a eizawnna ti in a inthiam viau maithei, chutiang bawkin hnathawhna a eiru te pawn chhuanlam leh in justify na an nei ang, sual angah an in ngaihloh phawtchuan sual angah chhiar sak ta lo phawt ta ila mahni tawkah fel intihna chu kan nei theuh si a, mahse ti teh ang, kha rukru khan zu in mi chu sual lutuk angah a ngaitheia, chutiang tho chuan eiruk hmang leh zu in mi pawn rukru chu thil ti sual ngawih ngawihah an ngai thei, mahni ina sual kan tihloh hi midang tan chuan thil sual viau alo ni theibok sia, mi ngaihdan leh mi ina min hmuhdan ngaichang renga kan nun kan hman dawn chuan keimahni nihna mahni personality leh principles pawh kan neidawn lo ani maw.
Heti lamah hi chuan sawi thui lo maiteh ang (next post atan) ka vei em em zawka chu nitin maia kan tih ngai ti renga Pathianni alo thlen hian, engmah thiltih sual nei miahlo awmfahrana kan inkhawm thei leh dial dial hi Mizo te kan fakawm na deuh mai ania. Weekend alo ni a, thenkhat chuan zu in pawh pawi an ti lem loa, a thing rim nam hum hum in an inkhawm leh hmiaha, eiru te pawhin an eiruk atanga sum an hmuh chu Pathian ram tan ti in kohhranah an chhung khawm a, kohhrana a puipa te an niduh chawk, tin kohhran hruaitu te pawn an eiruk atanga sum an dawn ani tih hrereng chung pawn an pawm sak leh mai zel bawka.
Rawngbawltu emaw upa leh hruaitu dangte pawn an sual na thukru in pulpit tlang atang pawn thu an sawi leha, thalai ahte hruaitu leh active member an nihna an bansan chuanglo, kei chuan hetiangah hi chuan ngaihdan te hi k neive a, Pathian leh sual rawng k bawl kawp theilo tlat ti in, ka inrawlhlo lo lo mai. In ngaihdan chu nilo viau maitheia mahse sual anitih hrereng chungin k tireng thosia, sim pawh ka tumhrih em em loa, in tan chuan sual ka intihna hi sual em em ah pawh in ngaikherlo maitheia mahse kei hian sual angah ka in ngai miau sia, Pathian rawng ka bawl dawn chuan ka sual sim ka la ui deuh bawksia, mi min ngaihdantur pawh dawn lovin, Pathian nena kan inkar zawk ani ti in, inkhawm te pawh ka inthlahrunga, Pathian hi ka zah in k tih ania, ka mamawh hunah pawh tihtakzetin ka tawngtai thin amaherawhchu, a biakin thianghlimah chuan ka sual ka sim hma chu ka inkhawmloin, a rawng ka bawl lo ang ka ti a, tun thlengin ka la chhunzawm zel chu anih hi.
Nikum February thlatir khan KTP zaipawl conductor pakhat hian pawisa puk min dila, wallet a tihbo thu leh kohhran ip ah pawisa a thun duh thu min hrilha, a karleha pek a intiama, conductor miau te anisia ti in ka lo puk tir ve mai a, vawinni thleng hian minla pe let lo chu anih hi, tam tham chu nilo mahse anihna nen inhmehlo ka titlat. Zaipawl chu a la vai zai zel chu ania, chutiang deuh tho chuan ka nau in kohhran upa pakhat hi bazar ah cheng 100 alo puktira, inah ka lo peleh maiang che a tia, chupawh chu vawinni thleng hian kan in a la hmu zolo aniang, ka hmu ngailo re re, kei biakina kal ngailo ta chu:-)
Sawizel ava chak awmve mahse ka’n insum hram hram teh ang, ka sawitum tak chu a chiang tawh thoin ka hria, heng mite avang hian mi tamtak hian (anmahni hrechiangtu te pheichu) kohhranah an tuiloh phah ngei ka ring ani. Ka inkhawm ngailoh hi justify ka tum vang pawh niloin mahni nihna anga lan ngam hi a tha lo maw? Sual rawngbawl reng chunga Pathian rawngbawl ilo ni ve reng em??? Han inngaihtuah chiang teh, Pathian hi a zahawm asin, a thikthu pawh a chhiat ka ring, ka lakah hi chuan tlem chuan a thikthu chu a pe na lo deuh ang chu te ka tia… ama rawngbawl inti leh sual nena a rawngbawl kawp ho thin te aichuan 
Similar Posts:
- What can I do for my dad?
- A mal malin chhiar la
- Kohhran leh politics
- Enga ti zia nge ni ta aw?
- Eiru Piangthar
April 7th, 2010 at 8:04 am
Tumah hi kan tha/dik famkim bik lo va, Kohhran rawngbawltu leh Khawvel lam rawngbawl kawptu hi chu an ngeiawm leh zual bik a. Kohhran pawh hian a theih ang chin chin chu a phuarin, a khap tho va. Amaherawhchu eiruk pawisa hi chu Kohhranho lo thliarfel chi pawh a ni chiahlo. Kohhran chuan eiruk a duh lo va, diklo taka sum lak pawh a duhlovin, a do zawk ngei a. Chu chu mipuite hnenah a hriattirin, a hrilh bawk a. Chumi hnua rawn thawh an awm anihh pawhin a thawhtu mawhphurhna a ni zawk tawh lom ni.. Proof-na (evidence or document) a awmlohte chuan Kohhranin chutiangin a eiru tiin a hnawl ngawt thei lo.
Rawngbawltu, kan eiloh leh khawvel lama tlan ve ang reng, kan hriatchiante avang hi chuan Kohhranah hian kan tel phur lo fo mai a. Hei hi Mihring kan ni a, mihringah kan tehlo thei bawk lo va, a buaithlak lai tak chu a ni ve reng reng. Pathian leh Khawvel rawng a bawl kawp chuan a thawhrah/lawmman Pathianin a phu tawk a la pe dawn tih hi hre chiang phawt ila. Tin, kawng lehlamah Kohhrana kan tel leh telloh hi kan mihring puite kan tehna atang teh tur a ni lo tih hi kan hriatchian a tha khawp mai. I pathian, Lalpa, Isua Krista avangin leh Amah ringtu i nihna avangin Lal Isua hnung zuitute kan nih avang zawkin Kohhran ah hian kan tel zawk tur a ni.
Kohhran thatlohna leh diklohna te chu keini mihring vang chauh hi a ni reng a, he lei Kohhran leh Van Kohhran a inzawm hma chu 100% chuan a felfamkim thei dawn chuang lo. A thatlohna kan hmuh leh kan hriat hi a tha zawngin hmang i la, Kohhran i siamtha duh a nih chuan a chhung atangin nangman siamthat tum la, khawvel mi tak rawngbawltu i hmuh chuan Khawvel bawlhhlawh kailova rawngbawl dan kawhhmuh chu i mawhphurhna a ni tih i hriatchian hunah hma kan sawn chho zel ang.
[Report abuse]
April 7th, 2010 at 9:07 am
@Zephenath: I sawi tha hle mai….,ka pawm zawng tak a ni.
Duhdan leh ngaihdan hi mihring hi chuan neih ve a nia.., Thafamkim kan awm bawk silo, kan inteh a, kan tehna ngai bawk khan min minrawn teh ve leh thin a.., nun hi chu a chang hi chuan a buaithlak na lai te hi awm ve nia. Mihring ve mai kna ni si a.
Engpawh nise, lum leh luma vawh leh vawh mai hi chu a thei tan chuan a tha ngawt ang….,
[Report abuse]
April 7th, 2010 at 9:11 am
@rdchhangte: thank you
[Report abuse]
April 7th, 2010 at 9:23 am
Ziak tha a…chingfel harsa tak erawh ani ta.zoramah hian bu hngettak in a khuar tawh si a..
“Christian na leh kohhran kawra hmanga,mahni hmasiala rawngbawl tute Lalpa hma ah chuan anleng ve lo”..
[Report abuse]
April 7th, 2010 at 9:45 am
Zu in hi kei chuan sual ah ka ngai ve thei mauh lo mai le.Khawilai Bible ah mah a inzaik lo mai le.
[Report abuse]
April 7th, 2010 at 10:02 am
He post chu, Pu J.Malsawma thu ziak ‘Lungawina’ tih kha min tihre chhuak zawk mai. …. ka khawlai kalte hi Suangpuilawn ban tum ang hrimin kal vawk vawk mah ila ka lung a awi tlat chuan tunge sawi thei……, a tih kha. Rinna hi keimahni taksa leh thlarau tan a ni. Midang kan rinkep thei lo. Mi rawngbawlna kan duhkhawp lo a nih pawhin keimahni kan pawimawh zawk tho. Diktakin tunlai a kan rawngbawltu tam takte hi chu Pathian rawngbawltu ni loin Kohhran rawngbawltu ve mai an ni. Dear gail chawtak khuka khuk pui theih loh chang te chu a tam a lawm. Nangmah leh Pathian inkar zawk a pawimawh. Kan ti ve duah teh ang!!
[Report abuse]
April 7th, 2010 at 11:01 am
Zu hi ka in tawh lemlo nangin a sawisel tu hi mi phunchiar leh misual ah ka ngai ve tawp. Tui in sawisel mang si lo a, midang thil in thin lo sawisel fo mai, kan in veloh apiang kan sawisel dawn tihna em ni, tui pawh in tam chuan lu ana bur thei mai ani hleinem, taksa pawn ahua asin.
Zu hi intam loh chuan a pawi lova, chutiang bawk chuan tui pawh a ni tho. A tawk choh a in a taksa tan a tha thei, in tam a tha lo tamtak thlen thei an ni ve ve.
Tui in tam that lohna:
https://today.msnbc.msn.com/id/6929115/
Tui pawh hi in bik lo ula, Sangha intihna thli a ni asin
Do not drink water, fish f..ked in it. hairehai
https://i39.tinypic.com/rum9t4.jpg
[Report abuse]
April 7th, 2010 at 11:11 am
Ka nupui nau nei Durtlang hospital atangin khul chhuah a ngai tiin, ka thawhpui pakhatin hlawh ka lak niin 750/- puk mi dil a, a buai em avangin hlawh a la lak hman loh thu min hrilh a, a tuka hlawh a lak veleh min pek leh tur thu min hrilh a, khatih lai khan 750 chu ka hlawh zawng zawng hmun thuma thena hmun khat ani. kan inhmuh a ka dil pawhin chhuanlam a siam ta ziah a, thla li an ral leh hnuah chuan, ka hriat lovin a hna chu a lo bansan a, missionary turin a kal ta daih a, a inhmeh lo ve khawp mai! Missionary tura a inpek takah chuan tiin, ka dil zui ta bik lo!
[Report abuse]
April 7th, 2010 at 11:21 am
“We are all as an unclean thing, all our righteousness’ are as filthy rags.” – Isaiah 64:6
Kan thil tih that a kan in hriat avang hian Pathian mit hmuhah kan dik phah lo. Kan thatna lai ber pawh pawnchhe hnangkhai ang mai a ni si a. Thiltih a vang a chhandam in nilo, chuti lo chu mi in an lo chhuang dah a nge, tih te pawh ziak a nih kha.
Fel leh tha, thianghlim ta riau a i in hriatna lai tak kha paihthla rawh. Zu i in loh a, zuk leh hmuam i tih loh khan Pathian mit hmuhah chuan zu ngawlvei ai a i thianghlimna bik pakhat mah a awmlo. Mihring ka a lutin mihring a ti bawlhlawh silo a, mihring ka a tang a chhuak zawk hian a ni ti bawlhlawh ni. Ka a lut chu pumpui in a pai tawih vek tih i hrelo em ni? Mahse ka a tang a chhuak chu a nung reng si a.
Chuti chuanin Bible i chhiar reng rengin chang khat chauh kha la vung bik suh ang che. A whole passage kha chhiar chhuah ngei tum thin ang che. Chang khat chauh kan lak vung dawn chuan, Bible hian Zu(Wine) in turin min ti a sin. Mahse chang dangah chuan Zu(Wine) rui lo turin min ti ve leh tho a sin. Bible thu reng reng nangma hriat thiam danin pawm ngawt suh ang che, Bible ah vek khan a sawifiahna zawng thin rawh.
God bless
Alejendro Chhangte
[Report abuse]
April 7th, 2010 at 12:01 pm
@Zephenath #1, Amen!
@Maisek, chu Missionary chu a BAin a thawk a nih chu!!
[Report abuse]
April 7th, 2010 at 12:14 pm
@gail, mifel leh sual neilo chauh hi Biak ina inkhawm tur leh Pathian rawngbawl tur ni ta ila tumah inkhawm tur kan hmu zo lo ang a, rawngbawl tlak tumah an awm hek lo vang.
Lal Isua kha he khawvela a lo kal khan mifelte lam tur ni lovin, misualte lama chhandam turin a lo kal a, chuvang tak chuan chhiahkhawntu leh nawhchizuarte thlengin Amah kha an bawr a, Amah kha an mamawh tlat avangin.
Nang pawh midangah buai duh suh. MAHNI te mai hi a ni pawimawh ni. I fel leh that hun chauha inkhawm leh rawngbawl tum i nih chuan tun bak khan hma i sawn ka ring vak lo. Fel lo chung chungin, kan sual ang angin Pathian rawng hi kan bawl lo thei lo va, chutia a rawng kan bawla Amah kan hnaih fo chuan kan fel lohna te pawh AMA felnain min thlakthleng sak zel thin zawk a ni. Kristian nun hi NI TIN inzir zel nun a ni e. Tumah fel kan awm lo. Teh tling kan awm hek lo.
Chutia ka sawi rual chuan Pathian leh sual rawng hi i bawl kawp zel ang u tihna a ni miah lo! Kan tlin lohna ang angin PATHIAN rawng bawl zel ila, tichuan “Min Tichaktu Krista” zarah keimahnia sual awm leh sual rawngbawl duhna thinlung chu hnehin a awm telh telh zawk dawn tihna a ni zawk e.
“A kim lovin kan hria a, a kim lovin thu kan hril bawk thin a ni. A famkim a lo thlen hunah erawh chuan a kim lo hi tihban a ni tawh ang”. (1 Kor. 13:9&10)
[Report abuse]
April 7th, 2010 at 1:29 pm
Sual hi enge? Zu hi sual a ni em, ni lo em? Zu hi a mah ngawt chuan sual a ni lo, ahmanrua mai a ni. Amaherawhchu keimahni suala kan awm avang zawk hian kan lo in leh mai thin zawk a lo ni, chutiang bawkin rukruk te etc etc.
Kan Kohhran hruaitute, kan Thalai hruaitute kan han teh a, kan teh tling zo thin lo. Mihring kan ni a tumah hi Pathian hmaah tling zo reng kan awm lo, chuvang tak chuan kan Lal Isua krista kha kan tan tuarin, thihna hnehin a tho leh a nih kha. Kan tlinna chu kan inkhawm vang te, KTP, TKP, SAY vela kan imhman vangte ni lovin, kan tan thi a tho leh Kristaah zawk a ni.
Chu tlanna chu a ni, Pathian faka chawimawia, a Kohhran hote zingah a kul a taia kan inhmanna chhan tur zawk chu. Kan sual ang angin, kan fel loh ang angin, kan tlin lohna zawng zawng nen Pathian hmaah tlu lut tawp ila, chu chu kan chhandamna tur zawk chu a ni. Ka fel hunah, kan upate an that famkim hunah, kan thalai hruaitute an ka lungawina zan an nih huanh ka inkhawm ang tih lampang a ni lo. He hun hi chu he khawvel awm chhung hian i nghak thleng lovang.
[Report abuse]
April 7th, 2010 at 2:55 pm
Gail chu i post tha rual rual in, i ngaidanah tak hi chuan tun tum chu ka thlawp lo mai ang che. Khawvelaah hian tumah mi fel tak reng a awm lo,kan sualna kan va chapo pui lam ni lovin,Pathian chuan kan sual chung chung pawn a biak in a inkhawm tur chuan min duh tho. chuvangin nang pawh i sual emaw i fel emaw a theih hram chuan Sunday apiang chuan lo in khawm ve thin dawn nia.
[Report abuse]
April 7th, 2010 at 5:51 pm
@Kork, a post tu hian a duh fir ve ni mai lom hehe…hei hi chu mihring in a kan ngaihdan ani mai in ka hria.
Kan kawmthlangpa pawh hi inrinni tlai ah chuan kal tha hleithei manglo khop in arui thin ania, mahse, sunday inkhawm chu athulh ngai miah lo thung, kal kim lawmman ala ziah tho!!!
[Report abuse]
April 7th, 2010 at 9:03 pm
Misual hian Pathian zahngaihna a dawn tirh chuan sual pawh a ngai zam thei deuh mahna.Mahse miin Pathian a hriat chian poh leh a duh fir tawh mai dawn a ni
A ma lamah chuan thilengkim tih a thiang tih hre mahse a tha kher lo tih a hre kiau bawk 
[Report abuse]
April 7th, 2010 at 9:20 pm
va luangliam hlawm ve. sei hlawm hle mai. ::lol::
[Report abuse]
April 7th, 2010 at 10:06 pm
Pawisa puktu in va tawng mak thei hlawm ve aw. Ka thil hlauh em em chu, mi pawisa ka puk anga, ka theihnghilh anga, annin an sawi hreh bawk si anga, ka rilru lo deuh min put tir ang tih hi.
Sual thu te Fel thu te chu thlarau atanga hriat fiah chi ani.Sawi vaka fiah chi pawh ani lovin ka hria.
[Report abuse]
April 8th, 2010 at 1:44 am
mahni ngaihdan te2 neivek kan ni hlom boka, keichu kan t leh keuh teh ang, hetia k om hi k rilru a nuam zawkin, inthlahrung lo zawkin Pathian k hnaih k ti asin, new year ni khan ka inkhom ve ngeia, mase out of place topa feel na k neia, hming poh sunday skulah k dah lut lo, inkhawm chauh hi anihloh zia ka hrechiang toh hle aniang, keimah ang hian midangin ti ve se chu ka ti hauhlo, mahse an in enfiaha, an insiam that theih chuan tha ka ti, amaherawhchu keichu ka ngaihdan hian kan kal leh hrih phawt ang o..
[Report abuse]
April 8th, 2010 at 7:13 am
Pathian hian misual te min hmangaih tlat chuvang chuan dem vak tur kan awm lo. Mahse Pathian rawngbawl hi chu a inchhir awm loh, sual rawng han bawl viau mai hi chu kan inchhir veng veng mai ani
Thil thralo titute avangin in tih lungngaih loh tur, mahse a har fu
[Report abuse]
April 8th, 2010 at 8:13 am
@gail : Comment neite khian i THUPUI hi an man lo deuh tlatin ka hre ve thung.
Isua ngei khan, “Lal pahnih rawng bawl kawp” a theih loh thu a sawi. Misual inkhawm chu thu dang daih a ni. Sual rawng bawl tho si a, Pathian rawng bawl bawk chu Chunglamin a pawm lo tih a chiang.
Rawngbawltu engemaw zat lai hi chu Pulpit-a an lawn tawh vek vek chuan chhuktir phal loh khawpa namai lo an ni; mahse, khawimaw laia kan va phawk palh a nih leh chuan vawi khat mah pulpit-a lawntir leh chi an ni lo.
Lal pahnih rawng a bawl kawp theih loh. Pakhat zawk zawk rawng an bawl mai tur a ni.
I thil post awmzia hi ka man thiamin ka hria! Misual hi Pathianin a hmangaih a, sual sim a ngaidam chauh thung.
[Report abuse]
April 8th, 2010 at 10:19 am
…Ka inkhawm ngailoh hi justify ka tum vang pawh niloin mahni nihna anga lan ngam hi a tha lo maw?…
@gail, an tlin lohna lai leh an atna lai, an famkim lohna lai te thup loin, “anmahni nihna angin” an lang a. Mipui hmaah an inphochhuak ngam zawk a ni lo maw? Nang hi “i nihna anga” i inlan ngam loh avanga inkhawm ngai lo i ni zawk em?
[Report abuse]
April 8th, 2010 at 10:24 am
…hming poh sunday skulah k dah lut lo, inkhawm chauh hi anihloh zia ka hrechiang toh hle aniang,…
@gail, i nuihzatthlak reuh!!
not only going to church… but also… i tih tumna nge ni a, inkhawm kher ngai lo leh inkhawm mite sawichhe chungin vanramah ka kai thei i ti zawk?
inkhawm phawt mai la, a bak chu i ti ve dawn nia. i rilrua ruak tlat awm kha ka hmuhpui a che. mi dangte i teh a, i tehnaah an tling thei si lo a nih kha. Jona kha ngaihtuah chiang teh. Ninevi mite kha a hua a ni, mahse, Lalpa’n a lo haw reng reng lo. Duh leh Boxing Assn.-ah chuan hruaitute i duhthu an sam loh chuan tel lo mai rawh. Mahse kohhranah chuan tel zel rawh… meiling pawh hi a mala dah chuan a thi thuai mai a nia. (Ka testimony a nih hi…
)
[Report abuse]
April 8th, 2010 at 12:32 pm
@chawnghilh #20 thanks, ka tawngkam thiamloh vang nge ni.. comment tha tak2 chu ni hlom mahse, k tumloh zawng lam hlir an soia.. anyway..min hriatthiam puia, ka lawm takzet
[Report abuse]