Vawiin Dec 18 hi ka pa duh tak thih cham vawi hnihna a ni a. He ni a lo thlen hian a thih lai hun leh a thawk tawp lai te mitthlaah a cham leh thin. He khawvelah inhmu dawn tawh lo mah ila a tana tihtheih hi ka la nei tlatin ka hria a. A damlaia a thil ngaihhlut zawng leh lawm zawngte kha ka ngaihtuah let neuh neuhva.
Ka nu kha a hmangaih thin em avangin ka nu min la dampuitu ka hmangaih hian ka pa tana thil la ti zel ka ni tih ka inhria a, a thuchah hnuhnung unau ho lo inngeih dial dial tura min tih kha a tihlawhtlingtua ka tan chuan a hlim ngeiin ka ring.
Pathian tihmi leh phaktawka thahnemngai taka rawngbawl thin anih avang khan Pathian tih leh theih ang kawnga rawng ka bawl hian a lawm ngeiin ka ring. Khawchhiat engangah leh chhhungkaw chaweikhawm, etc ah pawh inkhawm thulh ngai lo anih avang khan chhuanlam siama inkhawm ka thulh chuan a pawm ngai dawn lova; mi taima leh invawngfel tak anih avang khan ka thatchhiat inthlahdah chuan a ngaihdan ani hauh lovang le.
Mi lehkhathiam sang ani lo chunga mahni hnaa efficient tak anih avang khan keima line a eng ka nih loh chuan min duhkhawp dawn lova, mi rinawm tak anih avang khan hlemhletna chi reng renga ka lu ka rawlh chuan a lungngai ngawt ang. Mizo pa dik tak leh mahni nihna zahpui lo anih avang khan mizo ka nihna hi ka ngaihhlut thiam chuan a lawm ngeiin ka ring a, tawng thiam tak anih avang khan ka pianpui tawng mizo ka thiam chian hle chuan a lawm ve ngeiin ka ring.
Pa nih tling tak nih avang khan nupui fanau enkawl kawnga ka puitlin loh viau chuan min sit ang tih ka hlauva, rual kawm peih mi tak leh hlim hmel pu reng mai a nih avang khan hlim hmel pu mang lova, thenrual pawh ka pawl vak loh chuan tha a tih ka ring lo.
Zuk leh hmuam lo ti ve tawh thin sim leh thei anih avang khan ‘ka sim thei lo’ ka tih chuan a awih ngai dawn lova, hrisello thin mahse tha chhuak leh anih avang khan ka taksa chaklohna bawhbeha ka awm chuan mak a ti ngei ang. What can I do for my dad?
December 18th, 2008 at 1:13 pm
A lung phun rawh. chuan thingtlanga awm i nih chuan a hming in kel cup/ istiri cup/ bawng lu cup in chuh turin football tournament buatsaih bawk la. Good luck.
Report this comment
December 18th, 2008 at 1:23 pm
I nu leh pa chawmmawi rawh, tih kha nun tluang tak zawh rawh, tihna ani mai.
Report this comment
December 18th, 2008 at 1:23 pm
Chawimawi rawh ka tihna
Report this comment
December 18th, 2008 at 1:28 pm
Kimas i Pa thih cham a lo thlen hian i thinlungah i pa i hmangaihna chu lo tharin rimtuiah lo chang nawn leh rawh se!!
I thuziak khi a ngaihnawm ka ti hle mai,nangman i tihtur leh i Pa duhzawng te chu i rawn sawi zo vek tawh niin a lang, i pa in a duhzawng ngei ni a i rin ang in he khawvel hi hmang chho zel turin duhsakna ka hlan a che!!
Report this comment
December 18th, 2008 at 11:16 pm
I pa chu Lal Isua hnenah a chawl tawh bik awm sia, keizawng a awhawm ka ti zawk. Lungngai lovin awm tum la, a hnena kal ve thei turin i nun kha inbuatsaih zawk rawh.
Report this comment
December 19th, 2008 at 4:06 am
Rangoon (Yangon) lam atanga rawn tla thla thian pakhat ka nei a; ani chuan chuti teh chiamin mi thian zui chuang lo va. A lak atang khan eng thil thil emaw hi chu ka hre belh ve nual a, chung zinga mi hrilh ka la hriat reng chu, “Kawlho thufingah chuan … Nu leh pa chu engmahin kan rul let kim zo tak tak chuang dawn lo, chuvangin RULH LOH MAI TUR,” an ti, a ti!
Nu leh pa thatzia chu an tarlang thiam hle a; chawimawi let lam erawh chu huphurhawm deuhva an ngaih avangin chuti teh vakin an lungkham lo seng lo ni berin a lang.
Han fuih ngaihna che pawh ka hre chuang lo va; fuihpawrh chi pawh i ni bawk lo vang a; tha i tih dan bera i tih a thiang a ni mai. Thenawm hnaivai, kamchhak kawmthlang mai han ni ila chuan, a mawihawih deuh te pawh han inrawlruk ka hnial loh teh nen le! I titha hrim hrim, ka chhuangin ka va tluk lo tak che em!
Report this comment
December 19th, 2008 at 8:54 am
Nu leh pate hian an fate chungah ‘Expectations” hi an nei theuh a, chumi expectation chu ti hlawhtling thei thin lo mah ila, kan theihtawp kan chhuah naah hian an lawm thin.
Keichu fate la nei lo mah ila, ka dam tawh loh hnuah chuan ka fate hian ka dam laia thil zirtir an theihnghilh ka hlau ber ang.
Report this comment
December 19th, 2008 at 11:17 am
In thurawn tha tak tak te hi a ngaihnawm hle mai. Kan nu leh pate hi an dam chhung chauh hian kan chawimawi thei ani lova, an thih hnu pawhin kan la chawimawi thei ani tih hi kan rilruah vawng reng ila. Thurawn tha tak tak petute in zavaia hnenah lawmthu ka sawi e.
Report this comment
November 26th, 2009 at 11:11 pm
@Kimas..I chan hi ka hriat thiam pui khop mai che,keipoh ka pa’n min boralsan na kum khatna alo tling ve leh don der toh mai!Dec ni 30 kha hmanni lok emo ka lo la ti a,hei kum a vei dawn ta der mai!Ka pa in a I.C.U atanga, kei, naupang ber ngaihtuah awma ka awm loh chuan a thla, muang tak a Pa hnena kawl tira a chawlh theih tur thu a sawi te kha rilru ah hian ala cham reng thin!Nia, kan Nu leh Pa te hi an damchhung chauh a chawimawi lo in an thih hnu ah poh kan la chawimawi thei alom!Ropui taka lungphun a,an hming a Donation pek, khawilai Traffic Point emaw an hming a Donate tih vel kanti thei anih chuan ka sawisel hran lo, amaherawhchu, chu ai chuan in kan nun ah hian an hlimthla lang se la,Kan theihtawp kan chhuah hian an hming,ruah leh thli te ina a nuai bo ve mai2 theih loh, kan thinlung a zirtirna min pek, kan zawm te hi, miten an chhiar in an thlir tih hre tha leh ang hmiang!An hming kan lo ti hliau toh anih pohin insiam tha in, nakin ah mi in saw2 tu fa nge an tih hunah kan chawimawi tawk em tih chu a lo la lang em2 ang!I tan a Khawvel a Pa ropui ber i chan ang bawk in, kei poh hian he khawvel a Pa ropui ber chu nakin a kan la tawh leh turin ka then ve rih asin!May God Be With You!
Report this comment