Sawi nghal pawp pawp mai dawn.. Kum 2006 khan inhmun leiin ka han rel ve a, sorkar hnathawk tan chuan sak thuai thuai hi thil harsa tak a ni. Mi te tih ang in cement concrete te kan lo awt ve si a. Nu leh Pa ten inhmun takngial pawh min rochung tur a n nei ve si lova; a hmun lei a lo ngai a, HBA te la in kan han lei a, a sak lam chu neih chang chang a ni lo thei lo. Kan income hi sorkar hnathawk gazetted Officer (eiruk tello) a ni mai a, chu chu Rs.30,000/- vel a ni.
Ti chuan neih zawng zawng (a hmun leina bang ) chu kan han bel ve a, kan han chawl leh vang vang thin a. Tichuan Congress sorkar a lo piang a, GPF te a han thlahdul khan a chhuat pakhat te mai han chhun tumin GPF kan han withdraw a, security pawh neilovin kan awm a nih chu. Tichuan phur takin a chhuat chhung tur chuan Rod te leh tul dangte kan han lei khawm a, ADA (Aizawl Development Authority) lam a tangin an rawn lang thuai a. Permit kan lo nei si lova kan han buaipui leh ta a.
Architect rawih nan Rs. 20,000/- chuang kan han seng phawt a, Structure Engineer rawih tur kan hmu mai ta lo a. Ti chuan kan tangkhang ta rih a nih chu. Architect in a han teh vel pawh in tunhma ADA awmhma a lo sa tan tawh ni mah ila sawiselna tur kan nei lo. Keimah ni in kawt kan duh thawh a ni. Mahse permit ber kan neih theih siloh chuan sak theih a ni chuang lo. Tichuan kan sum lakchhuah ve pawh chu a lo riral zo leh ta a.
Dan zawm kan duh, mahse ADA dan zawm tur hian thil a harsa lutuk tlat. Permit dil mah ila chuti mai a lehlan theih a ni lo. Kan hriat leh hmuh ve ngei; stay order an pek te chuan an sa lui a tunah chuan an zo tawh. Mahse action an lak kan hre lo.
ADA Office ah pawh lengin an Officer te pawh ka sawipui in, kan harsatna te pawh ka thlen tam hle. Min hrethiam em em a mahse ka tan a kawng an siam thei lo. Patling hi rilru a na duh khawp mai. ADA staff ah hian Architect leh Engineer chu an thu thup, anni hian engatinge min tihsak theihloh? Enge sorkar hian sum tamtak seng a tullova an rawih ka ti a ni. Dan a awm a, dan lova thil tih hi a cheap; ka duh lo, mahse ADA dan zawm tur hian kawng a awlsam lo a ni.
Tunah pawh hian ADA vung taka an kal lai hian thenawmte bang rinchhan a bang rem mek pawh ka hmu, ngatinge action an lak loh??. Guwahati khu development an khawi tak tak khan Khanapara fly over an siam dawn te khan tu in pawh ni rawhse tul a tih chuan sorkar in a nawr chhe ngam a ni. Chutiang bawk in Delhi ah pawh kan hmu. Kan ADA hmalakna ve hi chu a ruallo in Aizawl develop tak tak ai chuan sumsiamna leh intihtheihnan bak an hmang lo. Phai (plain area) a an apply theih hi Hill area ah a theih ve loh a ni tih hi an hriat a tha khawp mai.
Ka inhmun pawh an officer te rawn en turin ka sawm ; an peih chuang lo. An thiamna hi dawhkan atanga hman an tum ringawt hi chu a fuhlo hle in ka hria. In ngaihdan han thawh ve teh u.
Similar Posts:
- Lammuala stadium sak tur ruangam tidanglam
- Bang Rawh Se
- State government surrenders again
- ZOO hi ransa te tan Jail chikhat a ni
- Eng chen hi nge legal?
tiap...
April 28th, 2010 at 10:45 pm
HV
ka han sawi nachhan chu phaizawl a tan a plan leh tlangram a tan a plan dan te hi a awmhranglo tihna mawnile? ka ti, a phuk a phak hrelo mahila 9X7 ft bial chu nithei ngangin ka hre tlatlo, House Plan siam kher hi Sumthuninu mai2 em ni aw ka ti hial a kei engineering lam hre miahlo hian. 
[Report abuse]
April 28th, 2010 at 10:50 pm
Je Lo, a ram leilung leh ahmun awih awn dan a zir te pawn insak plan dan te chu a hrang vek ang chu mawle
Sawrkar in an ti dawn a nih chuan, tax an lak atanga chawi intum awm tak ania. Mimal lo in chawi tir zel mai te chu a van zia lo ve aw. Heng te hi ania, tax lak a pawimawh na pakhat chu. Private firm in an rawn plan sak che u anih siloh chuan engvang in nge an chawi tir che u a?!! Mipui an va ti rethei em em ve mawle (ka ngaihdan)
[Report abuse]
April 28th, 2010 at 11:42 pm
ADA a awm tih pawh ka lo hre ve pek lo! I sawi hi a dik a nih chuan tah ti chhuak tu mai bawk an va nih hmel ve
Winning te ang ni lo va hnam phatsan vang a ramdang a pem tan pawh Mizoram hmangaih tlat chuan thaw a pik tho 
[Report abuse]
April 29th, 2010 at 9:58 am
@ elcee; cheeeeeeerrrrrrrr……
tute emaw chuan thutheng…….an ti.
[Report abuse]