He Lungphun hi South Sabual khaw hlui a awm a ni a, pasaltha lungphun a ni. He lungphuna a lan dan hi chuan he pasaltha hian sa engemaw zat a kap a, nula pawh 16 lai a ngai tih a lang. A thei piap piap khawp mai. Kan hmuh ang hian a lungphun chung lam hi a bal tawh avangin a inziak hi a hriat kim theih tawh loh a ni. Hmanlai kan pi leh pute khan Pasaltha an ngaisang tih chu kan hria. Tin, an thih hnuah Pawla kawt chhuaha Pawla khan tlangval nula ngai lo chu a sairawkherhin a lo perh pawp ang a, a perhna hnuhma chu kum thum a ngawt dawn niin an ngai. Chuvangin tlangvalin nula ngai lo nih an duh lo.
‘Di nei lo Pawla’n a sai an ti,
Fam mah ila min sai bil hlei lawng e’
Amaherawhchu, nula ngai tih hian sawi dan a inang lova, hemi chungchang hi thui tak sawi tur a awm ang. Engpawh nise, chu ngaihdan (tlangval in nula ngaih ngei ngei an tumna) chuan thuk takin khawtlang nunah bu a khuar a, tlangval pawhin nula an lo ngai anih chuan an chapo pui hle tih he lungphun atang hian a hriat thei. South Sabual khua hi Mamit District huamchhunga awm a ni e.
(Photo : malsawmliana ; click for larger size)
Similar Posts:
- Mizo Lal ropui, Lallula Lungphun
- Pasaltha Khuangchera lungphun
- Ratu-ah nula pakhat an pawngsual rawn
- Lungphun pahnih
- Nula Rim
April 29th, 2010 at 2:36 am
ruata, “ngai” tih hrim hrim kan sawi hleinem le, kan ziah te khi chhiar chiang hram la hairehai
“Thutphah” chu a ni aniang, ka pu kha a pu atang tawh a Mizo mifing hmasa leh upa thil hria leh rawn tlak an min an ngaih, history ziak tur pawn an rawn rawn thin a ni, a sawi kha ka ring khawp mai. NOI
Report this comment
April 29th, 2010 at 2:41 am
‘sial 21 naai’ tih hi enge a awmzia? A kap tih a ‘p’ chunga in ziak ‘ H 9’ ni awm tak khi chu inhlei deuh in an kher chawp a ang..a ori a nih lo hmel.
Report this comment
April 29th, 2010 at 2:44 am
“Sial 21 in a ai”
Report this comment
April 29th, 2010 at 2:53 am
H.Vangchhia, ka lo chhiar chiang e, #24 leh #42 i thlir dan khi lehlam atangin ka lo thlir let mai ni e.
Report this comment
April 29th, 2010 at 2:55 am
Report this comment
April 29th, 2010 at 11:19 am
H.Vangchhia & others, Sial 21 in a ai tih ni lovin Sial 2 in a ai tih a ni zawk e. a ziak hi enchiang ila. Nula ngai tih hi sawi dan a inang lo tih lai tak hi sawizui ngai chu a ni a. Kan hriat angin tlangvalin nula ngaih an tum vek, nula in virgin nih an tum vek bawk. a buaithlak khawp ang. Nula ngai tih awmzia a kan hriat dan tlanglawnah chuan sex lam hi a ni a, tunhnuah hian kan mithiamte leh upa thenkhat zingah in sawi ang hian Chawng zana nula ngai zawk kha a ni e, tih a ni leh a. Chuvangin ‘nula ngai concept’ hian hrilhfiahna (Interpretation) pahnih a nei tihna a ni. Khawi zawk nge dik zawk leh ni thei awm zawk chu mithiamten an la re-search zel ang chu. Lungphun(megaliths) chungchang hi zir tham a awm a, society leh sakhuana nen a inzawm dan pawh zir ve tham a awm. Mizo bikah pawh. tunah hian he thu ziaktu hian Mizo lungphun chungchangah zirbingna(phd) a nei mek e. Kan la sawi zel ang chu.
Report this comment
April 29th, 2010 at 12:25 pm
A post-tu hian a chang tawp ber hi a hmaih lui nge? a hmaih palh? A hlathu hre ngailo tan a hla awm zia a bo tep a lawm!
“Ka nemrang puan ka Di zawnna!”
He hla in a asawi uar ber zawk chu a puan, angaihzawng a zawnna kha a ni ber.
Monica Lewinsky fenhnuai tluk zet a hlu kha a nih duh hmel zawk ka ti! :lol:
Chawngchen zan a ChawngPa in a an lam dan kha han thlir i la! Mipa kapkarah hmeichhia an thu thin a, rotationin.
Nula ngai hi kei pawh thildang an sawi hi Christian tawh hnu a sawimawi tumna a ang ka ti ve deuh thin. Nula thei, bei kan tih leh ngai hi thuhmun hrang lo a ni e.
Chawngchen zan hian electricity an la nei lo ang a, Laltrin(Lantern) pawh an nei lo ang tih a rin theih. Tap a thing tuah en leh tual a meipui eng kha an eng neih a nih hmel a. An thawmhnaw inbel lah kha a la Chk vak awm si lo. Siapsuap leh hnawhkhal vel a nih hmel a? A thim lai a puan han in zawn chu a nawm hmel em a lawm!
@muantea sawi ang hian nula ho hian an rotate lai khan an star vakloh kha chu i kawhtebel OH.. i vaibelin min do an ti a, Valupa an inrawlh vat a; an buai ngai lo! Mahse an star vaibel khawng kha chu an pawi sa lo a niang chu!!!! Han suangtuah ve u la…Nula tlangval thisen lum chak vanglai a nula han pawm a, puan han zawn ngei chu! Underwear an ha awm si lo :idea: :lol: :roll: :evil:
Report this comment
April 29th, 2010 at 12:43 pm
Hetiang zan a nula lakah an han in sawi thei,nula a lo tlawmngai an tualthu a lo chhe ta! Lal hmaah an appeal ta thin a. An han in chhal a, tuichhia an in thin a! Heta tuichhia pawh hi ‘PUM TUI’ tiin an hrilhfiah mauh mai bawk a!
Ka hriat ve dan chuan ‘PUM TUI’ ni lovin fenthlir (fianthlir)in tui an suak a. Hmeichhe serh hmul leh mipa serh hmul kha an pawlh a, ‘TUI CHHIA’an siam thin zawk!
@H.V-a’n thutphah man a tih hi thil dik tak a ni tih ka pawmpui thlap. Kei pawh ka hriatdan tho a ni.
Report this comment
April 30th, 2010 at 9:21 pm
@lushai_er #43 i hre dik e. Thingfar zan kha chuan tlangval huaisen leh tlawmngai bik chawimawi na’n “Nopui” an dawm tir ṭhin. Chawngchen hi chu “Mahni lu lam kan ni alawm” tih khawp a ṭhalaite tan a hun hlimawm a ni.
Report this comment