MHIP Gen. Hqrs chuan kan Mizo Dan-a inneihna lo hautak chho zel tih bo nan leh, inneih thuamchhawm Mizoram chhung leh ram pawna awm, MHIP member zawng zawngte’n rualkhai leh zangkhai zawka kan insawngbawl theih nan; kan Mizo dan kalsan hla lo thei angbera kan zawm tlan turte a hnuaia mi ang hian a buatsaih a. Mizo chhungkaw tin leh MHIP member-ten kan zawm tlan vek kan beisei.
1. Inneih Ni-a Mo leh A Thian incheina SENSO hi hmeichhe lam tum nise. A theih hram chuan Mizo incheina pangngaia inchei/ inthuam nise.
2. Mattress (Awngphah chhah) leh Thosilen hi mipa lamin lo neih sa nise.
3. Mizo thuama tel ngei thin, THUL aiah Thingrem/ Suitcase ken nise.
4. Mizo thuama tel ngei tura ngaih, EM leh HNAM hi la ken chhunzawm zel nise.
5. Mizo thuama tello theilo, PAWNPUI te kan neih tawh loh avangin, a aiah Blanket/ Rizai ken nise. Tin, Awngphah pan (Bed sheet) leh Lukhamte ken tel nise.
6. ZAWLKEN PUAN, Pawndum pakhat ken ngei tur ani. (Hei hi Pi leh Pu chenah Mo-in a pasal thih thulha tuamna tur anih avangin lak pen chi ani lo a, Thuamchhawma ngaih chiah pawh ani lo)
7. Puan pangngai chhawm hi hmanlai kan Pi leh Pu, Nu leh Pa sanah ken ngei tura ngaih ani a, amaherawh chu tam tak an keng ngai lo. Kan tunhunah hian a tam berah 25 ken nise. A tlem lam chu duhthusam zawk ani.
8. Inneih man inhlan zan hi khuala kal tur nih si loh chuan zan kar-awl neia tih loh hram nise.
9. Man eitu hi a EITUR dik tak ei tir thin nise. Mizo Hnam dan 2006-a chhut angin:–
(i) Sum hmahruai (ii) Sumfâng (iii) Pusum (iv) Palai (v) Ni ar (vi) Naupuak puan– tih ang hian. NU MAN hi kan hmang dik lo a, pasal nei tur kha a Nu leh Pa inthen emaw, inneilo annih-in emaw, Mo tur Nu khan a lo hrin hah manah NU MAN a ei tur ani. Man eitu hming phuah hi fimkhurin, a dik tak chauh tih hram ni se.
10. Monu-in Mopa hnenah INNEIH ZUNGBUN Biak In chhunga a pe ve thin hi chin loh hram nise. (Hei hian Kohhran tih dan phunga lo neite a huam lo ang)
11. Inneih Ni-a (Mo lawmna leh thlahna) EI leh IN buatsaih hi a hautak lo thei ang bera tih thin nise. Tin, a theite tih anga tih ve tum kherlo a, insengso lo zawnga rel thiam nise.
12. LAWI AR hi man eitute lam tum ani a. MO, a pasal In-a lawi tur, malsawmna a lawipui theihna tura an pek thin anih avangin ken nun zel nise.
13. Heng a chunga tarlan loh, Mo-in an mahni In lama alo neih leh hmansa, ala mamawh chhunzawm tur leh thildangte chu inneih ni-a keng lut bur bur loin, hun hran leh ni danga lak mai thin nise. Mahni phak ang leh dinhmun mila huaisen taka lanchhuah ngam hram hram ni thei se.
Issued by MHIP General Headquarters, Aizawl– 2010
Sawi zauna, Fak/Selna nei chak kan awm em? Kan Nu ho thurel hi han tuihnih chak tlat te kan awm em?
Ka’n sawi hmasa ber te’ng!
Pakhatna khi– Inbiak remnaa zir ni mai se a tha lo maw? Hmeichhe lam rethei/ harsa tak, Mipa lam khawsa thei tak te an nih chuan… “Mizo incheina pangngaia inchei nise.” tih khi, a reltute pawh hian an fanu pasal neih ni-a a inchei nan an duh pui tak tak ang em? Tunlaiah Mo kawr nalh leh changkang tak tak, mipui mit la tak tak a tam tawh si a.
9-na khi– Zawm ngei a tan ka it ber. Tu anih kan hriat loh, a piang ani tih pawh kan hriat loh leh min hrilh ngial pawh a kan varpawh hleihtheih loh man te hi kan va ei tam ta em!
11-na khi– Ni e, a thei te chuan theih tawpin lo ti ropuiin, lo ti hautak ang hmiang. An fanu mal, an duat ngawih ngawih pasal neih ni chu a ropui thei ang bera thlah te pawh an duh ang chu. Kan retheih, rilru neih loh leh thluak thawl luat vanga a nei leh theite ti tim zawnga neih bak leh puk chawp nena lo beih ve chiam hi i sim ang u.
13-na khi– “Mahni phak ang leh dinhmun mila huaisen taka lanchhuah ngam nise” tih khi a dik, a tha lutuk. Inchhung khur leh chhungkaw dinhmun eng ni si lo a, eng eng emaw thuamchhawm neih teuh te, thil manto tak tak chhawm luh teuh te hi mi te leh kan thiante ngei pawhin min ngaih ropui phah lem lo tih hriat a hun. E, tak a, Awmpui tur chhawm nghal pawh an awm tawh an ti.
Nu ho thurel tih takah a Point tam an duh hrim hrim te anih lem loh chuan 3,4,5 khi “Mizo thuama tel ngei THUL aiah Thingrem/ Suitcase, Pawnpui aiah Blanket/ Rizai ken mai nise. Em leh Hnam erawh ken chhunzawm zel nise.” tiin, Point khat ah khung ta maise. Hemi dawtah no. 12 khi dah ni ta se. An rilru-a lang hmasa sa an rel mai emawni, lehpekah chuan thu indawt hi ngaihtuah tel thin nise. 
Similar Posts:
- Hnamdang ka neih chuan ka hnam ka phatsan
- Mizo Inneihna
- Vai pasal ka nei a
- Mipa ve thung
- In ngaihtuah ngai em?
May 21st, 2010 at 6:01 pm
GM, he community forum hi a din tirh atang khan discussion forum emaw ka tia
[Report abuse]
May 21st, 2010 at 6:04 pm
@rka – post tu pa berin a rawn request miau te chuan…
nia comment han khar ringawt hi chu keini pawn kan duhlova mahse a chang hi chuan comment over deuhhlek te a awm hian mi rilru tihnat hi a awl em a.Mizo phei chu kan lo in hre leh fir fer zel bawk sia.
a commenter thenkhat (sawichhan ka nei chuang miah lova..) kan la puitling tawk lo tihna te pawh niang chu..
[Report abuse]
May 21st, 2010 at 6:07 pm
Gm: a post tu pa hi a tlanchhe nghal a mi?
[Report abuse]
May 21st, 2010 at 6:08 pm
Jewel chu apa in”badboy i neih loh chuan kan rizai hlui 1 bak i chhawmlo ang” a ti
[Report abuse]
May 21st, 2010 at 6:09 pm
kan inneih khan ka nupui tur khan kawrfual hak a chak deuh a, mahse puan veng mai tur khan ka convince ta mai. Zana inneih nachang kan lo hrelo kha pawi ka ti.
[Report abuse]
May 21st, 2010 at 6:12 pm
A innei turte duh dan leh inbiak rem dan a zirin thuam chhawm leh inneihna lawm dan chungchang hi chu an thu neihn ah dah thiam ila, tha mai ang mawle.
[Report abuse]
May 21st, 2010 at 6:13 pm
Comment theih loh a post chu a lawi beh beh feeeeeeeeeee
[Report abuse]
May 21st, 2010 at 6:15 pm
@badboy ALNTC!!!
[Report abuse]
May 21st, 2010 at 6:19 pm
ka ti leh pek thin ang, tun lai mizo inneih dan chu Mizo nel nual, sap nel nual, vai nel nual
Mizo danin palai kan tir a, man te kan inhlan a, sap ho (kristian) danin kan innei a, Mizo dan tlem la in thuam kan chhawm a, duh tawk lovin vai danin thuam kan chhawm belh a, man eitur te pawh chhungkhat laina ni lovin thuam chhawm tura min pui thei tur kan ngaihtuah a.
Hmeichhia in a man ei tur a sawi dan dan a, Pa in a sem ngai tawh lo, a neitu tur duh dan danin a kal.
Kristian dan kan ti dawn a nih chuan Man leh mualte pawh hi awm lo tur a ni a sin le, Mizo kristian hmasa khan man leh mual an inhlan ngai lo
sawi tur a tam. Comment hi close zawk ru
[Report abuse]
May 21st, 2010 at 6:20 pm
Note for Admins : Mi(sual).com ah hian la thar lam tak tak te kan awm laiin a tir atanga lo luhchilh ngat ngat te pawh in awm ang. Tunhnai mai ah thil mak tak tak a thleng ta fo mai, eg: sunflower Post etc. Heng thil thleng te hi he site tlawhtute ah a thawhdan a inanglo thluah hlawm bawk ang. Thil sensitive deuh leh Post chi em em loh emaw, comment zui vak chiloh a in ngaih chu in thu in close mai ula, Post chiloh a inngaih pawh tichhuaklo mai ula, a Post tu email ah khan a chhan felfai tak hrilh mai ula, mi pangngai tan rilru natna tur a awmlo.
Hetia a kar laklawh a rokhawlhna awmfo mai hi thil tha ber a nilo tlat. Kan rilru putzia leh huaisen zawngte a inanglo a, kan eizawnna chen in. Mipuitling tak tak in in enkawl a, in hman hram chuan Post leh comment te hi a hnu a delete ai chuan zirchian hmasak te te a thutlukna siam chi niin ka hria.
Ka ngaimawh em a ka han sawi ve a ni e.
Ka lawm e.
[Report abuse]
May 21st, 2010 at 6:27 pm
mahni eizawnna in a tawrh tur chu post loh mai tur.. . tlanchhe chunga mi rel hi ka huat zawng tak
misual.com ah hian mi thar ka ni lo bawk tih kan sawi leh hram ang e
[Report abuse]
May 21st, 2010 at 6:29 pm
Rk, i ti dik, nick phen atangin tlanchhe chung bawkin em ni
[Report abuse]
May 21st, 2010 at 6:48 pm
Keipawh keima thu a ka luh ngam tawh na ah ka inthlahrung ngailo!
[Report abuse]
May 21st, 2010 at 7:06 pm
Admin te khan hlau reng reng suh u, thu dikah chuan kan tran tlat zel ang che u. Thui dik tih ka hriat chianah chuan ka comment top zel, admin te khan in hlauhthawn deuh chuan duhleh lo delete mai rawh u, tlanchhe chungin ka commment ve ngai leus.. Sunflower chungchangah pawh khan mi tam takin thil thar kan hriat phah a, thil tha takah ka lo ngai a sin, a lo hua an awm chuan buichhia laih lohin a inpuang tihna tlukah ka lo ngai mai.
[Report abuse]
May 21st, 2010 at 7:14 pm
In nei tur a ten an duh dan hi lal se .Mahse a innei tur a te hian an senso tur te hi thawk chhuak zawk se.Nupui nei tur a khan a lawmna lam ah chuan a neih ang tawk hria in in adjust thiam in arreangment pawh siam mai se.Chawm lam pawh chhawmtu tur khan lo in tuak ve in lo thawk chhuak khawl se chu chu tuma sawi phak ani lo kan tih teh ang.
Helam ah chuan chhawm lam a awm lemlo na in in sen chu a sang duh khawp hmel.
Atlangpui thu in inneihna hall ropui thei ang ber inneih an duh a .Kum tel te an intuak trhin.Mo lam pawh in an pui ve tho trhin.
Thenkhat te chu inneih hma in awm dun in an inneihna lawmna tur te an tuak dun mai thin. Tlangval thenkhat te chuan in leh lo te an lo nei hmsa diam te pawh an awm.
Inneih nan sum sen hi an ui lem lo niin ka hria.
Zan lam hun thawl tak ah an mi sawm te kal thei ngei tur in ropui tak in an lawm thin.
Thil pek lam ah pawh cash emaw checque a mawihnai tawk in pek an uar hle bawk.
Mo lawm tur a lut te khan invelop lo awm ah kkhan thun in a luh tawn ah thil pe bawm ah an thun leh mai.
[Report abuse]
May 21st, 2010 at 8:10 pm
E khai! Komen a va’n lo tam hman ve! A mal te tein ka chhiar chhuak dapa, a ngaihnawm hlawm hle mai. MHIP lam paw’n an lo chhiar ve em ang chu maw?
[Report abuse]
May 21st, 2010 at 8:46 pm
@rka_49e r# 59. I sawi khi kavahan thlawp tehlul em.
[Report abuse]
May 21st, 2010 at 9:03 pm
Kawmen close behbawm hi chu, Misual.com hi a lo lar lehzualin helai a ngaihdan thawhkhawm te hian NGENG A CHHUN PHA tihnaah ka ngai a, chutih rualin mahni diklohna hailan hlau ten Adm lam an vau deuh emni aw?? Ha thilin a hrin tel chu he site te reuh hi control/monopolize (mahni hlawk nan) tumtu an hraw tawlh2 ang A RUKIN. Tunah tak pawh hian CIA/KGB agent ten an vil khiau mai thei
Mirethei leh Hausa te dan zawm tur hi a hrang a siam ala ngai hial ang a inneih cc ah hian.
[Report abuse]
May 21st, 2010 at 10:02 pm
Comment petu te hian kan comment ah mawh kan phur theuh tih kan hre theuh a, mimal insawi chhiatna nilo thudik tarlan nan a, he site hi kan hmang anih chuan kei chuan tha ka ti tak zet.
Hman zan a Pu Bena chungchang kan khel lai a,kan admin ten an rawn close ngawt mai kha chu mak ka ti deuh, an rawn sawi ho kha a dik tak2 a nih chuan kan ti mualpho ngam tur ani, chutilo a comment tu te khan thu dikklo, phuahchawp a an bei anih erawh chuan an tuar mai tur ah ka ngai.
[Report abuse]
May 21st, 2010 at 10:12 pm
@ vlchinzah: Sawi tawh angin kha kha chu a post rawn submit tu in delete rawh u a rawn tia, a post kha a ta a nih avangin kan dah bo ta mai a nih kha. Hrilh pawh kan hrilh nghe nghe a, tiang post hit tak, withdrawal tur a an rawn tih hian visitors te an hlim lo hle tih. Sorry on everyone’s behalf.
Nakinah post pawh kan rawn siam ang, tiang post lak bo leh comment khar etc chungchang sawifiah nan. A tlangpui chuan keini ho hi min hre chianga, post khar leh comment delete etc chungchangah hian personal a kan lak vang a nilo tih hi.
[Report abuse]
May 21st, 2010 at 10:14 pm
Un-personally a nih chu
NOI tra la la la la
[Report abuse]
May 21st, 2010 at 11:00 pm
Sandman ka lawm e. A post tu ber in delete tura a tih chuan kan zah sak tur ani, a chhan ka lo hriat fiah loh vang ani e.
[Report abuse]
May 21st, 2010 at 11:03 pm
Kei zawng, a ziak tu chuan vantlang chhiar theih a pho chhuah a nih hmain rilru a siam fel tur alawm, kan la ti hram teh ang. Comment chu thuhran ania, thupui tih chhuah tawh meuh… ka eilo ve tho tho NOI
[Report abuse]
May 21st, 2010 at 11:08 pm
Pu HV, kan huaisen dan a in chen lo i ti tawh mai ang.
[Report abuse]
May 21st, 2010 at 11:11 pm
Mi tupawn dawt nilo, an rilru vei zawng share chak em em an neih a, an ngam chiahlo a nih chuan ka e-mail vangchhia@gmail.com ah rawn thawn rawh u, ka hmingin kalo thehluh sak zel ang che u. Ka lawm e
[Report abuse]
May 21st, 2010 at 11:42 pm
41
V-gals # MHIP chuan thuam chhawm tlem lam/hautak lo zawng
leh mopa lo inpuahchah lam an rel a nga.
MMIP chuan mo thuamchhawm a tam thei ang ber leh
hautak deuh hlek leh hmeichhe man tihsan loh lam
an rel ang a,,,ha …ha..ha..
[Report abuse]
May 22nd, 2010 at 12:03 pm
[...] Mizo thuamchhawm leh a kaihhnawih chungchanga ngenna leh … [...]
[Report abuse]
May 24th, 2010 at 11:42 am
MHIP hruaitute hian an fanu/fapa te pasal/nupui neih hunah an rawt ang hian han hmang hmasa se, vantlang ho chuan kan ti ve em em ang. Mahse mi hausa ho chuan an duh leh a ropui thei ang berin ti se.
[Report abuse]