Mipuiin Mamuana tiha an hriat, a thian hnai ten Muan-pawisawia an tih thin, Mizoram chanchinbu-a sports columinst hmasabera chhal ngam, Y2Goal Editor hlui Vanlalmuana chuan nupui a nei dawn ta.
Mamuana hian Chanmari, Lunglei nula, Pu C. Thanchungnunga fanu Lalrinmawii Chawngthu chu October 30, 2008 hian Chhinga Veng east Presbyterian Biak In-ah Kohhran dan thianghlimin a nei dawn. An fapa, mi chetchhiatna hre thei tak nupui neihna turah hian Rev. Thansiama te nupa chuan mi zawng zawng an sawm.
Pa danglam tak, chanchin mak sak tak tak nei, amah hria apiangin ani aia SMS thawnchhuak hnem an hriat loh hi a hrechiangtu te chuan Message centre an tih hial a ni a, he sms hmang hian mi hrang hrang chanchin maksak tak tak leh fiamthu maksak pui pui a thawnchhuak nasa hle. Mi hrang hrang sms a dawn hnem em avang hian mi chetchhiatna chanchin a hre thei hle a, chung chanchin a hriat te chu mi hrang hrang hnena thawnkualin a hman hleh thei hle niin amah hrechiangtu te chuan an sawi a, mi chanchin fuh lo lai mi dang hnena a hrilh peih em avangin Muan-pawisawia an tih phah a ni.
Pawisawia an ti a, mahse, an pawi a sawi sak te hian kawm loh phahna atan chuan an hman phah lem chuang lo. An pawi a sawi hnem apiang te hian an ngaina emaw tih zawk tur a ni thung.
A hmelhriat tawh phawt chuan an chetchhiatnain a hnen a thlen hi an hlau ngawih ngawih a, a thlen loh dan an ngaihtuah hram hram thin. A thian hnai tak pakhat chuan,”He pa hian thil a hriat chuan a buai vek, mi zawng zangin an hre leh vek zel,” a ti. A thian pakhat, chanchinbu pakhata Editor pawhin, ”Mi chanchin tha lo thehdarhtu leh hre hmasaber zeltu a ni a, a thil hriat a zep thei lo a, mi chhiatna tur sawi hrehna pakhatmah a ni lo, pawisawia dik tak a ni,” a ti.
“Mi kah vel leh mi chanchin chhe lai sawi hi nuam a tih ber a ni, a mizia hre lo tan phei chuan thinrimna khawp a tling thin reng a ni, tih fuh lo ngiang ngaiang pawh a nei fo mai, mahse, a sim thei si lo, a hna pui ber emaw tih mai tur hian mi chanchin hi a hre thei a, a dawr tereuhte atang sawn thil hi a hre vek zel a ni,” tiin amah hrechiang tak pakhat chuan a sawi a, chanchinbu lamah a thian pakhat pawhin,” Mi chanchin a hriat duh an chhui tak tak hi chu ngeiawm zawk tak a ni, ka chanchin chhui tur chuan ka duh loh ber zingami a ni ngei ang” a ti ve bawk.
Chutiang mihring chuan nupui a nei dawn a, mahse, an pawi a sawi ho te hi a phur phura chu an ni a, a chanchin hi a huat zawnga sawi an chak em em vek a, a pawi hi sawi ve an chak. Nupui a hmu hi an lawmpui em em. Inneihna-a a thian tur chuan, ”Home grown player chuan amah hi an hrechiang a, pasal atan an duh lo, chuvangin away-ah a zawn a ngai tih a hria a, a hmu ve ta hi a lawmpuiawm khawp mai, Aizawl-ah chuan tuman an nei ngam lo a, Lunglei lam chuan hei an lo nei ngam a nih dawn hi,” a ti. Tunhnaia HPC(D) te a hmuna han kawmtu Lallenmawi Jongte chuan, ”Mi pawisawi bak hna dang nei miah lo pasal atan han neih chu a risk a sang awm kei chuan ka ti a, huaisen thlak ka ti khawp mai,” tiin, a sawi belh naah,”hetiang hmulphurh chhe deuhin nupui an hmu ve hi ka lawmpui em em a, chutihrualin a nupui neih ni a rilruna tur tu emaw nu an awm tur hi chu ka tawrhpui hle,” a ti ve bawk.
Similar Posts:
- Zofa te leh kan kristianna
- Hmangaihna Chhunzawmna
- Nupui,Pasal Humhalh
- Hnamdang ka neih chuan ka hnam ka phatsan
- Lalzova
October 10th, 2008 at 2:19 pm
Mamuana chu khiangawi tur ni lo bawk a,ka lawmpui hmasa ber ang e
[Report abuse]
October 10th, 2008 at 2:19 pm
ka=kan
[Report abuse]
October 10th, 2008 at 2:47 pm
mihring kan pung dawn nge,Zofa kan pung dawn ?
Va lawm pui awm ve a,Hre ve em em lo mah ila Nupa hlim leh lawm tak a, an kum khaw nun an hman chhoh zel thei na tur in khua nun malsawm mawlh rawh se ……
[Report abuse]
October 10th, 2008 at 3:13 pm
‘Khiang a awih’ ni hian…..han ti vel ila!!! Nupui a neih ni hian a dawr (Y2Goal Agencies) kan hawng dawn!!!!
[Report abuse]
October 10th, 2008 at 3:40 pm
A van lawmpui awm truang truang ve
Mamuana pa, Rev. Thansiama tih khi, Pastor Thansiam kan tih mai thin, Presbyterian, chanchin sawi tur ngah deuh bawk kha ani em aw ?
[Report abuse]
October 10th, 2008 at 3:51 pm
Mamuana dawr fakna hi fakna ka hriat ah ala mawi thei ber mai; Fa an neih hunah “foot ball”thiam tehse.
[Report abuse]
October 10th, 2008 at 3:54 pm
@seki, ni tlatin ka hria.
[Report abuse]
October 10th, 2008 at 3:56 pm
@ ThaiBoy : a dawr hi chu ama ta a nia, a fakna hi chu ka TA!!! ka thu thu…lolzzz
[Report abuse]
October 10th, 2008 at 3:59 pm
@ Hrangkekual: a kal her luai luai tih Laldingheti sak kha analh ber mai ka lung ati leng tlat.
[Report abuse]
October 10th, 2008 at 4:16 pm
@ThaiBoy : tuma hnenah sawi tawh lo la, kha hla kha a satu nu-in a phal tawh lo!!!!! Ve tlat mai a…..ka’n tihlar thar tehreng nen
[Report abuse]
October 10th, 2008 at 4:17 pm
@kanidar : ka tlawn leh dawn che a nia. Hei……mahse duh aiin a awm a zau mah mah….
https://img75.imageshack.us/img.....darky0.jpg
[Report abuse]
October 10th, 2008 at 4:24 pm
@ hrangkekuala:a satunu kha a pitar tawh hle ang chu kalo tia; alawmve hle kalo ring asin.
[Report abuse]
October 10th, 2008 at 4:35 pm
a tir kha chuan a lawm ve vur vur ni awm tak a ni. mahse, a hnu-ah khan an sawi nawi tan a, mamuana an lo hrilh a, ‘hmmmmm….’ ka tia, ka thlak hmiah!
[Report abuse]
October 10th, 2008 at 4:47 pm
Hrangkekual, weekend dawnah i rawn post fuh luttuk!! weekend engzat tak daih leh ang maw? Bopil leh vang2 tur chu kan awm dawn chiang! A kawr nghawng shape khi a fuh luttuk bok!!
[Report abuse]
October 10th, 2008 at 5:08 pm
@kanidar: alo nih nih chuan, chhun tur a nei tha viau ani dawn chu
Ka tran ania, Pastor Thansiama kha.
Pastor Thansiama khan Lunglen lam a bial lai khan, Lunglen kohhranah zan khat chu inkhawm a kaihruaia, kohhran hlimnain a nuai lai ani. Inkhawm tantu a kova, tantuin bible chhiar zo a, i lo tawngtai ang u atia. A tawngtai dawn kha..” a de de..tre tre…a sinakhawii..” kual rei ta lutuk a. Pastor Thansiama chuan,’ E ka pi, i la tawngtai thei lo anihkha, va thu tawh mai rawh..” ati e, an tia lawm
[Report abuse]
October 10th, 2008 at 5:09 pm
* Lungleng tih zawk tur.
[Report abuse]
October 10th, 2008 at 5:26 pm
mamuana chu a thuziah an sawi chhawn leh chu ka hre zauh zauh..ama ziak tak erawh ka la chhiar lo thung
Pu Zorunpuia pawh hian nupui neih a hlat vak tawh lo an ti in ka hria..han nei vat teh se..Mizoram haw chhoh chhan chhuan lam tan atra dawn tlats ..
[Report abuse]
October 10th, 2008 at 5:41 pm
Fa nei teuh teh u
[Report abuse]
October 10th, 2008 at 6:36 pm
Pu myself pawh nupui lampang topic ah lo chuan a rawn lang tha duh toh lo..!!
[Report abuse]
October 10th, 2008 at 6:38 pm
Mamuana maw,Si ve tawh viau lo maw,sport lam chanchin ka ngaihven tirh chuan ka ngaisang thei bon top.Y2Goal a buatsaih hmaa sportweek chanchin bu asiam lai pawh khan ka lei char char thin.Sport lam hi a hriat ang aiin sawi tur erawh a hre vak loin ka hria.Hmingsanga leh Tetea a tluk lo.Engpawh nise ka lawmpui tak zet e.
[Report abuse]
October 10th, 2008 at 7:43 pm
@wonder, Presbytery a lo hun leh reng tawh a ni maw? kan bo pil takngial dawn e, kar lehah ka rawn chho ang.
@hrangkekuala chu va thur thei nalh nalh ve a, wondera i tluk thelh mai a
@myself : nupui neih lam topic hi lang deuh chhen sela, kan boss pawh a rawn inlar ve duh deuh tawha ng chu
[Report abuse]
October 10th, 2008 at 9:16 pm
A nupui tur chu middle leh high school ka kal pui thin ni reng mai…pasal tur lah hi an hmu zel mai bik a…
[Report abuse]
October 10th, 2008 at 9:33 pm
@chhim_lanu:motor part dawr an nei em?
[Report abuse]
October 10th, 2008 at 10:35 pm
An nei chuan ka hria,an inchungah khan chutiang deuh dawr chu a awm thin a,an ta anih leh nihloh ka chiang tawh chiah lo,alo ni maithei bawk a.
[Report abuse]
October 11th, 2008 at 4:21 am
kan pu myself pawh hian invitation card a buaipui ru tan tih thawm ka lo hria a.. Monu tur erawh a tu ber nge ka hre bik chiah lo.. pu adelfos hian a hrechiang zawkin ka ring.. Ha tah hriam a fuh ang..:)
[Report abuse]
October 11th, 2008 at 5:50 am
a van lom pui om ve o kan veng pa chu.
[Report abuse]
October 11th, 2008 at 12:25 pm
Pu zorunpuia chu bawngsa hem hmin dan te a thiam sia..a nupui neih ni chu kan puar ngawt ang le…rizai pawh sawih pui tur a a hual lah chu a hmeltha nasa mai si ah…!!
Dr wonderboy chu Ghy lam ah mikhual nula thleng thar an awm em ni a va reh ve..mamuana nupui neih tur chhuan lam hian i lo zui haw ngawt pek ange aw
kanidari hi chu hetiang lam ah hi chuan sawi lo mai ang…kan hre vek
[Report abuse]
October 11th, 2008 at 6:47 pm
Ka lawmpui e
[Report abuse]
October 12th, 2008 at 8:07 pm
A lo hetih vang a nih hi tuktin (a peih chang changin) a ‘walk’ ve ziah ni. Zan khatna ah a chetchhiat a hlau a niang……
[Report abuse]