Mizoram pawn leh India Ram pawna Zohnahthlak te ka dedicate a ni e.
Mihring nun hi han chhut chian hian, Ngun tak a han chhut hian Thil thar zir tur kan lo ngah hle tih hi, a hmuh theih in ka hria. A ni. Damchhunga zir tur thil hi a lo awm a ni. Mithiam te chuan, lehkha hi zir zawh tak tak a awm loh ang bawk hian Mihring nun hian zir tur hi kan damchhung hian kan nei an lo tih hi a lo dik hle in ka hria.
Kan hmalam hun ah tih tur tam tak, kan han plan a, chu kan plan chu hlen chhuak turin kawng hrang hrang kan han dap ve thin a, tam tak chu kan kawng dap ang ngeiin a hlawhtling thin. Thren khat erawh chu kan tum loh lam daih in kawng chu kan zawh veleh thin a. kan tum loh lam kawng kan zawh hian, kan Plan chu a fail tihna nilovin, kan tum loh kawng lam daih a tangin kan plan chu kan zawh daih thin hi a lo nia.
He tah tak mai hian Ringtu ten Pathian kan tih hi han ngaihtauh hian, Ring tu te chuan Pathian hian kawngdang daih min lo hawn sak hi a nia kan ti mai thin. A ni. Pathian ringtu te tan chuan amah ring chunga a hnena thu kan thlen hian a ni chuan thil tam tak min zirtir pah in he kan hring nun ah hian hlimna leh harsatna hrang hrang te hmangin a Kross kawng chu min lo zawh tir thin ta a ni.
Chu a kross kawng kan zawh tawh chuan Harsatna leh Manganna chi hrang hrangin min bawm thin a, chutih lai tak chuan Pathian kan au thin a, hei tak mai hi kan Pathian hian a mi Hmangaih hring fate hnena tanga a thlakhlelh em em a ni tih hi kan hriat a tha khawp mai.
Ka thiannu pakhat sawi ka hriat reng thin thu pakhat awm. Engkim ah hian Kalvari enremna hi nei ila, khawvel hi a famkim a ni mai a ti thin. Ngaihtuah mai chuan nuihzatthlak lam a kal. Khawvel han famkim tir teh ngawt chu kan ti mai thei. Mahse han ngaihtuah chian tak tak chuan, Chu Kalvari enremna a tih a chu a taka neih chu thil awlai chu a ni miah lovang. Engkim han enrem theih mai chu. Mahse Pathian kan rinchhan a, kan tum phawt chuan theih loh hi a lo awm lo reng reng mai a.
He Kalvari enremna kan tih hi Thlarauva Piantharna kan tih nen hian enge a danglam vakna ka ti mai mai thin.
Zofate hian kan Kristiana kan kalpui dan hi tihdan phung pangai (Tradition) ang hian kan ngai ta emaw ni aw ka ti thin. Ka pu kha Kristian a nih vang khan Ka pa kha Kristian a ni ve mai a, Ka Pa Kristian a nih vangion keipawh hi Kristian ka ni ve chu a ni mai a, ka Fate hi an ni chho veleh mai dawn chu a nia. Tam tak chuan Pathian Malsawmna kan dawn kan ti mai thin.
Ka thian nu pakhat Gracy (Norway mi) chu tian ka zawt a, “Eng sakhuana nge I biak” ka tih chuan “Tun ah hian kum 19 ka nia, eng sakhua mah ka la be lova, mahse sakhuana hi ka la zir mek” a ti a ni, “I nu leh pa in eng sakhuana nge an biak a” ka ti leh a, “Kristian an nia Protestant” a tia, “chu chu I zawm ve mai lawm ni” ka ti leh kher a, a ni chuan tiang hian min chhang ta a. “Ka nu leh ka pa kristian an nih a vangin ka ni ve kher lo, Mahse ka zir mek a lawm, Ka nu leh Pa kristian an nih a vanga ka nih ve ringawt hi chhandamna a ni hlei nem, Chhandamna hi ka zawng mek a, ka vanneiha ka chhar ve hun ah chuan Kristian ka ni ve mai dawn lawm” a ti a ni.
A thu sawi chuan ka rilru hi a khawih em em a, Gracy chu Hnamdang a nia, an hnam kalphung a rawn sawi pawh a ni mahna, Mahse Kan kristian nun a tan hian thil pawimawh tak a niin ka hria. Tunlai Zoram khawvel a kan kristian na buaichuar ta lutuk te hi ka Pi leh Pu, kan Nu leh Pa te Kristian an nih avanga, Chhandamna awmzia hre chiang lovin Kristian ah kan in chhiar ve mai vang hi emaw ni aw ka ti thin. Kan in ngaihtuah chian chu a ngai deuhin ka hria. I Pi leh Pu, I Nu leh Pa Kristian an nih a vang khan Nagmah a Chhandamna tak tak leh Pathian Rinna I neih chuan si lohva Kristian a I lo in chhiar ve ringawt a nih chuan Unau duh tak, Pathian thu a Hlimna thuruk leh Thlarauva pian thar na hi I zawn thrat leh a ngai.
Pathian hmangaihna leh kan laka a lo tawrh tawh na chu ngun taka I ngaihtuah a, I hmuthiam a, I pawm a I ring anih chuan Chhandamna duhawm tak, vanram Chahbi kawl tu I lo ni ve tawh dawn a ni. Pathian ringtu dik tak I lo nih tawh chuan khawiah pawh awm la, eng ang dinhmun ah pawh ding la, a hun te ah chuan Mi te neih ve loh Hlimna thuruk duhawm tak chu I lo chang ve dawn a ni. Hnamdang Nupui/Pasal/Thian pawh nei mah la, I Pathian Rina kha, Kha I hnamdang Nupui/Pasal/Thian hnenah khan Thu a sawi a nga, I biak Pathian kha a rawn be ve chak a nga, Pathian rawngbawltu Ropui tak (Missionary) I lo ni mai dawn a ni.
l_bawitlung
Similar Posts:
- Pathiana mihringte dinhmun;
- I kawngzawh lai kha chhut ngun rawh..
- Rorelna hrang hrang 5 (panga) te.
- Eng kawng nge i zawh? Khawnge i thlen tawh?
- Rinna mak
April 5th, 2007 at 8:59 am
a first para a ‘A NI’ in ti nghal ngawt mai khi a va vanglaini ve maw lee….
Report this comment
April 5th, 2007 at 9:06 am
kalo ngaihtuah thin dan chiah. mhs mizoramah han ti ve ngawt dawn ila chu kohhran upa ho an lo leng ngun viau ang
Report this comment
April 5th, 2007 at 9:07 am
KTP nula chhelo deuh deuh rawn ruai telh se, pawi vak a mi
Report this comment
April 5th, 2007 at 9:32 am
nia, movie en puiah te khan lo sawm vel ila mooo haha
mhs pa kha kanlo ni tawh dawn a mo chutih hunah chuan, khawvel leh a mawina hi engahmah ka ngai tawh dawn hleinem
Report this comment
April 5th, 2007 at 11:12 am
dik khop a ni he thil hi
sap ho hian christian an in ti satliah ve ringot lova….tin christian tia in soi chin toh chu kei nin a “Piangthar tha tak” kan tih ang hi an ni.
Hetia in thah chhonna vanga (a lomom luthuk tho na in) kan christian vang te hi a n i lo maw kohhran hrang2 kan om treuh ni…christian threuh2 si…koh hran nau te te pian chhan hi
Report this comment
April 6th, 2007 at 2:53 am
kan chanchinbu ah chhuah atan a that dawn hi le… MCh phal em
Report this comment
April 6th, 2007 at 6:58 am
Aw, Phal e. Thalai Eng ah a ni lawm ni??
Report this comment
April 6th, 2007 at 9:07 am
A tha khawp mai…Mahse thil pakhat chu….christian sa tan pawh pianthar a har ania…christian lo tan phei chuan a har lehzual ngawt ang…Kei chu christian family leh christian society a ka lo piang..seilian hi ka lawm ngawt asin…! Sakhaw danga inleh ngawt hi chu har tak ani…Hindu Christiana inleh a har em2 a…muslim tan phei chuan a har lehzual…keini christian te pawhin sakhua danga inleh chu tihchi ah pawh ka ngaih ka ring lo….! Chhandamna neih tluk a awm lo…mahse chu chhandamna in awlsam taka min khawih pha tura kan pi leh pu..kan nu leh pa ten kawng min lo sial sak tawhna hi a hlu ani….! Thanks to our ancestors…..!! Good article….!!!
Report this comment
April 6th, 2007 at 9:30 am
Kasper_bawitlung,
I sawi dik khawp mai. Mizo hi kan lo vanneih ka ti thin.
Report this comment
April 6th, 2007 at 10:27 am
Ti hian ka ngaihtuah ve a.
Sap te leh hnam pui chu an rilru a zau a.Kristian an ni lo ngam ang bawkin a nite’n ni lo te an hmu sakhi hran lo va.An zalen kan ti ang chu.
Kei ni zingah chuan kristian lo chu Mizo ni lo anga kan ngaihna hi ziakin awm kher lo mahse a chiang thawkhat hle-in ka hria.
Tichuan,kan kristian ta vek a.Kan PULPIT hian kan hnam nunah hmun a chang thuk em em a.Sakhuana mai a ni lo.Min tham khawm vek.Chu chu ka ngaihtuah nasat pauh leh a dik zelin ka hria.
Tichuan,kan kristian lo ngam ta lo a niin ka hria. Chu ta tang chuan………………………………………………………………
Report this comment
April 6th, 2007 at 10:27 pm
@ kl_sas Says:
Aw, Phal e. Thalai Eng ah a ni lawm ni??
yup, ka lo la ange…
Report this comment
April 7th, 2007 at 1:28 pm
I Pathian thu reuh ka unau.
Report this comment
April 15th, 2007 at 1:01 am
Kl_sas hi in rin ai daihin a fel ang, an Kohhran hote hi a awmbosan hnu pawhin a ngaihtuah thei ania… thian-i i thuziak hi nakinah chhiarah ka Copy ringawt, ka duh aiin a sei deuh a…hehhehe muang fanin ka lo chhiar ang..
BTW kan ‘Vanneih’ i ti trut pek mai, i tawng a awn tan…hahhahah ka hau nghal zel dawn che nia…
Report this comment
April 15th, 2007 at 11:49 am
Kl-sas ziak tha hle mai.”Kalvari enremna” tih khi ka duh lutuks,”Kohhran Thianghlim” a mi chu i ni em lovang chu maw..:-)
Mizoramah chuan Kristianna hi culture a ni tawh a,Mizo zingah Kristian i ni em kan in ti ngai lo.Kristian na culture/ inthlahchhawng Kristian kan nih chin ah hi chuan,a that na lai tam tak awm mahse,a hlauhawmna(dis-advantage) na lai tam tak a awm reng a ni.Kristianna Sakhua vuan tu chu ka nimai thei a,mhse,Lal Isua hnung zui tu chu ka ni lo thei tlat..!
Tunah hian Mizoram a kan mamawh chu,REVIVAL aiin TRANSFORMATION ni te hian ka hre ve thin [mizoram a Revival thleng kan tih hian,Transformation a ken tel thin siloh avang hian ]
Report this comment
April 27th, 2007 at 7:48 pm
Kan mamawh chu zalen taka ngaihtuahna(Free thinking) a ni.Kan ngaihtuahna hi eng ma’n min dal suh se.Sakhuana pawh,hnam rilru(culture)pawh,kan nihna dik tak dik taka kan lan ngam lohna a ni zel…..in ka hria.
Ka a leh ta!
Report this comment