Misual ho zingah hian lunglén pe na ve tak tak an awm ka ring a,awm ni pawhin ka ngai. Thlasik ni lo her chhuah tak vang nge pawh ka hre lo a, eng emaw tak hian min mawlh tlat mai le. Ka hla ngaihthlak in min kàiharh ni ber in ka hria. Ka lunglen chang a mizo hmeichhe zai ka ngaihthlak tam ber, Sailothangi ngei mai in mizo hla phuah thiam Lalzova hla ngei mai an sa dap dap mai hi chuan min thawi dam thin ni ber hian ka hria.
Ka han sawi tum ber zawk chu hla phuah thiam leh ril ka tih em em Lalzova chanchin hi ka hre lo em em a. Lunglei lam chhuak a ni tih rual u te leh lehkhabu atang in ka hre ve a. Mahse a chanchin chiang zawk ka hriat loh avang in a hla phuah dan te leh amah kaihnawih thil hrim hrim min hrilh hre thei in awm chuan ka lawm khawp ang.
Similar Posts:
- Youth idol kal chho mek zel
- Book Of The Year 2007 “Zofate Zinkawngah”
- Siamkima Khawlhring
- Ka Hla Phuah Dan Kalhmang Leh A Chhehvel – Zirsangzela Hnamte
- Mizo Music
December 17th, 2009 at 1:04 am
1st em aw? :roll:
Report this comment
December 17th, 2009 at 1:11 am
1st…2nd…3rd…hi dumka in line/queue ang ah in ngai ta mai mo nile!! in za vai khan !st vek rawh u….a thing ka ti tlat!!
Report this comment
December 17th, 2009 at 1:35 am
hman a pi pu ten an sawi Lalzova suihlungleng in a fam an ti tih hla te pawh kan sak ve trhin kha maw
Report this comment
December 17th, 2009 at 1:39 am
Hnuna leh Aimawii fa Lalzova hi December 2,1924 khan Lunglei Rahsi Venga lo piang a. Indopui II-na lo chhuah khan Pawl nga a zo hman chiah a. Lemziah leh thil lem siam lama a talent thatzia hriain, SDO Wiscott-an Aizawlah a hruai phei a. Aizawl atang chuan C.Thuamluaia’n lehkha zir turin Calcutta-ah a hruai a. Sikul luhna tur an hriat lawk loh avang leh a lung lân em avangin Mizoramah a lo chuang chhuak leh a. Lehkha zir chu a bansan ta a.
Kum 1943-1945 chhungin hla 48 vel a phuah a. Sakhaw lam hla 3 leh hla lenglawng 5-te bak chu a hlate chu love song ang chi vek hi a ni.
Rimawi a ngainain heng Spanish quiter, Hawaii guiter, violin, ukelele-te hi a tum thiam vek a. Mi lungleng thei mi nih nak alaiin, a bialnu’n pasal a neihsan a. Chumi avang chuan ‘Khawnge i kal dawn sawi rawh parte ka zui ang che’ tih hla a phuah phah a. A hlate hi 1960 hma lam kha chuan Zoram tluanah tlangvalte’n se dar tia zet tingtang awrhin, zan thla engah mimal leh a huhovin an sa uar hle. Zan thla engah nulaten luhkapuiah la an kai a; an bulah an inleng tlangval-ten Lalzova hla an han thlawh meuh chuan a hre pha nu leh pate’n an vanglai ni dawn kirin mutmu an tuah hlei thei lo a ni ber e.
Kum 1945 December 2-a a piancham vawi 21na a lawm hnu December 8, 1945-ah khawsikpui avangin a boral a. Lungleng hmingthanga sawi a nih avangin Fam Lalzova tia sawi thin a ni.
Hla siamtu pakhat pawhin-
Hmana pi pute’n an sawi Lalzova,
Suihlung lêngin a fam an ti;
Kei ang em hian a leng bikin ka ring lo,
Fam dairial ka chanpui hial awm e..” tiin, a lunglên thu a au chhuahpui hial a ni.
SOURCE
Lalzova hi la dam se kum 85 ani dawna a tar ve fu tawh ang. Mahse thu leh hla thiam hi zawng an hming hi a chuai dawn lo ani. Mahse Luah loh lung D hi chu a phuah ani lo, chang threnkhat a lo belh ve keuh anih hmel
Report this comment
December 17th, 2009 at 1:58 am
Lalzova hla,’Mangtha mangtha’ tih hla kha mizo love song a ka thiam chhuah hmasak ber a ni a,ka duh thei em em a,tun thleng hian ka la duh reng.
‘Suihlung lengin a fam an ti’ tih hi chu amah hrechiangtute chuan an pawm lo,a thih chhan chu mzvision i rawn sawi kulh khi.
‘FAM LALZOVA’ R.Lalrawna leh R.K.Lalhluna ziah kha ka chhiar a,an thuziah kha ka pawm viau.’Par ang a chul’ tih hla kha F.Lalsanglura khan a sa a,a phuahtute ah F.Lalngura & R.Lianzika,April 1945 tih a keset kawm hnungah a inziak kulh,sawi theih erawh ka nei ve lo.Lalzova hi ‘Father of Mizo love songs’ an ti mi khaah? Kei chuan ka pawm thlaps!
Report this comment
December 17th, 2009 at 2:06 am
hman deuh khan Luah loh lung di tih kha an in chuh han tih em ah Lalzova phuah tih leh Vankhama phuah tih ah inhnial na kha awm deuh trhin em kha aw
Report this comment
December 17th, 2009 at 2:19 am
‘Luah loh lungdi’ tih kha chu 80′s vel khan chanchinbu hran hranah a phuahtu niawma an rin mi hran hranin an ziak nuaih,Lalzova phuah leh Vankhama phuan chu a thu a inang chiah lo naa a thluk chu a inang…aaa ka hre ve vaklo e.
Report this comment
December 17th, 2009 at 5:30 am
“Hmana pi puten an sawi Lalzova,” han tih em atan chuan a hawih lo! A la rei lo em mai! Influenza leh TB hlauhawm hun lai nang pha hman kha Lalzova a ni ve a … France Ram kal tih kha hmanlai tak zawk a tling! Lushai Scouts-ho leh Lalzova te an inrualkhat vel chauh!
Report this comment
December 17th, 2009 at 6:28 am
hlakungpui.com ah hian i duh chu a awm lo maw
Report this comment
December 17th, 2009 at 8:32 am
Pi PU hunlai hi boundary line a awm chiah lo naa keimah ah hi chuan Vailen hma 1870 hmalam leh Thlangtlak hma ho kha ka mitthla deuh. Lalzova hi kapa te nen rualkhat an ni kapa chu a la dam ve rih Pathian zarah.
Hmana pipu te sawi kha chu amah ni lovin amah leh amah a inphuah na a ni suicide tum te pawh a ang lek lek alawm le a hmangaihna lak run dan hi. A love story kha muantea te hian han sawi ula
Report this comment
December 17th, 2009 at 10:02 am
Ka thu chiar pakhatah chuan (khawnge ka hre chiah tawh lo) Lalzova hi inkhel pawh a thiam a–hockey/footbal. Lunglen vanga thi tih pawh hi a dik chiah lo, damsam lo chungin hah zetin a inkhel a, a na zui a, a thi ta ani an ti.
A re re thuin ‘lunglen’ in tih fo hi engemaw ni le? Natna/atna chi khat a ni mai lo maw?:)
Report this comment
December 17th, 2009 at 1:36 pm
Hla hi a phuah lungrun thei hle a ni.
Report this comment
December 17th, 2009 at 2:02 pm
Lalzova hla hi chu ka duh vek. ‘Mangtha mangtha’ ngat phei hi chu aw…
Report this comment
December 17th, 2009 at 6:08 pm
@mygurl : “Chaw ei tui,” tih lo phuah se … ka duh ngawt ang! :roll:
Report this comment
December 18th, 2009 at 5:02 am
@MZ says Hmana pipu te sawi kha chu amah ni lovin amah leh amah a inphuah na a ni suicide tum te pawh a ang lek lek alawm le a hmangaihna lak run dan hi. A love story kha muantea te hian han sawi ula
‘Hmana pi puten an sawi Lalzova
Suihlunglengin a fam’ an ti;
Kei ang reng hian a leng bikin ka ring lo
Fam dai rial ka chanpui hial awm e!
Khi hla thu inchhawp chhoh dan atang khian Lalzova’n amah leh amah a inphuahna chu niin a lang thei lo. Lalsangzuali Sailo khan a sa awr awr nain, Thangliana phuah em ni zawk dawn aw? Tin, Lunglei Bazar veng Lalzova (Siamdingi nuta) ni lo, hmana pi puten an lo sawi ve fo tu’dang daih nge awm ngai le?
Hmanni lawka Lalzova —pneumonia thihpui ni zawkin a hriaten an sawi tlat! Amah hriatrengna thlan lung kha chu LP Thangzika leh Puanthui Thangzika te dawr inkarah khan a la awm reng lo’m ni? Ni tina kan paltlang thin a nih kha!
@Nghasih : Nang, i hre chiang viau lo’ng maw?
FAM LALZOVA han nih tak rikngawt mai chu, hming ngaihno bei lo ber pawl a ni awm e!
Report this comment
January 2nd, 2011 at 4:45 pm
Lalzova suihlungleng in a fam an ti. .hetiang ang chi thu hi atak tak emaw tih loh tur. .ka sawi leh duh thin chu thu leh hla huangah hian a ziaktu/phuahtute uar em em a thil sawi,phuahchhuah an ching thin. Hetiang ang sawina hi a saptawng chuan HYPERBOLE an ti a, thil nihna ai taka,uar taka thil an sawi na a ni. .KEATS an “A THING OF BEAUTY IS A JOY FOREVER” an ti te kha, lungleng lo mi leh technical lam mi deuh tan chuan hriat thiam har mai2 tur tak chu a ni.
Report this comment