Tumkhat chu Laboratory-a hna ka thawh laiin kan senior pakhat, Ph.D zirlai nen kan ti ti dun mai mai a. “Mizote hi eng nge in Mizo-na tak hi?” tiin min zawt thut mai a. A chhanna ka bang bo hle mai. Kan hmel, hnarbawng mawng fual hi ti ila NE states dangah an tam ve tho, kan incheina hi ti ila kan hnam incheina bik hmuh tur a awm tawh si lo, Hollywood fashion-in kan inthuam vek tawh si.
Kan kut (festival) ti ila Krismas hi kan ta bil a ni lova, kristiante kut a ni bawk si, chapchar kut ti ila nikhat mualah kan kal khawma, hnam lam kan entira a zo der!. Rilru lama urlawkna leh nghah-hlelhna reng kan nei lo. Mim kut leh Pawl kut phei chu a thu chauh a ni ta.
Kan rimawi ti ila kan zaithiam te zai leh rimawiah mizo seki leh khuang ri thang khawk hriat tur reng a awm si lo. Western music-in a rawn luah lan ta vek a ni. Kan tawngah ti ila ,“Your english is very good” tiin min fak dera, thiam ta ber emaw intiin rem leh rem lo pawh thlu lovin, Sap tawng kan tawng kauchhehah zeh tel phet kan tum vek bawk si. Zotawng thiam loh hi changkanna emaw te kan la ti ta deuh deuh leh nghal..
Ei leh inah ti ila Mizo bai , Chingit leh Bawkbawn te, Maian bai te, Bekang um hnang tha tak te hi keimahniin tui kan ti a, Vawksa rep te, Arsa buh chiara Anthur tlem thlak tui zia hi khawvelah hmaah kan pho chhuak leh bawk si lo. Ram pawn atangin VIP leh Milar tam takin kan ram an rawn tlawh thin, hengte hi kan lo hlui tawh em le?. A changkang thei ang ber kan lo hlui thin hi keini aiin an ei ngun zawka keini aiin an ei changkang thei zawk. Tui an ti kher lo mai thei e.. mahse, Mizorama an rawn kal manah mizo chawhmeh dik tak hi an tem ve tur a ni.
“In ramah hmun hmingthang /danglam bik khualzin hip tur eng nge awm?” tiin min zawt fo thin. Sawi tur a vang khawp mai, a awm lo ni lovin kan enkawl tha lovin kan cheibawl lo mai a ni zawk. Shillong-a Elephant’s fall khi lengkir khawhthla tawi te ni mahse, an enkawl that em a vangin tlawhtu nitin an awm reng a, sawrkarin awmhmunah sum a la lut hiau hiau a sin!
Mizote hi kan thil neihsa vawnhima mi changkang zawkte hmaa pho chhuah kan zakin, kan nihna hi kan zahpui emaw ni chu aw tiin ka inzawt ve fo thin. Tamil ho hi entirna’n ka han hmang lawk teh ang. Tamil ho chuan kan duh emaw duh lo emaw an hnam ei ang Idly leh Dhosa min barh lui a, N.Indian emaw, American emaw African emaw an sawi lo, an hnam thil leh kal phung angin an ramah chuan min hruai lut a, Jasmine par min hnim tira, Biryani zunah min uai tir thei tlat a ni.
Ei in chauh a ni lo, an Assembly Session kan en chuan an hnam incheinain an MLA te hi an var suau mai a ni. Kan ramah hian tunge Assembly house-a Zopa incheia inchei tawh le?, kan MP zingah tu nge Hnam thil rawng kaiin Parliament-ah inthuam tawh le? Union HM Chidambaram hian American pachal hmaah pawh kamis var leh puan varin a inbel tang tang thin. A.R Rahman te chuan vaikhuang ri tleng tleng kha Oscar Award an lakpui thei tlat a ni! University campus-ah an duh angin min incheitira kan nula te Sari leh Salwar an haktir a ni lawm ni? En teh, Old Trafford khelmual tlar hmaa Sikh pa hovin an lu tuam an zahpui loh zia EPL en thin te chuan kan hre theuh awm e.
Keini erawh chuan kan hnam hi kan hmu thing (thring) em em a, thil thing deuh sawinan A ZO TIAH TIAH tih kan hmang fo mai, kan mawng kan hlim mai a ni. Kan hnam kan sita hnam dang chungnung zawk leh sang zawka kan dah chhhung chuan tu hnam mahin min ngai sang lovang. Mizo te hi damchhunga hnamdang ngaisang leh awt reng renga khawsa a, an tih ang apiang lachhawng zel tur kan ni bik lo. Hmasawn tur chuan eng nge maw chen chu kan tih dan thin paih ngai a awm mai thei e, mahse khawvel hmasawnna leh changkanna hian kan Mizona hi ti dalin nuai bo lul lo se, Mizo takin hma i sawn zel ang u.
Similar Posts:
- Ram dang mi Mizoram a chengte
- Mizo hi hnam hming a ni lo
- Mizo zel ang aw!
- “Chhakchhuak” or “Hualngo” ?
- Aryan’s Chocolate Fountain
April 19th, 2010 at 7:02 pm
Khawnge, 1st ve manah comment ngheng teh ang.
Mizote hian Mizo-na (Identity) kan nei hran em em pawhin ka hre lo. Han en mai a Mizo ka ni tih min hriat theihna tur hi ka pianhmang leh hmelah hian a awm lova. Khawilo-a kan ram han pelh ve zauh tum pawhin Mizo ka ni tih min hriat nghal mai ai chuan, khawchhak lam mi-ah min ngai zawk tlangpui.
Mizo ka ni tih mi zawng zawngin min hre rawh se, tiin kan hnam inchei hian ri ut reng ta ila. Kan incheina pawh chu eng hnam incheina nge? tihah hnam dang ho chu an buai tawk leh thovang.
Population-ah kan la hniam deuh em a, kan Mizona phochhuah hi a har rih a nia nge..
[Report abuse]
April 19th, 2010 at 7:03 pm
Kan zia leh tlawmngaihna hi kan Mizo na lai chu a ni mai lawm ni
[Report abuse]
April 19th, 2010 at 7:21 pm
Chutiang te chu hman hmanah khan inzawh tawhawm alawm’ ti et la nimai..
Sawi maitur i hriat loh chuan i zak ve deuh dawn nih chu.
[Report abuse]
April 19th, 2010 at 7:23 pm
Mizote hi Sap ngaisanga mahni inhmuhsit ching kan ni chiang khawp mai. Ka sawi belh ve thiam vak lo. Inngaihtuah fim deuh a la comment leh tur a nih hi!
[Report abuse]
April 19th, 2010 at 7:27 pm
Kan culture, tradition, khawsak na hmun leh history hi min ti Mizo tu chu a ni mai lawm ni?
[Report abuse]
April 19th, 2010 at 7:29 pm
Chhanna fuh tak a vang. Duhlian tawng kan hmanna te hi anih ngawt loh chuan. Tlawmngaihna te chu keini chauh ta ani tueh lo.
[Report abuse]
April 19th, 2010 at 7:31 pm
Comment.
[Report abuse]
April 19th, 2010 at 7:32 pm
India ram a hnam peng pakhat kan ni maiin ka lo hria a, Mizo kan ni a, kan mizo na a hranpa tak a han sawikher tur awm pawn ka hrelo. Bengali ho hi enge an bengali na..tiang zawhna hi dawng ve ta ila min hmusit ah ka ngai duh hial in ka ring!
Incheina ah chuan, hmanlai incheina kan pipite’n an lo hmuhchhuah (siapsuap, hnawkhal etc) kha chu tunlai atan chuan a laktlak tawh mawlh loh, a aia changkang kan la hmuchhuaklo a nih chuan hnamdang te siam sa hi pawisa chawia kan lei a ngai mai reng a ni.
PAIH NGAI PAIH NGAM, CHHAWMNUN ZEL NGAI CHHAWMNUNG THEI HNAM KAN NIH HI A PAWIMAWH TAKZET TA E.
[Report abuse]
April 19th, 2010 at 7:34 pm
Kan thatna lam sawi tur hi kan nei ta lo em ni le ? Tak tak a, thahnemngaih a na a ni. Mitthi kan sawngbawl dan hi hnam dang lak a Mizote kan danglam bikna pakhat niin ka hria.
[Report abuse]
April 19th, 2010 at 7:34 pm
“Mizote hi Sap ngaisanga mahni inhmuhsit ching kan ni” good point..a dik lutuk, keimahni leh keimahni or kan hnam kan chawisan thiam hun hi a nghahhlel awm hle mai.
[Report abuse]
April 19th, 2010 at 7:44 pm
A zau zawngin N-E mi hrim hrim te hian engmah ‘Identity’ hrang kan neih awm ka hre lo. Indian mahse hmelhrang daih ni si, Burmese takngial pawh kan tluk lo e. A bik takin Mizo leh Naga hian mahni hnamzia paih tingtang changkan na em em nei silo in Mingo zia kan la hnem, kan lai tawk vel chiahin ka hria. Naga ho aia kan chungnung hret na chu ‘Tawngkhat Hmang’ (Dialectical Differences aniang chu) leh ‘Tlawmngaihna’ (A tak ani tawh ngut emaw) kan neihna hi ani deuh mai eeeeee…
I thil post chuan ngaihtuah na thuitak min neihtir…….Ka tawn ve thin fo leh chhanna fumfe ka la neih theih miah loh ani
[Report abuse]
April 19th, 2010 at 7:47 pm
OT @Kawnga, i comment vel dan chu i va phakar e
Ka mi(sual) ve tan tirh vel lai khan 1st, 2nd in chuh vel hi a nuam ka ti thin a, an rawn sawisel te khan ‘a rilru tet thlak mang e’ ka lo ti thin. Mahse, hei ka ning ve ta riau 
(Kawnga tiam lohin 
[Report abuse]
April 19th, 2010 at 7:55 pm
@ninja : I 1st ve loh vang mai mai a nih kha. Kei chu ka 1st a, mahse, nuam ka ti vak lo.
Mizo takin i 1st loh paw’n lawm takin lo awm phawt mai teh.
[Report abuse]
April 19th, 2010 at 8:00 pm
European lam mi hnam hrang2 an hnam bil a soi mai theih loh te poh an awm tho a, chutihlai a en reng reng poh a muslim, hindu ti a hriat hran nghal theih ho hi chu a puithuthlak mai mai tho bok a.
Mizote hi kan ropui ve hunah kan mizona in khawvel kan la hneh ve mai ang, burmese emaw chinese emaw sap pain emaw a hmuh hunah khu chu mizo a ni maw te ala ti vel ang a, nuam awm reuh.
[Report abuse]
April 19th, 2010 at 8:11 pm
Tlawmngaihna hi hnamdang pawn an nei ve tho a nia aw!
[Report abuse]
April 19th, 2010 at 8:12 pm
Identity tih hrim hrim hi khel tham niin ka hria. Eng berin nge min ti mizo? Eng berin nge American ho khu ti American?
Mizo min ti mizo tu hi thil pakhat mai chu anilo- kan tawng, nunphung, ei leh in duhzawng, kan chhuan em em tlawmngaihnate bakah a dang pawh a tam ang.
kan mizo hnam chawimawia khawvel hriata phochhuah hi keini mizo tia inchhal tawh phawt kohah a innghat.
Nakinah chuan mizo nih hi kan chhuang ang nge kan zahpui ang?
Bakah ‘zo’ tih hi thing,hmelchhia, hmuhsitawm leh changkanglo anga hman tawh loh kha kan tiin ka hria.
‘ZO’ tih awmze thar atan hmelthatna, changkanna, ropuina leh duhawmna te hman tawh zawk rawtna te a awm tawh kha.
Hmeltha sawi nan te hian a hmel chu “a zo sar mai” emaw a hmel chu “a zo vah mai” ti a kan hman te hi a tha viau dawnin kei chuan ka hria.
[Report abuse]
April 19th, 2010 at 8:34 pm
Mizo Identity hi langsar leh langsar lo a awm in ka hria.A pawimawh dan pawh a inchen vel ang.
[Report abuse]
April 19th, 2010 at 8:49 pm
Mizo nih hi a nuam a, kan nihna hi chiang fek fawka han sawi fak tur a awm em em lo, mahse kan mizo hle mai tur a ni.
Min min zawh ve chang a “Mizo ka nia, mizoram a tanga lokal ka nia”, han ti ila, Mizoram pawh chu khawiahnge a awm pawh an hre lem chuanglo a, kan la lar lo vet vet khawp anih hi,
[Report abuse]
April 19th, 2010 at 9:03 pm
Chingalbai kan hmeh thin a..Sa kan um (saum)thin bawk…a nep se se mange..ah..Mizo na kan nei tawhlo aniang..YMA MZP MZI MUP MHIP te kan awma te hanti keuh la..fiamthu lehpek ani e..;-
[Report abuse]
April 19th, 2010 at 9:13 pm
Theory pakhat premordial ties-ah chuan ethnic group-te hian kan origin chhui kaina turin hmun (ataka awm tak tak ni kher lo pawh) kan nei thrin an ti a. Mizo, Zo hnam pawh hian chutiang chu kan nei ve niin a ngaih theih a, chu chu Chhinlung chhuak kan han intih tlatnate hi keini ethnic group min phuarkhawmtu a ni thei. Chung ethnic group chuan hmakhawsang ata tawh kan pi leh pute lo tih thin chu khawvel changkang mahse kan thlah thei ta lo thin a, vawiin thlengin khawhar in kal etc. te hi keimahniah a lo la bet a, chu chu kan hnam kan nihna, hmakhawsang ata kan chin thrin nia kan hriat tlatte hi ethnic group min phuarkhawmtu chu a ni an ti thin.
[Report abuse]
April 19th, 2010 at 9:15 pm
Mizo indentity: kan culture leh tradition, (khawsak na hmun etc) leh history hi min ti Mizo tu chu a ni mai.
Khing te min share pui theilo hnam chu Mizo an ni lo hairehai
[Report abuse]
April 19th, 2010 at 10:08 pm
Mizo tlawmngaihna hian kan ran chhungah chuan fak a phu in a thlamuanpuiawm ngeia, mahse rampawna kan awm hian kan hlauh nghal thak. Sawpa chu a tlawmngai ngei mai, Mizo aniang han tih tawng ta an vang khawp mai.
[Report abuse]
April 19th, 2010 at 10:14 pm
mach3, i sawi sentence hmasa zawk hi ka van awih chiah lo ve aw. Mizo tamtak te hian hnathawh that lawmman an dawng thin tawh a, tam tak chu thiam vang a nih mai bakah Mizo tlawmngaihna an apply thin vang a ni ngei ang.
2nd sentence erawh hi chu Mizo nilo, Mizo aniang a, tih ngawt ngaihna chu vang tak tur chu a ni. Mahse, chezia ah hian Mizo tawnga han biak chawt ngam tur hi chu an hriat theih fu… Washington, DC a ka hnathawhna kiang chiah ah hian DOUBLE TREE hotel a awm a, tah chuan 2001 nge 2002 khan Pu Vanhela Pachuau leh PWD hotu te kawng kal ka hmu a, Mizo an nih ka ring nghal… “Mizo in ni em,” kan ti chawt mai a, nui sangin an nih thu min hrilh mai
an mahni hi a hma in ka hre ngailo reng reng.
[Report abuse]
April 19th, 2010 at 10:29 pm
Chawhchawrawi ve ngheng teh ang..Kutzungpui tha a ti za ve tlat a lawm le…!!Amewase hi vai ka nilo phwt a, amewase tih paper a ziah-a phek lehlamah esawemA in hmuh k beisei..ting… Tlawmngaihna chu Khawpui ah khan tran tha leh ni se,thingtlang mi ten kan en tawn che u a nia..mizo hnam boral lohna tur diktak chu PATHIAN RAWNGBAWL A NI E..Mipui(=MIHRING) MIT rawngbawl ni lovin..Chuan misual tlem te tam angreng si te hian Pa rawngbawl ila ,Pa thu kan hre si a,A rawngbawl thiamlo khawp chu kan ni ém lovang chu maw..Theìhtawk bak a phut hleinem le… Chuan cell phone hmanga misual thin tan https://www.ucweb.com ah uc web phone support twh dnld in hmang ve teh u a zya kup(qwp) my..In hmang ve vek twh zawk ge !! heh eh..Chuan..ih k duhtawk leh mai ange..
[Report abuse]
April 19th, 2010 at 10:49 pm
dik angreng hle mai a, evergreen pawh hi mizo tawng ngatin dah thei la lawmawm ngawt ang…
[Report abuse]
April 19th, 2010 at 11:01 pm
A hun a ral* lu la ngam, a hun a tlawmngai* thei hi Zopa Identity lanna pawimawh tak chu a ni.
* Sawi zui tur a va’n tam em!?
[Report abuse]
April 19th, 2010 at 11:45 pm
H.Vangchhia#23, Mizo hnam hi hnam tlawmngai tia min identify tur chuan kan ramah bak a pawchhuak zo lo ka tihna ani e.
[Report abuse]
April 19th, 2010 at 11:58 pm
Kan mizo identity ‘thlan laih’ chu Tuikhuahtlang chuan an lo mausam der tawh a! Mahse chhut neuh neuh chuan awm ka tih puiin tha titu berah ka tang lawi si!
Kan mizona dang khawharin riah hi Zarkawtin an han hluihlawn ngam hi an Vengta’n a tha ka tih puiin, Kan futureah chuan a bo dawn hrim hrim tih hi a lang chiang em em bawk si!
Identity dang ‘Zualko’ hi chu automatic-in telephone leh Cell phone bakah LPS, ZoNET,DDK, AIRte’n min zualko sak bawk si ! Ngaizelkham huphurh deuh a Torchlight nena kan paltlangte kha thawnthu mai anni tawh bawk si!
Mizo taka lumen zanah pawh Solfa zaia kan tlaivar zawh loh zan hi thangkhat a liam ta! Kan Mizo Original hla lah sa peih thangthar an awm ta lo e….
Mizo takin aw kan han tihtur hi a va vang ta ve!
Kan Sakhuana (Christianity) bak hi chu Mizo-na vak pawh kan nei ta lo em ni aw???
[Report abuse]
April 20th, 2010 at 12:01 am
@lushai_er : Kan Sakhuana (Christianity) lah chu kan Identity bik anga chhiar theih lah a ni bawk si lo, ti raw? Christian dang an tam ropui si.
[Report abuse]
April 20th, 2010 at 12:03 am
mach3, #27 Ram danga Mizo/Zohnahthlak te thawh tawhna ka hriat chinah, hnathiam chu thuhran ni rawh se, kan tlawmngaihna leh kan viak thatna avang hian hotu te duhsak kan hlawh thei khawp asin.
Hna hahdam deuh leh a hahthlak deuh chi thleng hian Zohnahthlak lo thawh tawh na thinah chuan, “good workers,” tih hi kan hlawh thei khawp mai. Award pawh kan dawng fo alawm.
I awmna/awmna thin community a Mizo te/ i hmuh theih chhun te an thatchhe hle anih dawn chu. NOI
[Report abuse]
April 20th, 2010 at 12:39 am
@Kawng : Kristianah pawh ‘Pawlchhuak Protestant’ a zuih lam!
A zuih lam pawh Chhim/Hmar ( Shiilong Vangin ) kan han in then hrang!
Pawl neuh neuh nen…..khua a var hlawl lo!
Mahse Mizo kan ni a, kan thlahte pawh Mizo anni reng dawn a!
Kan Identity hi chu chiangdeuha define ka duh ve ngawt mai!
[Report abuse]
April 20th, 2010 at 11:36 am
Min ti Mizo tu chu kan tawng (Duhlian) hi a ni mai lo maw?
Duhlian tawng hmang lo hi chu hmelah leh pian ziaah pawh inang viau mah ila, tam tak chuan kan hmuh ‘Mizo’ that theih miah loh hi. Eg: Zo hnahthlak ni si Hmar tawng hmang ho.
[Report abuse]
April 20th, 2010 at 12:27 pm
Tawng hi a pawimawh khawp mai, min ti-mizotu ber chu a ni hauh lo ang a; mahse, mizo theuh theuh pawh tawng kan inhriatthiam pui tawn chuan inngaihnat a awl deuh ang chu.
2001 khan Falaknuma Express-ah ka thianpa nen khawhar taka kan kal laiin kan bul lawka Vaipa chuan Mizo kan nih ringin min rawn bia a; mizotawng a lo thiam a, Assam Rifle ah tangin Aizawlah pawh ka awm reng tawh a ti a, Vai a ni vang vangin a ngainatawm khawp mai.
[Report abuse]
April 23rd, 2010 at 8:01 am
A tha kher mai, kan ‘Mizo-na’ erawh han sawi fak tur chu a vang duh khawp anga, kan Mizo-na nia ka lo ngaihve ber chu kan nunzia, e.g kan inthenawm khawvenna, kan fiamthu duhna, etc etc vel hi niin ka hria, hnamdang, Mizorama lo awm rei tawh deuhte pawh, “A mizia a zo ve vuh tawh.” te pawh kan tih thin hi, mahse hnamdang zinga han hrilhfiah na atan erawh chuan a hmantlak kherloh maithei.
He article atanga ka chharchhuah ber chu kan mizo nihna zahpuia ti riral zawnga ke kan pen nasa lutuk hian Rel kawng aiin min chimral hma ka ring tih ani!
Good job Dude
[Report abuse]