Nausen/naupangte chhandam an ni a ngem? tih hi zawhna liantak, chhandan leh ngaihdan in anglo thei tak ani ang. Nausen hi chu lo dah tha deuh ta ila, naupang ah hian, rin awmzia pawh la hre lo, chhia leh tha hriatna pawh la nei chiahlo kan ti dawn nge, la hmang thiamlo kan ti zawk dawn ni? He topic a naupang tih in a huam chinte chu kum 5,6 vel an ni. Chhia leh tha hriatna la hmang thiamlo, rin leh rinloh pawh la hrethiamlo chinte hi naupang tih ah hian a huam chinte an ni.
Amaherawh chu, Bible atang nguntakin lo ngaihtuah ho teh ang u. Hemi topic ah hian ngaihdan lian deuh deuh 3 a awm a.
1. Nausen/naupang thi te chu chhandam an ni vek ang.
2. A nu leh pa piangthar an nìh chuan chhandam ani ang a,piangthar lo an nih chuan,chhandam ani lovang.
3. Nausen thite hi hremhmun ah an kal vek ang.chhandam an ni lovang.
A chunga view 3 ah hian 2 na khi pawmdan tam ber ani awm e. A dik hmel berin alang a. Mahse Biblical support a awm lo a. Bible ah hian inrin kep theih emaw, rinna intawm theih emaw hi a sawilo va. Lal Isua zirtirna ani lo ani.
View No.1 chiah khi a Biblical support a awm thei ang. View No.3 khi hmanah,pu Biaksiama lehkhabu ziah, “Mi hausa leh Lazara” tih ni ta in ka hria ka chhiar a. Khatah khan, Mizo hmeichhe naupang pakhat, inlarna hmu(hremhmun fang) khan, hremhmunah chuan nausen te a hmuh thu a sawi a. Keichuan Biblical view atang chuan pawm harsa ka ti.
Nausente chhandam an nihna hi pawm harsa ti kan awm viau mai thei. Amaherawhchu, nguntak in, a bul thum atang deuha ngaihtuah pawh a ngai mai thei. Lal Isua tlanna hnathawh hi a hmasa berin kan chhut pawh a ngai ani. Krista kha thenkhat tan chauh nilovin, mi zawng zawng (mizo,burma,vai,negro etc..),tan a thi ani. Tin, Tlanna (Redemption,grk.egorazo) leh Chhandamna (salvation, grk.sozo) hi kan hriat hran pawh angai a.
Lal Isua khan mizawng zawng a tlan a, mizawng zawng erawh chhandam an ni mai lo. Amah ringtu te(tlanna hna thawh ringtu), chauh a chhandam ani. “A ringtu te chhandamtu ani” Paulan a ti. Kan mihring hlui chu a hnenah khenbeh ani tawh.chu mihring hlui chu Adama bawhchhiatna avanga lo awm, mahse tih boral, khenbeha chu ani. Chu Adama avanga kan sualna, mihring hlui leh bawhchhiatna kha Kross ah a ti boral a. A hnehta ani.
Vawiin ah hian Adama bawhchhiatna kha chu kan la inkaichhawng/rochun reng a. A power zawk kha tih boral ani. Adama bawhchhiatna avanga thiamloh kan channa kha Kross lera a rawn tih tawp chu ani.
Tunah chuan Adama bawhchhiatna avanga thiamloh changtur nilovin, amah kan rinloh avanga thiam loh changtur kan ni. Lal Isuan “thiamloh changin an awm ang, Pathian fapa an rin loh avangin” a ti. Tichuan heng nausen te hi Lal Isua tlanna ah hian an him a. Rinna avanga thiam changtur leh rinloh avanga thiamloh changtur kan nih avangin, Nausen te hian anla ring theilova. Rin ngaihna pawh anla hriat loh avangin, an tan hi chuan Lal Isua tlanna ah hian an him a.chhandam an ni. kan theihloh pui chu Lal Isuan min phut ngailo.
Thenkhatin ,nu leh pa piangthar, ringtu an nih leh nih loh in a hril an tih fo hi a dik loh zia Isua ngeiin a sawi. Mat 19:14 ah chuan Isuan, “Naupangte te ka hnenah han kaltir ula, hnar suh u. Pathian ram chu hetiang mite ta hi ani si a” tiin Naupangte thlarau nun a thlamuan awm zia leh an him zia, vanram anta anih thu a sawi a.
Anih leh heng naupangte hi mi piangthar fate chauh em mi an nih? Nilove, Khengbet rawh, Khengbet rawh titu te fa kha an ni tlat mai asin. Davida pawh kha a uire na fa, a thiltihsual fa a thih khan, hremhmun a kal awm tak, mahse Davida khan, keipawh a hnenah ka la kal ve ang atih khan a kalna tur ati chiang hle ani. Davida kha chu hremhmun ah a kal hauh lo ang le.
Misual hote enge kan ngaihdan le?
Similar Posts:
- Zawhna Pathum (3) han chhang teh le.
- Thihna hnehin a tho leh ta!
- Abortion hi tualthahna a ni
- Pathian Chhandamna Ropui Hi
- Nausen pahnih
April 19th, 2010 at 3:21 pm
ka hre bik lo le 1st
Report this comment
April 19th, 2010 at 3:27 pm
Pathianin min chhandamna ah hian i tel ve lova, ka tel ve lo, rawn ka ni lova, rawn i ni lo bawk chutiang bawkin, ringlo mi tan chhandamna a awm lo, ringlo tur chuan rin awmzia i hriat phawt a ngai, chu chu ni mai chiang fu lo maw? lolz
Report this comment
April 19th, 2010 at 3:28 pm
Thih 2naa an thih leh thih loh niin a lang
Report this comment
April 19th, 2010 at 3:29 pm
Mapuia07, “Keichuan Biblical view atang chuan pawm harsa ka ti.” i tih hi khawngaiha han sawi chian deuh dan i hria/nei em aw?
Mathaia 18:1-3 a mi te kha i sawi chhan a nih kan ring ngawt pek a.
Report this comment
April 19th, 2010 at 3:30 pm
Nausen/ Naupang te Thlarau hian Vanah hmun anchanglo anih ngat chuan kan Pathian hi ka dem thlawt ang. Ka lawm e!
Report this comment
April 19th, 2010 at 3:32 pm
An kai loh vin enge kalvari tlanga thih khan awmzia a neih…
Report this comment
April 19th, 2010 at 3:39 pm
Chhandamna chungchang hi heti zawnga buaipui deuh lai hi a awm chawk! Nausen chauh lo pawh entirna’n, kan ramin chanchintha kan dawn hma-a mual liam tate kha van ram an kal tho angem? ‘An la hre ve miau lova, an sual a ni lo, an kal ang’ tih leh ‘Piangthar lo na na na chu engtinnge an kal theih ang?’ tiin ngaihdan a phir nghal thei.
Mahse, keima tan bik chuan, he’ng ang chi, a chhanna dik tak hriat theih loh ang chi-ah hian ngaihtuahna lo sen vak vak hi ka sim tawh. A then pawh kan hre thei lo, he luikam atang hian tih a nih kha maw… Thihna lui ral kan kai hunah engkim hi a la chiang vek mai turah ka ngai tawp mai.
Report this comment
April 19th, 2010 at 3:42 pm
naupang pawisawilo chu kai ngei turah ka dah..chu zawng chu ka rindan a ni
Report this comment
April 19th, 2010 at 3:49 pm
@Kawnga: “Nausen chauh lo pawh entirna’n, kan ramin chanchintha kan dawn hma-a mual liam tate kha van ram an kal tho angem? ”
Mitin an thiltih ang zel a rorel sak tu chuan a rel fel khawp ang. Chhandamna thu la hre velo mahse an thil tih a zir a ni mai a lawm,….. kan velah hrelo an la awm chuan an thisen mawh chu kan phur bawk…. hriat tir zel hi kan tih tur bulpui ber a ni
Report this comment
April 19th, 2010 at 3:49 pm
” thihna lui ral kan kai hunah engkim hi a la chiang vek mai turah ka ngai tawp mai.” A Chhandamtu thu thu a ni ber lo’ng mo.. te ka tia..
Report this comment
April 19th, 2010 at 3:55 pm
Kawnga #7 khi ka pu hla phuah min ti hrechhuak… a vuina inkhawm ah kan sa lehnghal.
“Kan pi kan pu zawn Pathian nung, aw nangmah ngei hi ilo ni. Nang hmu loin an liam zo ta, aw an chungah zahngai ang che…”
Report this comment
April 19th, 2010 at 4:03 pm
A kim lovin kan hria a, a kim lovin thu kan hril bawk thin a ni. A famkim a lo thlen hunah erawh chuan a kim lo hi tihban a ni tawh ang
Rorel tu/tur Pathian ringtute hian rorel pui kan tum fo hian ka hria.
Ka lawm e.
Report this comment
April 19th, 2010 at 4:14 pm
Ti leh lo mai teh ang..mithiam ho titi ka lo ngaithla zawk ange.
Report this comment
April 19th, 2010 at 4:26 pm
@Vetehmial : Evan K.Lalhmingliana min hriatchhuahtir tlat. ‘Taitea tello chuan’ ‘Sunday tlai leh Anhling’ sermon hote kha, lung an va tileng reuh e.
El-Bethel vanglai tak tak kha chu aw… A va han pui ve tak! Kan ram pumpui a nawm ber lai a mi hial lawng maw?
@HV, ramthim vei zualpui hun kha kan pel ta deuh hlawm lo maw? He hla hi a dik khawp mai.
Lalpa rawngbawl duh lo ram leh hnam chu,
An la boral dawn si a;
Ram leh hnam dinchhuahna bulpui ber chu,
Krista chanchintha hril hi a ni.
Report this comment
April 19th, 2010 at 4:27 pm
Topic a har hle mai… :!:
#12 comment hi ka awn khawp mai…. ti hian ka ngaihtuah a – Pathian hi engtin nge a lo awm ? Tu siam nge?
Report this comment
April 19th, 2010 at 4:28 pm
:lol: @Vehtehmial, engatinge i lo edit leh daih. Ka lo Address ve em em che a. Ka comment i tiho zo vek.
Report this comment
April 19th, 2010 at 4:38 pm
#kawnga..sorry lutuk.tih leh tho ka tum alawm.ka rilru chu kha kha ani hrih a..ka kutthlak rang mah mah kha ka insum leh deuh..zanriah eikham ah ka phul hlut ang..
Report this comment
April 19th, 2010 at 4:43 pm
#mygurl..Pathian hi tu siam nge.engtin nge alo awm.? I fiamthu mi..
Report this comment
April 19th, 2010 at 4:58 pm
Dan awmna hmun/hun a awm a, dan awm lohna hmun/hun a awm bawk. A hran a rorel sak kan ni dawn!? Chhia leh tha hre hrang lo nausente hi danin a phuar ve lo! Ka ngaih dan ve mai mai…
Report this comment
April 19th, 2010 at 5:09 pm
Kei chu naupang nu leh pa te kha an pianthar chuan chhandam an nih ka ring ve ngawt!!
Report this comment
April 19th, 2010 at 5:21 pm
@kawlhawk#5 : ka thlop 100% che nia aw…….
Tu fate poh nise engmah hrelo an ni a,engmah an hriatloh na na na chuan meidil an kal ka ring lo hrim2.nu leh pate sual mahse an fa chu a kai tho ka ring kei chuan.PATHIAN hian a pawl ang zawng te, a kohhran ang zongte hian a ron lawr don lo,a mal2in min ron lawr don tih kan hriat theuh kha…..
Chhandamna hi a in kep theih loh hrim2.nupui poh fel mahse pasal a kep thei lo ang chiah khan…..
Report this comment
April 19th, 2010 at 5:30 pm
‘Ngai teh, khawlohnaa dinin ka awm a; ka Nun sualin mi pai a…
He thu hi engtinnge nita ang.
Report this comment
April 19th, 2010 at 5:33 pm
Vetehmial #22: chutiang anih chuan i pian ken a fuhlo anih dawn chu.. :lol:
Report this comment
April 19th, 2010 at 5:41 pm
Isuan naupang te2 ka hnenah rn kaltir ulag hnar suh u atia. Nu lh paten isua kebulah kn hruai agai a, hruai loh chuan kal ngaihna a wmlo. Isuan alawm em2 chu naupang thinlung thianghlim tak hi ani.
Report this comment
April 19th, 2010 at 5:44 pm
#funny..ani mai thei asin,ka chhun che anga..(SAM 51:5)
Report this comment
April 19th, 2010 at 5:53 pm
Pathianin mihringte min hmangaih dan em em hi a thuk a,amak a,a sang em em a kan hrethiam pha lo ani..Nausen chu nu chhula a awmlai ata tawh a venga a enkawl renga.hunlo takah alo boral lehta si anih pawhin Pathian chuan Vanram chu chu nausen tan pawh alo buatsaih sak ve hmantho turah ka ngai e.
Report this comment
April 19th, 2010 at 5:58 pm
He topic hi chhandamna camping ilo vela counseling class-ah te an zawt fo mai. Patling pui tawh te hian lal Isua an rinna daltu atan zawhnaah an la zawt fuk fuk a…nausen chu la ni se zawh awm tak pawh a ni mahna! Chuvangin, hetiang zawhna, a chhanna chiang fak Bible-a awm lo ang chi hi chu ‘inhnialna atthlak’ siamtu mai an ni thin a, nausen leh midangte chungchang buaipui chiam ai chuan MAHNI hi chhandam kan ni em tih hi a pawimawh zawk!
Report this comment
April 19th, 2010 at 6:25 pm
Mihring hriaiit tul lo hi awm, ti ila tha mai. Mahse a rang lama Isua inhmelhriat tir chu a pawimawh.
Report this comment
April 19th, 2010 at 7:07 pm
A chingfel thei tu kutah dah hmiah mai ila.
Ringtu te chuan kan fa sen te hi chhandam ni lo turah chuan kan dah phal lem lo a ni.
Report this comment
April 19th, 2010 at 7:11 pm
@keimah #27 hi ka thlawp e. Thil inthup kan hriat phak lohte hian Pathian ropuizia a tarlang. He luikam atang hian kan sawi fel dawn loh avangin inhnialna atthlak topic mai a ni. Hei hi erawh ka chiang, a siamtu chuan a rel fel ang tih hi. Nu leh pa rinna tawmpui tur an nih hi chu ka ring hauh lo thung.
Report this comment
April 19th, 2010 at 7:14 pm
Midangte vanram an kai leh kailoh ah hian sawtpuina tur nei ila chu ka comment ve ang mawle.
Report this comment
April 19th, 2010 at 7:23 pm
A nu&pa te chu Ruihhlo ngawlvei, rukru/ eiru, KS leh KS dawr thin pawh niraw sek2, nausen pawisawilo thlarau chuan van a kai ngei ang tih hi ka rin dan nghet bur ani.
Report this comment
April 19th, 2010 at 7:40 pm
Ka hriat loh thil ani e. Comment ve lo mai ang.
Report this comment
April 19th, 2010 at 8:28 pm
Hebrai 6:1,2 Chutichuan, Krista thu bul hril tawh lovin puitlin lam i pan ang u; thiltih thi simna te, Pathian lama rinna te, baptismate leh, kut nghah leh, mitthi thawh lehna leh, chatuana rorelna kawng lam zirtirna te lungphum chu phum leh tawh lovin.
Mihring ngaihtuaha ngaihtuah mai thin hi chuan mahni level ngaihtuahna pu tawk velah Pathian hi dah mai palh awl thin a.Tihpalh awm miah lova vawiin ni thlenga rorel thin hi chuan an chatuan dinhmun tur chu a rel fel em em dawn tih hi rin ngam a tha khawp mai.
Nakin hun tur hi a vaiin chiang takin hrelawk vek ta ila,rinna kan tih hi a ngai lovang.Kan hnemhnan phah em em ka ring lo bawk nia.
Report this comment
April 19th, 2010 at 9:00 pm
Mihringte hian Pathian Porfolio hi kan chuh fo mai. Lal Thuthleng Var chunga rorel tur hi lo suggest leh advice pek tur chi a ni leu. Kel leh Beramte thliarfel tur kan ni lo. Lal Isua pawhin jakob-a leh Johana Nu hnenah a sawi kha.
Tirhkoh Paula’n “Inhnialna atthlak leh fing lohah tel suh” a tih hi heng ang hi a ni ngei ang. (chhut chhut mah ila..result engtikah mah kan hmu chhuak dawn chuang lo..he leiah)
Leilung pian hma daih tawha Van-a Indona lo chhuahna chhante pawh kha Pathian Portfolio chuhna vang te pawhin kan sawi thei ang.
I chhut peih a nih rau rau chuan Nausen aiin i hlu zawk a, Nangmah kha inchhut zawk rawh.
Report this comment
April 19th, 2010 at 9:11 pm
mygurl, Kulikawn pa, party pakhat Ghq office bearer upa tawh tak chuan, Sunday sikul ah zirtirtu kha Pathian pian hmang, a sawl nge, a phek nge, a square nge, triangle nge a nih a a bial tih thutak zet maiin a zawt tawh. A hnu ah, a ma an pui angin min siam tih a ni si a, thlangkawr vai hmel ang hi chu a nih loh ka beisei, a la ti sup zui :lol:
Report this comment
April 19th, 2010 at 9:19 pm
A topic nen a inmil miah lo na a ka rilru a lo awm ve ringawt pakhat chu , kan Pathian hian a fate hi min hmangaih em em a, mahse min duat hran lo tih hi. A dik hian ka hre thin. Tunlai tawng takin in kan Pathian hi a “man” hi ka ti e.Teh daih chuan, ti te hian ka lo OT lok . Ka duh tawk e :lol:
Report this comment
April 19th, 2010 at 11:49 pm
Mahni chhia leh tha hriatna hmang thei lo a thi te chu, Pathian hmangaihna a khat chuan VANRAM a kai tir vek dawn!
Ka lawm e
–LVK
Report this comment
April 20th, 2010 at 12:09 am
Miril muantea meuh pawh a in rawlh chuan ka kawmen ve ngei ang.
Hlamzuiha piangte khan Pialral an thlen khan Gate Vengtu Pawla khan a lo dang a, Inlam leh Ram lama Thangchhuah nu/pa kha a chhuah lawi si a!
Keini pawhhi puitlin thleng dam i la, Thangchhuah nu/pa kan niloang tih i sawi thei bik em ni? an ti ve lar lar an ti em ni kha aw….
Report this comment
April 20th, 2010 at 1:01 pm
“Tupawh he nopangin a lawm ang a lawmlo a piang chu a chhungah an lut tawplo ang” ti in Nopang rilru thianghlim zia sawi nan Isu-a chuan a lo hmang a.
Ka hmuh ve danah chuan hemi thuah hian a chiang thawkhat viau in ka hria. Tupawh he nopang, a nu leh a pa Kristian a ti kherlo, nopang a ti mai a ni. Chumi a vang chuan nopang rilru thianghlim, khawvel sualin a la tihbuai ve loh hi chu Vanram kai turin ka ring bur.
Report this comment
April 20th, 2010 at 6:56 pm
Chhandam ni vek teh lul e!A kawisawi zawng a thil lak laklawh hi a awm ve hrim2 a nia!Zu te pawh ‘SUAL’ kan tia ka in hnial luai2 hi,Hnam mawl leh dawih zep kan nih tilang tu mai a nia.Kan Lal Isua pawn keiin khawvel ka ngam ta,thlamuang tak in lo awm rawh u a ti a ti lawm2 a,i lo thlamuang lo a nih chuan Isua ringtu i ni lo a ni mai!Isua thusawi hi i ring lo a nih chuan Mu mai teh!
Report this comment
April 20th, 2010 at 8:27 pm
Naupang chhandam an tam khawp ang, chhandam loh pawh an tam tho vang.
Tute doctrine emaw (sawi kher lo ila) ka chhiarsak tawhah chuan, Lalthutphah Var Ropui Rorelna hunah chhandamna hun inhawng leh turin an ziak a. Chutah chuan nausen thi tawh te, Chanchin Tha hre lova thi tawh te tana chance awm leh turin an ziak a, chu mi hun tur chu kum 1,000 rorel hun tawp lama thleng turin an inzirtir. Mahse, Bible thu atanga a inziakna fek fawk ka hmuhpui hauh loh avangin hmaihmaah ka hnialthla hrim hrim a, Mizoram-a Kohhran phun rilruka an rawn chuanchhuah pawhin an pamtul phah ta a nih deuh kha! USA atanga thu rawn hrilho hi ka lo hmachhawn ve fo thin.
Paula kha chuan “Tun hi hun lawmawm (pawm hun) accepted time …” tiin a puang zawk a, mahni hun theuh zela ringtu dik nih hi a kawngkal berah ka ngai a. Nakina hun hawn leh hun thlir hi ka chekin a mil ve lo.
Chhandamna hi Chhandamtu thu thu a ni dawn a, nausen, naupang chhandam an ni ngei dawn tih lamah chuan ka rilru ka sengso ve vak lo. Chhandamna criteria hi naupang nih a ni lova; naupang nungchang thianghlima sawi fiah (analogized) a ni mai zawk e.
Report this comment
April 21st, 2010 at 10:18 am
Kan pathian hi thil ti sual tu te chu an chungah leh an tu te chung thelng poh a phuba la thin a ni a, chuvangin an thlahtu te avang poh in mal a som in a choi moi thin. Naute thi te hian an nu leh pa te rinna an tom ang..
Report this comment
April 21st, 2010 at 12:45 pm
In va han mawl tak e aw. Rinna kan in tawm theilo tih hi chu in ring vek awm sia? I thianpa/thiannu rinna a vangin Chhandam i ni ngawt theilo tih hi i chu i hre chiang awm sia? Chumi ang chiah chuan rinna pawh hi in thlah chhawn theih thil a nilo a. Thlarau hi engtiklai takin nge a rawn luh chu ka hrelo a, mahse nausen an pian chhuah tawh hi chuan thlarau hran chu an neih kan ring vek awm e. Thlarau pahnih ni tawh na na chu engtin nge a midang rinna chu a tawmpui theih ang?
Pathian fa nihna, fa, mirhing in thlahchhawng a fa nilo, mihring duh ang a fa nilo, Pathian fa. I nu leh i pa Kristian/Ringtu tha an nih avang khan Kristian/Ringtu i ni ve ngawt theilo, nangman i duh thlanna a ngai. Isua chu Krista leh Chhandamtu a i pawm a ngai. I ka a i confess a ngai. Chuti chuan Pathian fa a vuah i lo ni thei chauh ang. Engti kawng zawng mahin RINNA hi a in tawm theih loh. Nopang an ni emaw Tar an ni emaw. RINNA hi a in tawm theih loh. I Nu leh Pa RINNA vangin Vanram i thleng THEILO.
Nausen/Nopang chhia leh tha hrelo rualah hi chuan buai buai duh suh. Nopang te te ka hnenah han kal tir ula, hnar suh u. Pathian ram chu hetiang mi te ta hi a ni si a. Tupawh he nopang in a lawm ang a lawmlo a piang chu a chhungah an lut tawp lo ang, a ti a. He thuah hian a chiang thawkhat viau in ka hria. Nopang te te, a Nu leh Pa ringtu tha, a ti hran chuanglo. Nopang tih ringawtin a ni a sawi ni. Hindu nopang nge, Muslim nopang nge, Buddhist nopang a sawi hrang tawhlo, nopang tih ringawtin a ni a sawi ni.
A tawp berah chuan ka sawi leh duh chu, midang Chhandam an nih leh nih loh a buai buai lo khan a hmasa in nangmah kha Chhandam i ni tawh em tih kha in ngaihtuah chiang fo ang che. In DOCTRINE a chiang em em ringawt lo khan i RIN Krista-ah lo chiang em em ringawt phawt mai teh. Ka lawm e.
Report this comment