Mizo Hnam chhungah hian chi leh kuang kan thahnem fu mai a. Lusei zeding pangngaiah ngei pawh Chhakchhuak leh Hualngo te, Chuaungo leh Chuauhang te an awm a, an pahnih khaikhawmtu hi “Chhakchhuak” emaw “Pachuau” emaw tiin an sawi mai thin niin ka lo hria a. Chutiang bawkin Hualngo leh Hualhang pawh Pachuau ang bawka ‘Ngo leh Hang’ hi awm hrang mai nia sawi a ni thin a.
Pi Vanhlupuii pu Pastor Vanchhunga kha chuan a pahnih koh nan hian Chhakchhuak tia dah mai a nih thu a ziak khan ka hria a. Ka chiang ta lo na a. Chutihlaiin Hualngo hnuaiah hian Cherput, Khupno, Bochung leh Chalthleng te an awm veleh a. A thenin heng chitepeng hming te hi an hnam hmingah an put laiin a thenin Hualngo emaw Hualhang emaw an in ti thung a, a thenin a vai huam thei nia an hriat ‘Chhakchhuak’ an hmang bawk a. A buai ta nuaih mai a ni. Hualhluna Chhakchhuak, etc..
Mizo Pasaltha te chanchin ziaktute chuan Pasaltha Chawngbawla chu Chhakchhuak hnam tiin a dah a, Pasaltha Zampuimanga erawh Hualngo hnam tiin an dah bawk a. Hnam khat ni ve ve si chu Chi hming inanga dah ni ta zawk se a fuh ang em? Chutiang zelin, Ralte Chi ro ro pawh tam tak an awm nual a. A thenin Kawlni/Colney an in ti a, a thenin Siakeng, a thenin Ralte tiin an dah tawp bawk a. Hei pawh hi Chi bing khat na na na chu Inang veka hman ni ta zawk se a tha ang em? Chutiang zelin Pachuau kan sawi tak te pawh khi Chuaungo leh Chuauhang awm hrang lovin, ‘Pachuau’ ni ta vek mai se, family khat na na na?
Tunah ngei pawh lelte chanchinbuah chuan Nula Saidingpuii Chhakchhuak leh Major Zosangliana Hualngo te chu hnam khat or chibing khat an ni tih reng reng hriat loh khawpin a inpersan a ni si a. Heitiang lam ril deuh hian han sawi fiah teh u khai, a eng ber hi nge dik ber ang a? a khawi zawk khi nge hman law law chi ang? tih te nen. Chitiang zelin Kawlni or Colney? tih te pawh sawifiah a tha hle mai. Hun lo kal zelah family khat ro ro si inhai palh leh hriatpawlh a awm thuai thei dawn niin alang.
Similar Posts:
- Chhakchhuak chanchin
- Mizo hi hnam hming a ni lo
- Eng hi nge Mizo Tawng chu?
- Mizo rapper te : Enge i ngaihdan?
- Vanapa hrechiang kan awm em ?
Ti ta daih ila, kumin chu...
June 15th, 2008 at 1:55 pm
A ni tak e. Ngaihtuah peih tan chuan ngaihtuah tham a awm thei awm e. Kei ka hirat ve dan chuan, Hualngo atanga chi peng te chu Cherput, Bochung, Khupno, leh Chalthleng an ni. Chhakchhuak han tih ah chuan Hualngo tih piah lamah Hualngo thlah bakah Hualhang thlah te .. etc… a kaihkawp vek niin a lang, em?A bkin Burma ram tan chuan Chhakchhuak tih hi a mikhual hle, an ti bawk. Chuvangin Hualongo vs Chhakchhuak tih hi ni theiin a lang lo, a ngem? HUalngo-vin a huanm chin chu thlah chi 4 te hi an ni mai, mahse Mizoram hovin Chhakchhuak tia an huam tir chin hnam erawh Hualngo thla chi 4 bakah Hualhang etc… thalhte a kawp vek ni lom ni… ka hre fumfe bik ta lo…
Kan thian pakhat chuan, Miin SAILO an intih ngam laia LAL chi atanga ziding tho ni si, Chhakchhuak lo intih te chu a ti… Why? Ka buai zo ta,…… min han chingfel teh U’n
Report this comment
June 15th, 2008 at 3:39 pm
zorun Pu H.Va hrilhfiah thiam chi a nih hmel
Report this comment
June 15th, 2008 at 4:13 pm
Ka ngaihdan chuan a hnam a chi hnuai ber a thliarna te ber hi Last name angah hmang ta ila vua leh vang in hriat pawh a awlsam daih zawk ka ring. Ralte sing tel an awm lai khan siakeng chu 10% vel anni maithei, Siak eng pawh kha then darh dan a awm leh lo maw?
Ralte hi Middle Name ni se Siakeng kha last name ni ta se a tih chi viau ka ring. Mizo ten naming convention sap ho leh vaiho neih ang kan nei mumal lo hi a buaithlak duh khawp mai.
Ka thian te ka zawh chian hian an hming vuah dan tlang pui chu First name ah an duh zawng, Middle name ah an Nu te last(family) name an last (family) name ah An pa te (last) family name. Ti chuan Timothy Harrison Neville (ka thian pa hming) phuahna chu Timothy chu a chhung te duh zawng, Harrison chu a nu last name, Neville chu a pa last name. Khawvelah Neville tih hmingpu an tam mahse khawkhatah chuan an tam lem lo.
Report this comment
June 15th, 2008 at 4:15 pm
Post nawn lawk ila, Mizo te LAL chi ropui ber Sailo ho hi Paihte hnam zukni daih a (ka hriat dan chuan).
Report this comment
June 15th, 2008 at 6:10 pm
Khawvelah Neville tih hmingpu an tam mahse khawkhatah chuan an tam lem lo.
Aryan Says:
June 15th, 2008 at 4:13 pm
i va hre em !!!
Report this comment
June 15th, 2008 at 6:18 pm
Nia, hria e.
Report this comment
June 15th, 2008 at 6:57 pm
Chuti chu Aryan Ralte Siakeng lo ni toh mai ta che.
Report this comment
June 15th, 2008 at 7:14 pm
Ralte ka ni hlei nem, mahni hnam lo invuah talh te chuan a purpose a bo zo vek anga sin.
Report this comment
June 15th, 2008 at 7:22 pm
Luseia thlah chhawng zel zingah hnam tete 12 awm angin an ziak a, chung zinga hnam 3 (Hualngo, Hualhang leh Lunkhua hnam) te chu Mizoram lamah “Chhakchhuak ti a hriat an ni.
Hualngoa thlahte hi (Bochung, Chalthleng, Khupno, Cherput) an ni a, Hualhanga thlahte chu (Chalbuk, Baichi, Chumkhal, Taihlung, Chertluang, Khupno, Fangte) te an ni. Lunkhua hnamte chu (Sialchhung, Ngasi, Ngalchhung, Phungchi) te an ni. Heng zawng zawng hi “CHHAHCHHUAK” tih an ni.
Hualngoa, Hualhanga leh Hualhnama-te hi unau piangtlang an ni a, an pa chu Hualthana ani. Hualhnama thlahte chu tunah Burma ram Tiddim chhehvelah an awma, “Gualnam” tiin Zomi lamin an hria a, Paihte (Tiddim) trawng an hmang.
Lusei-ho in Suantak (Sihzang) hnam Boklua fapa Ralnaa (Galna-a) an man a, “Sal (Slave)” a dah lovin “Adopted son” angin an dah a, a hming pawh Chhuahlawma or Zahmuaka tiin an thleng sak a, Ralna-a chuan Lusei ‘Sa a phun’ ve ta a, Pu Hualthana in ah an dah tiin an sawi thrin a. Hualthana chuan fapa 4 a nei tihna anih chu.
Ralna-a (Zahmuaka) chuan Lawileri nupui ah anei a (Lawitlang hnam ani) fapa 6 an nei a, Thangur, Zadenga, Thangluaha, Palala etc… Thangura fapa chu “Sailova” ani a, Sailova hi Burma ram Chawnghawih khua ah a thi. Sailova thlah (Zahmuaka thlahte) chu Hnamte ho ramah Lal hna an va thawk a, ahnuah an u Hualngo-a thlah lal Lalvunga tihpalh thilah an thah palh avangin phuba an lak leh an hlau a Tio an kan thla ta a, tuna Mizoram lamah an kal ta ani tiin ziaktu tam takin an ziak.
Luseia thlah zingah “Chuaungo, Chuauhang, Hauhnar leh Pacuau te chuan Zahmuaka thlahte lam an tan avangin Seipui khur an chhuahsan zui ve ta a, Chhakchhuaka inchhal zui lovin an lo intihrang tial tial ani. Hei bakah Hrahsel, Tochhawng, Vanchhawng te hi Lusei thlahte an ni.
Seipui khua leh a chhehvela Luseia thlahte an awm lai hian anmahni Luseia thlahte chauh nilovin, Chawngthu, Renthlei, Lawitlang, Hnamte ho nen an chengduna, Trawng khat an hmanga, chu trawng chu a chhehvela Lai (Lailun chhuak ho) , Paihte leh Ngawn ho chuan “DUHLIAN” trawng an ti a, Seipui chhehvela cheng te chu “Duhlian” ho tiin an lo ko ani tih chu an hla an an thawnthu atrangin a hriat theih bawk.
Report this comment
June 15th, 2008 at 7:35 pm
Chhakchhuak leh Hualngo chu hnam hrang daih amo ka lo ti vel, hriat loh theih ngei. Chhakchhuak chi pengah hi chuan Chhakchhuak Satel Vawrh leh Chhakchhuak Chhum Hleuh bak hriat poh ka lo nei hleinem…
Helam ai chuan a paragraph tawp ber ami, “Kawlni or Colney?” hi ka khel chak zawk mah a, khel chak tih lemah sawi tur em em pawh ka nei chuang lo. A theih hram chuan Colney ti lovin Kawlni tih ni thei hram se tih hi ka duh dan chu a nia. Colney tih duh tlat an awm pawhin ka sawisel hran em em lo, an in tih sap (changkan hmel) ve na chi khatah ka ngai mai.
Report this comment
June 15th, 2008 at 7:48 pm
Lusei chu Hnam 12? a israel deuh ruih mai a. Mizo inti Israel te khan an israel chhan zingah an sawi tel ve hial lo maw! Zaithanchhungi (?) lehkhabu ah pawh khan Mizoram leh Israel in laichin dan a ziakah khan Aizawl khawpui laili lai ber ah “ZION STREET” kan nei tih vel te kha ania.
Mizo history ka chhiar pakhatah chuan Lawileri khan a mumangah Khawthlang lampang hawi hian a zung a, a mumang an hrilh fiah chuan “I thlah te hian khawthlang lamah ro an la rel dawn tih anih hi”, an tih sak a. Sailova leh midang ho chu an lal ta reng a.
Ka hriat dan chuan Sailo, Palian, Zadeng, Rivung, Thangluah, Chenkual, Rokhum leh Chawnglul te hi mizo hnam chi (ruling clan) anni (I recalled from primary school). Khawi hnam chungah nge ro an rel erawh chu ka hre lo. Khing ho zingah khian mizo sub tribe Hmar leh Pawih tih vel ho lal an tel ve em?
Report this comment
June 15th, 2008 at 9:15 pm
“Chawngbawla chu Chhakchhuak hnam, Zampuimanga erawh Hualngo hnam …chi hming in ang ah dah ila afuh zawk ang em”? Zorun……tera dimak me kuch hua he kia? Chhakchhuak chu chhakchhuak, Hualngo chu hualngo. Mizoram chhunga Fanai kan tih te pawh hian Halkha leh Tlangpui lam a Chenhrang te nen hian thuhmun an inti tho asin.
Entirna ka pe chhin ang che aw. Pawi (Lai) ah hian Chunthang hnam an awm a…Chunthang. Chunthang erawh Saivate unau,pianpui a ni a, Berhvatea fa te ve ve an ni. An thlah te chu Lusei ho in Reng an tih te a ni lawi si a. Ka pu, M.Laldailova (fam) 1890-1992 in mi hrilh dan chuan, Chunthang thlah te Vangshi (Vangchhia) leh Khualhrin (Khawlhring) thenkhat khan Pawi Lal leh Hmar lal an bel zawk a, khami te thlah thenkhat kha, a then an inti Pawi (Lai) a a then an inti Hmar thlah ta a ni a ti. Chutiang zel chuan Pawi (Lai) lal bel tu then khat chuan an thlahtu Chhunthang hming an chawi chho ta a ni a ti bawk.
Aryan: Mizoram a kan made up historian te hian Mizo history an ziah hian Lusei chanchin an thlur bing ber. Lusei ah pawh Sailo lal an thlur bing thin…a dik tak ah erawh chuan Sailo hi Mizo hnam a hna naupang ber an ni awm e. Tin, Lusei ho hi thlangtla hnuhnung ber an ni bawk. Sailo phei hi chu Paite sawn a ni a Hualngo ho in chhan lo seng chuan nung dam in a chhuak lovang tih a ni.
Report this comment
June 15th, 2008 at 9:25 pm
Kei chhakchhuak pa hian chhakchhuak ka nihna hi ka duhtawk a,Hualhang ka nih avangin Hualhang erawh belh hram ka tum lem lo.Khawchhak lama Hualngo ho hi,Lusei diktak ni mahse,tawng hran,Paihte tawng zulzui an hmang niin ka hria.Tin,hming ziak dan thu-ah chuan Mizoten kalphung danglam bik kan neih hi a chhuanawmna niin ka hria,tihdanglam loh hram a tha ka ti.
Report this comment
June 15th, 2008 at 9:30 pm
muantea: good job khatiang tur kha a ni in ka hria. Chenna hmun avang in a dang thei ve tih ahriat. Kan sawi fiah thiam chiah lo a nih kha. Khawchhak a Chenrhang pawh Mizoram ah chuan Fanai an ni ang khan Hualngo/Hualhang pawh Mizoram ah chuan Chhakchhuak emaw an ni ve thung ni in ka hria. Keini pawh hmanlai chuan Miuam tih kan ni a, a hnu ah Tripura/Tipers lam a an lal hnu khan Lusei ho chuan Reng an ti a…chutiang mai mai chu a ni.
Report this comment
June 15th, 2008 at 9:30 pm
tipera*
Report this comment
June 15th, 2008 at 9:32 pm
Hualngo chuan tuna Lusei tawng ang hi an hmang lo….ka ex-nuphal hi Hualngo (Zimpui khua!) ania…an tawng a dang khawp mai. eg: Sakawr in mi kheng = Sakawrin mi saih an tiin ka hria.
Report this comment
June 15th, 2008 at 9:35 pm
comment chhiar a man hla khawp mai nuam thin mange Ku Vangchhia .
Report this comment
June 15th, 2008 at 11:25 pm
in hre hlawm. Mizo hnam Lusei. paite. Hmar.Pawi etc chi te an awm chipeng Chhakchhuak Renthlei Khupchawng Boitlung etc hian then ila kan luh ril ltk chuan Adama fate vek kan ni dawn si.
Hnam tlemte hi inthren phahnan kan hmang dah
ange
Report this comment
June 16th, 2008 at 1:33 am
A ngaihnawm viau mai a, a bengvarthlak hle bawkin ka hria. Pu RDAC tarlan hi a dik thawkhat viau bawkin alang a. Mizo History hrang hrang ziaktu Pastor Liangkhaia te, Dr.Vumson te, Pastor Vanchhunga (Hlaphuah thiam Vankhama pa) te leh Lalbiakthanga(Mizo MA hmasa ber pawl) te ziak nena han mil pawhin a dik thawkhat viauin ka hria. Lusei Chi leh Kuang hi 12 tiin an sawi a. Hetah hian Lal chi tih zingah hian Zahmuaka fate ho hming a chuang deuh vek a, Chenkual tih loh chu.
Tin, Pu Vanchhia tarlan Hualngo a hriatdan kha a dik nachen a awm ve thei bawk a. Mahse, hmanlai zawk Lusei dialect ngialngan Pu Buanga an a dictionary a a hrilhfiah dan erawh chuan tuna Mizo tawng hi hmanlai Lusei ho dialect ngialngan a ni tawh chiah lo va, a tih nen a inmil hle a. Tiau ral lam Lusei dialect khi a la hmanlai dueh emaw a la paka deuh emaw a ni, tihna a ni. Tin, an chhehvel ah paite leh Lai chi leh kuang an tam zawk avangin an dialect pawh tam tak chu an seng lut ve lo theilo bawk ang. Chu chu Mizo history kalphung nen pawh a inhmeh hle a ni.
Entirna ka han pek ang khian, Hualthanga Chhakchhuak chu a pu emaw a pa emaw chu Hualhang emaw Hualngo emaw a ni tihna a ni a. Chuti ni lo se, HUal tih hi a chawilo tawp ang. Tin, kan Mizo Sap tawng thiam ber pawla kan ngaih thin JF Laldailova khan, Hualngo hnam Chhakchhuak ka ni tiin khawi emaw lai news letter hlui tak thuhmaah a ziak ka chhiar fuh tawh thanin ka hria. Amaherawhchu, tam tak chuan Hualngo emaw Hualhang emaw hming chawi tawh chuang lovin, Chhakchhuak an in ti deuh vek mai niin alang a. A nih loh pawhin an hming bulah ‘C’ an dah mai a. Pi Vanhlupuii pu Pastor Vanchhunga bawk khan Chhakchhuak tih leh Chhakchhuak nula tih kha a hmang uar em em a, eng emaw hlekah fiamthu tih takin a vawrh chhuak fo thin.
Chuti lam chu lo duh tawk ila, he topic hi chi leh kuang inthliarna lam emaw sawi hranna lam emaw kawk tura vawrh chhuah a ni lo va, Mizo te chu Hnam khat kan ni a. Chutah chuan chipeng hrang hrang kan awm thliah thliah a, chu chu fiah zawka hriatthiam a lo nih theih nan kan han tarlang pah fawm mai a ni. Tunah ngei pawh Hualngo te, Hualhang te, Chhakchhuak te chu hnam hrang hlak anga lo ngai kan tam tih a hriat a. Aizawla pa lar ve deuh pakhat chuan ‘Ka pu chu Hualhangthanga a ni a, a tih laiin a ni family name-ah erawh ‘Chhakchhuak’ a awm daih thung a. Chutiang zelin mi dang dang te pawh.
Report this comment
June 16th, 2008 at 1:39 am
Tiau rallam tawng a la paka tih kha chu ka ei lo ang reng deuh reuh, Valpui. Mizo tawng kan tih tak hi, ka hmuh dan chuan Falam, Hmar leh paite tawng lak khawm niberin ka hmu. Engpawh chu lo nise, Lusei ho hlado chham te hi Falam tawng a ni tlangpui….a then paite….eg : Vawmphuai e ….etc. Mizo tawng upa kan tih hi Falam Pawi tawng tualleng an ni hlawm. Kan thian nu Mizoram police S.I. pawn, “Mizo tawng exam anuam khawp mai, kan tawng tualleng ani sia,” a tih ka la hre reng. A thu hrim ah Zorun…khi lam tawng te chu hre turah kalo ngai ve ngawt che asin. beh matua le
Report this comment
June 16th, 2008 at 1:59 am
Hehe, Zohnahthlak dialect hi chu hriatthiam loh ka nei tlem khawp mai. Ka pa phei kha chuan paite dialect pawh hi an mahni tlukin a thiamin ka hria. Tin, Ngopa leh Khawdungsei lam chhuak phei chuan Paite dialect chu mahni tawng tlukin an thiam mawle. Hmanni pawh khan Ngopaa kan unaupa nen aizawlah kan in hmu a, paite tawnga ka tawng te chu min hmu la, sailopa ka nih i hrehrang reng reng lovang, a ti fiamthu a, chutiang khawp chuan ngopa, Khawdungsei, Khawkawn etc,, velah chuan paite dialect hi an hmang nasa ve viau a ni awm e.
Tin, Falam or Laizo hi chu Mizo tawng nen hian a inzul em a, thiam harlo tak a ni. Hakha pawh hi Falam dialect leh Hmar dialect hre thang tan chuan thiam nghal mai theih a ni. Hmar dialect phei hi chu Zohnahthlak dialect hrang hrang zingah a nalh ka tih ber a la ni fan. Ka thiam chu ka ti ngam chiah lo na a, ka mikhual rei lutuk bik chuan ka ring lo. Hmanlai kan pi leh pute chuan hetiang hian thukhawchang an lo nei thin a. Nupui pasal atana palai tirh nan hmar tawng a tha ber a, Raldo nan Pawih tawng a tha ber a, Rorel nan Lusei tawng a tha ber e, tiin an sawi ka hre thin a. Hei hian family khat vek, dialect tlem tlem nei hrang chauh an nih zia a tarlang chiang hle awm e.
Tin, pu Vanga tarlan ang hian Lusei dialect hi a naupang ber a, a thang chak ber bawk a. A chhan chu english ang bawkin, a unaute dialect a khawnkhawm hreh lo va. Hei hian a tihausa thuai a, dialect dang hmangte tan pawh hriatthiam awlsam ber leh thiam awlsam ber a lo ni hial ta a ni. Chuvangin Mizo Language tih hi a phu hliah hliahin ka hria.
Report this comment
June 16th, 2008 at 2:32 am
18
islander Says:
June 15th, 2008 at 11:25 pm
in hre hlawm. Mizo hnam Lusei. paite. Hmar.Pawi etc chi te an awm chipeng Chhakchhuak Renthlei Khupchawng Boitlung etc hian then ila kan luh ril ltk chuan Adama fate vek kan ni dawn si.
Hnam tlemte hi inthren phahnan kan hmang dah
ange
dik chiah mizo kan ni kan hmel a tha ti tlang liam liam i la a tawk chiah chhui kual vak vak a chumi hnam trawng tih reng te hi a tha lem lo MIZO tawng kan nei a kan zavai a hman tlan tur lungawi tlang i la a tha ber lo maw.
Report this comment
June 16th, 2008 at 8:25 am
Keicu chhakchhuak ka ni tawp, a eng sub-category nge ka nih ka inhre lo a, hriat poh ka tum lemlo. Sub-category hming put duh zawk an awm pawn a pawina ka hrelo. Mahse thlahtu thuhmun kan ni tih hi inzirtir uar ta zawk ila, a khawi hi nge hmang ila thaber ang tih lam ai chuan, cuti lozawng unau hmel hai hi a hluar zawk dah ange.
Report this comment
June 16th, 2008 at 7:02 pm
Misual.com hi ka leng lut thrina, chhiar a manhla hle in ka hria. Fiamthu ang deuh ziak an awm lai in thupui taktak a tel a, information thra taktak chhiar tur a awma, comment ziaktute pawh an ‘puitling’ in trongkam hman pawh a thra hlawm in ka hria.
Tuna Mizo hnam, chi leh kuang chungchang comment ka ziak ve hi ‘inpumkhatna leh in unauna’ lam atan kan hnam leh kan nihna ka hriatnan tia ziak ka ni e.
New Delhi a ka awm ve lai khan Pu C.Silvera te, Pu Vanlalzawma te khian ‘Chhakchhuak’ ka lo nih ve naah min ti unaua, min tranpui nasa a, ka lawm takzet ani. Ka theihhngilh lovang.
Sword ngaihdan hi thra ka ti a. India ka awm lai khan kan politics lam hnathawhna a mamawh avangin India passport 2 ka siam a (Central sorkar branch pakhat RAW hriatpui na in Manipur state lamah ka siam a) chumi hmang chuan ka zin kual thrina, ka pp pakhatah chuan “…..Chhakchhuak” tiin kan ziak a, travel agency a Vai ho leh ram dang airport immigration ho khian an chhiar fuh hleithei lova, an nui leh ringawt thrin a. 2002 a USA ka zin pawh kan Dulles airport ah “I hming hi han chhiar reng reng teh” min ti a, ka han chhiar a, “I chhiar chuan a ni ve thlap bawk si a” an ti a, an nui ringawt.
USA kan pem ve hnuah Mizo directory ah “Chhakchhuak” category hnuaiah min dah vek maia, thra ka ti vio mai. Ka official hmingah chuan eng hnam hming mah ka dah lova.
Nikumah (2007) Pathianin fapa min pe a, USA piang ani a, mahni hnam leh nihna a hriat zel nan tiin family name tur ka ngaihtuah a, Burma lammi kan ni bawka, khi lamin an pawm theih zawng deuh tiin “……Hualngo” ka ti ta mai a.
Unau vek kan ni e.
Report this comment
July 4th, 2008 at 11:02 pm
Pasaltha Zampuimanga Chem chu ka hmu ve tawh ngei e! Ka pu te inah a om!
Report this comment
May 1st, 2010 at 11:55 pm
Mahni hriatdan a dik berah ngai lo phawt ila, amaherawhchu a dik hriat tum erawh kan mawh chu niawm tak a ni. Ka chhiar ve tawh (bu tlemte) ah chuan Lusei hi hnam sawm an ni a (Lal hnam SAILO, etc) chhiar tel loin.
Chungte chu – Chhakchhuak, Pachuau, Chuaungo, Chuauhang, Hauhnar, Tochhawng, Vanchhawng, Chawngte, Chhangte, Hrahsel te an ni a. Chhakchhuak chi pengah chuan – Hualngo, Hualhang, Hualhnam an awm leh a (heng atang pawh hian a la peng leh neuh neuh bawk a). CHuti a nih chuan Chhakchhuakah chuan Hualngo an awm thei a, Chhakchhuak ni si Hualngo ni ve lo chu Hualhang emaw Hualhnam emaw an ni tihna ni mai awm a ni.
Hualngo zawng zawng Chhakchhuak an ni vek a, Chhakchhuak zawng zawng erawh Hualngo an ni vek lo a nih chu
Pachuau chi pengah CHuaungo leh CHuauhang an awm anga sawi a ni leh thin hi a dik chiah lo a nih hmel. Pachuau leh Chuaungo leh CHuauhang chu unau za an nih hmel zawk. Mahse, ka hmelhriatte ngei ngei pawh ka zawt a, Pachuau an nia, Pachua ah eng nge in nih? han tih hian CHuaungo an ti leh si a. Pachuau chi pengah Chuaungo a awm lo a, Chuaungo chu Pachuau te nen unau an ni a ni lo’m ni.kan tih in,………kan hria alawm chungte chu.an ti duh chauh mai.
CHhakchhuak leh Hualngo chungchangah chuan…….a thenin Ralte an inti tawp a, thenkhatin Ralte chipeng Kawlni emaw an inti leh ang hi a ni mai lo maw? Mahse, kan hriat atana tha ve mai mai chu, Khawchhak lamah Chhakchhuak chi peng Hualngo, Hualhang intih an hrat a, Mizoramah erawh CHhakchhuak intih mai an hrat zawk a ni awm e.
Report this comment
September 9th, 2011 at 9:52 am
A bengvarthlak hle mai.
Report this comment