Thiamna te a lo sang zel a, kan thil ei thenkhatte atanga natna lo awm theih dan leh chu chuan nun a tihtawi theih dante an hmuchhuak a, chung zingah chuan Synthetic Chemical Fertilizers leh Pesticides te hnuhma pawh a tel ve tih hriat chhuah a lo ni ta zel a.Hei vang hian tur hnuhma awm lo thei ang ber tura thlai thar chhuah tumna a lo awm ta a ni.
Tichuan, Mizoram sawrkar pawhin kan rama thil tharte an lo hlut zawk theih nan leh leilung hlutnate kan vawn nun reng theih nan “The Mizoram Organic Bill 2004” chu July 12th, 2004 khan a lo pass ta a ni.
Organic Farming? :-
Organic Farming chu leilunga hausakna inphum sa humhalh a, tangkai thei ang bera thlai chinna atana hman hi a ni a. He Farming System hian leilung awmdan pangngai mil zelin tui leh boruak leh lei chunglang thatna te hmang tangkai a, leilunga nunna nei awm reng rengte hriselna leh lei chunglang luangral turte a humhalh tlat a, mihring leh thilnung dang tana pawi thei Synthetic Chemical Fertilizer, Pesticides, Growth Regulators leh Livestock Feed Additives te aiah leitha dang – ran ek, thlai leh hnim tawih atang a siam leitha te, Bio-fertilizers leh Bio-pesticides te hmangin thlai a enkawl zawk a ni.Tin, leitha hnutchhiah chi thlai chinte a uar a, leia thilnung te chakna hman tangkai zual theih nan leh natna hrik inphum te an lo ven theih nan uluk taka lei lehphut te a huam vek a ni.
Kum 2004 kumkhan Organic Bill chu pass alo ni tawh a. Tunah hian a kaihhnawih Dept.lam pawn lei tha sem thleng in hma an la mek zel niin ka hria a, a lawmawm hle a ni.Engpawhnise,Mizorama kan thlai thar chhuah tam ber te hi thingtlang atanga lo kal niin, man man zawkin khar chhawngah te pek chhawn leh a ni a. Kei nin kan lo lei a, lungmuang takin kan ei ta a ni. Heta ka sawi duh tak chu Mizorama kan thlai thar neih hi chu a tlangpuiin heng Chemical Fertilizer sawrkar pawn hman a phal loh ho hi chu an hmang lo turah kan ngai ve ringawt a.
Mahse, ka ngaih ti thalo tu chu nikum lam tawh khan tute nge an nih pawh ka hriat lem loh te ti ti ka hriat dan in Serthlum hi natna hrik leh thil dang in a tihchhiat loh nan DDT a kah hi a tha khawp mai an ti a. Chuta tang chuan Serthlum ka ei pawh hi a tui loh phah sawt mai a. An vai chuan a ni e chu ka ti hauh lo mahse khatiang titi a awm chuan hmang hreh lo hi kan la awm em ni aw tiin ka inzawt ta mai mai a.
Tin, Sawhthing tam tur ven nan pawh hian DDT hi a tha khawp mai tihte kan hre leh zel a. Chubakah, khaw pakhata ka va zin zawk lai a ka hriat chu mipakhat hian an huan thei leh thlai awmna chu DDT ka theh thin a, a tha khawp mai tiin min lo hrilh bawk a.Kei lah chuan ava tha awm love tia kan zawh chuan tam vak lo te hi chu a pawi hlei nem tiin min chhang mai a. Khatiang khan a khat tawk a a tih thin thu min hrilh leh nghal a. Kha a huana thlai leh thei ho kha ei atan a him a ngem tih chu ka inzawhna lian tak a lo ni ta a ni.Mizoram chhung ngei ah pawh hetiang thil a awm chuan kan thlai thar te hi ei atan an him tawk a ngem?
Engpawhnise, Mizoram hi keimahni kan intodelh zo lova. Phai atangin thlai tam tak a rah chi tiam in kan la lut a. Chung zinga lar deuh chu Zikhlum, Parbawr, Tomato etc. te hi an ni. Him pial leh tha tak in rannung pawn an seh ve ngai loh ni awm tak a tha te kan lei theiin kan ei thei a. Heng te hi an him a ngem? Rannung hlo Pesticides te chu an hman hmel bawk si nen. An lo hmang ta lo hlauh a nih chuan kan vannei hle tihna a ni anga. Mahse, chutiang beiseina chu beiseina bo mai a ni. Hmanni a kan zikhlum lei chu chhum pawn DDT rim a nam vung vung thei tlat. Ei chi ah ngai lovin ka paih tir ta ringawt mai a.
Hetiang hi a nih avang in an hmang a ni ang e tih chu kan rinthu sawi ta mai mai a. DDT kher lo pawh rannung thahna hlo Pesticides te an lo hmang a nih pawn a hman dan tur mithiam ten an sawi hi zawm thei tal sela a tha tur a nia. Engpawhnisela, mithiamten rannung thahna hlo a thlai kah a nih chuan a seng hun leh ei theih hun hi bituk in ni 7-14 hma chu ei tur chuan seng loh hi a tha tiin inzirtir ve bawk mahsela kan chawhmeh ei tam phai atanga kan chawk luh te hi chutiang thlapa seng (harvest) a, thawnchhuah chu a ni kher a ngem?
A tawp ber ah chuan kan intodelh ve hma chu kan la ei zel dawn niin a lang. Chuvangin heng ka rawn sawi zawng zawng te avanga thlai kan ei tha ngam lo ngawt dawn a nih chuan a dik ber lo ang. Chuvangin, kan fimkhur tlan zawk theih nan a rawn sawi ka ni a. Kan lo hrisel tlan zawk theih nan tan kan lak theihna mual theuh ah tan ila thar leh ang u..
Similar Posts:
- Hmangchang
- Kum tharah rilru thar nen!
- Technology leh Mizo thalaite
- Mizoram flag
- Kerh kerh ve dawn lo.
July 22nd, 2010 at 9:47 am
Hei hi a pawimawh hmasa khawp mai..
[Report abuse]
July 22nd, 2010 at 9:57 am
Khawvel ah hi zawng engmah him tawk tak2 a awm thei lo ang!!! a him lo zawng a chhut chuannnn!! Thil tha lo zual phei hi chu a awm e.g Mei zuk,khaini hmuam,drugs hmansual leh a dangte!
[Report abuse]
July 22nd, 2010 at 10:01 am
Zephenath aiin ka chhiarchhuak hmasa…
A hrisel na lampang chu thu khat lo ni se, thlai chi hrang hrang kan siam a, kan ei pawlh a, eisual te hi kan nei khat ngawt in ka hria…
[Report abuse]
July 22nd, 2010 at 10:08 am
Nakina la chhiar atan, ka FOURTH lo palh ang e. Thlai ai chuan SA ka duh fe zawk!
[Report abuse]
July 22nd, 2010 at 10:09 am
Organic food hi ram hausa tan ani. Keini nuhfai eitur pawh tharchhuak thei lo hian GM (genetically modified) food kan ei hreh tur ani lo. Mahse thlai leh thei lan thar nana chemical an hmang thin hi chu inspector ten dan ham hram a tha.
[Report abuse]
July 22nd, 2010 at 10:23 am
Fimkhur tlang ang u
[Report abuse]
July 22nd, 2010 at 10:25 am
Sony, i ngaihdan hi keipawh ka ngaihdan ve tho a ni. Organic bill pass ve ringawt hi kan zo lo a ni. Mahse, sawrkar pawn agril. Chemical banned a neih ho langsar deuh deuh DDT,BHC, Nicotine etc. ang te hi chu hmang lo thei hram ila a tha ber mai.
[Report abuse]
July 22nd, 2010 at 10:50 am
Thlai chaw/leitha, fertilizers ho hian mihringah effect thalo anneih hi, a zirmi ten an la hre lo. Mihring tana hlauhawm zawk a chu, rannung thahna leh thlai venna damdawi/tur (pesticides) chi hrang hrang ho zawk hi anni a. Helai hi kan hriat pawlh thin avang hian fertilizers te pawh hi hlauhawm ni awm a lo sawi ve mai hi a awlsam reng a ni.
Thlai venna damdawi/tur ho hi uluk tak leh mumal taka hman chuan, mihring tana hlauhawm tham lo tur a ngaih a ni a. Mahse, thingpuife kan thlak pawh a, rintawk baka tlem thlak belh thin tan hi chuan hmansual chu a awl khawp ang. Pesticides, a hlauhawm zual ho chu ‘banned’ anni thin. ‘banned’ an nih hnu hi chuan bazarah lei tur a awm lo. DDT leh BHC hi thosi atan chauh a hman phal a ni.
[Report abuse]
July 22nd, 2010 at 11:10 am
Sei emai. Tawite in kawmen teh ang
[Report abuse]
July 22nd, 2010 at 11:11 am
D.D.T.___hi i khaihlum mai ang u….!!!!
[Report abuse]
July 22nd, 2010 at 11:12 am
“Kan thalai te an hlim tawk em?” tiin ka’n chhiar chuh. A topic nen ava inmil lo e ka ti hman tep a ni
[Report abuse]
July 22nd, 2010 at 11:16 am
Hahahahha…..#Silent_Man-a chu min ti nui vur vur mai a…..
[Report abuse]
July 22nd, 2010 at 11:18 am
Kan thenawmte chu an inbulah behliang kung a awm a, DDT in an kap thin a, a rah pawh an ei thova, mahse engtin mah an awm chuanglo. DDT hi taksa tan a pawilo emni ang le?
[Report abuse]
July 22nd, 2010 at 11:21 am
India rama cancer tamna ber state kan nih atang hian kangaih atha thei tawh lo. Zuk leh hmuam ringawt a ni thei lo, vai ho thlai kan ei ah hian eng tur nge awm, eng turin nge minhrai tih hi mithiam ten chak takin chhui thei se ka ti. Hmanhmawh.
[Report abuse]
July 22nd, 2010 at 12:04 pm
@CyberThug, DDT kai deuh nen nuan kha ei ta ang la, chawp lehchilhin i vir muai muai in damdawiin pan nghal chuk chuk a ngai kher lo ang. Mahse DDT chuan chi inthlahna lam a effect daih thung a. Tin, cancer a thlen thei bawk tih ‘proof’ a ni tawh bawk. Chikawngah, thau nen inpawlh in a awm a, chu chuan kan fateah effect nei hman lo a ni thei, mahse kan tu te leh tuchhuan thlengin piansualna a thlen thei. I thenawm te chu hmang tawh lo nghal tur in lo chah teh. DDT kha a thi ve mai theilo a, a bik takin thau, ‘fats’ ah an cham reng thei a ni.
[Report abuse]
July 22nd, 2010 at 12:20 pm
Ni e..!
[Report abuse]
July 22nd, 2010 at 12:29 pm
Silent_Man, ka thalaite an hlim tawk em? Tih ni tase engtin nge i chhan reng reng ang.
[Report abuse]
July 22nd, 2010 at 12:46 pm
Fertilizer hi thlai tan than lenna, chakna, natna do thei tur khawpa chakna, leh hriselna thlentu a ni. Mihringin vitamins leh minerals kan ei thin, thlai pawhin an mamawh. “Fertilizer hman hi a hlauhawm” tih thu hi zirtirna diklo a ni. Pu Shailendra pawhin PU te a hlauh vangin fertilizer hlauhawm loh zia a sawi lang ngam lo thin a, tunah chuan a sawi ve ngam ta.
Pesticide erawh tur a ni a, a hlauhawm khawp mai.
[Report abuse]
July 22nd, 2010 at 12:56 pm
caribou, pu te inthlak leh hunah a hlauhawm leh mai dawn a ni… ;lol:
[Report abuse]
July 22nd, 2010 at 1:08 pm
Pu Shailendra comment hi ka nuih a ti za..
) Keipawh (hlau chung chung in) sawi ngam loh tam tak ka nei. Entirnan- Hnahlan Grape te hi.. Ka sawi vaih chuan tawngkawlawng a ni mai hahaha… 
[Report abuse]
July 22nd, 2010 at 1:10 pm
Vaimim rawh ka ei mek.. tui tak a ni..
[Report abuse]
July 22nd, 2010 at 1:13 pm
Pu Shai, ka ngaihdan diktak ah chuan, Organic farming hi kan zo lo. Organic manures, biofertilizer leh biopesticides te hi duhtawka hman tur a awm lo. Nikum hmasa khan biofertilizer hman chhin ve mai2 ka tum a, Lunglei ah a awm lo. Aizawl ah a awm lo, Sihphir ah emaw ni a awm daih. Ziakin kan dil, a hnu ah Aizawl office ah an dah.
Mi tlemte, thlan bik te chauh tan “organic farming” hi chu hman ni rawh se. A rampum huapa inpuan hnan chi ani lo.
[Report abuse]
July 22nd, 2010 at 1:23 pm
Sangha dil nei tan mahni huanah DDT hman loh a tha. Biomagnification vangin mahni leh mahni, DDT an inbarh mawlh mawlh dawn tihna ani dawn si a.
[Report abuse]
July 22nd, 2010 at 1:24 pm
kan thlai ei turah te hian sazu tur an lo telh anga, kan sazu chauh hi a thi bul ang tih hlauhawm ve.
[Report abuse]
July 22nd, 2010 at 1:31 pm
organic farming hi chu selected or identified areas ah a tha tawk.
[Report abuse]
July 22nd, 2010 at 1:54 pm
Organic leh inorganic fertilizers te hi in sawi tak ang hian an hlauhawm lutuk lem loh. Amaherawhchu water leh soil pollution an awmtir thei thung. Entirna thenkhat han pe ila: Ammonium nitrate ang chi te hi a ‘ammonium’ chauh kha thlai in a hmang a, nitrate te kha leiah chambangin, lei hnuai leh lui tui ah te an luang lut leh thin. Tui ah nitrate level 10mg/L aia a tam a, in palh chuan baby blue syndrome a thlen thei.
Phosphate fertilizers ho hian heng heavy metals thenkhat, cadmiun te, uranium te leh radioactive chikhat Polonium-210 te hi an pe chhuak thin bawk a, chung chu mihring tana hlauhawm tak vek an ni.
DDT hlauhawm zia chu hmanni deuh a ka thil post ah khan ka sawi tawh a, endocrine disruptor an ni tih kan hriat thar leh a pawimawh.
Insecticides leh pesticides tel lo chuan kan nung tak tak thei tawh hrih si lo va, eng emaw chhung chu a effect tha lo lam kan tuar chho zel dawn niin a lang. Rannung, thlai ei chhe thin ei chhawng veleh tu sava te humhalh nachang hria ilang chuan, organic farming paw’n awmzia a nei deuh tur a nia leh. Insect ei chi sava tamna hmunah zawngtah a nget thi ve ngai lo va, rannung eichhiat buh hmuh tur a vang hle bawk.
2003 (?) vel khan Malaysia a an buhhmun pakhatah sazu an puang chiam mai a, chung chuan an buh a eichhe nasa mai a. Anni chuan sazu tur an hmang ve mai lo, saphai note 50 an chhuah a. Chu chu an hlawhtlin pui hle. Mautam thlen hma khan sorkar hotute hnenah pawh he thu hi ka sawi a, mahse kan ram in a la zir loh deuh avang leh naupang mai thusawi chu an lo bengkhawn peih vak loh avangin sazu tur bawk kha kan sawi uar leh ta ber a nih kha!
Organic farming kan tih hian Organic fertilizers hmang a thlai chawm ringawt kha a kawk lo tih kan hria a tha in ka hria a, a hnu a enkawl zui zel dan, insect leh rannung dang lak atanga kan ven him dan thleng pawh khan a huam a ni.
[Report abuse]
July 22nd, 2010 at 7:28 pm
Helam ah chuan thlai te hi a eitlak leh tlak loh farmah an check phawt zel.Insectisite an hmang ve tho nangin thlai ah khan khan ang poison kha mihring te tan a hlauhawm khawp an mai leh pailo te leh insects free anih leh nih loh factoryah an check leh phawt zel.
[Report abuse]