Archive for July, 2010

Nikum MI leh ka Mizoram zin experience a chhia leh thra zawngin

Saturday, July 31st, 2010
Nikum misual intawhkhawm a tel ve tum ranin guwahati thleng ka thlok a, chuta tangin sumo in aizawl kan pan a, ka expi tlem azawng kan ziak ve teh ang –

Guwahati tranga sumo a aizawl kan haw chu xmas haw hunlai a ni bawk a, sipai lam pawh an tam kher mai, guwahati to aizawl sumo a ka vawi 2 kal na a ni a, thil ka hre em em lo bawk nen, an awm dan kha mak ka ti khawp mai, sumo inzui diat diat in kan kal a, chaw ei na apiangah khan zu in an tum vek a, an polite lo em em a, kekawr kawng kilh thra manglo, zial zu khu reng bawk si khan an awm a, vaiho mak tih tur khan an trawng bual bual mai a, uniform an ha deuh vek bawk a, kan chuanna a sumo neitupa chuan hmanni pawh sipai 1 chumi khami te sumo ah chuan a chuang hawng a, nu hnute pe lai hi a hnute a khoihsak a an tia, chu nu chu thimrim lutuk a, kha sipai khan khan lo deuh in a deusawh vel a a tia, nu nau pawm thlabar tur zia kha ka ngaihtuah a ka lo thinrim ve em em a keimah te khan.

Tu huat thu suh ah sipai zawng zawng ni vek kherlo mahse midang ti ti atang pawh khan sipai ho phurh kha chu an chak vaklo niin ka hria, sipaina hmunah pawh discipline em em in an awm thei a, mahni mizo zingah a sual leh zahpuiawm te zilh tak aruang a, mi mit ti kham zawnga mahni in lum pawh thlen hma a an awm khan ngaihtuahna a ti thui khawp mai, sorkar zemzen a thla bi hlawh nei an nih vang a lo in lak engemaw vel kha a va han trul lo tak

Min kalsan suh

Saturday, July 31st, 2010

Satu:CFL Hmingthanga
Phuahtu:….???

1.Ka hlimni leh lawmlai ni pawh a,
Ka theihnghilh ngai loh mampui;
Sakhmel tawn loh ni a rei mange,
Hlimten khua hmuna kan len hun chuan;
Tawn loh kar lunglen i hril dun ang aw.

*Hmangaihna ka sawi thiam lo ve aw;
I tello chuan hlimzai reng hi maw;
Ka rel thei mawlh lo ve.
Ka thuva nunnem min kal san suh,
Khawngaihin e ka kiangah awm reng rawh*

(more…)

Novelist Kaphleia of Tachhip

Saturday, July 31st, 2010

Tachhip khua hi khaw biru ang reng tak a ni awm e. Muallungthu leh Aibawk khaw inkarah a awm a. Aizawl atangin 25 Km vel em ni ang aw? World Bank Kawngpui hian a khaw pawnah a hel miau a, chuvangin khaw biru a nih phah a ang. Va luhchilh meuh chuan khaw nuam leh khaw dung sei, khaw fai tak a lo ni reuh va. Novelist hmasa Kaphleia thlan pawh a awm a, a hmar lam khaw daiah Sibuta Lung hmingthang tak a awm bawk.

An khua hian field hring nuam tak an nei a, an thalai thaza tak tak te pawhin football an khel a, an tawlh thlu zawt zawt lai ka thlir ve reng alawm! An khuaa Medical lama thawk Pi Kimi hian an khaw tlang chhipah a thiante a hruai a. Tachhip lalpa leh lalnu thlan, Bung zar hnuaia awm a kawhhmuh lai ka han nang fuh a. An thla ka la a.

Kaphleia thlan bula bung leh Tachhip lalpa leh lalnu thlan bula bung hi mi huihphai an phuntir a ni ve ang em le? Sateek-a mi kha chu a nih thu in rawn ziak tawh a.  Sibuta Lung-a min hruai ka ngiat nain, a hla deuh va, vangvat leh pangang a awm an hlauh avangin, kan kal thei ta lo.

(more…)

‘EPL Mizo League’ is BACK!

Saturday, July 31st, 2010

English Premier League chu 14 August 2010 hian an khel tan leh dawn a, game hnih khat leka khelh tlem pawh kum tawpa Champion loh phah theihna a nih avangin game khelh kim tum tan in register a hun e!

Season hmasaa misual-a ka rawn post tawh ang khan misual unau, football ngainatute khawhar a hnem beiseiin ‘EPL Mizo League’ ka siam leh a, min rawn join ve turin ka sawm a che u. Hei hi a link- https://www.espnstar.com/maxisfootballmanager/

League Name – EPL Mizo League
League Password : mizoram

Admin,
EPL Mizo League

Lunglen August 2010

Saturday, July 31st, 2010

via Sangzuala Hmar  (Click pic for larger size)


B.Sc (Nursing) zawhna dik lo nasa!

Saturday, July 31st, 2010

source- vanglaini

Mangtha April – Chapter V & VI

Saturday, July 31st, 2010

Chapter V

Chumi zân chuan goodnight message takngial pawh min rawn thawn lo. A tûk Pathianni tûkthuan eikhamah min rawn text chauh a, ‘Inkhm dn m?’ tiin. Ka chháng a, a reh zui leh daih!

A tûk Thawhtanni-ah school a rawn kal lo a. A kal loh tur thu a sawi lâwk si lova, mak ka ti hle. Chhûn chawlh vêleh PCO hnai ber ka pan a, phone ka tum a, a la thei si lo. Chumi ni chuan thildang engmah ka ngaihtuah thei lo. Tlai bàn veleh ka cell-phone atangin biak ka’n tum leh a, a la thei chuang lo.

Chumi zân dár 6.00 vêl chuan min rawn text ta—‘K khuask hluah2 my. K nuam lo ltk. A nun mn mutpui, rn call sh’ tiin.

A tûk pawh chuan school a la rawn kal peih chuang lo a, Nilaini-ah chawhma a rawn kal zawk a, a nawmsam loh chhuanlamin chawhnu chawlh a dîl a, min hawsan leh a. Ka khua chu a har ngawih ngawih a ni.
(more…)

Zoram mamawh?

Saturday, July 31st, 2010

Zalen ram kan ni a, kan ngaihtuahna khawvel, (tha ber leh fing ber ni lemlo mahse) han sawi/ziah chhuah theihnan a zalen kan han ni ringawt pawh thil hlu a ni a. Chumi karah, thenkhat-in, mahni ngaihtuah leh vei zawng sawichhuah/ ziah chhuah theihna kawng leh hmun in rawn siam thin hi a lawmawm danglam ngawt mai. Ram pawn leh kar hla tak tak atang pawhin, unaute bula ngaituah leh veizawng kan han thlasik mau-puah pui ve ta phawng phawng chu a ni ta mai a. Website te hi kan hmang tangkaiin, hnam inpumkhat nan te, ram siamthat nan te kan hmang thiam ta zel a, kan hman thiam chuan, ‘thil reng reng hi’ a hlu a ni mai a.

Zofa te khawvel a zau tial a, a zau tial tial dawn bawk a — mahni ram pel a kan thlen thui zawh poh leh, mahni ram tan a rual awh a na ting tawh mai a. Mi pangngai chuan, mi ram ‘thiltha leh changkanna te’ mahni ram tan an awt in, chang kan ve hun an thlir thin. Rual kan pawl zau tial tial a, hnamdang thiantha te’n Zoram rawn tlawh ve an duh hun a awm thei — Mahse, Mizoram-ah hian Biak In lianpui pui bak hmuh tur a tam lemloh bakah, han fan pui tur/enpui tur kan nei tlem hle.
(more…)

Lung Nupa : N. Bualpui

Saturday, July 31st, 2010

Khatia Kolasib chhuahsana kan chhoh par par lai khan … kawng sir tuak ka thlir chho nasa viau. XaiA sulhnu ka hmu chho phauh phauh zel a. Tuipui ral ram atanga kan lo hmuhte kha a tak tak a nihzia leh thlalatuin a thiamzia ka hrechhuak nawn awn awnin ka hun ka hmang chho va.

N. Bualpui-ah ka chhuk a. Lung Nupa an tih chu kawng thlangah ka zuk bihthla a, thawnthua an lo sawi fo thin dan chuan heng Lung Nupa hi thlasik khaw vawtah chuan an inhnaih ve hret ni awmin an sawi. Khaw vawtah hian lung hi a tingtawm awm zawk si a, engtin nge an inhnaih si ang aw? A romantic viau nain, belhchet a dawl chiah ang em?

Kawngpui atanga a lan dan mai chu hetiang hi —

(more…)

Mizo te’n inven aia tihdam kan thupui zawk em ?

Saturday, July 31st, 2010

Mihringte hmelma chu inthlahdahna hi a ni. Nun thlahdah mi chuan amah a invaw let a, a tuar thin. Mihringte chungah kawng hrang hrangin vanduaina kan tih hi a lo thleng thin a, heng zinga thenkhatte ( a zawng awng nilovin ka tihna) hi chu pumpelh kan tum pawha kan pumpelh theih loh an ni a, a tam zawk hi chu kan pumpelh theih leh kan inven lawk theihte an ni a, chung zingah chuan kan chenna leilung kan enkawl uluk loh avanga chhiatna kan tawrh thinte hi kan sawi ve teh ang … kei misual hian.

Kumin hian ruah tui kan hmu tam ang reng hle a, fiamthu a ‘Silpouline City’ tih theih khawpin kan khawpui hi a pawl leh tuar tawh em aw! A hmasa berah chuan, kan khawpui hi khawpui dangte anga uluk taka ruahmansa thlap a nih loh avangin a leilungin a dawl loh tura insak te, tui luan kawr (drainage system) tha kan neih tawk lohzia te, inkhuakhirhna awm lem lo leh a remchang lo chung chung pawha in sakna khawpui kan nihzia te sawi lan loh theih a ni lo va. Heng zawng zawngte hian kan khawpui hi khawpui mangkhawngah chantir tawh mah se, kan chenna a nih miau avangin a venhimna kawngah tih tur (duty) kan nei theuh a ni.

(more…)