April 12: ZONET-in Aizawl New Market a tlawhnaah chuan naupang kum 14 hnuai lam, thil zuar hmuh tur an tam hle a, heng naupang thil zuarte hian an nu leh pa-te zawrhtir an nih thu leh nu leh pa nei tawh lo-te pawh an awmna in neitute’n an zawrhtir niin an sawi a, a thente chu school kai lai, a then chu kai tawh lo an ni a, an nu leh pa-te chuan an school chawlh chhuanlamin heng chawhmeh leh thil dangte hi an zawrhtir niin an sawi a, nu leh pa nei lo-te pawhin an wmna-te’na n zawrhtir niin an sawi a ni.
- Zonet
Nikum khan Times of India (Mumbai Edition) in Mizoram ah child labour a sang ber thu a lo chhuah tawh bawk kha.
Read: Mizoram tops in child labour
Similar Posts:
- Mizoram tops in child labour
- Aizawl-ah 40%-in dan kalhin kumtlinglo chhawr
- Naupang enkawl chungchang
- Halloween a Pawngsualtu te tih makmawh chu!
- Sualna Khurpui Lamah Chuan Kal Zelin…
April 12th, 2008 at 8:13 pm
Ava zia lo ve maw le, kum 14 chung lamin thawh kan tum bawk si lo hi a buaithlak zawk a nih hi.
[Report abuse]
April 13th, 2008 at 12:05 am
Mizoram in eng dan (law/rule) nge kan zawm hi hriat a har ka ti. Cowboy hunlai pawh khan dan hi an zawm asin mawle…dan zawmlo tu chu an khaihlum mai bawk…Mizoram chu a khaihlum tu tur a te pawh khaihlum ngai kan ni ngei ang
[Report abuse]
April 13th, 2008 at 10:48 am
Social Service dept hi khonge an awma?
[Report abuse]
April 13th, 2008 at 6:58 pm
Kan culture ah chuan naupang hnathawk peih lo chu an hlawhtling lovang, kan ti thin a, khawthlang ho ngaihdan nen chuan kan in rem vek lo. School an kal loh phah chuan a pawi a, mahse school kal paha thawh zauh zauh kha chu kan u te pawn an tih thin reng anih kha. Lehkhazir lama tui tak tak lo tan phei chuan kut hnathawh ngaihnep ringawt a that ka va ring lo em ! An hlawh phu tawk erawh chu pek ngei ngei tur.
[Report abuse]
April 13th, 2008 at 9:23 pm
Child labour tih theih chiah ani emaw ni le, state dang nen chuan an dang deuhin ka hria. Mihrang tna hlawh (tlemte naupang an nih vangin) neia thawk an nih loh chuan. Mi zawng2 phei chu an ni lo mai thei mahse a tam ber chu an nu leh pate pui an ni mai lo maw? Kei ngei poh hian ka ti ve zeuh2 toh mahse child labour chu ka ti phal tlatlo
[Report abuse]
April 13th, 2008 at 9:42 pm
Thil hi kan ngaikawi thuai thin niin alang. Danin a khapte chu kumtlinglo te tihloh tur tih tir luih hi a ni ber zawk. Heng a chunga zonet tarlan te hi danin a phal chin leh phalloh chin ni lovin, naupangten an remhriatna hmanga sum dik taka an tuak chhiah theihna kawng tihpin sakna lam a ang zawkin alang.
Mi ramah chuan naupang zirlaite chu holiday job te siam sakin an sikul chawlh laia inhlawhfakna tur a siam sak a. Hmun hrang hranga sawrkar hriatpuina nen an hlawh bitliah sakin hna an pe thin a ni zawk a. Keini MIzote rawh inchhung khawsak ilo fahranah pawh naupang tan hna a awm ta lo. Nauawm leh rawngbawl tak ngial pawh kan faten an tih turah an ngai ta lo va. Insuk leh inchhung tihthianghlim zawng zawng te pawh AWMPUI te tih tura ngai hmiah kan tam ta. Heng hi a nih avangin zirlai naupang te tan hian tih tur a awm lo va, kan duat a laiah kan nunchangin a tuar hloh thung thei a ni. Hei hian, taimakna te, thawhrimna te, remhriatna te etc.. kawngah a ti khawlo va. An hunawlah computer games leh tv etc.. en vel nan hun an khawhral a. Incheina leh khawsak phung nasa takin a tidanglam a, a tawp chu chhungkuain a tuar a, neih bakah chet tir maina hmanrua a ni.
Chuvangin, naupang chhia an nih tawh loh chuan, an hunawl hman that nana an chak zawng leh mamawh an lei theihna tur sum tuak tir te hi chu a pawi lo va, a tha zawk em em a ni. Hei hian an nunkawngah thahnemngaihna a neih tir ang a. Taimakna leh intodelhna thinlung pawh nasa takin an rilruah a tuh phah ngei ngei ang. An mobile man tur te, a bill man tur tal hi chu tuak chhuah tir ila, inren dan te pawh an thiam phah ngeiin ka ring.
[Report abuse]
April 14th, 2008 at 2:01 am
zorun hi H.Vangchhia nen hian in inchhung hial lo maw…in thawh tha dun thei piap piap sia..
[Report abuse]
April 14th, 2008 at 2:18 am
Seven Eleven hi American ho chuan thiante ka ang reng…tawng tawp theilo/tawng duh sawi nan an hmang chawk…eg: Another black guy (dress in Chinese clothing) telling Jackie Chan about Chris Tucker…in Rush Hour 2. hairehai…
Zorun: ram changkang ah sikul chawlh laia sikul naupang hna thawh an phal te hi kum tling (18yrs) chin bak an phal kei chu ka hre ngai miahlo. Inchhung sekrek te hi chu inhlawhna a ni lova, tupawn mahni fa te chu kan tir thiang ang chu…US ang ah erawh chuan tihluih deuh reuh kha khap…child abuse a ni thung ang a…
[Report abuse]
April 14th, 2008 at 9:31 am
Ni e, ramtin a inang chiahlo ang. Europe ah chuan kum 14 chin niin ka hria a. Asian ah pawh kum 14 a ni hlawm mai thei. Indiaah chuan kum 14 a ni a. Hei hi official a hnathawh luih tir emaw tih luih tir emaw a kawk ang a, intodelh luih tirna te pawh a kawk ang chu. Mahse, inhlawhfana ni kher lo, nu leh pa emaw chhungte puihbawm erawh kum engzah tih a awm lo vang a, nu leh pa te chhia leh tha hriatna a zir a ni thei ang chu. Mahse, mi ramah chuan fahrah emaw nu leh pa chawmtu nei lo te chu sawrkarin an puitlin hma emaw hnathawk thei an nih hma emaw atan in enkawlna tur pawisa a pe a, Indiaah hian chungtiang chu a awm ve loh avangin nu leh pa emaw chhungkhat emaw chumtu nei ve lo naupang kum tlinglo te hi engtinge an nun ang? Tanpuitu leh chawmtu an neih miau loh avangin an theih ang ang a sum an hlawh chhuah loh chuan ei tur an nei lo mai dawn a ni.
Chuvangin Child Labour ngo ngo te pawh hi chenna ram a zir leh society a zirin a inang thei dawnlo tihna a ni. Ram changkangah chuan Child Labour chu an society emaw sawrkar emaw mualphona a nih laiin keini ramah chuan tunge chawm ang? khawi atanginnge tanpuina sum an hmuh ve ang? heng te avang hian applicable veklo mai thei e. Mahse, limit emaw boundary emaw chu a awm tur a ni.
[Report abuse]