Hubble Deep space Telescope (DST) vansang zin kawng zawh kum sawmhnihna al lo pel leh ta der mai. Zan khaw thiangah khawpui chhung boruak eng uar leh zing mup tlansan a van lam thlir vang vang chang i nei tawh em le?”Chunglamah te khian i mit han len chho teh”(Isaia 40:26).Mit in a hmuh theih tlin tawk a tam arsi an paw khat chuai mai ang-kawlkil leh lam a tanga lehlam thlengin Arsi hlir-He arsi hung hi kan chenna arsi hung(galaxy) bik a la ni chauh mai.
Mit chak tha tak inih chuan Arsi 5000 vel lai kan hmu thei niin an sawi a.Mahse chumi bak la tam zia kan lo hre phak tak tak lo a lo ni.Kum 1995 khan Hubble Deep Field Study Space probe chuan thlalak fiah tak tak tan chhan a hmangin Arsi Hungkhat(galaxy) hian Arsi vaibelchhe tam tak zel fun khawmin chutiang theuh galaxy chu vaibelchhe tamtak a la awm ta cheu tih an chiang ta!.Chhut dan pakhatah chuan he Lei a tiau vaivut fangkhat zelah hian Arsi sawm zel awm ang a ni vel awm e.
Nimahsela zan tin mai thulh miah lovin ,Pathian chuan ” Arsite khi sipairual angin indawt zelin a hruai chhuak thin a, an hmingin a ko theuh thin a;…… thiltihtheihna lama a chak avângin pakhat mah kim lo an awm ngai lo.”(1saia 40:26-ODB).Engatinge keini Mihringte hian,”"..Ka kawng hi LALPA laka thup a nih a?”(1s 40:27) te kan tih theih le.Khawvel mihring hi tluklehdingawn 6 aia tam kan ni ngei a lawm,mahse a tua temah hi Pathianin a hriatloh emaw a theihnghilh tak kan awm thei lo.”A ma ta te chu a hria”(2Tim 2:19).Van a Arsi chhiar sen loh sipaihote anga a mal mal a hminglam meuh a zan tin ko chhuak zat zat thei chuan nang leh kei hi Ama engah ama chakna ropui tak; mitthi zing ata Lal Isua kai tho thei chakna hmang ngei in thim ata min ko in min hruai chhuak thei tih i hre thar leh ang u.Kan samzai zat nen lam hian min hria a sin!!.
Similar Posts:
- Heli, Bethlehem Arsi
- Phui taka hung Pu Lalhmingthanga farm
- Kum 2011-2012 Mizoram Annual Plan
- Tui Mal Farkhat
- KHAW CHHAK MIFINGTE LEH NAUSEN ISUA
A pawiin a va rapthlak em! He Vaipa...
May 2nd, 2010 at 5:16 am
galaxy hi simeikhu a ni mai em.
galaxy aiah simeikhu hi hmang lar ta zawk ila.
Report this comment
May 2nd, 2010 at 6:09 am
Ziak kual nalh hle mai. “Aman engkimah min hria e”.
Report this comment
May 2nd, 2010 at 7:54 am
A ngaihnawm dangdai hle mai,Mihringten mit a kan hmuh phak piahlam leh kan hriatthiam bak bakah te pawh a ropuina a lo intan dawn chauh tih han hriat chu Sunday hman a ti nuam dawn hle mai.
Thumak ka sawi nin theih loh chu
Kalvari chanchin a ni..
Hei pawh hi lo ni teh se,
JOBA
7:17 Mihring hi engnge maw a nih a, i ngaihsan a,
A chunga i rilru i nghah tlat a,
7:18 Tuk tin, amah i tlawh thin a,
eng lai pawha i fiah thin ni?
7:19 Eng chen nge khaw dang hawisan lovin i awm ang a,
Ka chil ka lem chhûngte pawh mi hlamchhiah lova i awm dawn?
7:20 Ka sual anih pawhin i chungah eng nge ka tih ni,
Aw mihringte vengtu?
Report this comment
May 2nd, 2010 at 8:03 am
Ka ti leh pek thin ang lawm rawh u….
Report this comment
May 2nd, 2010 at 8:13 am
A ngaihnawm reuh zek mai ka ti…..
Report this comment
May 2nd, 2010 at 9:01 am
@#1 bawmrang : Galaxy hi simeikhu a ni lo. Galaxy chu arsi fuankhawm/ barkhawm ti mai ila, chutiang chu galaxy an ti a, kan awmna lei pawh hi galaxy pakhat ah kan awm ve a, galaxy hi chi hrang hrang a awm a, Spiral galaxy,milkyway galaxy..etc. te an ni. Milkyway galaxy zingah hian kan awmna (Earth) leh ni leh a vela her chhungkua ho pawh hi an tel vek a ni. Chung zingah chuan Simeikhu (Comet) te pawh hi a tel vek a ni.Simeikhu te hian ni (sun) an hnaih poh leh an mei hi a lang sei thin.199(4)? (Ka hre chiang chiah tawh lo,mahse heng kum bawr vel a ni tih chu ka hria) kum a simeikhu lo lang comet Hale-Bopp an tih kha a hmuchhuak tu ming chawia a hming sak a ni. Alans Hale leh Thomas Bopp te hmuhchhuah a ni.
Report this comment
May 2nd, 2010 at 9:36 am
bawmrang rang , laptop ka thiam lo…naktukah ka rawn dah teuh ang
edit mai ang… ka logout lo midang in an duh2 an lo type a nih hi a apology
anyways, no kerh kerh
Report this comment
May 2nd, 2010 at 9:44 am
A chung a comment chu ka chhiak dik hleih theih miah lo chuaaa… :lol:
Report this comment
May 2nd, 2010 at 10:05 am
Shai,keipawn a ngaihna ka hre vak bik lo,a tawng vai aniang :lol:
Report this comment
May 2nd, 2010 at 10:39 am
post tha tak zet a ni
Report this comment
May 2nd, 2010 at 5:05 pm
Pu HV, kerh kerh nen chuan type har deuh a sin!
Vanthengrengah khian arsi 70,000,000,000,000,000,000,000 vel awmin an chhut! Chung arsite chu hlawm lian pui pui, “Galaxy” an tih chuan an then hrang leh a, chutiang ‘Galaxy’ chu tluklehdingawn 100 aia tam an awm a,
kan tel vena ‘Milky Way galaxy’-ah ringawt hian arsi hi tluklehdingawn 400 vel zet an awm a, chung arsi zinga pakhat chu lei entu Ni hi a ni. Ni leh a vela arsi inher ho, kan awmna lei (earth) pawh a tel vena hi ‘Solar System’ an ti a. Milky Way galaxy-ah ringawt hian ‘solar system’ 70 chuang an hmu chhuak tawh a, an la hmuh chhuah belh mek zel bawk!
Galaxy dang tluklehdingawn 100 vel zinga kan galaxy (Milky Way) rawn hnaih bertu ‘ Andromeda galaxy’ chu ‘light year’ maktaduai 2.6-a hlaah a awm!
Van sanga Pathian thilsiam ropuizia hi chu MAK-TA-DUAI a ni ber e! A mak a ni!
Report this comment
May 2nd, 2010 at 6:22 pm
#6 @remruata_01: a ni dawn tak e.kan hmang khat lutuka ka lo chiang leh tawh hleinem.
chuan galaxy chu arsi fuankhawm ni lo vin “thlasikkawng” kan tih kha ni leh ta zawkin ka hria.
“thlasikkawng” I ti leh zawk mai ang u aw..
Report this comment
May 3rd, 2010 at 3:09 pm
Arsi te Berama chhuah ngawt pawh chu :lol:
Report this comment