Tun hnai khan ka zin nual mai a, Champhai lam kawnga ka zin tumin Lui panga lai mai (Tuirial, Tuirini, Tuivawl, Tuichang, Tuipui) chu a kang tep titih a (ka hriat theih chinah tui luang a la tlem ber kum niin ka hria). Chuan Tlawng, Tut leh Mat lui pawh tui a tlem khawp mai. Chu mai ni lovin thal lai pawha tuihna awm deuh reng thin hmun tam tak a ro tan ta. April thla kan thleng dawn chauh a la ni lehnghal, kan hmalamah hian tui harsatna lian tak kan thleng dawn tlata hriatna ka nei a, ka mang a ang a ni.
Ram kan ti kang a, lui hnar emaw tuihna emaw atanga tui insiamna natural source tam tak, changel ang te kan sat chereu nasa bawk si. Aizawl lam lah hi tui kan indaih hlei thei lova, private a tui la te pawh hian an lakna hi a kang titih deuh zel mai bawk si. (Tuikhurhlu takngial pawh duh khawpin motor a sil theih tawh lohhhh)
Misualho, engtinnge kan tih dawn? Kumin hun kan hman chhoh tur hi huphurh namen lovin ka huphurh nia mawle…..
Similar Posts:
- Fire in the sky
- Azl-Cal flight ticket is now Rs 1,150
- Pawisa chhia thleng duh tan!
- Ranvulh Insurance (Cattle Insurance)
- YMA in a nihna a theihnghilh em ni?
March 27th, 2010 at 6:19 am
Tui chungchang hi chu tun hnu tur ngaihtuah peih tan chuan rilru a hah 1st thei khawp mai.
[Report abuse]
March 27th, 2010 at 6:36 am
AWGSS -Phase-II reng reng pawh hi a rei lulai lutuk!Khawvel pumpui mai hian Tui harsatna hi kan tawk chho mek zel chu a ni.Kan lui neih chhun chhun ah te tu tu ten emaw tur te an la chiah duh ta deuh deuh zel mai bawk a..kan hma khua chu a thim deuh ani e,tih ka han sawi 2nd ve duh reng reng e
[Report abuse]
March 27th, 2010 at 6:39 am
Ka rilru tihahtu 3rd ani
[Report abuse]
March 27th, 2010 at 7:06 am
Lui tui luan tam zawng discharge data hi Mizorama kan lui lian zz hi rambuai hma daih atrang khan CWC ho hian an la reng. An office hi Zemabawk pelh kawngpui thlang-ah a awm. An data hi ka en vak tawh maia – April leh March hi discharge chu a tlem vek mai Tuiphal ui khi eng kum ber emaw chuan a kang cht nia
Lui tui te hi a him nan tiin Forest ho hian a kam tawn tawn hi, British hunlai ani maithei, an lo reserve hlawm. Mahse an reserve hi kan pawisa lo hlawm hle tih chu kan hre vek awme. A hna a kiam ruahtui tla a tlem bawk si chuvang chuan Lui kam reserve te hi kan awi nung leh zo angem le.
Fur laia luang ral zozai te hi hman trangkai dan kan thiam a va trul tak em. P&E pawhin NEEPCO ho survey investigation leh DPR te siama hmang trangkai turin MoU an sign nimin khan
[Report abuse]
March 27th, 2010 at 7:27 am
Heihi chhiar chi he post nen hian
https://bit.ly/anfZFW
[Report abuse]
March 27th, 2010 at 7:53 am
Tui han ren hi chuan thlarau te poh a da zo thei maiang tih va hlauhawm ve mooo…kan thil ton tur chu peihom loh ngei mai…a aia nasa hi chhunglam leh pon lamah kan la hmachhawn don chauhin ka sia
[Report abuse]
March 27th, 2010 at 7:53 am
A dik khawp mai. Hetiang chuan tui in tur bakah Hydel project pawh kan nei tha thei chuang lovang.
[Report abuse]
March 27th, 2010 at 8:06 am
Ruah a la sur tlem em ani. Vawiin Aizawlah ruah sur beisei ani. kar khat chhung chu nitin a sur rin ani!
[Report abuse]
March 27th, 2010 at 8:35 am
I fimkhur ang u. Tun anga ram ngaw kan tih chereu zel chuan kan ram lui tuite hi an la kang chat vek thei tih hriat a tha! Tun hma chuan Sahara Desert te khu ram ngaw dur pui pui awmna a ni thin an ti nia!!
[Report abuse]
March 27th, 2010 at 8:56 am
Tui ni lo, vaivut te hi tui aia a hman dan zir ta ila te ka ti vel mai mai (mei mei… thalai ho hriatthiam theih nan…!) a.
[Report abuse]
March 27th, 2010 at 9:07 am
Tui sem thin MR 20 chuang sorkarin a ban tawh. Heng ho hian mipui hnen atangin pawisa, zu funte leh a senchi an lo la thin a ni awm e (Source: Zozam Times). Aizawl a tui sem dan hi chu inkhairual deuh selang chuan tun ang em em hian kan harsa lo ang tih ka ring.
Khawvel hmun hrang2 a lui tui kaam hlawm zia hi. Tui in chuhna avang hian ram leh ramte inkar a khi thluah tawh. China hian a thlaler khi ti hring turin Brahmaputra lui hnar khi la peng ta se, India ram chhunga brahmaputra lui tui tlan ho tan chuan chem lova lu lak a ni hawt ang.
[Report abuse]
March 27th, 2010 at 9:19 am
Kulikawn leh Mission veng inrinna, Luipui/Sakhisih pawh khu kan naupan lai chuan, li thenkhat, “Vari bawngtlak” ah te, “Sakawr zin” ah te khan a Li kotlang sang tak atang khan kan zuang thla pawm pawm thin kha ania, thuk ve tak tak te pawh an ni hlawm.
Kum 10 vel liamta mai khan ka lungleng ka zuk kal leh chu Tuibur siamna hmun a lo ni zo tawh a, a rimchhe em em mai a, tui lah chu aluang ker ker choh tawh a, mak ti chuan ka thlir vawng vawng ta mai a ni.
Hun reilo tak liamta mai kha chuan he lui hi Kulikawn leh a chheh vel, Mission veng, Maubawk, Vengthlang, Tlangnuam, Khatla thlengin mi insukna leh tui chenna hmun nuam a ni thin. Ka hriat phak ah ngei pawh sangha man tur te pawh an la awm thin kha ania, ka kal hnuhnung berah kha chuan chutiang a ni thin tih reng a hriat tawh loh. Tun ah phei chuan a kang chat tawh maithei a ni!
shailendra, i kal ve thin ngei ang tih ka ring, zuk fang leh chhin la mak i ti ngei ang le. A lunglen thlak a, a lungchhiat thlak teh mai ania, ahmun ah kan zuk ding vang vang mai chu. Mitthla ah hian thian te leh chhung khat laina te nen hlim taka, chaw fun a kan insuk, inbual lai kha mitthla ah lo lang lo thei hek lo le!
[Report abuse]
March 27th, 2010 at 9:41 am
Tui hal dangro chuan kan thi bik em lo turah ngai phawt ang.
[Report abuse]
March 27th, 2010 at 9:44 am
k soi ve treuh lo mai ang top 10 ho hian an t tha hlom emai. Tluk chi an ni leu..
[Report abuse]
March 27th, 2010 at 9:53 am
He problem hi chu Ram changkang ho poh hian an huphurh ve hlee aniag.. Nimin lam BBC ah poh Australia a Desalinization Plant anron ti lang a.. pui rem2 hlee mai..Tuifinriat tui al kha anti fai ania.
Desalinate tur kan nei ve mang silo/neipoh ni ila a plant kan din thei don chuang silo.. Kan Cultivation technique hi kan thlak a ngai aniber mai..Ram ti kang uaih2 chung chuan,ala huphurh om don chauh ang
[Report abuse]
March 27th, 2010 at 9:54 am
@HV. ni e. Sakhisih leh Vailui te kha sikul chawlh, kan weedend hmanna thin ber kha a ni a. Tunlai phei chuan tui zu chawi dawn ila tuikang nghak ang deuh maia zuk chet a ngai dawn a. Sikul chawlh chuan tuicheng tur khan kan kal nei thin a ni a. Pa Zatia (?) mawngchiah-li te kha tunah chuan kephah pawh huh kim mumal lo a dai theih lek an lo ni ta…… Vailui lah chakai khawrh tur pawh a awm tawh lo….
[Report abuse]
March 27th, 2010 at 9:58 am
Climate change vangin kan ram leilung pawn a tuar mek, he mi thlen tir tu chu nang leh kei hi kan ni!! kan ram ramngaw(dense forest) pawh a thla hniam mek zel…kumtin in ram kang vangin nunna piah lamah kan ecosystem kan ti chhe mek zel…!! Azl pawh kum dang ai in a lum tin fo….mizoram mipui te environmental lamah hian inzirtir kan ngai ta….!! lui ah tui luang a tlem tial2 then khat phei chuan kang lam an pan mek!! Hmasawnna kan ti..mahse a chhe lam in hma kan sawn a…heti lamah a ngawng hi kan hre thiam pha thin lo….!! Mihring activities ten a environment ah negative impacts kan neih te hi..i in chhut let fo ang u….!!! Nature in a min pek theih te hi mihring te thiam fin leh rem hriat na tangin kan siam chhuak thei ringawt lo!!
NGO hetiang lamah Environment ah hma la tu pawl chak tak din a hun ta!!
Mizoram hmasawn dan hi Sustainable development lam hawi zawnga hmasawn i tum ang u!!
[Report abuse]
March 27th, 2010 at 10:00 am
@shailendra : Vailui —motor silna thli tinreng, oil mawm chi tin intleuh thlaknaah lui-sa an damkhawchhuah theih a rinawm loh viau! A tui pawh liah tlak a ni tawh chuang bawk lo. Furtui tam lai berin eitlak loh tuihawk a luang thung si … tui-kang lahin, a buaithlak vek bawk. Phase II an tih lah High Court Thubuai-ah a Contractor a la teihawi rih mai mai bawk si!
A ngaihna tak pawh hriatthiam a har ta lu’ deuh e!
[Report abuse]
March 27th, 2010 at 10:04 am
Vailui ah motor silna tham pawh a lo la awm a ni maw?!!
[Report abuse]
March 27th, 2010 at 10:28 am
@HV. kawltheihuan thli kha an khuap a, mission vengthlang leh khatla (hermon) inrina, vailui hnarah khan motor chu an la sil e. Mahse tukhuah atangin a ni tui, motor sil nan an hman…
[Report abuse]
March 27th, 2010 at 10:58 am
Kan hmabak huphurhawm tak hi Hring fate ai mah hian Lengngha te’n an huphurh zawk ngei ang le.
Khawvel hmun ¾ hi tui a ni a, ¼ chauh khawmual a ni. Chuta cheng mihringte chuan tui kan tlachham thin hi chu hetia ngaihtuah mai hi chuan thil mak tak chu a ni ve e! Eng pawh nise, Khawvel hian chhiatna hrang hrang hi a hmachhawn tam tial tial a, harsatna hrang hrang a lo pung zel a. Hun tawp kan hnaih tial tial chu a nih hi.
Kan hma thla hnih April leh May thla tal hi chuan mi zawng zawngin tui hi ren leh zual ila, tui chhia kan tih mai pawh hi paih ral mai lovain a khawlna siam ila. Hmanna kan neih ngang loh pawhin khawlai ro lutuk leih huh nan tal hmang teh ang u. Mitinin kan water consumption rate kan tihhniam theih phawt chuan kori a tu ngei ang.
Tuia i harsat ve loh avangin ren lo ngawt bik suh. Khawvelah mahni chauhvin kan awm thei lo tih thudik hi vawng reng ila, kan mihring puite ngaihtuah tel chunga nun hman thiam hi mihring kan nihna-a kan mawhphurhna lian tak a ni si a…
[Report abuse]
March 27th, 2010 at 11:13 am
the only solution that we can prevent/reduce our impacts is Changing lifestyle…minimize the impacts and maximize the preservation/conservation!! reduce, re-use and recylce….!! Sustainable development will be the alternative solution!!
[Report abuse]
March 27th, 2010 at 11:14 am
Tui a har, tawng dik a har bawk aniang @hramtea_pa meuh pawhin ‘huphurh namen lovin ka huphurh’ a ti tlat mai!! Huphurh namenin ka huphurh lo han ti sela a dik zawk dawn tehlul nen! Tui in inin in in in inin in in in in tur a ni lo
[Report abuse]
March 27th, 2010 at 11:34 am
Fur a niang a, tui a lian leh mai ang,mahse thal lai a tui hman khawp kan neih nan tan lak erawh a tul thung.
Fur lai a AIR Shillong Mizo News a an thu puan chu “Assamah ruah sur nasat a vangin Lui lian zawng zawng chu an Lian vek”
[Report abuse]
March 27th, 2010 at 12:07 pm
Tuiruang khi a lian thra triap triap khawp mai! Thallai pawn Engine-Lawng a vei sup sup mai! Tui nghei kha chu a lungngaihthlak vak loh ang.
[Report abuse]
March 27th, 2010 at 12:56 pm
Ka ngaihtuah fo leh rilru ti hah em em thrin tu a ni, tui tlem sawt lutuk hi. Kan tu leh fate khawvel tur ka ngaihtuah hian thaw a pik tlat. Hman atang khan ka chik tawh a, lui lian ah leh lui teah hian tui a tlem sawt lutuk.
PHE Deptt hian rilru chu an seng khawpin ka hria a, ruahtui khawl nan soft loan te pawh a tih dan an ngaihtuah mek ni awm tak a ni. Kan ram leilung hian a zir lo lehzel a, Singapore ah khan ruahtui an khawl na dam lian pui pui kha ka hmu nual a, kan ram leilung hi chu a porous lutuk a tui a tling hlei thei lo te an ti lehzel a.
Keimahni ram ah hian, ramdang mi, mikhual ang maiin kan khawsa a, ramsa, thing leh mau, leilung dim nachang kan hre bawk si lo, a hahthlak em mai.
Aizawl tan pawh hian Tuirial pump dan te hi ngaihtuah a thra hlein ka hria, tlawng lui ngawt khu chu kan la kham khawp dawn lo. Durtlang lam atang khian a hnaih deuh te ka ring ringawt a.
[Report abuse]
March 28th, 2010 at 2:54 am
Tui tel lo chuan kan nung thei der si lova .Ni a kan naupanlai a kan tui chawi na leh inbual leh kan swiming pool ve zawng 2 dai hnai lam a awm te kha kan puitlin ve meuh chuan kaw khoro ah an chang zo ta a.Fur ah tui chhia luan na leh ekin sah ho ek luan kawrah an chang zo ta vek mai hian kum tin hian tui hna hi a tlem tial tial tih a ti lang chiang khawp mai .
Eng tin tin emaw tih dan ngaih tuah loh chuanhmalam hun ah hian tui tel lova inbual te a ngai mai tur ani a.
[Report abuse]
March 29th, 2010 at 8:13 pm
Kan ecosystem chhe ta lutuk hi chu a veiawm takzet ka ti thin. Tunah pawh thingtlang lama tui harzia mai chu tah a ti chhuak hial tawh zawk. Zing khawvar hmain patling nutling tui chuhin phet vat vat a ngai thin.
Kan pipute hi an lo khawp mai. An ni chuan daiah ram an lo reserve thlap thin kha a nia. Thing a lo tam na na chuan tuitai put a siam nge ngea, chu chuan luite a siam thin kha nia. Tunah zawng mihring kan huamhauh ta lutuk nge ni? Dai hna han vah harhna tur pawh a vang ta khawp mai.
Mizote hi kan inenfiaha kan environment chhe ta sel siam tha zawnga a tam thei ang bera kan inzirtir hi chu a ngai tak meuh a ni.
[Report abuse]