Misual-ah hian ka rawn sawi lang deuh zuai tawh a, Ni 13( inrinni) a Kawnpui a Ram kang thelhna lama kang meiin a tawh palh Tv. H. Lalrintluanga boral chungchangah Kawnpui Join YMA in kalphung atana a lo pawm tawh, Parawl/Hmeithai te chu an ruang vuiliam thleng YMA ten an buaipui ang a, a bak khawhar lenpui te pawh YMA angin Progamme siam leh kaihhruaina hman a nilo ang tih chu hman hmasak berna a ni a.
(Kalphung thar tur hi an dah dan tawngkam chiah ka chiang tawhlo, a kawh tum ber chu hetiang hi niin ka hria) Hei hian sawi zui a hlawh hle. Tv. H. Lalrintluanga te hi unau rual tak 14 lai an ni a, a unaute hi rawn kalin Inpui ber nghaktu a nih avangin an chamchilh rih dawn a, a unauten an luah zui zel dawn thu pawh an sawi bawk.
A In kalh nghal mai lo a, rilru na taka a Unaute leh chhung lehkhat te a In a an awm mek laiin, ruang thlak zan atangin YMA lam chu an inthiarfihlim nghal mai bawk a.
Ruang thlak zan hian khaw chhehvelah kang mei a chhuah nasat avangin thalai tam tak kang thelhin an chhuak leh a, khawhar in ah hian thalai hmel hmuh tur a tlem hle a, Mahse, YMA member tam tak an lungawilo hle a, YMA in tilo mah se, zan thum chhung tal chu thu(Thru) ringawt pawn a inah khuan a chhungte ka thut tlaivarpui tho tho dawn a ni tiin Kang telh zo lo haw, thalai engngemaw zat chu an riak lut tho bawk. Ruang thlak tuk zan atang hian a awmna veng Branch KTP ten YMA ten hun an hman loh avang hian Programme siamin hun an hmanpui.
Ka ngaihdan chuan YMA te hi hnuchham, parawl, hmeithai leh chhumchhia te tana Pa ni tur, pa chan changa engkima neitu ni tur emaw ka lo ti a, hetia kut an sil san daih mai hi mak ka ti tak zet mai. Kawnpui Joint YMA hian a nihna a hai ta em ni?
Thian duhtakte u, in ngaihdan han sawi ve the u.
