Kan ram zim tè, Mihring tlem tè chennaah hian kan chawbêl min zenpuia, kan sûmbâwm min tawmpuitu- Mi chi 2 (Burma mi leh Vai) an awm. Heng mite chungchangah hian a ram neitu/ Mizote zingah pawh ngaihdan inthen phawk a awm.
A sual/ a tha thliar loa, Khawchhak Mi huata hau hrim hrim leh a Vai huata hua hrim hrim kan awm. (Hetiang ngaihdan neih hi kei chuan thing ka ti top!) Heng, Vai leh Burma Mite nen hian inkungkaihna kan nei ve ve a…
Vai (Ka khua leh tui):- India rama cheng kan ni miau a India khua leh tui, Indian vek kan ni. Kan en hrangin kan haw ngawt tur a ni lo. Ram khata cheng, Rorelna pakhat hnuaiah Unau ang em chuan en thei lo mah ila, Indian kan nihna atang talin an lakah rilru zau tak kan pu tur a ni. Kan Unau te kan tih fo- Khawchhak ho hi a hnawk leh ngaimawhawm zawk chu an ni a, ruihhlo leh suahsual chi hrang hranga inhnamhnawih thin an ni.
Heng mite hi Sailo, Khiangte, Pachuau, Renthlei, etc niraw sek sek, ramdang mi (Foreigner) dik tak an ni. “Foreigner is Foreigner!” He ramah hian an duh chen chen, an nawm/ an makin an awm tur a ni lo.
Burma Mi (Ka thisen zawmpui):- Foreigner chu an ni ngei a lawm. Mahse, kan duh réng vanga ram hran, rorelna hrana inthen darh ta kan ni lo. Kumpinu rorelna avanga ram hrana cheng ta mai kan ni. Khawvel danah ramdang mi lo ni tawh mahse, kan Unau, kan thisen zawmpuite an ni.
An ram politik kalsualna avanga an harsatna leh manganna te hi kei ni’n kan tanpui lohin tu’n nge tanpui chuang ang le? Keini lo hi hmangaihtu dang an nei chuang dawn em ni? Vai te nen chuan India Khua leh Tui, Indian chu kan ni ngei e. Mahse, Tawng, Sakhua, Kalchar, hmel leh engkim mai hi kan hrang hlak a ni. Heng, khawchhak mite nen erawh Tawng inang, Sakhaw pakhat, Kalchar thuhmun nei kan ni a, thisen-a inzawm tlat kan ni a sin! “Tui aiin Thisen a tak zawk” tih thute pawh a awm kha maw!
Heng thuah te hian engang ngaihdan nge i neih!? A ruh langin- Tu zawk nge i tan? He rama i chenpui a tan- tunge i thlana, tunge hnawk zawk?
Vai Ka khua leh tui/ Ka Indian-pui chu an ni ngeia, Mahse…
Burma Mi Ka thisen zawmpui/ Ka Unaute chu an ni ngeia, Mahse…
Similar Posts:
- The exodus of Mizo
- Zirchianna mak..!
- Sawi ho mai mai ila…
- Burma Ram Vanglai leh Mizo te
- Kan ti mah mah em aw!
Tuna pângin thlen In kan va ngah ta ve! Khampat i han sawi takah chuan, a phur ber– ThaiBoy hi engtin ngemaw kan tih dawn le… A dawnah min thulhsan leh mai anga(h)!
Kawlkulh hi chu veng mawng atang ka sawi chhuak thei. Burma chungchang hi hre ve tak a nia ka nih, Tahan Mizo ho hi an polite in kawm an nuam hlawm a. Tahan, Kawlkulh, Pyinekhung, Khawpuichhip, Taphah, Kapchhinga veng 
March 30th, 2010 at 4:22 am
An pahnih hian a dik ve ve a, mahse!
OT: Ricky Martin announces online he is Gay! ” I am a fortunate Homesexual man” (www.news.yahoo.com)
[Report abuse]
March 30th, 2010 at 4:26 am
“Indian kan ni..” Indian citizen kan ni India mi pangai (typical Indian) erawh kan nilo, sawi belh vak pawh a tul ka tilo.
99999999999999999999999999999999999999999999999999999999999999999999999 trillion % FACT
[Report abuse]
March 30th, 2010 at 5:48 am
A dik khawp mai, Unau/chhuahna thuhmun kan nih thu hi zohnahthlak ten kan pawm tlang thei vek mai (hnamdanga loi lut ta te tiam lovin), mahse ngemaw harsatna kan nei mai chauh a ni.
Hetih lai hian ngaihtuah trul ve tho chu, Chin hills a awmte tam zawk hi thlang tlak lai khan an rawn tlathla ve chiah lova (Rambuai laia pem chho tiam lovin) Heti a nih chuan, chhaklam atang hian Mizoram hi kan hmangaih viau thei reng em tih hi zawhna awm thei a ni? Kan motherland tak tak angin kan pawm ve em?
India mi tih hi mainstream lamah narrow takin thenkhat ten define mahse, a nihna tak hi a chiang ngai lo. India mithiam ( e.g subaltern studies)ten vawi tam an challenge fo reng a ni. British ho lokal hma phei chuan, fragmented state khawmual pui pakhata awm khawm mai kan ni. British in min suihkhawm a, India tih hming min pe a, a nihna takah chuan, geographical expression mai a ni. Independent hnuah Nationa state-ah kan lut. Culture pakhat zinding awm chuang lovin, chi hrang hrang inzawmkhawm a ni. Hetah tak hian marginal group deuh leh mainstream deuh a awm. Mainstream lai chauh India bika hriatna hi chu India constitution tum a thelh deuh a ni.
Mizote, South Asia leh Southeast Asia inkara James Scot an civilization hlau a, tlanchhe ho (juma) a tih ang deuhin tlangramah kan cheng a. British ten India ramah min suihlut a, India chhungah kan awm a. Kan bul hnai ram Pahnih bangladesh leh Burma, hnamhnuaihnung leh sakhuana lamah pawh oppressive em em maite ngaihtuahin India hnuaia kan awm hi kan vannei ta phian awm e. Culture emaw politic emaw in India mi kan ni thei ve ve. A hrilhfiahtu hrilhfiah duhdan a ni ber mai…
India marginal group zingah a bikin North East India te chu South Asia aia Southeast Asia culture kan hnaih zawk avangin India chhungah ngaihngam takin kan awm thei chiah lo. Ethnicity leh conflict a tam phah em em. Mainstream a hnam lian zawk ten min chaldelh viau anih chuan, kan counter let reng ang. Hetih lai hian, keimahniin remchanna zawng zawnga, fingthiam taka rilru putna chang kan hriat a tulin ka hria.
[Report abuse]
March 30th, 2010 at 5:48 am
Vai leh Burma mi (Mizo) hi ka haw lo ve ve a, Burma ram khawsa Mizo te hi ka hmangaih fe zawk. Mahni unaute hmusit chu Bible pawhin a sawisel kha!!
[Report abuse]
March 30th, 2010 at 6:03 am
Thuziak ril tak a ni a…! Burma ah hian ka khawsa ve nasa tawh a. Mizoram hi ral a khat atang hian, an lo in ti ta ve em em ringawt. “Aw Zoram ka hmangaihche” tih hla te hi lungleng em em in an sa a, Mizo tawng pawh hi an hmang dik fu. “tlawmla” tih tur ah “tlawmngai” kan hman lai te khan, an ni chuan, a dik in “tlawmla” an ti chat chat thei.
Amarawh chu, Mizoram lama rawn tlathla ho hi khawte cheknawk a mi an ni tlangpui a, Burma ah pawh a michhe zual leh lehkha thiam lo an ni tlangpui. Heivang hian a ni bawk in ka hria, hetia Burma mi tih tawngkam a rik fo.
Burma khawpui Mandalay leh Yangon a Mizo khawsa ho te hi chu ropui tak an ni ringawt.
I in hmangaih tawn dial dial ang u! “Mizoram ho chu min hmusit thei e” an tih hian, awm a nuam lo duh e mai. Tangrual ila, in pui tawn dial dial ang u.
[Report abuse]
March 30th, 2010 at 6:04 am
Israel-hovin Lebanon, Suria, Jordan, Aigupta etc., a thenawm ang thovin, keini pawh hian ramri kham thiam riau chin chu kan neih a ngai tho tho. Chhul-khat-kual pawh ro thil inchuha mualpho an awm thei tho bawk alawm le! :roll:
Inngeih thei chin chu kan inngeih tho tho.
[Report abuse]
March 30th, 2010 at 6:06 am
He hla in in lo ngaithla ve tawh emaw chu :roll:
in thlahrung a na duh!
https://www.youtube.com/watch?v.....re=related
chhungril a fan duh khawp mai…..!
[Report abuse]
March 30th, 2010 at 6:09 am
#6 chawnghilh
Keini khawvel mipui 0.0000000000000000009 vel hian ramri kan kham a la tul in ka hre lo. In pumkhatna hi kan mamawh hmasa zawk in ka hria. Tedim, Paite, Hakha, Falam, Lushai kan in tih chhung hi chuan ramri kham tur pawh kan awm lo vang :evil:
[Report abuse]
March 30th, 2010 at 6:22 am
“Greater Mizoram” tih angte kha a puitlin ka ring ve chuang lo! Tedim, Paihte, Hakha, Falam, Lushai hnamah ramri a kham theih em ni?
Ramri hi hre chiang ila RAM leh a INRINA chu a awm mawlh ang! Min hualtu Cachar ramri, Myanmar ramri, Bangladesh ramri, Tripura ramri leh Manipur ramri chinte chu chiang takin a awm hrim hrim. Ramri hi thahnemngaih vanga rin sawn mai mai chi a ni lo!
[Report abuse]
March 30th, 2010 at 6:32 am
Epistemology ziah …Hetih lai hian ngaihtuah trul ve tho chu, Chin hills a awmte tam zawk hi thlang tlak lai khan an rawn tlathla ve chiah lova (Rambuai laia pem chho tiam lovin) Heti a nih chuan, chhaklam atang hian Mizoram hi kan hmangaih viau thei reng em tih hi zawhna awm thei a ni? Kan motherland tak tak angin kan pawm ve em?
India mi tih hi mainstream lamah narrow takin thenkhat ten define mahse, a nihna tak hi a chiang ngai lo. India mithiam ( e.g subaltern studies)ten vawi tam an challenge fo reng a ni. British ho lokal hma phei chuan, fragmented state khawmual pui pakhata awm khawm mai kan ni. British in min suihkhawm a, India tih hming min pe a, a nihna takah chuan, geographical expression mai a ni. Independent hnuah Nationa state-ah kan lut. Culture pakhat zinding awm chuang lovin, chi hrang hrang inzawmkhawm a ni. Hetah tak hian marginal group deuh leh mainstream deuh a awm.
He thu hi ka pawm zawng tak a ni. Chin Hills-a awm tam zawkte khi thlang tlak lai khan an rawn tlathla ve chiah lova, chuvang chuan Chin an inti-a, anmahni hnam bil tawng theuh an hmang. Thlangtlaa eng emaw avanga pem chho leh tate hian Mizo an inti-a,Mizo-ah an chiangin an lungawi tawk hle a, Duhlian tawng an hmang bawka, Mizoram hi an intineitu em em bawka, an hmingtawpah ‘I’ leh ‘A’ a awm ngei ngei bawk. Chu mai ni lovin Burma-ah pawh Chin ho hian unau angin an en thei tak tak lova, an er hle bawk an ti. Mizorama Burma mi hnawksak tak tak ho hi Chin kan tih zing ami deuh hlir hi an ni a, Burma ramah pawh Mizo inti ngatte hi chuan Mizoram-ah hian harsatna min thlen tlem hle.
[Report abuse]
March 30th, 2010 at 6:35 am
T-Melody member zawng zawngte pawh hi Mizo kan tih huang ami vek an ni an ti, CHIN ni lovin. Hrethiam mai em ka U..he he..
[Report abuse]
March 30th, 2010 at 7:00 am
Kan Burma Mizo unaute hian “Mizo” an intih tlat avanga an tawrhna leh enhranna an tawrh nasat dan hriat hi chuan “Burma mi” ti a hmusit chi zia zang an ni lo ve!!
[Report abuse]
March 30th, 2010 at 7:17 am
Tuna ka awmna Maryland-ah pawh hian Burma Mizo chu Mizo Society of America-ah intineitu takin an rawn tel mai a, CHIN ho erawh chuan Society hran an nei thung. Chuvang chuan kan thliarhran thiam chu a ngai khawp ang.
[Report abuse]
March 30th, 2010 at 7:21 am
Kan thliar hran thiam nge pawimawh, fing taka in pumkhatna kawng kan zawn? Kei ni teh hi kan dik bik em?
[Report abuse]
March 30th, 2010 at 7:32 am
Chin ho nen hian Mizo huangah a inpumkhat theih tak tak loh, a duh pawh an duh lo.
[Report abuse]
March 30th, 2010 at 7:52 am
Vai hian min chimral ai chuan Burma mi kan tih te hian min chimral ta se pawi ka tilo zawk ang. Mizoram chu Zohnahthlakte kutah ala awm tho dawn avangin.
[Report abuse]
March 30th, 2010 at 8:13 am
Chakma an vanner ber. Bru ho pawh hian kan ram an la satthla ve thuai ang.
[Report abuse]
March 30th, 2010 at 9:07 am
awmawmpuia leh midang te… Burma mi i tih kha Mizoram a khawsa te chipui vek an ni. India vai ho hi Mizo te chipui pakhat mah an awm lo.
[Report abuse]
March 30th, 2010 at 9:39 am
HV,
Mizo leh Mizo hi a inchimral theih reng em? Vai ho aiin Khawchhak ho min chimral a hlauhawm tawh zawk… kan ti leh ngawt thin hi enge i ngaihdan?
[Report abuse]
March 30th, 2010 at 9:42 am
11
winning Says:
March 30th, 2010 at 6:35 am
T-Melody member zawng zawngte pawh hi Mizo kan tih huang ami vek an ni an ti, CHIN ni lovin. Hrethiam mai em ka U..he he..
Tlemin ka chhang ang che tah hian, T-melody lama an u te hi ka hmelhriat thra ve hlea, Mizo in timahse, CHIN angchhung ah rilru zautak in an awm tho. Chhak lam a mite chu, Laimi, zomi, mizo, mara, asho/cho, khumi etc hlawmlian deuh2 in an awma chung a phuar khawmtu chu CHIN tih hi ani. Rambuai laia, mizoram a tranga pemchho tamtak awmmahse, thlangtla thla lo va chambang lo awmtawhsa te an awm treuh tih hi hriat nawn a tan ka han sawi ve duh mai mai.
@15
winning Says:
March 30th, 2010 at 7:32 am
Chin ho nen hian a inpumkhat theih tak tak loh, a duh pawh an duh lo. “.
Chin ho nen in pumkhat theihna a tam mai, a duh pawh an duhlo i ti hi chu keima thlirna a trang chuan i daw duai ang. In pumkhatna leh Mutual understanding kan neiha thawhho kan ngai zawk.
2008 chho kan thlirlet leh ang, Inpumkhat duh in an theih ang ang in Mizoram in Mautam a tawh laiin chhak lam Zohnahtlak ten an theih ang chin tawk in an sum neih te te thawhkhawm in Mizoram a awm an Chi puite tan in huamtak in an rawn pui.
2009 kan thlir let ve lehthung ang, chhaklam unaute’n an tuarve lehta tih rual in mizoram a an thisen zawmpuite’n chhaklam an unaute thisen zawmpui tan ti in Buhfai leiphalna leh a then tlawmngai, Champhai YMA group te leh mimal tlawmngai ten an pui.
2009, chhung thovah kei leh ka groups ten mizoram khua eng emaw zah leh Chin Hills khua eng emawzah ah kan theih ang ang in “.Humanitarian”, kan thawkho.
Tah chuan YMA/VCP, chhaklam ah NGOs hrang hrangte nen kan thawk ho, in pumkhatna leh thawhho na chu tun ah khian tam tak in hmuhtheih in a awm tran mek.
Tih rual in, Border to Border, Tiau/Tio khua/khaw dung chho a awmte pawh, Baptist, UPC, etc ten kumkhat vawikhat in Fellowship/Conference, Inkhawmpui an lo hmang ho fo thrin tih ka va hriatphaha ahlim awm khawp mai.
Tih rual in i chenna Maryland ah pawh kumtin in Fellowship in neitheih kha. Kha2 thawhhona leh in unau duhna ti langtu i ti thei dawnna nge? In pumkhat duhlose tiang hun kha in hmang thei hoh lo ang.
Tun ah pawh Canada lamah Conference neihtum in hmaan la mek Chin unaute’n tah chuan Mizo in tideuh te leh Duhliang trawngbil “ENGA”. trawnghmang te leh hmang lo a te pawh an tel vek ang.
[Report abuse]
March 30th, 2010 at 9:54 am
Mizoram mizote hi inpui nghaktu kan ni a, rilru zau tak kan neih a tul khawp mai. Mizo kan kalkhawmna ah reng reng hian mizo tawng thiamlo hnamdang kan thiante hi an leng ve manglo thin a. Hnamdang kan zinga an tel lai chuan saptawnga han inbiak te hi kan hrehloh a tul. Tuna kan awmdanah hi chuan hnamdang emaw kan unaute mizotawng thiam vaklo ang chi emaw reng rengin kan bulah nuam an ti ngailo ang. Kan zinga an telduhloha an han intihhranin an ngaitheilo bawk si. Ka OT em aw.
[Report abuse]
March 30th, 2010 at 10:07 am
Awmawmpui,kan rilru zau lutuk hi kan tuar a nih zawk hi.Heng kan unau in tih ve chhen Burma mi ho chungah hian engmah beisei miah lova”Enga”an tih thiam tawk tawk chuan kan chipui ngeiah kan lo pawm thlap tawh thin te an ni a,an nihna chen pawh a awm reng a.Heng ho hi i belhchian poh leh an mizia leh kan laka an hran si dan hi kar lovah i hmu vat ang tih hi ka tiam thlaps a che.A thu hrimin kawlhawk pawh hi Burma lam mi i ni tlatin ka hria,a dik em? Kei chu ka in chhung rawn rap turin Burma lam chhuak chu warning ka pe lawk tawp,”Lawlh”a ni mai,a ngam ngam chu rawn dik dak chiah rawhse……
[Report abuse]
March 30th, 2010 at 10:17 am
@20 flying- ka sawi duh si ka sawichhuah thiam siloh zawng zawng i rawn sawi a, ka lawm e. Ka thlawp che.
[Report abuse]
March 30th, 2010 at 10:26 am
@22 zuala12- khai a, insum deuh ve thin la mawle. I sawi tamtak hi a dik pawh a dik e.mahse thungrultu nilova, ngaidamtu/siamthatu/huikhawmtu nih hi ava tha em.
[Report abuse]
March 30th, 2010 at 10:31 am
Sorry, ti eh ang. Zephenath sawi, Ricky Martin gay nia a inpuan chu kei chuan mak ka ti lo, a ishtyle reng kha a zei riau.
[Report abuse]
March 30th, 2010 at 10:40 am
K’u zuala 12,
Burma lam chhuak ka nih leh nih loh hi i hnena ka inpuan a ngai lo e! I komen khi a that dawn tehlul nen a tawp lama i insum zo lo– âng ta buan buan erawh nangni ang michangkang, lehkha thiam, mifing tih atan chuan a zia lo deuh em aw…ka ti.
[Report abuse]
March 30th, 2010 at 11:18 am
Mi pahnih khat lek hian Hnam a/an tih hmingchhiat theih dan kan hmu in kan hre zel zul. Kan thisen zawmpui te’n Zoram chhungah thil an tih sual a vang a thisen zawmpui an nihna hi sahchah theih a ni chuang lo! Chutiang lo zawng a kan ngai a nih chuan, hnam dang in Mizo chu hnam rinawm lo, hurherh leh a chhe zawng a min hmu hi “Chutiang hnam chu kan ni e” ti mai ang u
Kan tui tlan, kan nitin nun a pawimawh si hi chu khaw/veng pawn lam deuhah a awm duh riau.
[Report abuse]
March 30th, 2010 at 11:19 am
@26 kawlhawk
zuala12, nangni ang mi changkang i tih hian enge changkang i tihna chhan? Changkang eng ang poh nise mahni chi puite hmangaih tum thlawt lo hi ngaihsan tlakah ka ngai miah lo. Hetiang ho ngaihdan hi chu bawlhhlawh bawmah ka paih hmak zêl mai mawle.
[Report abuse]
March 30th, 2010 at 11:22 am
“Foreigner is Foreigner!” He ramah hian an duh chen chen, an nawm/ an makin an awm tur a ni lo….. ka ngaihdan a ni ve tawp.
Ku Taikheri ka va ngai em!!! hnam chungchangah hi chuan
[Report abuse]
March 30th, 2010 at 11:50 am
Burma mi kan tih hian eng chin hi nge kan huam tir dawn ? Kei chu tun kum 1 kalta velah khan Tiau lui kan in Rihdil ka kal hmasak ber tum a ni a. Chu chu Burma ram chhunga ka la thlen hlat ber a ni. Mahse, ka pa in Mizoram chhung, Sailam khua ngei a a pian pui, a unaupa chu mizoram buai khan Burmaah a lut chho a. A fate pawh Burma a luh chhoh hma in Mizoramah an piang hman vek tho a. Tunah chuan Mizoramah an rawn tla thla leh tawh. Ka pa unau-pa chu Burma mi in tih zingah hian a tel ve miah thung si lo a nia :roll: An huatthu lo ni lo se, HV te, chawnghilh te, Aryan te pawh an hnathawhna atangin Mizoramah rawn chhuak leh se ‘foreigner’ tiin kan sawi kan sawi dawn bawk hek lo a….
[Report abuse]
March 30th, 2010 at 12:12 pm
Foreigner an ni emaw ni lo emaw kan chi pui te chu kan hmangaih thei lo anih pon zuk huat zui em2 hi kan tih loh top tur a ni.
[Report abuse]
March 30th, 2010 at 12:30 pm
Teatak2,
Amen Amen!!
[Report abuse]
March 30th, 2010 at 12:37 pm
VHP ho ngaihdan chuan NE India lama Kristian ho aiin Mauritius rama Hindu pawh an hmu Indian viau. Hei hi ethnic politics buaithlakna chu ani. Engti pawn Indian dang hmu hrang mah ula, an pawisa (tax) pekkhawm athlawna min peka Zawlkhawpui concrete jungle a siam kan nih hi (thiangtlang lamin sawtpui vak lo mahse). Myanmar rama kan ethnic Mizo (tih in thlahrung nge, zahpui, Zohnahthlak, Zofate intiin an inchhal) puite hi military dictatorship hnuaia kun annih vangin kan khawngaih in a mal mal pawn kan tanpui tur ani. Mahse chu vang chuan kan hnampui annih phah chuang lo. Ethiopa ram tam (famine) tuar kan khawngaih ang deuh ani. Tanpui an ngai khawp mai.
[Report abuse]
March 30th, 2010 at 12:48 pm
India khua leh tui kan ni a dik. Assamese, khasi te pawh Vaiho in an chimrallo chauh a ni.
Ka thu tlukna chu, Hamara desh a cheng ni mah ila, vaiho zalen taka tlangnel tir hi a tha lemlo. Zo hnahthlak ti a, Foreigner khawi ngam atul kherlo.
[Report abuse]
March 30th, 2010 at 12:56 pm
India khua leh tui dik tak kan ni tih hi phat phat a ngai lem lo, kan ni rih miau a. American ho pawh khu tu ber nge American em em bik? Pemkhawm, inthlah pawlh kal zel, awmhmun bengbel ta an ni mai. Mahse, India khua leh tui ni chung hian Vaiho hmangaih hi chu harsa kan ti tlang a ni ber mai.
Chi leh kuang, thisen zawmpui tih lamah pawh, kei Ralte pa hian ka Ralte pui hi ka hmangaih bik hlur lem lo. Ralte pa, pakhar deuh ai chuan Vangchhe pa or Hnamte pa, fel deuh chu ka ngaina zawk hrim hrim ang
Chutiang zelin kan Mizo pui, Mizorama piang leh seilian ngei sual deuh deuh, tumahin an Veng/khua leh tui atan pawha an duh lem loh an awm ve bawk,
For Example.
Burma mi kan tih zingah pawh, mi fel tak tak, kan tluk loh an tam mai. Vai zingah pawh chuti tho chu.
Burma mi kan tih tam tak, helaia awm nghet duh chiah lo, duh duha vei tawn, suahsual rawngbawlte hian min tichhangchhe takzet. Vaiho hi chu, permit nei thlapa awm an nih phei chuan sawisel theih kan nei lem lo. Tam tak phei hi chu kan mamawh avanga kan chawk luh an ni hlawm.
A tak takah chuan, ram pawna han vah chhuah chang hian, kan Mizo puite hmel han hmuh hian, inhre sa lem lo pawh kan inngaina nghal; Mizo chiah lo, kan hmel ang pute pawh kan ngaina bik deuh zel chu a nih hi.
[Report abuse]
March 30th, 2010 at 1:31 pm
Burma-ah khian kan mizo pui fel tak tak an kuh tul. Taima tak tak te pawh. Mahse ami tlemte thiltih that loh avang khian, vaihma a ‘Burma mi’ tih kan ching hi chu a tha lo khawp mai..
(Vawin pawh chu signal a tawp reng mai. Hemi comment submit tur pawh hian vawi 4/5 beihnawn a ngai leh pek ang… huissss…)
[Report abuse]
March 30th, 2010 at 1:35 pm
Mahse…… :roll:
[Report abuse]
March 30th, 2010 at 1:36 pm
@shai: Kei poh a loin log out leh ringot thin!!!
[Report abuse]
March 30th, 2010 at 1:38 pm
@samuelapa #35 hian ka sawi tur zawng zawng mi sawi sak tawh a, ka ring ve nghal mai e!
[Report abuse]
March 30th, 2010 at 1:58 pm
Ka U hi vai hoin thi lek2in an sawisa tawha, chumi avang chuan vai zawng2 ka haw vek kher lo. Chutiang bawkin Burma hoin ka bike an ru tawh bawka chumi avang chuan Burma mi zawng2 ka haw chuang hek lo. Mitha pangai leh Pawisawilo na na2 engvangin nge an chungah rilru chhia ka put fo ang… Engvangin nge tawngkam chhe tinrenga ka beih fo ang. Chutiang tih ching leh rilru putu chu a mah inen fiah rawh se!
[Report abuse]
March 30th, 2010 at 2:22 pm
In thu ava rum hlawm ve.
[Report abuse]
March 30th, 2010 at 2:22 pm
Khawvel hnam tinah hian a tha leh a sual an awm vek! Mi pahnih khat sual avanga a hnam pum puia huat hi thil dik lo hul hual a ni. Mizo pahnih khat sual avang khan hnam dangten Mizo zawng zawng sualah min rawn puh se kan duh loh tur ang bawkin, Vai ho leh Burma ho pawhin an duh bik chuang lo vang!
Dan ang thlapa Mizorama Vai awm hian pawi a sawi lo mai ni lovin India mi a nihna angin Mizoramah hian a awm thiang a, chutih laiin Burma lama kan Mizo/Chin unaute dan kalhin kan ram chhunga an awm chuan dan an bawhchhia a, keinin chutianga awm tura kan lo tanpui a nih phei chuan dan kan bawhchhe ve bawk tihna. Ama’rawhchu, dinhmun inang chiah ve veah ding ta se, kei chuan Vai ai chuan ka Zohnahthlak pui na na na chu ka ngaina fe zawk a, ka ngaina fe zawk zel bawk ang! No question about it!
[Report abuse]
March 30th, 2010 at 2:35 pm
Pu keimah,
A ropui e! A chiang kek-kawk bawka mi zawng2 chhiar atan ka va it em! Vai ram leh khawilai ram pilril deuh emawa han kal chiah hian Zohnahthlak na na2 chu kan lo inngai nâ khawp. Burma Mizo, Mizoram Mizo…tih velah kan buai kan buai lo, Mizo kan nihnaah kan inngai mm vek zel nia…
[Report abuse]
March 30th, 2010 at 2:41 pm
@kawlhawk: eng hnam pawh ni la, eng chi pawh ni rawh, tuikuk pawh ni la, takam pawh ni la, vai pawh ni la, “sakhmel tawnloh thiantha” i ni reng ang.
[Report abuse]
March 30th, 2010 at 2:50 pm
@42 keimah:Burma mi(Myanmar-a piang)Mizorama awm phalna nei thlap,chhungkaw khat tal, dan dik thlap zawma tuna Mizorama khawsa mek emaw,pem chhuak leh tawh emaw pawh nise i hre tawh ngai em? I hre hlauh a nih chuan chung mite chu zawn chhuah a,Dan zawm pawimawh zia entir nan example-ah ka va’n duh ve,min pui thei mial em? Sawi tur ka ngah hle,mahse tun tum atan chuan tul rih lo ni mai teh se.
[Report abuse]
March 30th, 2010 at 3:15 pm
@zuala12 : @keimah i zawhna hi kan chhan khalh lawk mai a nge. Lunglei Matu-veng an tih thinah ah hian lo kal la, dan dik tlap a Mizoram a awm chu kawm chian tur i hmu treuh in ka ring! Kum 1956 hma lam a Mizoram a sap ho puak phur thinte kha, India khua leh tui nihna nei tlap a awm an awm. NOI
[Report abuse]
March 30th, 2010 at 3:27 pm
In sawi tam viau nangin ka ngaih dan kan contri ve teh ang!
Khawchhak unaute kha ‘Mizoram’ hi hmangaih a, ka ram ti a in chhal ve duh chuan rawn bel sup sup teh u. Kan la thawl em mai!
Mahse maphutra(?) hum reng chung a in awm reng hi chu a rem kan ti bik lo ang!
Israel kan ram ti ho paw’n an pan a lawm le…. Mizote hi kan la tlem em a, kan economy hi a la thrang tak tak thei rih lo a nih hi!
Kross lo chu tih hria paw’n an zu tan bawng THLAWN duh a lawm le! Mahse Biakin hran in hawng zel hi chuan min thren darh zawk tlatin a lang.
Vaiho pawh hi an ramah lehkha kan zir duh a, an chaw lo in kan nung zo lo a, kan in bengbel duh ve tho, ei kan zawng duh ve tho, an ram kal tlangin pur kan phur! Foreigner ang treatment kan pek hi chu kan dawn tawi vang zawk a ni.
Chi leh kuang lam a kan chhungte ni lo mahse INDIAN an nih miau avangin kan unaute an ni tho tho…..
Kerelian, Kanadian, Tamilian, Telgu, Bengali, Marathi, Gujarathi, Assamese, Naga, Manipuri, etc… kan unaute vek an ni a, chibing a lak chi pawh a ni lo e..
…………………..JAI HIND……………………
[Report abuse]
March 30th, 2010 at 3:40 pm
kawlhawk, ram hran leh ram hran chu thu hran aniang a, hnam khat leh hnam khat chu a in chimral theih dan tur hi ka hre hauh lo mai.
Engpawh nise, Mizoram a cheng te chipui, Burma ram a mi a ni emaw, Bangladesh a ni emaw, USA a mi a ni emaw, Australia a ni emaw, khawi ram leh hmun a khawsa pawh nise hnamdang zawng zawng aiin ka ngaina zawk…Mizoram a chengte chipui/kan thisen zawmpui an ni tlat.
winning,#13 na khi, ka pawm lo tawp mai kei chuan. Tahan ah khian Pawi veng, Paite veng etc awm mahse emaw, Chin Hills a cheng te khi Burmese ho in emaw, ram dangah Chin inti mahse, Mizoram a cheng te nen hian hnamdang kan awm miah lo.
Burma ram a Hualngo kan tih te hi Mizoram a Chhakchhuak an ni a, Chin Hills a Cenhrang an tih te hi Mizoram a Fanai te hi an ni leh. Ram hrang hmun hranga awm hian kohdan kan dang mai choh a ni, midang kan awm lo.
Inti fing tak si a kan mawl hlawm em avang leh hnam leh hnam inkar a tun hmaa lo indo thin kan nih te, chapo thiau kan nih vang te leh, Mizoram a Zohnahthlak cheng te hian keini aia hniam zawk anga kan ngaih, inti Kristian tak si a kan hmuhsit avang te hian kan in en hrang mai mai niin ka hmu. Australia emaw London vela Mizo piang a seilian hi Mizoram a mi te hian, a ni Aussie/ British mai mai tiin diriam takin Mizo ni velo awm takin kan en ka ring miah lo.
Burma ID an hum avangin Mizoram a cheng te nen hnam hrang kan nih phah na tur hi ka hre thei hlawl lo a ni. Aryan pawn Australian ID a nei a, Mizo a ni tho lawm ni? NOI
[Report abuse]
March 30th, 2010 at 3:42 pm
@Diktea_Pa:Ka zawhna khi i hre chiang em aw? Nge i la harh chianglo zawk? Ka zawhna khi i chhan chak hmel zek zawk bawka mumal deuhin ka zawhna khi han chhiar la,i han chai deuh dawn law law ang hmiang..
[Report abuse]
March 30th, 2010 at 3:54 pm
zuala12, #45 na khi… dan zawm hi atha mahse, khawvel ah hian illegal immigrants/cheap labor vang hian ram a survive (economically) an ti ve tlat asin. Tin, Mizoram mi te ngei pawh mahni eizawnna dap in ram hran ah mahni chipui te ram ah ni lo pawh an theih ang angin survive nan an awm ve.
America te pawh hi dan lo a awm an tam. An kher an kher nangin, heng ho vang hian ram chhung thil hi kal ngil theiin an hre tlat thung si avangin a ram mipui tam takin sawrkar nawr nawr mahse, tih ngaihna vak a hrelo a nih hi.
Link ka dah hi Mizoram ah pawh kan dinhmun chiah a niin ka hria, phat rual a ni pawn ka hre lo.
https://www.ggu.edu/about/headl.....nnelly.pdf
i comment a “keimah” sawi i rawn thur chhuah ang hi Mizoram police CID DSP retired ka hria.
[Report abuse]