Kan ram zim tè, Mihring tlem tè chennaah hian kan chawbêl min zenpuia, kan sûmbâwm min tawmpuitu- Mi chi 2 (Burma mi leh Vai) an awm. Heng mite chungchangah hian a ram neitu/ Mizote zingah pawh ngaihdan inthen phawk a awm.
A sual/ a tha thliar loa, Khawchhak Mi huata hau hrim hrim leh a Vai huata hua hrim hrim kan awm. (Hetiang ngaihdan neih hi kei chuan thing ka ti top!) Heng, Vai leh Burma Mite nen hian inkungkaihna kan nei ve ve a…
Vai (Ka khua leh tui):- India rama cheng kan ni miau a India khua leh tui, Indian vek kan ni. Kan en hrangin kan haw ngawt tur a ni lo. Ram khata cheng, Rorelna pakhat hnuaiah Unau ang em chuan en thei lo mah ila, Indian kan nihna atang talin an lakah rilru zau tak kan pu tur a ni. Kan Unau te kan tih fo- Khawchhak ho hi a hnawk leh ngaimawhawm zawk chu an ni a, ruihhlo leh suahsual chi hrang hranga inhnamhnawih thin an ni.
Heng mite hi Sailo, Khiangte, Pachuau, Renthlei, etc niraw sek sek, ramdang mi (Foreigner) dik tak an ni. “Foreigner is Foreigner!” He ramah hian an duh chen chen, an nawm/ an makin an awm tur a ni lo.
Burma Mi (Ka thisen zawmpui):- Foreigner chu an ni ngei a lawm. Mahse, kan duh réng vanga ram hran, rorelna hrana inthen darh ta kan ni lo. Kumpinu rorelna avanga ram hrana cheng ta mai kan ni. Khawvel danah ramdang mi lo ni tawh mahse, kan Unau, kan thisen zawmpuite an ni.
An ram politik kalsualna avanga an harsatna leh manganna te hi kei ni’n kan tanpui lohin tu’n nge tanpui chuang ang le? Keini lo hi hmangaihtu dang an nei chuang dawn em ni? Vai te nen chuan India Khua leh Tui, Indian chu kan ni ngei e. Mahse, Tawng, Sakhua, Kalchar, hmel leh engkim mai hi kan hrang hlak a ni. Heng, khawchhak mite nen erawh Tawng inang, Sakhaw pakhat, Kalchar thuhmun nei kan ni a, thisen-a inzawm tlat kan ni a sin! “Tui aiin Thisen a tak zawk” tih thute pawh a awm kha maw!
Heng thuah te hian engang ngaihdan nge i neih!? A ruh langin- Tu zawk nge i tan? He rama i chenpui a tan- tunge i thlana, tunge hnawk zawk?
Vai Ka khua leh tui/ Ka Indian-pui chu an ni ngeia, Mahse…
Burma Mi Ka thisen zawmpui/ Ka Unaute chu an ni ngeia, Mahse…
Similar Posts:
- The exodus of Mizo
- Zirchianna mak..!
- Sawi ho mai mai ila…
- Burma Ram Vanglai leh Mizo te
- Kan ti mah mah em aw!
March 31st, 2010 at 12:54 am
@Kawlhawk
Varpui leh Kawlkulh buai khan kum engzat nge i nih? Nula i rim ngam tawh em? Varpui tlangval thenkhat pawh in an nun an hloh phah kha. I hreve em?
Hmanlai pi pu te kum inzawh dan in…!
Pu.Saliana chu Tahan lam ah a khawsa an ti ni lawm ni? Pa fingtak a ni…
Report this comment
March 31st, 2010 at 1:38 pm
Jaspi tih ka hmuh hian ngatinge hmeichhe hming turah ngawt ka ngaih thin le.
Tiau dawr velah khuan vai hmel dik tak, vai tawng thiam map si lo, kawl tawng a tawng zat zat ka hmu thin a, a nuihzatthlak duh ang reng…
Report this comment