A thupui hi ka duhaiin a hraw mah mah a. Mizo hnam pum huapa sex chungchanga kan dinhmun chhui ka tum hauh lova. Zawhna tlem azawng ka han chhawpchhuak ang a. Kan sawiho dawn nia. ‘Mizote hi sex-ah kan sang’ tih ri hi i lo hre ve tawh ngai em? A nih loh vek chuan, nang ngei pawh khan he thu hi i lo chhakchhuak ve tawh em? Tute nena khaikhinin nge Mizote hi sex-ah kan san le? Kan vela hnamdang khawsate maw? Khasi, Manipuri, Naga? Nge kan pi leh pute hunlai nena khaikhinin kan sang ta?
Hnamdang nena khaikhin ralah chuan kan vela khawsaho nen hian kan la intluk tlang tawk viauvin ka ring a. Rinthu mai phei chu a ni a, ka rinna innghahna erawh keima mimal hmuh leh hriat a ni nual a. Sawilan vek chi pawh a ni meuh lo. Kan pi leh pute nunah khan sex khan hmun pawimawh tak mai (inthlahchhawnna chungthu-a a hmun luah bakah) a luah a. Mizo sakhaw rinna khawih tel thil zinga pakhat a ni phak a.
Tlangval tan chuan nula ngai lova Pialral kai chu thil tihbaiawm tak mai a ni a. Kan pi leh pute hunah khan awm ve ta ngat ila, keini, vawiina inhmuamup fe fe ho pawh hi nula ngaih tur melhin kan thluak kan vawrh nasa hlawm ngawtin ka ring. Hei hian chiang taka min hrilh tak chu, nupa-a insiam hmain sex hman kha a hluar viau ang tih hi a ni.
Hmeichhiate dinhmun hi helaiah hian belhchian leh deuh a thain ka hre bawk a. Hmeichhe tan chuan, tlangval ngaih chu thil zahthlak tawp a tling a. An zahawmna hum tumin theih tawp tak meuh an chhuah ve leh thung a. A tute kha nge hlawhtling zawka kan rin le?
Sapho nun kan zir a, infawh te pawh anni ang em emin uar lo mah ila, kan phak tawkah chuan kan uar ve fu tawh a. Nupa-a insiam hma-a sex hman chungchangah pawh kan society a zalen em avangin kan dai ril ve tawh hle bawk niin a lang a. Chinchang hre lo lutuk leh virgin nih chu cancer natna hlauhawm veina ni hialah kan dah emaw tih turin kan ngaih a sam chho ta a. Nula virgin kan ngaihsan em em laiin, tlangval virgin kan ngainep leh hle ang lawi a.
Virgin hrim hrim te hi a hmei a pain kan ngainep law law dawn nge, mipa virgin pawh kan ngaisang zawk dawn? Nupa-a insiam hma-a sex hman te hi ‘suala tlu’ kan ti tak na-in, suala tlu-ah kan ngai tak tak meuh lo a ni lo maw? ‘Mi pawhin an ti thova..’ ti chung hian mahni inthiam chawpa sex hmang ta hmiah hmiah mai hi kan tam fu lovang maw?
Sex chungchanga traditional view nei tlat mai, thil thianghlim anga ngaia, nupa tan chauh lo chuan hman chi ni-a ngai lo hote hi ngaihsan a hnekin, khawvel zau zawk leh tunlai thil awmzia hmu thiam lovah kan chhuah mek a, kan tidik meuh em?
Similar Posts:
- Virgin kher a ngai lo!
- Tlangval ni leh thei ngat i la chuan tlangtlan nula ngat ka nei ang..
- Lungphun pakhat
- Nupui/pasal virgin in i nei dawn em?
- Have more sex, have good health!
June 5th, 2010 at 9:37 pm
Sex ah chuan kan phak tawk aiin kan sang tawh zawk ani.
[Report abuse]
June 5th, 2010 at 9:41 pm
Upat hnu a hre chawp lovin, fimkhur takin thiam hle mai tur. Mizo te hi hmeichhia aiin mipa te hi kan zeilo/thiamlo zawk tlangpui ka ring. Hei hi kan kawppui te kan ngaihsak loh vang a nih ka ring bawk. Ngaihsak lo tih ka sawina chhan chu mahni hmasial taka a, zawh ve kan ngaihsak lo thin (ka hriat dan).
Thiam hle ka tih khian sex hman lam ngawr2 a nilo, save sex, ripe age etc te thliar hrang thiama zirna kan neih ahun. Kan taksa pianpui, mi pangai chuan kan feel vek a ni.
Engpawh nise, hmana ka post tawh ang khan sex education hi zahmawh lam ngawr2 a ngai lovin kan neih angai lutuk.
Link hi hmana post chu: https://misual.life/2009/11/.....ngei-ngei/
[Report abuse]
June 5th, 2010 at 9:46 pm
Sawi raw in phal em?
[Report abuse]
June 5th, 2010 at 9:54 pm
Raw theihtawp pawh kan phal e. I theihtawpa raw khan han sawi teh, gothica
[Report abuse]
June 5th, 2010 at 10:11 pm
Sawi tur ka hre miah nang,ka hul te ka tia.
[Report abuse]
June 5th, 2010 at 10:21 pm
Mizo te hi sex ah chuan kan sang han ti i la sawn pai leh zan hnihkhat mut pui tih vel hi kan ngai serious lo hle. he tiang lam ah hian kan san viau lai in sex a ril zawk leh a sex tak tak kawppui te tan a a nuam thei ang ber tur leh sex hlawh tling kan tih ang chi hi he tiang lam ah hian kan sang lo viau lawi si….thingphur pah sex ah chuan kan sang mah mah chu a nih hi…….
[Report abuse]
June 5th, 2010 at 10:31 pm
A dik khawp mai, siamtu phal chin pel thakin kanin theitheh chu a nih hi maw. Siamtha tur chuan middle age a tanga sex edu kan vawrh tam a, hmangsuallo tura inxirtirna tha pek kan ngai tawh in ka hria
[Report abuse]
June 5th, 2010 at 10:32 pm
A nuam em ani
mi hrisel pangai te cu sexsh ah te chuan kan sang vek.. angcu te ka tai..
[Report abuse]
June 5th, 2010 at 10:50 pm
Sex a san vang nilovin Sex (or sual hrim hrim) ngaihzamna rilru kan nei ani zawkin ka hria, Sex ah chauh lo pawh insumtheihna kan neih angai, Hnam tlemte kan nih avang hian kan thilsual tih hi a langsar hma nite pawhin ka hria.
Vaiho leh Sap ho hi alawm ‘hur’ zawk chu..
[Report abuse]
June 5th, 2010 at 10:54 pm
Nikum November thla khan hetiang lam hawi deuh hi ka ziak ve tawh a, a taka ka thil hriat te leh ka thian thate min hrilh chhawn behchhana ziak ka nia… Ka thil hriatte khan min barakhaih nasa khawp mai.
Han bihchiang ve leh mah teh u’n
https://tkahnamte.blogspot.com/.....hluar.html
[Report abuse]
June 5th, 2010 at 11:22 pm
“Sex a sang” tih hian enge kan kawhtir deuh ber aw? Kan HUR tihna anih dawn chuan, ka pawm teh chiam lo. Kan Indian-pui dangte nena khaikhin chuan. Mahse formal SEX education chu kan tlachham a, heti zawngah chuan SEX-ah kan hniam a tih ngamin ka hria.
Innei tawh te sawi atanga ka hriat ve mai2 chu,”Virgin ngeia inneih hi alo hlu e”, tih hi ani a. Hmeichhe Virgin hi kan ngaisanga, tlangval virgin hmuhsit an nih hi kala hre chiah lo, kala hre zau tawk lo ani mahna.
Kristiante tan chuan nupui-pasal a inneih hmaa SEX hman chu thil dik chu anih hmel loh e. Mipa-in kan nupuite virgin ngei nise kan tih ang chiah hian mahni pawh in vawng theuh ila a tha ber.
Ti thei kan awm anga, theilo kan awm ang. Vannei kan awm anga, vanduai kan awm ang. Mimal nun theuhah a innghat e.
[Report abuse]
June 5th, 2010 at 11:32 pm
Coolsoul09 chu leh.. ila virgin chiang! I thinrim chhan eh! Ka fiamthu anih kha NOI em2. Hetiang post hi chu a tam tawh fu lo maw? Sex life hlawhtlin dan te hi sawiho ta zawk ila a tha lo maw!! Tleirawl atanga upa fe thleng hian Misual.com hi chhiar thin an tam ania.
[Report abuse]
June 5th, 2010 at 11:37 pm
Tunhma ai chuan sawn pai leh thlak hi kan ngai thupui tawhlo khawp mai. Tleirawlte te pasal neilo a fa pawm pawh antam ta. Pathian leh a kohhran zah eihlo pawh an pung zel a nih hmel. Sex chungchang hi in zirtir kan ngai nasa tawh niin ka hria.
[Report abuse]
June 5th, 2010 at 11:38 pm
‘Sex-ah kan sang’ tih hi a chhe lam sawina-ah lo ngai teh u. Sex hi kan hmang zalen lu mah mah tihna a ni.
#11, tlangval virgin hmuhsit thu kan sawilan awm ka van hre lo ve aww…mi ngaihsanawm leh hmuhsitawm inkarah hian a mi nawlpui hi kan tal ve a ni tih hi lo ngaihtuah ta la..hrethiam ve thei mah na..zanin chu mood a off riauva..sorry if Im a bit rough..
[Report abuse]
June 5th, 2010 at 11:40 pm
@gothica, tlangval thankin ve uaih tawh hian ‘ka virgin’ hi an ti duh mang hlawm miah lo…thil zahthlakah kan la ngai tlat. Hei tak hi a nia, thlak theih ni se ka tih. YMA hian lawmman pe thin sela tha ang..tlangval virgin hi..hahahahaha
[Report abuse]
June 5th, 2010 at 11:41 pm
Sex a kan san leh san loh te chu, misual nupui nei tawh ho khan han sawi se…a chiang mai ang.
[Report abuse]
June 5th, 2010 at 11:44 pm
Sex ah hian kan sang satliahlo a, kan over tawh
[Report abuse]
June 5th, 2010 at 11:46 pm
Ngawi teh u, ka sawi duh ka sawi chiang tawk lo niin ka hria..nge, in chhiar chiang lo zawk aww..
Sex hi kan hmang mai mai lutuk ta deuh em? Tunlai tleirawl chhuak inngaizawng ve deuh te pawh hian hman teh an tum zel mai ni hian a lang ta tlat a..hemi chungthu hi sawiho dawn zawk teh ang u.
[Report abuse]
June 5th, 2010 at 11:50 pm
Coolsoul, Kan hrethiam e. Kan ngaihdan tak kan sawi ngam hlawmlo a ang
[Report abuse]
June 5th, 2010 at 11:51 pm
Sex hi chu a nuam a ni.
[Report abuse]
June 5th, 2010 at 11:53 pm
SEX ah kan sang tih hi ka hre ve ta fo mai a. A post tupa sawi dan takah eng nen hian nge kan tehkhin a kan sang kan tih ve sek hi le aw???
Media hi kan mawhpuh teh ang! Sex education leh sex story manipulation hi thil dang daih a ni! Universal deuh thil hi chu sawi tam loh hian a awm pangaiin a awm ve mai mai a. Sawi punlun erawh chuan a nih ai bak hian a kai darh ta thin a.
Chuvang chuan sawi tam lo i la, kan sang loah kei chuan ka ngai mai
[Report abuse]
June 5th, 2010 at 11:54 pm
Thui deuh zawkin aw :
Sex hman hnu hian a lehpekah nghawng a nei an ti a. (An ti tih bak chu sawi ta lo ila). Nupa-ah an insiam kher loh avangin, nupui emaw pasal emaw an neih hnu khan, kumkhua-a khaikhin tur an nei ta a. An nupui/pasal te kha, a hma-a sex an lo hmanpui tawhte aiin an zei lo fe thei a..sex pawh a nuam lo zawk fe thei bawk. Hei vang hian virgin hi a pawimawh a ni tih hi phat rual a ni lo. Mipa tan pawh. Sex hman mai mai hian nupa nun hlimna thlengin a khawih chhe thei tlat a ni.
[Report abuse]
June 5th, 2010 at 11:56 pm
Engtiang zawng takin eng kan san? “Sang” ti hian engnge in khawh tir a, ka bo hmiah. OT: he naupang hi a thiam reuh lutuk. Lo en ve teh u.
https://www.youtube.com/watch?v=aJG9Tol1a0U
[Report abuse]
June 5th, 2010 at 11:58 pm
@VaiVa, sawi tam loh vang chuan kan sang lo a ni ngawt thei dawn em ni? Please reconsider your statement, yes, please.
Sex hman khawlohna hian nghawng nasa tak mai a nei si a. Heti a nih lai hian, inngaizawng apiang mai hian a vawrtawp thlen hi an tum zel ni maiin a lang bawk si. A hahthlak deuh a nih hi, kan dinhmun hi. Sawi tam leh tam loh a i a ni lova, kan dinhmun a ni miau tawh a..sex education lamah kan san loh vang nge, inchhungkhurah leh Biak In lamah te pawh kan inzirtir tha tawk lo? Nge, kan chakna hi kan hupbet zo ta lo hrim hrim zawk ?
[Report abuse]
June 6th, 2010 at 12:00 am
@ramhuai7, post 14 khi lo chhiar mai teh.
[Report abuse]
June 6th, 2010 at 12:06 am
Sex Education (by the goth)-
Ka sawi leh ngaihdan lo haw lo ula, ka thiantha hmeichhia te hi, inkhawih (i hrethiam ang chu) thin turin hetiang lam sawi kai chuan ka hrilh thin. A chhan chu hmeichhe tam tak Orgasm nei ngailo an awm a. Khawvel hmeichhia orgasm nei ho hi 78% chu clitoral orgasm, 22% chu vaginal orgasm. Hmeichhian in an practice angai ka ti. Nupa inthen chhan tam takah chuan sex life a thatloh vang NOI.. ka edit theilo ania zanin chu
[Report abuse]
June 6th, 2010 at 12:10 am
Ka meng phe tan tlat mai. Nizan lam ka mu tlem deuhva..mu hma teh ang zanin chu..
[Report abuse]
June 6th, 2010 at 12:14 am
CYMA hian ‘Sex do’ hi kumpuan ah han nei maise(h)!
[Report abuse]
June 6th, 2010 at 12:16 am
coolsoul09 chu sex-ah a sang hle mai
Ka statement hi ka reconsider dawn lo rengs! Kan pipute nunah khan tlangval nula ngailo khan pialral a kai lo tihna a ni lova, Pawla’n a lo sai mai thin zawk a ni. Mi engzat nge a sai a mi engzat nge sai loh a kaltlang lam kha sawi zui a awm ka hre hran lo.
Chu chu statement a ni. SEX -ah an lo sang hle tih a kawk hran lo. Mizote hi tunah sex-ah kan sang hle… tih hian sang hle ni ta i la, kan san rah chu enge, marriage institution lam a khawih phak em? social beliefs leh social structure ah nghawng a nei phak em tih hi a pawimawh zawk!
Comment tam zawk en hian, kan sang hle, kan sang over tih mai a ni. Consequence lam ziak an awm hran lo. Chumi awmzia chu hetiang topic hi sex education ni lo in, sex story naran maiah kan ngai niah ka ngai. sex word hi kan society ah taboo a la ni rih e.
Hetiang sawi hian mindset a khawih danglam ve hrim hrim a, hype a siam! Kan san tak tak leh tak tak loh lam a khawih phak loin ka hre ve mai mai. Naupang lam ten an hriat tam na na na chuan education aiin experience chakna a siam zawk em? tih hi ka zawhna a ni e!
[Report abuse]
June 6th, 2010 at 12:23 am
VaiVa, i thlirna hi ka hrethiam a. Benga kan hriat leh mita kan hmuhte hian min kaihruai teh meuh mai. Sex pawh, miin an ti lai kan hmuhin tih ve kan chak a, a bu kan chhiarin tih ve kan chak bawk. Mahse, chumi vang ngawt chuan sex education te hi kan namnul ngawt thei lovang. Kawng dik zawh turin engtin nge kan inzirtir ang? Tunlai thangtharte hian sex hi an ngaiho/ngaizam sawt riauvin a lang a. A thianghlimna leh nupa tan chauhva hman atana Pathianin a duan a ni tih hi thangtharte beng thleng phakin engtin nge kan sawi ang? tih lam hi discuss ila ka ti a ni. Kan tun dinhmun hi thlir ran chungin. Ka mu teh ang. nite guys
[Report abuse]
June 6th, 2010 at 12:32 am
@coolsoul09: Va mu hma ve, Sunday ni tawh a tin ni maw?
Mangtha le! Sawi ve tawh lo mai ang 
[Report abuse]
June 6th, 2010 at 12:36 am
Nikum hmasa khan kan college a ka thianpa chuan ‘Mizoram hi sex free a mi?’ an tih chu le
[Report abuse]
June 6th, 2010 at 12:41 am
Sawitoh te kha a dik vek kan insumlo pakhatah chuan Mizo mipa zawt2 hi lawm kan tawng thei tlang lutuka kan hnam hi a tak aiin kan sawi mualpho ani ber in ka hre deuh “saw2 ka hit toh- ka theih hnu ka kar vawih tawh….ka thianpa in ati tawh….zu in satliah poh a hur lutuk” ti mai pawl leh lo zuam mai an awm bok nen…Sex hi chu eng hnam ah pawh kan hman dan a in ang tlang vek ang vai ho leh hnam dang ho poh hi hurrr tak ani chance an neih chuan…..
[Report abuse]
June 6th, 2010 at 12:51 am
@ Alejendro #20 : iva duh tawi teh tawl ve mawle, i comment hian min ti nui vur vur
@ coolsoul09 : Tlangval VIRGIN ngaihsan kawngah tih hmuhtu nih tum ila a thra viau ang.
[Report abuse]
June 6th, 2010 at 12:59 am
Kan hur lova helamah hian kan insum theilo hlawm zawk mai ani lo maw.
Hman deuh tawh khan pa pakhat titi ah chuan ti hian a tia lawm.
Hnam dang KS ho hi chu sum an hmuh phawt loh chuan tih mai a har a ti a lawm.Kan mizo nula te chu kan englo kual vel ilang tih tak tak dawn ah a sum ka nei lo ti ilang thawhsan tum i lang .Pawilo a free in ti in min sawm let thung e zuk ti a .Tak tak ni maw.
[Report abuse]
June 6th, 2010 at 2:07 am
Dam chhung rei lo te ah HUR hle u la anih mai hi maw ….lolzzzz. Mahse a kawr vuah hram thin ula athra ngai….hehehhee
[Report abuse]
June 6th, 2010 at 2:21 am
@D_auchawngthu..hur rawh hur rawh, hur mawlh teh khai…
[Report abuse]
June 6th, 2010 at 3:37 am
HUr tur pawh hian hrisel thrat fe alo ngai dawn anih hi, mi hrisel lo Atom te ang hi chu HUR pawh an hur hleih theih miah loh hi…..lolzzz
[Report abuse]
June 6th, 2010 at 7:36 am
He thu kan sawi zing ta malh malh hle mai misual ah pawh hian. Ka ngaihdanah chuan mihring hi kan hahdamin kan ei in te pawh tunhma ai chuan alo tha ta deuh a,tunhma lam ai chuan hur zawk ngei tur kan ni, chu pawm ngam phawt ila; mahse he ti hut hut lo deuh a kan khawsak chu a ngai tawh ani.
Pawimawh bermai chu hur hman lolekin hnathawk ila tultlang ila chuan kan zia awm ang, awm mai mai a engmah tihtur meih loh chuan hur mai loh chu tih tur avang ani.
Thlirna tlang dang atranga thlir chuan,Engtin nge nuam leh famkim zawk a Sex kan hman theih ang?Thil thianghlim leh ropui milian leh tezawk te pawhin ang khat a nuam kan chen theihna thil hi sawi bawrhbang mailo hian a hlut zia inzirtir il;a kan thilte hi kan roh deuh angem? Anih loh leh hur theilo ta ila khawvel hi anuam angem? Sex hi thil nuamlo inchibai ang chuah nise;Khawvel mihringte hi kan mang hial tawh ang!!! Khawvel mihring 99% kan pian chhan dik tak hi chu sex hman hian a nawm em vang ani thei angem?
Chuan, kan hur, Sex ah kan sang, kan hnam min a chhe zo dawn ti lam a iak iak lo hian awmze nei a Sex hman in zirtir a hun tawh ani lawm ni?
A thuhrim ah kan riltam chuan chaw kan bar a, kan hnung a thak chuan kan hiat a, Kan Zahmawh anih mai avang a; a duhzawng leh chak zawng pek loh hi kan tih tur ani bik love
[Report abuse]
June 6th, 2010 at 8:52 am
Sex. . Zu. . Msu. . Etc. . Ka ning ka hul.
[Report abuse]
June 6th, 2010 at 3:50 pm
Keini chu kan zai daih dawn…in ngaihthlak duh leh lo ngaithla ve ula..
https://www.youtube.com/watch?v.....re=related
[Report abuse]
June 6th, 2010 at 5:05 pm
Sex hi thil thianghlim anga ka ngaia, nupa tan chauh lo chuan hman chi ni-a ka ngailo. Mipa po virgin hi ka ngaisang. Mahni nupui te hnen chauh a inhlan chu Pathianin an damchung a lungawina pek a tiam ani :
Drink water from your own cistern, And running water from your own well. Should your fountains be dispersed abroad, Streams of water in the streets? Let them be only your own, And not for strangers with you. Let your fountain be blessed, And rejoice with the wife of your youth. As a loving deer and a graceful doe, Let her breasts satisfy you at all times; And always be enraptured with her love.
For why should you, my son, be enraptured by an immoral woman, And be embraced in the arms of a seductress? For the ways of man are before the eyes of the LORD, And He ponders all his paths. His own iniquities entrap the wicked man, And he is caught in the cords of his sin. He shall die for lack of instruction, (or “discipline” – NIV)Proverbs 5:15-23
[Report abuse]
June 6th, 2010 at 5:48 pm
@ThaiBoy, awmze neia sex hmandan chu han sawichhuak law law ta la..A hnuaia i sawizawm lehdan nen khian a inkalh fu-in ka ring tlat. Inkalh miah lova i rawn tlip mawi leh thiam a nih chuan, eng tawng pawhin rawn ti la, tawnghmang thiam tak i ni ngat ang.
To satisfy the hunger for food, we grab food; but, a normal person does not grab everything that comes on his way to satisfy his hunger for sex!
[Report abuse]
June 6th, 2010 at 5:53 pm
@Jewel, nupui i neih hun chuan thianghlim takin auhs..lolz
[Report abuse]
June 7th, 2010 at 12:04 am
mizote hi sex-ah kan sang chu ka ti fak ngam lova, amaherawh chu, heng sex atanga inkaichhawn theih chi natna HIV kan tih hi tunah hian mizote zingah sex atanga kai an tam ta hle a. 2000 hma lam te kha chuan hetiang natna hi heng high risk group kan tih ang chi ho IDU, FSW leh MSM te in kaichhawn natna-ah kan ngai tlangpui thin. Tunah erawh chuan Heterosexual atanga kai hi heng high risk group ho ai hian a let thum vel laiin an tam tawh thu a hre zawk ten an sawi a. Hei hian ngaituah erawh ati thui duh khawp mai.
[Report abuse]