Sex Education kum 15 chin tan ngei ngei

November 8th, 2009 5:31 pm by Henry Vangchhia

England ah chuan kum 15 tling tawh ten sex education class an kal ngei ngei tur a ni tih sawrkar thuchhuah a ni ta piap mai le.

School Secretary, Ed Balls chuan kum 15 tling tawh phawt chuan a tlem berah kum khat tal sex education leh relationship lessons te a zir ngei tur a ni, tiin thu a chhuah. Mi tu emaw, a sakhuana avanga kal theilo inti emaw, mimal ngaihdan in duh lohna te a awm avanga he zirna hi kal duhlo/kal tir duhlo an awm chuan sikul in a hrem ngei ang tih a ni. Tun hma kha chuan nu leh pa ten, naupai laka in venna, sex vanga natna in kaichhawn theih, leh mawngkawhurna lam te hi zir an hnial thei thin a ni.

He program hi naupang rai leh hurherh an pun nasat lutuk vanga ti an nih thu an puang. Roman Catholic leh Muslim thenkhat chuan he thu hi hnialin, ” nu leh pa in mahni in chhunglum ah ngei an hrilh hi a tha ber a ni,” an ti. Mahse, tun thleng a hmasawnna a awm loh avangin sawrkar hian hetia ti ta mai hi an ni awm e. He dan hi 2011 atangin hman tan ani dawn a, sikul te chuan inneih pawimawh na te, mipa leh hmeichhia inkawp na fumfe thatna te, chhungkaw nun te leh sex hman dan thlengin a zirtir dawn a ni.

Ed Balls chuan, “kum tlinglo rai tih tlem nan, he thil hi kan tih ngei ngei angai,” tiin a sawi. Mizoram tan he dan sawrkar thu chhuah hi ka van awt ve tak em!

Thu lakna :

https://www.timesonline.co.uk/tol/life_and_style/education/article6905543.ece