Nimin, August Ni 21 khan Bualpui Silchar Road bulah KTP te Kawng ba vaiin hnatlangin kan thawk a. He kan hna thawhna hmun hi Coofee Processing Unit; Bualpui bulah a ni a, he hmun hi han tlawhin, an chanchinte ka han zawt vel chhin a, ka ngaihtuahna ah Mizoram ah hian Thingpuife leh Coffee huante hi eizawnna atan a hman tlak a ni ang em tih hi a lo lut ta daih a ni.
Hnathawktute chuan nitin hian ton khat vel her ziah ang an nih thu an sawi a, her tur hi Mizote hnen atangin an duh tawk an hmuh loh thin thu an sawi bawk.
Picture hi a fiah vaklo maithei a, Phone hmang maia ka lak a ni a, han en ngun deuh chuan Kan ram leilung hi a ngeih ve tho niin ka hria. He Coffee Processing Unit velah hian Coffee huan zau tak a awm a, Thing tam tak a hmunah hian chin tel ani bawk. Mamit kal tur ten Dampa ngaw kan thlen a boruak a lo dai huai huai mai ang deuh hian he hmun thlen hi chuan boruak alo daiin, zin mite tan pawh hah a dam sawng sawng thin.
Current a awm that loh chuan Generator hmangin Coffee hi her thin a ni a. Nikhatah ton khat vel tunah hian an her thin a, mahse, nileng a her a ni ngailo a, Nitin Chawhma ang vel an her tlangpui thin.
Mizote hi Thingpui heh tak hnam kan niin ka hria a, mi In a han chuankai reng rengin kan induhsakna chu Thingpui in lum sak thuai hi ani fo thin. Heti taka Mizo ten kan duh leh kan hman tlanglawn tak mai hi, eizawnna atana hmang hi mi tlemte, chhiar tham lek chauh kan la awm a ni.
Kan Sawrkar hrawn tawhte hian helam hawi inkawhhmuhna hi an la neilo hrim hrim niin ka hria a. Mizoram hi Thingpui/Coffee chinna tlak tak tak anilo nge, kan la inhrilh hrelo mai mai zawk?
Thingpuife leh Coffee-ah te hian intodelh thei kan nih chuan kan sum tam tak phai lama lut thla thin hi kan ram chhungah kan hupbet thei dawn tihna a ni ang a. Thingpuife leh Coffee te hian eng ang climate nge an mamawh tihte pawh hria kan awm chuan i sawi tlang ang u hmiang.
Kan ram sik leh sa a lo mil hle anih phei chuan midangte hnenah pawh inhrilh hriat atan a tha hlein ka hria a.
Similar Posts:
- Leaked!!
- Hmeltha hi an va hlu tak!
- Mizo in Stockholm
- Highest Cyber Cafe In The World
- Pangpar zu dawt
August 22nd, 2010 at 9:34 pm
Tlak ve awm tak!
Engkim hi taima tak leh tihtak zeta beih chuan eizawnna tham thing tak a la ni thei. (Mizoramah hian)
*Kan naupan deuh laia Thingpui huan-a sava kan veh lai te min ti hrechhuak lom le.. nuam thei khawp asin..!
ka first lo mai
[Report abuse]
August 22nd, 2010 at 9:37 pm
Zephenath the first: Full support!
[Report abuse]
August 22nd, 2010 at 9:57 pm
Biate tlangdung min ti hrechhuak e a.
[Report abuse]
August 22nd, 2010 at 10:17 pm
Coffee leh Thingpui (-fe) hi chu kan ‘domestic consumption’ atana kan chinna chu a rei viau tawh ang. Mahse mahni tharchhuah, thlam namthlak a thu chunga a no dawm a, a fe kan chhem lan nual nual hi chu ‘international market’-ah chuan hralh a kal vak lo mai thei.
Thingpui ‘quality’ sang tak chhuah tur chuan a chindan atanga uluk a ngai. A hmun tur pawh hal loh tur. A ‘labour’ ah hian a buaithlak bawk. Hlawhfa, nikhata Rs 150/- chuang hlawh tur chuan, a ‘product’ man a to lutuk dawn. Vairam ‘product’ kan ‘compete’ pha ang em? tih thleng chhut a ngai ang…
[Report abuse]
August 22nd, 2010 at 10:19 pm
Excellent post. Sumdawn/Eizawn nan a va tlak thei mai awm ve. Leitu (customers) ten brand (Nescafe, Maxwell House, etc) an duh kher kher loh chuan. Mahse ram danga hralh tur chuan brand name/quality chu a ngai khawp mai. Raw/semi processed coffee beans export chu thu dang.
Thingpui erawh chu Assam leh West Bangal (Darjelling) ah an thar chhuak hnem khawp mai a, kan compete thei ngut pawn ka ring lo, local market tan anih ngawt loh chuan.
[Report abuse]
August 22nd, 2010 at 10:20 pm
A tlak turah ngai ang, kan rama kan chin ang hi engang chinge hrechiah lo mah ila atha duh hle nihmiang. Buai hma amite pawh kha tunah kanla sik chu a ni hi.
[Report abuse]
August 22nd, 2010 at 10:22 pm
Pu shaia leh pu sony khi a dik ang.
[Report abuse]
August 22nd, 2010 at 10:23 pm
2
Mr. TSA : Full
support!
[Report abuse]
August 22nd, 2010 at 10:28 pm
Pc-a, in kawmchhak te khan eng thingpuife nge an hman, an dam em?
[Report abuse]
August 22nd, 2010 at 10:33 pm
Coffee, eizawn nan a tlak teh reng mai. hman zanah ka thian pakhat a lo leng a internet ah kan zawng a, kan hmu nasa. a man pawh a to khawp mai. Bualpui a processing ah chauh lo pawh hralhna chu a tam mai.
Eng pawh nise Zephenath sawi ang khian tih tak zet a thawh chu a ngai ngei ang.
Kan ram ah hi zawng eng thil mai pawh hi tih tak zet a thawh a nih chuan eizawnna tlak vek a la niin ka hria.
thatchhe zelthel chung chuan sorkar hna chiah eizawn nan a tlak.
[Report abuse]
August 22nd, 2010 at 10:33 pm
semi process coffee beans chu foreignah an duh lutuk. Canadian leh Australian mikhual ka lo neih tawh thin te pawh in vawi 3, vawi 4, soil deptt. ho packed sa hi an hawn tawh.
[Report abuse]
August 22nd, 2010 at 10:33 pm
In va han in support tha deuh ve….
[Report abuse]
August 22nd, 2010 at 10:35 pm
Helai hmun hi ka kal pel ve zeuh zeuh tawh mawle ! Chuan.. ka thil chhinchhiah ve mai mai chu kawng lehlamah sorkar coffee huan, lehlamah coffee and spice board (emawni? ka chiang ta lo). A hmun enkawl leh coffee inthat hleih zia chu sawi tam a ngai lo. Kawngpui ah dingin ding leh vei lam han tehkhin ila, sorkar lam a thawktu nih chu zahthlak rem rem viau ang. An zah leh zah loh chu ka hre hlei lem law !
[Report abuse]
August 22nd, 2010 at 10:35 pm
OT= Out of Topics, NOI=No Offence intended, LOL=???? MI=????
Pu TS, eng tin????
[Report abuse]
August 22nd, 2010 at 10:35 pm
Vai tawng avan rang nasa riai ruai vele
[Report abuse]
August 22nd, 2010 at 10:42 pm
@Pu HV: Hamara desh ani miau a, a rang nasa khawp mai a nih tak khi
Eizawnna tih khian ei khawp chang chang thar chhuak tur chuan a har hauhlo ang. Mahse, dinchhuahpui tham khawp a ni thei ang em? Mizoram chhung chuah a hralh chhuah tur pawhin lo chhut ta ila, eizawnna tha tak anih theih ka ring deuh a.
[Report abuse]
August 22nd, 2010 at 10:44 pm
Ei zawn nan tlak teh reng mai.Mz ah hian Assam ram ang tho in a that duh ka ring.Mase mual remchang deuh a ngai anga, thinglian thang duh hoin an zar hliah a ngai bawk anga.Chu bak chu a process na khawl ani leh mai.
Tunah tak hian mizo thingpuife ngat a sen hang ka va in chakve aw…….
[Report abuse]
August 22nd, 2010 at 10:44 pm
LOL=Laugh Out Loud?
MI=Mi(sual) In hmukhawm/In tawkkhawm
KFC=Kanidar Fans Club?
Eng Fans Club dang nge la awm?
[Report abuse]
August 22nd, 2010 at 10:45 pm
Puja tea a tui bel e
Nia, Mizote hi thingpui leh coffee in nasa kan ni a. Mahni ram tharchhuah ngei, tharlam deuh in ve a chakawm khawp mai. Milianho pawh hian an ngaihsan fuu ka ring.
Hlawk thama ramdanga Export tur khawp chuan hmalakna tur ala ko viau ang ka ring. Domestic ah Assam, Darjeeling leh South India lam ho kan compete angai anga, Internationalah Brazil te. Kan ramchhung thingpui/coffee intodelhna khawp tal hi chu thar ve a tha khawp mai.
Nikum winter khan Brazilia nescafe ka in thin a, ava han tui reuh mai mai. Green tea te hi a hrisel, i in uar ang u. Bawnghnute leh chini nena pawlh, tak ngeih ngawih, zingkar thawhhlima kan han tlak pup hi chu a in tu te pumpui hi ka lo ngaihtuah thin.
[Report abuse]
August 22nd, 2010 at 10:47 pm
HV, hahaha… lol = laughing out loudly MI = Misual (a rem chang chang) Inhmukhawm…
Japanese ho pawh hian ‘packed coffee’ chu an hawn ve ziah, hatkora tui sawr nen…
[Report abuse]
August 22nd, 2010 at 10:52 pm
Lol= laughing out loud, laugh out loud, lots of laughs.. A theih vek
MI= Misual Inhmukhawm, Mission Impossible..
[Report abuse]
August 22nd, 2010 at 10:54 pm
#14 LOL = laugh out loud, CK=?, i rawn sawi tak ah chuan irc lar lai atang tawh khan ka la hre fuh theilo re re.
[Report abuse]
August 22nd, 2010 at 10:57 pm
Mi pawhin an dinchhuahpui chu dinchhuahpui ve theih awm tak a nia. A ngaihna hriat leh tih tak takna hi a pawimawh a ni. Coffee phei hi chu a tova a han to sawt zia mai hi, ka u.
[Report abuse]
August 22nd, 2010 at 10:59 pm
OT, NOI te dik vek ni maw????? Lawmawm e.
Tichuan Coffee lam chu maw… tih tak zeta mi’n a beih chuan hausakna tham a ni tih ka chiang, Mahse kei chuan ka peih lo……lolzz
[Report abuse]
August 22nd, 2010 at 11:05 pm
Tun thlatir khan Kerala-a thingfe siamtu company kan tlawh a. An Manager chuan “a chin na hmun (altitude) a san poh leh a tui a, Darjeeling tea te chu a tui lamah chuan kan pha lo. Tin, season azirin a aroma a dang a, autumn ah a tui ber” a ti. Dust Tea hi south India lamah hralh a kal zawk a, grained tea hi North lamah an duh zawk thung.
O.T. lawk, Rubber Research Institute of India Regional rubber researh station, Kolasib a kan neih an titawp a, soil & water conservation an enkawl dawn niin RRII, Kottayam a thawk Scientists min hrilh a. A tha zawk chek turah ngai ila. Tripura ah rubber cultivation and hlawkpui hle a, Arunachal-ah an introduce mek bawk a, Mizoramah pawh tha thei awm tak a ni. Kerala a rubber production a 85% khu ram zim te te nei ho atangin a ni lehngal. State dang rualawh a na thin e.
[Report abuse]
August 22nd, 2010 at 11:11 pm
MU=Mangtha U
[Report abuse]
August 22nd, 2010 at 11:23 pm
@Ninja… out dawn mi???? hma ve aw……….
[Report abuse]
August 22nd, 2010 at 11:25 pm
CK- Chhaks Kumar
[Report abuse]
August 22nd, 2010 at 11:31 pm
pu shai a sawi khi ka trawmpui vek he thuah chuan ….chuan LOLZ = laughing out loud zawnga/zawngi
[Report abuse]
August 22nd, 2010 at 11:36 pm
@28,gothic, lolzzz
gta= gothica
[Report abuse]
August 22nd, 2010 at 11:40 pm
makpa balhla kang.. ka blog check lox
[Report abuse]
August 22nd, 2010 at 11:41 pm
Coffee hi Mizoramah a tha duh a, mahse thlai enkawl ngai deuh mai leitha mamawh zet mai ani; tih tak tak a tih chuan eizawnna thatak ani ang tih ka ring.
Thingpui chin nachang hi kan hre har ngawtmai;thiltha ani ram neitha deuh nei zau deuh tan chun Thingpui huan neih hi tuchhuante thleng a eizawnna in rochun theih thil ani. NLUP ah thlang an awm nual an hlawhtlin ka ring.
[Report abuse]
August 22nd, 2010 at 11:42 pm
Zo thingpui, zik sen ngei mai hi tui ka la ti ber tlat, mahse coffee hi chu a lang changkang laklawh a, mi taima tan chuan eizawnna chu a tling khawp ang.
[Report abuse]
August 22nd, 2010 at 11:44 pm
@31, ka check a, a gothic hlawm lutuk, thlahrang te pawh an gothic vek a nih hi. Lolzzz
OT rei loh nan, kan ramah chuan thingpui chu tih tak zetin han bei ve ila.
[Report abuse]
August 22nd, 2010 at 11:47 pm
#25, Matte: Rubber hi enkawl fumfe tak chu ni se, Mizoramah chuan a tha duhin Plantation crop-ah chuan hlawk pawl ber a niang. Mizoramin kan thar chhuak ve tih pawh kan hriat mang loh Rubber Production-ah hian India ram pumpuiah 10-na 1995 chho vela Agricultural Handbook-ah kha chuan a chuang ve kalh mai. Agriculture Production-ah chuan kan sanna ber a ni mai awm mang nge? Chingît leh Thingthupui tharchhuah tih lohvah chuan…
[Report abuse]
August 22nd, 2010 at 11:59 pm
Agriculture productah chuan antam hi kan thar tam ber a nih chu.
[Report abuse]
August 23rd, 2010 at 12:06 am
(Admin ho hian zanin atan post thar min supply an tum tawhlo emawn le aw!!!) (thinking out aloud)
[Report abuse]
August 23rd, 2010 at 12:08 am
Thil hi kan sawi vul chuk hma khawp a; tunhma lam deuh khan Keralaah ka zuk zin a, mual dung tluan tam kha date palm hian a lo khat hmur mai a, nimahsela a chingtute khan a return a tha lo tiin lo tihrem an tum mek hi a lo nia. Mizoramah, Lunglei thlang velah te sawn ar hmai tiat velah tlem a zawng a tawi ve hlek a, kan sawi vul chuk ta mai thin a. Kan ram mil ISIKUT te, SAPTHEI te, SAMTAWK te leh HMARCHA te hi nasa zawka chin mai chi a ni. Tripura leh kerala deuh chauh a ni rubber sawitham nei chu, state dangin an ti ve loh em avanga 10na pawh chu kan lo ni ve mai mai a ni ngei ang.
[Report abuse]
August 23rd, 2010 at 12:29 am
#27.. ka lo ngaihtuah mek a ni.
Out tawh mai dawn mi aw….. te ka ti …
bakah 57 on line a la ni a, mahse a reh tlat….
[Report abuse]
August 23rd, 2010 at 12:49 am
In comment atang hian ngaihdan chu a siam theih ta khawp mai. Ka lawm e.
[Report abuse]
August 23rd, 2010 at 12:57 am
Sawrkar in thil a tih tak tak dawnin a thawk ten an eiru zo deuh vek zel niin alang. Tih tak takin ti selang chuan eizawnna tlak a nih lohna chhan tur ka hrelo, a tha hliam hluam hlawm em mai, a leilung an ngeih hmel.
[Report abuse]
August 23rd, 2010 at 1:05 am
nauteii, comment na hi mimal hnathawhna etc inzawh nan ka duhlo, min hrethiam rawh. Kan in hmulo chu a pawi hle mai, i hman chuan vangchhia@gmail.com ah NOI
[Report abuse]
August 23rd, 2010 at 1:06 am
Coffee plantation siam chuan a hlawk lehzual nan a karah black pepper phun hi a chi an ti. Ka thiannu Karnataka ( Chikmagalur khua)a coffee plantation nei ten an coffee kung karah pepper an phun zel a, chu chu spices siam company ho hnenah an hralh leh thin. An leilung leh climate ngeih zawng a in ang ni awm tak a ni.
[Report abuse]
August 23rd, 2010 at 1:42 am
may thla vel khan niin ka hria ka pu ka zuk hralh pui a helai hmunah hian, kan fang kual vel a an tih dan te kha, helai hmunah pawh hian pepper chu an phun ve a karah.ka haw chu coffee huan siam ve mai te ka chak ut ut mai keipawh..heheh
[Report abuse]
August 23rd, 2010 at 9:32 am
@nauteii..HV a sawi khi ngaipawimawh duh suh..comment dangah pawh thildang an sawi ve tho ania.I hriat duhna a response dan che kha ka duh lo..ka tran che ania.hei ha..
[Report abuse]
August 23rd, 2010 at 10:48 am
Starbucks-a black coffee sa hem hawm, no-tung-sawl lian sei tawk khat pep pawp, mahni-a chini inthlum chawp ngei maia han dut khulh khulh kha chu … a heksak ve thei khawp mai! Abikin vur tlak lai han ni ngei se, in a manhla bik! Nuam danglam ve a ni, to erawh a to tham deuh, no khat $ 8 dawnthaw a lo ni a … kianga mite an hmelthat leh a nuam ting mai!
[Report abuse]
August 23rd, 2010 at 10:51 am
East Siang District, Charali-ah khian thingpui huan mit tlin tawk a awm a, An CM ni thin, Apang-a thingpui huan a ni. Nilengin ka fang tawh. A hmuna miten, khi thingpui huana tharchhuah khi an in pha hauh lo! Japan ramah an in daih thung, hauhsak phah chiang ang chu aw!
[Report abuse]
August 23rd, 2010 at 11:26 am
eizawn nan ai mah chuan in tlak a ni tih hi a chiang sa e
ka heh khop mai
[Report abuse]