Tleirawl tan chuan hun duhawm a ni, Treasury Aizawl bawra nu leh pate ‘permit’ la thlapa dar 12 vel han tal theih chu. Faith Media Ministry rawngbawlna chu a arhchho zel a, tleirawl leh rawlthar an tam tual tual, Vana Pa Hall chhungah an leng lo nge? A chhungah an awm peih lo ve hrim hrim hriat loh Treasury petrol pumb bul thimthamah chuan an tawmim fir fer mai
Tlai lam dar 5 a ri a, Vana Pa Hall kawta thir gate chu an nek chim mai dawn emaw tih a ni der tawh mai. ‘A chhungah eng nge ennawm awm?’ tiin han zawt la, ennawm a awm lo, tih bak chhan i hmu lo vang, ‘kalvari rock’ a awm a, chu chu mipuiin an chhim! God channel-a kan lo hmuh thin ang leh Mimi’n YWAM-a a lo zir tawh ang chu hmana MTV lar laia an tih dan kan la ang deuh khan thalaiin an zir ta mai niin a lang.
Tleirawl tan chuan hun duhawm a ni, Treasury Aizawl bawra nu leh pate ‘permit’ la thlapa dar 12 vel han tal theih chu. Faith Media Ministry rawngbawlna chu a arhchho zel a, tleirawl leh rawlthar an tam tual tual, Vana Pa Hall chhungah an leng lo nge? A chhungah an awm peih lo ve hrim hrim hriat loh Treasury petrol pumb bul thimthamah chuan an tawmim fir fer mai a, a chhung lam ‘hey tonight’ aiin a pawn lam ‘hey our chance’ titute chuan nuam an tih hmel fe.
Treasury-a press office-a dar riat vela mitpheng deuha computer chhua thian duna hna kan la thawh laih laih lai chuan tleirawl interek chu office-a rawn teilut ta nawlhte an awm a. Mahse ‘tui kan lo in’ tiin an chhuak ve leh mai, a behbawm boruak kan han thlithlai meuh chu pawn lam rawngbawlna chu a lo ropui ngei mai, ‘a thiam remchang apiangah chuan an intawllena’ han tih duah mai pawh a chakawm.
Chhung lamah lah Siberia Hell an lo play bawk a, TV lama entute an thlaphang, chu hrehhmun aurawl chuan mite thinlung a tithlabar a ni. An rawngbawltu pakhat chuan zanina tluk pawhin naktukah a thawh leh theih tih ang zawngin thu a sawi mai si a, hei hi thalai tan chuan pawm a nuam em a ni.
He hmunah hian tihdam rawngbawlna pawh a awm, Minister pakhat pawh kha a thih hma ni hnih zan khan tihdam a ni nghe nghe. Thlarau damna a ni zawk ang e!
He zirtirna thar ni ang taka lang hian thalaite rilru a chenchilh a, a ‘advance’ mah mah aniang kan ram tan chuan, kan kohhran hruaitute leh theologian-te’n an sel ngam chiah lo a, mahse an fak lo khawp mai.
He rawngbawlnaa tel pa pakhat chuan a fate hnenah ‘lehkha zir pawh a ngai tawh lo,’ a lo ti a ni awm e, Bangkok lamah missionary nih a la tum zui… ngaihtuahna a thui e.
Similar Posts:
- Traffic jam loh dan tur, ka ngaih ve dan
- Mumang mai mai
- Minister Aichhinga a boral
- Mizoram pawna hnazawngte tan fimkhur a tha
- Ka thaw huai
July 4th, 2008 at 3:04 pm
Kalvari disco emaw ka tia, ‘rock’ zawk a lo nimo…
A hnuaia video a a lan dan chuan vanapa hall chu a thawl viau kha mawle..petrol zo thunkhah a ngai a niang e..lolzz
[Report abuse]
July 4th, 2008 at 3:15 pm
Yo… i bet kalvari ‘hip hop’ is next!!!
Nia,petrol a vang em a,an chang lo ang tih a hlauhawm alawm…..
[Report abuse]
July 4th, 2008 at 3:21 pm
A ngaihnawm dan a va dang ve le,Pathian faka lam hi ka sawisel ngai hauh lo a,but video in lo post ho re2 hmun dang mi pawh hi Pathianthu tihtakzeta buaipui hmel pu ka hmu meuh lo.mak ka ti ni tawp mai,Pathian an tihzahawmlo ka ti tlat zok.non-mizo zingah sap ho te nen pawh praise & worship na ah chuan tel ve zauh2 tawh,a boruak pawh a zang ngei a,mahse hetiang kan lo hmuh ve nen hi chuan a in ang lo re2 titakzet na an nei lo re22 ka hmuh dan tak chuan rui lam an ang tlat,tin,thuchah duhtui loh hi a poi thei2 tih hi evan ho hian hre nawn mawlh teh se.
[Report abuse]
July 4th, 2008 at 3:42 pm
heng video 2 dang te hi in en tawh em?
https://www.youtube.com/watch?v=ETbStGIxfHY
sap hla
https://www.youtube.com/watch?v=IXLB6dF3COQ
[Report abuse]
July 4th, 2008 at 3:43 pm
Hei pawh hian nghawng tha vaklo tak a neih leh ngei a rinawm. Engtiziange ziritirna danglam tak hian kan rilru a hneh hma bik em em? kan rinna leh rilru hi a puitlin loh vang nge ni a? kan biak Pathian thuah hian kan chianglo zawk?
Kum tlinglo tleirawlte thinlungah hi chuan zirna, taimakna, thianghlimna, tumruhna leh puitlin duhna thinlung hi tuh hmasak ber tur a ni. Chu chu Pathian thu pawh a ni a. Eng dang zawng aiin a pawimawh. Hetianga huau huau boruak vela kan buai chiam chiam chuan nghawng thalo tak Zoramah a thleng thei hialin ka ring. Fimkhur a tha ang.
[Report abuse]
July 4th, 2008 at 3:54 pm
Minister pakhat pawh kha a thih hma ni hnih zan khan tihdam a ni nghe nghe.
He tawngkam zet chu…. a dik viau bawk si!!!
[Report abuse]
July 4th, 2008 at 4:04 pm
Heta in ‘rock’ sawi chu ‘Isua party’ an tih mai kha a ni ang maw? A nuam ti tan chuan nuam tak tur a ni. Thalaite an tuipui zawng tak hmanga Pathian fakpui a, Pathian thu tak lo hrilh chu tangkaina tam tak a awm ngei ang tih a rinawm. Mahse, MAHSE awm thin hi a pawi. A kalte sawi ka hriat danin an Pathian thu pawmdanah him tawk lo a awm nual a, engkim hi a ni huau a, a ‘made-easy’ hle bawk a, rawngbawltute pawh an fimkhur tawk lo hle ni awm tak a ni. Hei tak hi a that tawk lohna lai chu niin a lang. Tam takin thilsual tihna remchangah an lo hmang vei rawl nen.
Engpawhnise, penhleh rawngbawlna ang chi hi ram dangah pawh kohhran ti mumal lo tu a nih ve theih fo avangin chintawk neih thiam a tha a, fimkhur thiam pawh a pawimawh hle. Rawngbawltute Pathian hruaina ka duhsak e
[Report abuse]
July 4th, 2008 at 4:32 pm
pui mep2 hle maiii ..AR Ground lam mual ah sawn phei law2 se tha ang aaa
….
[Report abuse]
July 4th, 2008 at 4:41 pm
kei chu lo soisel hlom ve top chu ka ngamlo, Pathian min siam tu fak a voi1 mah poh la lam ngai lo misual hian..Thil tha a awmna hmun reng2 ah thil sual hi thil tha ai a lian zok in alo in zep tel nghal thin si a, Isua meuh poh setana khan a thlem ngam si a,, in tongtaipui ton kan mamaoh vek mai Pathian hi kan chhandamtu chauh ah lo kan Lal ber a poh a kan pom thlap theih nan hian….huiha,,
[Report abuse]
July 4th, 2008 at 4:44 pm
A advance mah2 in t mo, ngaituah ciang teh u,mizo thralai te hi inchei lam ah te hn kan advance khp a lom, orange county,beverly hills vela celeb ho inchei dan kimcang,kekor tight,emo style an t emoni, tuai ang an tam phah tak m2 chhan te hi,ene moa nih le!
chutih laia Pathian thu leh hla vela kan advance loh na bik tur pakhatmah a om lo,a cangkang a, thralai te rilrem zong poh ani, a hruaitu denis a khi k se ve boka, k doubt lo an zirtirna etc, a chhelai rinot lo focus ngal zel dn te cn khovel a i hmangaih ber poh kh a famkim cng a mi, Zoa Tlau????/
[Report abuse]
July 4th, 2008 at 4:58 pm
@Jemi: I sawi dik khawp e,mahse Pathian kawra hmanga,duh dan2 a awm hi a hlauhawm asin,an video hrang2 kha i en m? thenkhat lamdan m2 kha chu Setana hi a khi vur2 in asin ka rin,Pathian ring tak2 tu tan chuan sual hi hmuh tet a awl asin,kan palzam viau hi chuan keimahni lam hi kan lo chiangkuang chiah lo a lo ni thin,Pathian hi a duhtui teh a nia.
[Report abuse]
July 4th, 2008 at 5:19 pm
mizo te hi chu zirtirna hi kan pom hma a zawm lam hi kan ngaihsak vak lem lo niin a lang… han sawi thui deuh ila.kan sap missionary hmasa te pon hun reilote chhung in Christian ah min let vek thei ania(Christian nih a trha lo tih na nilo in) Pathian hna thawh chu a ni teh meuh mai, maherawh chu kan rilru ngheh loh zia a ti lang in ka hria.
[Report abuse]
July 4th, 2008 at 5:22 pm
iua iua te..chheihlam te mizo lam te sap lam te midum lam te kan tih tak nuk mai le…stage lam atrangin an rawn control ta zat zat mai le…haha..sairang beach ah beiphei ta zawk seng…nuam anti zawk ang chu mawle..thlarau chu atlaknat vak ka van ring lo e…hahah
[Report abuse]
July 4th, 2008 at 5:27 pm
sawiselna lam atam tawh bawk.tizawng hian ti veteh ang.Hetianga Thalai an ko khawm hi a tha lutuk.Pathain fak dan thar te kan hriat phah a.An teaching lam chu ka ngaihthlka ve loh avangin saiw tur ka hre lo.
Tihdanhlui atanga tihdan thara kan zuan kai dawn reng rengin ngaihdan chua hrang nuaih dawn hrim hrim.Tin,hetiang hun a lo interek leh sual nan a lo hmang an awm anih pawn keichuan a organizer te emaw thusawitute demna tur amwin ka hre lo.
Tih takah chuan,Mizoram a Thalai punkhawm tamna ber KTP General conference ah te pawh,lo hmang sual tawk,inkhawm lova,thlenin a mipa leh hmeichhia lo in rim ta mai mai te,chance lo nei ta mai mai te pawh an tam a lawm le..ni lawm ni ZoaTlau
[Report abuse]
July 4th, 2008 at 7:44 pm
Ka tlai thei viau na a, sawi neih ve ngei ka duh si a. Nia tiraw… video lam chu ka en lo mai ang. Youth Icon tawp zan a ‘Atur a na e…” tih hla kan Icon ten an han sa a, Zarkawt kawn a lo lam hawt hawt kha a rui hlei hlei kha an ni si a.
Mizo te hi kan thang duang ania. Kristianna a lak em em chi pawh a ni lo. Khawvel ken tel kan paipawn tihna mai ani zawkin ka hria. Huau huau hi chu kan nei tlem a niang… thil mak leh dang lam hi chu kan pan peih deuh zel a. Nu leh pa te pawh hian Pathian hmingin min chhuah phal zel bawk thin a ni.
Ka sawisel vel peih lo e. Kha ai a ngai mawh kha ka ngah lutuk. Pathian hming a an la tam peih te chuan!!!
Hlothlo peih lo tawk in min zirtir a, zahzelah Pathianthu in kan in phen a, nu leh pa te pawh hian KTP a kal chu min khap ngai loh kha…
Vai nen hian danglamna kan lo nei tlem khawp mai. Kan lo sakhaw mi em em bik hlei nem. Huau huau tih lohah chuan vai aiin tawngtai kan taima bik reng reng lo.
KTP/ TKP ah pawh huau huau a tel loh chuan kan tin dial thin a. A hmingin a ni ve mai mai. Kumhlui mid night service te kan nei ve a , hmun tam takah chuan zan a rei tawlh tawlh a, a luck lo fal leh Pathian mi tak tak te chauh an bang tawh thin. Kan put ru pheuh pheuh a, grape wine emaw/ saptheizu emaw kan lei hawng a, Nu leh pa ten a zan teihawi an phal miah loh pawh kha, Pathian zarah kan lo teihawi theih phah thin a lo ni.
Krismas pawh ruai kan nawn tlem tawlh tawlh a, a chhimtu kan tlem tawlh tawlh mai a sin.
[Report abuse]
July 4th, 2008 at 8:28 pm
Pathian hi a themthiam a bingbilet chi te, su nghawng nghawng chi te, back chi te, ahunlai milin asiam a, tunah rock chi!!! an Style hi Pathian duh loh zawng anih chuan Pathian bawkin ati tawp thei, Pathian rawn ang u,mihring leh mihring chu kanin teh tling theilovang.
[Report abuse]
July 4th, 2008 at 9:04 pm
Crusade a trawnghriatloh leh thlarau khawih nia inhriate zawng2 hi piangthar dik han ni vek mai selang o…zoram chu a nuam ang cu..missonary poh kan tam ngot ang, harhna pumpui a thleng a ni ringot ang…Mahse an lamna leh trawnghriatlohna hi crusade chhung daih a nih leh vaih si chuan a hma ang bawk kan ni leh nimai…
[Report abuse]
July 4th, 2008 at 9:12 pm
missionary nuaih 1 thon chhuah kan tum kha…tan lak a ngai ani…hehe
[Report abuse]
July 4th, 2008 at 10:57 pm
Thiangzau ho min ti hre chhuak.
[Report abuse]
July 4th, 2008 at 11:26 pm
I don’t think there anything wrong in having clean and harmless fun. In fact, I think the church(es) should encourage this kind of thingy. Khuang leh soprano, alto, tenor leh bass ringawta zai a fuh ber loh hun a tam. Zai lai fe fe te an tam phei chuan mahni zai ri hre lek lo khawpa music play rin te pawh a tha zawk maithei
Tin, hetiang hun atang hian ngaihzawng lo inchhar nawlh nawlh te pawh awm se a pawina vak ka hrelo. (conditions apply) mizo thalaite tan hian in entertain-na tur vang lutuk hi kohhran hian remchangah lak nachang hria se a tha ngawt ang
Mhs “hremhmun an laichhuak” tih angreng tirkoh Pawla lehkhathawn ang tluka anlo la thutak a nih chuan a zialo ngawt ang. Bible-in a sawi hi a dik tak tak a ni tih prove tum vak pawh hi a tul ka tilo. Proof awm vek se tuman Rinna (faith) kan mamawh nang. Tiru?
“Faith is belief with strong conviction; firm belief in something for which there may be no tangible proof; complete trust; opposite of doubt.”
https://christianity.about.com/...../faith.htm
[Report abuse]
July 4th, 2008 at 11:27 pm
ehh… i think my comment got caught somewhere
[Report abuse]
July 5th, 2008 at 12:40 am
Sawi ve tur pawh ka nei lo. In sawina enga tangin MizoGoBible ah fimkhurna tur thu ka lo tilang ve ang e.
[Sms JOIN MizoGoBible to 567678 to get daily Mizo verse, thank you!]
[Report abuse]
July 5th, 2008 at 2:49 am
*queen-of-nazgulHe ti te chuan kraws kal kawng hi a nuam awm mang e, a reng reng ah GOD channel ah hetiang hmel pu hian lam ngai lo. An tak tlat a ni. Kan phak loh kan in bawrh mai mai a ni lo maw. Thawmhnaw ah kan advance hle pawh hi kan phak lem hran lo a ni
[Report abuse]
July 5th, 2008 at 3:00 am
concert (kareokee) ah pawh police ho khan an vaw zawt zawt sia, khatiang Kristian rinna ti derthawng thei chi te kha chu Kristian ram kan intih na vang ngawt pawn vaw hrep se, an vaw sim mai lawng maw? Hire me..i’ll do it
[Report abuse]
July 5th, 2008 at 3:02 am
Modern Baal worshippers
[Report abuse]
July 5th, 2008 at 7:04 am
https://youtube.com/watch?v=T-A5fBBFIRE
[Report abuse]
July 5th, 2008 at 9:20 am
Kei chu tha ka ti ve tlats. Inkhawm muk lutuk thalai ten an ning tawh a, hetia mahni duh ang keh rilru rem zawnga Pathian an fak a nih phawt chuan Tha Lutuks ka ti mai.
Hremhmun etc vel kha chu… ektum
Minister (an) Tihdam(?)… zia lo khawp mai.
[Report abuse]
July 5th, 2008 at 9:30 am
he thil/rawngbawlna hi a mak lova, a RAPTHLAK zawk a nih hi!!!! engtin nge mo kan in chhanchhuah ang le…….Setana chuan a seh tur zawngin a phi ruai mai si a, thalai man dan lah a thiam si!!!!!!
Kohhran chet a hun e, TMEF te kohhran atanga hnawhchhuah an ni ang khan hetiang pawla tel te hi chu Kohhran mipui tan a hnawksak an ni a, Pathian khawngaihna a thar a an chan ngei theih nan Kohhran atanga phuar ngei ngei chi an nih hi!!!
[Report abuse]
July 5th, 2008 at 9:58 am
An lam dan ka lo hmuh ve leh Bena rawn post 2, Mizoram Revival lam te an danglamna vak kei ka hre lo tlat mai. Mimi te rawngbawlna a ka ei vak loh te chu:
Tihdamna leh
Hremhmun video tih vel kha.
An lam dan hrim hrim kan huaa kohhran atanga hnawhchhuah tlak hiala kan ngai a nih chuan Mizoram Revival video ami te pawh khi an bang chuang tur a ni lovang.
A pawn vela lo hirha kan hua anih chuan a dik e, KTP conference ah pawh a hirha tawk an awm tho, Sawm leh Pahnih kan Lalpa ngeiin a thlanchhuah zingah pawh hirha 1 chu a tel ve tho kha.
Mi Pathian fak dan leh biak danin kan rilru a rem vek kher lovang, mahse a dik leh dik loh chu kan rel tur a ni lo, Zing lam atanga thawk tan leh tlai lama thawk tran ve chauh te hlawh inang renga petu Rorelna dan hrethiam kan awm lo.
Presby. Baptist etc ten hi a dik leh dik loh sawi thei an ni bik lo, an kal dan rem a nih loh avang erawh chuan hnawhchhuah an ti a nih leh an thu.
Dik leh dik lo tih tak zelah chuan… Preby. tan chuan khing rawngbawlna nei tute aiin heng te hian kohhran a ti thuanawp zawk, hnawhchhuah tur dik tak te chu heng hi an ni zawk:
1. Kan Synod Pastor tam tak, mi rethei thawhlawm tling khawm pawisa hmang dik lo. A bikin Ramthar Field Secy. Dik lo taka Synod motor, bungrua, petrol, Medical claims, TA&DA claims etc hmangtute.
2. Missionary hmui kutdawh tam lutuk, Synod hian engatinge an khawmkhawp hlawh a pek mai loh? Thlarau bo zawn aia rangkachak thi leh TV Fridge ngaipawimawh zawk te ho chawm nan hian em ni mi rethei hovin sum kan lo thawh thin?
3. Upa eiru tih hriatchian te. An in leh lo, bungrua khawsak na te leh Pawisa lakluhna inmil lo lutuk te.
4. Biak In sak laia vantlang kawng leh mimal ram nek ngar leh a chung lama thlawh tir ching tute.
Tam mai, corruption, Mizorama kohhran lian ber pawhin a do ngam loh kha mipui thlan lal ve mai do tir kan tum rawl nen, kan double-standard lutuk deuh a ni. Hui ham.
[Report abuse]
July 5th, 2008 at 10:11 am
Heiha!! A va zahthlak thin m!! Praise n worshp poh ni lo hi a…pub ah gospel hla play se hretham miah lo in vai ho lam suau2 se cutiang ang vel nen suan k tehkhin!!
[Report abuse]
July 5th, 2008 at 10:36 am
‘korean movie’ an en nasa aniang!!..hetiang lam hi korean ho hian an uar riau in ka hria!! …..Biak in a lengkhawm zai nen a zai tluk tluk ringawt chu kan tleirawl lai pawh khan ka ning ve deuh thin..inkhawm ban hla an han nawn ngun viau phei chu ” duh leh in ah khuang nen vawi 20 pawh sa nawn se la ani mai alawm, lengkhawm zai a tui ve lem lo min hrem reng na chhan tur ka hre lo” tih te pawh ka ngaihtuah ve zauh zauh chang a awm..!!
Aizawl ah chuan kanidari awm ve se la chuan ‘winnerman’ tih hla chu a hre bel tawh ngawt in ka ring. An han lam auh auh anga hmuh nawm dawn lutuk alawm
[Report abuse]
July 5th, 2008 at 10:50 am
@myself: ban phar chung si, kun deuh meng ru deuh kur sia nula in melh kual rulh rulh tur chu ka hmu chak bawn tawps…
Rev. Millera (Shl) ho khan kan lam nasa thin mai, taka.. hun lai te te hi a awm ve a.. tunah chuan kan lam ta auh auh mai a nih hi!!
A dera Lam rui ho hi keipawh ka ning bawn tawp, hmanah pawh ka room ah 1 rawn back luh a tum a, a kawngah kan tlawh chawrh mai a, a rui a reh hmaks. Mahse tawngtai dam thei kha an kawl a, a zuta a dam ve leh mai! Khata tang khan an engemaw chan khan ka roomah an rawn tir leh ta lo
[Report abuse]
July 5th, 2008 at 11:28 am
Ha ha ha!!!, Kan tet deuhlai a, nula hnute va khawihsak ngam chiahsi lo, Lampah a, nek deuh nak nak lai hun te mi a ti hre chhuak dawn a lawm le lolzzzzzzzzzzzzzzzzzzzzzzzz..
An thiam tawh hlawm hle mai tunlai kan thralaipui te chu!!…Ti te hi chuan kan Rock and Roll char char tawh mai dawn anih hi maw!!.. Tih chi loh deuh chuan ka hria, Chintawk a awm!!, an tih ang deuh hian a hun leh hmun/kan biak a zir in awm thiam i la kan biaka a lawm ngawt ang mawle.
[Report abuse]
July 5th, 2008 at 12:29 pm
Hmmm… kan ti tlai khawhnu veleh ang nge…. Mimi i rawn lar trantirh lai.. khawihthluk vel lar lai khan chhungte tirhluihna vangin ka kal ve a min khawihthlu theilo chiang khawp mai ka thianpa pakhat nen…hahahah.. mahse zahthlak ve duh tak a ni… Tin ka hmuhdan in khatih hun lai pawh khan a awih mawl top ho chauh a ni a khawihthluk..
Ni e.. an lam pui mep2 khawp mai nawm pawh a nawm hmel… pathian fakin an lama a ropui.. mahse sual a in rawlh ru ve fo..jemi soi dik ka ti “Thil tha a awmna hmun reng2 ah thil sual hi thil tha ai a lian zok in alo in zep tel nghal thin si a, Isua meuh poh setana khan a thlem ngam si a,, in tongtaipui ton kan mamaoh vek mai”..
Thlirdan kan thiam ngai ni berin ka hria. A thlirdan tha ber chu “….AN RAH AH IN HRE MAI ANG” bible in a tih kha… a rah chhuak i lo thlir phawt ang u.. rin bur nghal a diklo mai thei; soisel ngot pawh a fel ber chuanglo mai thei… “An mahni leh an rahte ah i lo thlir ang u hmiang”..
Inlarna hmu… tamtakte rah thatloh zia pawh kan hmu fo tawh hlawm ang chu ka ti….
[Report abuse]
July 5th, 2008 at 2:39 pm
Hmanah 1935 khan Mizorama harhna voi 4 naah khan hlimsang,thlarau sem tihte a lo chhuak a,inkhurbing tihte nen an buai hle a ni.A chang ve lo ten an hrethiam lova kohhranah buaina hial chhuakin UPC a lo ding ta a,Khuangtuaha Pawl,tuna Baktawng a Chana Pawl, a lo piang bawk.Taksa chetna,trul, a lo thlen khan hrethiam lo tak2 kohhruaitu leh mipuiah pawh an tam hle.Mahse tunah chuan fimkhur taka kaihhruai an hlawh tlangpui avangin kohhranah buaina em2 a awm lo.Tuna lam dan thar lo chhuak pawh hi ‘lam dan’ a ni mai.Fimkhur taka kaihhruai an mamawh hle ang.Hei misual ho zingah pawh a tuitla lo hle mai si a.Mahse thlasik mau puah phawng phawng lovin fimkhur takin lo thlir ila.Lal Isua pawh Juda ho khan an hai chian em kha! An rahah a hriat mai ang.A pawn lam boruak te kha chu…Pathian fate inlannaah meuh pawh Setana a tel ve kha!
[Report abuse]
July 5th, 2008 at 4:40 pm
“….AN RAH AH IN HRE MAI ANG”
Amen
Warning: Lest we the Mizos too commercialize the gospel like some TV evangelists in other parts of the world!
[Report abuse]
July 5th, 2008 at 7:59 pm
Engtik kum nge naupang lam vak tum kha, middle sikul kan kal lai a nia, thianpa ke zungpui tin an rah thlak sak a, a thinrim a sikul pheikhawk thar naughty-boy shoe ngei mai inah a zuk buna, an lam leh chu pui chur chur asin
[Report abuse]
July 5th, 2008 at 8:18 pm
naupang lam vak chu 1983-84 vel anih ka ring “misual ka ni Lalpa min ngaidam rawh” tih hla sa a kanidari te an lam vel kha chu..kulikawn kohhran atanga hlimna lo chhuak tan an ti in ka hria …primary sikul ah ka la kal..mahse, an tlai lam tuition/counselling vel ah chuan min hruai ve dat dat thin ka la hre nial nual ..kanidari
[Report abuse]
July 5th, 2008 at 10:15 pm
E khai…. Pathian a lawm angem le ?
[Report abuse]
July 7th, 2008 at 1:05 am
Tunlai mil zela Pathian kan chawimawi thiam hi a pawimawh reng a ni.
[Report abuse]
July 7th, 2008 at 2:34 am
Kan sawi nawn leh mai mai teng
Pathian kan hma ah a hring a hran in (alang in) awm ta se, chuta kan chet ngam dan tur ang chiah a kan chet a pawimawh ang. Kan hmuh loh vangin kan palzut mai tur a ni lovang, a nin min hmu reng si….kan hma ah a awm reng…min en reng
[Report abuse]
July 7th, 2008 at 3:22 am
Pathian fak a lam hi chu hai rual lohin a hriat theih, thil dang fak a lam nen chuan in ang lo haih haih tak a ni.
[Report abuse]
July 7th, 2008 at 3:24 am
In the END it will be BETWEEN them and GOD
[Report abuse]