Traffic jam loh dan tur, ka ngaih ve dan

January 7th, 2008 4:33 pm by ZOaTlau

Traffic Aizawl:

Aizawl khawpuia lirthei ke li neia chhuah chu a mangan thlak tih mai loh chu sawi theih kan nei ta lo.

“Tuikhuahtlang atanga Chanmari thlen nan darkar hnih ngawt hun ka hmang maw le,” tiin The Aizawl Post Editor chuan a sawi a, mi tul leh hna ngah tana darkar hnih tam zia chu sawi fiah theih pawh a ni lo. Traffic jam lo-ah chuan Lengpui airport lehlanna hun ang vel a ni daih mai.

Engtia tih chi nge ni ta ang, khawpui lah chu a thang zel a, lirthei lah chu a ni telin a pung bawk si.

Vana Pa hall sawn:

Hei hi a pawimawh hmasa ber niin a lang, khawpui lun lai leh traffic jam duhna hmun laia hetianga auditorium lian pui kan hung ruap mai hi tun dinhmunah chuan a fuh ta lo.

Vana Pa Hall hi thiat ila, New Capital complex-ah auditorium mi sang thum tal lenna sa ta zawk ila, Vana Pa Hall awmna hmunah hian parking-na hmun a chhawngin sa thung ila, treasury vel bawra lirthei zawng zawng hi khungkhawm ta ila, chu chuan nasa takin traffic jam harsatna hi a tiziaawm thei dawn a, hei hi ngaihtuah hmasak tur niin a lang.

Hospital area:

Treasury bawr a ziaawm chuan bazar phei bawra lirthei tam lutuk leh kawng chep lutuk hi chinfel a tul leh hmasa dawn a. Millennium Centre chung lam hi parking atana siam a that viau laiin harsatna a awm a nih chuan Hospital area-ah hian parking-na hmun tur zau tawk tak a awm a. He laiah hian a chhawngin car 300 vel lenna tur sak leh ni se, chu chuan nasa takin Aizawl chhung buaina chu a tiziaawm dawn a ni.

Hetianga parking hmun lian tak pahnih kan nei a nih phawt hi chuan a kuma kum kan ziaawm ngeiin a rinawm.

Similar Posts:

Recent Posts:

24 Responses to “Traffic jam loh dan tur, ka ngaih ve dan”

  1. 1
    benjamin Says:

    School tan hmasa se, office tan tlai se. Chuan office bang haw na town bus ho in dar 8 thleng compulsory in service se.

    Report this comment

  2. 2
    RTPA Says:

    Ben school chu an tran hma tho a mahse Office lam hi chu an kal tlai tho2 a…a sot ka ring lo…office tran te hi dar 12 te a nih deih loh chuan :)

    Report this comment

  3. 3
    RTPA Says:

    chu ai chuan Kawngpui chin, phal loh a in rawn sa te ho hi han vo chhe ngal ve phok2 se Vai ram a an tih dan hian, a zau deuh phah fu ka ring…leh Ke a kal te hi war i la hnai te2 a lirthei a kal tum jel lo in…

    Report this comment

  4. 4
    benjamin Says:

    School hi an tan hma lo. Zing dar 9 hi a hma lo , Mizoram-ah ni a chhuak a hma si a. Office kal tur nen an in nang chhing hman tlat.

    Report this comment

  5. 5
    benjamin Says:

    Bungrua motor -a load/unload hi motor te (Jeep, Pickup tan) tan pawh peak hours lai chuan phal lo bur bawk se.

    SRS -traffic branch ding bawk se :-) Amah erawh chu polite tak leh, ltk in che lo se.

    Report this comment

  6. 6
    clliana Says:

    Hospital area leh a bul vela parkin siam chu a tihchi lovang. Damlo ho boruak hip tur a ti pollute vek lo mo?
    Office, school leh Institution ho hian an mahni tan leh an mahni dawr tu te leng tawk tur parking nei vek sela a ziaawm phah viau a rinawm.

    Report this comment

  7. 7
    Gerrarda-pa Says:

    City bus hi awm tawh lo se…. chuan taxi pawh hi awm tawh lo se….. Mahse kan kawng mawlh hi a ni buaithlak lai tak chu….. City bus leh taxi aiah THIRSAKAWR MAWLE :) Taktakah, Bus hi chu tih chi ka ti tawh lo tlat. Anih loh chuan an tlanna lam hi kawngpui lun lai ber ah ni lo se… Bawngkawn to Bazar via Ramhlun kawng hnuai ber(World Bank kawng). Chuan Temple lamah chhuk se, Edenthar lamah kal leh se, Bawngkawn lamah rawn kal leh se. Ti lo chuan buaithlak a ni…. A dang awmchhun leh chu, kawngpui hnaih in ho hi nawr chhia se, chuan sa tha leh se…..

    Taka, Zoa chu i va reh tlawk tlawk ve a???? Engnge kan zoram POLITIK lam te? Puja lah chu a tlawlh ta si a, tunah lah chuan a season tawh lo ropui si.

    Report this comment

  8. 8
    benjamin Says:

    City Bus chu City Ride ang aia lian lo vek hi ni thei se.

    Report this comment

  9. 9
    RTPA Says:

    kan Pu Ben ka sawi tum tak ka sawi fiah zo loh nih kha…School chu an kal hun ah an kal tho, kal tlai chu hrem an ni si a…mahse Office lam ho hi an kal hun ah an kal tak2 ngailo kal pawh awm se an tlem fu ang hun dik tak ah chuan…in hrem na awm hek lo, dats wat ka sawi tum chu ni e :)

    Report this comment

  10. 10
    Awzzman Says:

    khovel zawng zawnga ka nin ber chu..traficc jam hi…motor siam belh toh oi loh ti se..lolz..ke in kal traih2 i la ni mai lom…hahahh.

    Report this comment

  11. 11
    benjamin Says:

    School ho chu hun takah an kal a ni pawn a tlai. Dar 8 ah tan tur. Ti chuan zing dar 8 hnu ah chuan sikul kar tur phur motor a awm mang tawh lova nga.

    Report this comment

  12. 12
    benjamin Says:

    Office ho chu 10 (winter ah), (10:30/11 summer ah) , awm tlai mai ta se. Pulting an ni tawh bawk.

    Report this comment

  13. 13
    Thinknice Says:

    ni chin lok khan e, min man pek chu
    ka bike kha an lo lasawn daih a, AshokjNagar ah ka va khul a, ka lung a awilo khop mai, mahse an hna an thawk chu a ni ve si!!!ATM a draw ka tum lai in, footpath ni tho, ni chiah lo ah ka dah zuai a, an lo la hman tho maw le!Poisa neih loh nen, thinrim engmah tih theih si loh a awm hi hreawm in ti ve ngot lo maw, kan fine tawk kha.Ka kumthar lo thlir lok nen chuan a in ang ta lo hle mai!!!!!!!!!!!!!!

    Report this comment

  14. 14
    grady Says:

    Sawrkar motor tam lutuk hi tih tlem nise, Two wheeler in officer pawh (fair weather) ah chuan office kal vek se, thinglang (site)lam a zin dawn chauhin car/gypsy hi hmang se. Khaw chhiat niin officer chin chu taxi hire phalsak bawk se….officer pakhat in motor pakhat zel office kal nan an hmang si a, parking leh kawngpuiin a daih lo a nih hi. City bus leh taxi te chu ttihtawp chi a ni lo hrim,chu ai chuan officer/department motor tih tlem hi traffic jam pumpelh nan ka rawt e.

    Report this comment

  15. 15
    Zorun Says:

    He thil hi hlapui tling a ni a. Tun ai hian kumtin a la tawt zel dawn tih hriat tur. Khawpuiah mihring an pung a, lirthei pawh a pung zel. Chuvangin tuna a solution awmchhun chu khawpui zauh a ni. Parking zone leh kawng zauh hian awmzia a nei thui chuang lo. Khuareiah kan la inchhir lohna ber tur chu khawpui zau taka zauh hi a ni tawp mai. Delhi pawh New Delhi leh Old Delhi a awm ang bawk hian New Aizawl te pawh hi a la awm ve a ngai ngei dawn niin alang. Kan la tawt zel ang a, rikrum chhiatna rapthlakah phei chuan kan him lo nasa hle dawn tih hi a lang ruak tawh mai si a. Kum 100 lo la awm tir kan thlir phak chiah lo a nih pawhin kum 50 lo la awm leh tur tal hi chu thlir phak se ram hmangaihtute hian. Kan la inchhir dawn si lo.

    Motor tih tlem leh titam pawh hian awmzia a nei rei dawn lo va, car intlan chhawk tir te pawh hian awmzia a nei tak tak thei chuang lo. Khawvel inher danglam zel leh changkanna lo sang zelah eizawnna ah pawh rualelna a na tulh tulh a, taxi intlanchhawk tih vel te pawh hi a pratical rei chuang lo ang. Chu ai chuan Lengpui thleng mai khian Aizawl Khawpui han ni mai se, intlawhpawhna kalkawngpui a that phawt chuan reilo teah khawpui tawt lutuk atang hian mi tam tak chu an insawn hreh hauh lovang mawle.

    Report this comment

  16. 16
    dulranga Says:

    A tha hlawm hle mai. Office pawimawh ho hi chanmari leh treasury inkar a hnawhkhawm vek lo hian khawpui pawn lam deuhah te sem darh dan awm ta se, enge a an ang?

    Report this comment

  17. 17
    Daibuaia Says:

    Hetia in comments pek vel hi zoram sorkar hian hria in zawm ta se…..awmzia a awm tur hi a nia leh!

    Report this comment

  18. 18
    spikey Says:

    duhthusam na threuh2 anih hmel bok a..flyover hi pahnih vel han awm se, taxi ho hi permit pe chhuak vak vak lo se chuan time limit an service hun hi in chhawkin pe se la ..chuan chief minister ah hian keimah hi min thlang bok se, a fel mai ang.

    Tuikhuah tlang atang chandmari kal duh chuan kei chu (inkarah din a ngaih loh chuan) venghlui-chhingaveng-ramhlun atang khan ka kual mai zel, nih loh chuan vaivakawn lam ka kal thin a, mahse vaivakawn lam pawh a jam nasa tawh khop mai, a kawn lai tak khu…

    NB: Taxi ho hi an strike lai khan ka haw lai ania, khawchhung han thawl dan em em zia kha..an nuar ve a, mipui lawmah a tla bawk sia lolz..an nawrh leh duh hunah chuan an service ti tawp lovin, a rual thrutin service se, a effective ka ring zok HAHAHA

    Report this comment

  19. 19
    Vladimir Putin Says:

    Rawtna hrang hrang ka hmuh dan:
    1. Zoatlau rawtna (Vanapa hall sawna, tuna a hmun leh Hospital bula motor 300 parkna siam) a practical viau. Problem chu Vanapa Hall thar sakna’n Rs. 30 crore rawn sanction se, bawngin tiat leka a chhuah a hlauhawm (remember Referral hospital?)
    2. RTPA sawi (“Kawngpui chin, phal loh a in rawn sa te ho hi han vo chhe ngal ve phok2 se Vai ram a an tih dan hian”) hi tih ngei ngei a ngai. Hei hi Congress leh MNF sorkar tih pawi tutru zingah a tel hial ang. Eng vangin nge kawng bula ram nei ten sorkar ram an lak hek theih ?
    3. Gerrarda-pa (“City bus hi awm tawh lo se…. chuan taxi pawh hi awm tawh lo se”) must be joking. City bus leh taxi chauh kal sela, kan vaiin bus leh taxi ah chuang mai ila, CM leh Governor tiam lovin,a nuam hut2 viau lawng maw ?
    4. Office leh school hun: Ram changkangah chuan 9 a.m. hian office an thleng vek tawh a, dar 5 (or 6) thlengin, school nise, khawvar tirhah an tan. Kan ram ve hi zawng….
    5. Forget flyover. Flyover siam tur hian ram zau tak a ngai. Sorkarin a la ngam lo. Chubakah PWD siam flyover ah tunge kal ngam ang ?
    6. Zorun: Khawpui zauh aiin thingtlang leh khaw lian dang tih changkan a pawimawh zawk. Mizoram state population zinga 33 percent deuhthhaw awmna hi tihzau belhchhah tur ani lo. Anih loh chuan state population zinga 50 % Aizawlah kan awm dawn tlat. Chutianga imbalance chu a dik lo hulhual ang.
    7. Grady (“Sawrkar motor tam lutuk hi tih tlem nise”) A dik lutuk. mahse tun hma ai chuan a tlem daih tawh lo maw ?
    8. Awzman: (“motor siam belh toh oi loh ti se..lolz..ke in kal traih2 i la ni mai lom”) Europe ram thenkhatah chuan “no car zone’ a awm nual. Ke a kal hi kan taksa tan pawh a tha.

    Kan traffic problem hi a nasat em avangin damdawi kha ei a ngai. Entirnan, “Motor thar lei tur chuan an mahni ram chhung ngeia parkna an neih a ngai”, tih dan siam ila, tun atanga kum 10-15 ah chuan tute pawhin an nei anga, motor tlem phah sawt ang. Mahni rama parkna nei lo tan Road Tax kum khatah Rs. 80,000-200,000 tuk ila, sum lut tur a tam bakah motor a tlem phah duai ang. Taxi leh bus hi public transport annih avangin an pawimawh. An awm loh chuan mi tam zawkin motor an lei phah ang a, a buaithlak zawk daih ang. Ram changkang apiangah bus leh taxi an ngai pawimawh.

    Report this comment

  20. 20
    Zorun Says:

    @Putin, mi rawn chhanga a lawmawm e. Thingtlang khua te hi tih hmasawn zel tur chu an ni ngei ang. Amaherawhchu safety lamah pawh aizawl a him si loh chuan enge awmzia ni ang le? Khawi ramah pawh khawpui hi a thang lian zel. A te leh tawh ngai lo. Mihring leh lirthei pawh kan duh emaw duhlo emaw a pung zel dawn. A chhan chu thiamna hrang hrang leh changkanna avangin. Tin, thingtlang lam pawh changkangin vur chiam pawh ni se, khawpuiah an pem lut zel dawn. Chu chu hmanlai mizo chanchin atangin a thleng dik em em. Hmanlai chuan aizawl aia khaw lian hi a tam em em a nih kha. japan ramah te pawh Tokyo ah a mihring a chenve aia tam fe an awm ve tho a. Shillong ah te pawh. Tuna aizawla kan awm dan luih luih hi a him lo va, khawpui hi zauh ni se, thingtlang lam pawhin awlsam te te in an pem luh ve theih phah ang a.. Chu chu tuna trafic jam leh khawpui rit lutuk tur hi a ziaawm mai pawh a ni lovang a, a him phah ka ring.

    Report this comment

  21. 21
    Fistbone Says:

    Bus a awm loh chuan mi rethei ten kal duh na kan neih in a va buaithlak awm ve. Vanapa Hall Parking a siam mai chu a that fu ka ring. Mahse, Capital Complex lamah Vanapa hall kan sawn si chuan, zanah thil enga maw tih deuh awm se khatla lamah kawng a te sia, Traffic hi a jam leh tho awm sia te ka ti mai mai a.. A enga pawh chu nise, he thil hi ngaihtuah fe tham a nih hi mole.. Kan ram hruaitu te beng te hi han thleng pha ve se aw!!!

    Report this comment

  22. 22
    Damon Says:

    ka ngaih ve dan chuan Office pawi mawh ho hi sawn chhuak vek se, luangmual leh tan hril vel ah te sawn se, tin durtlang lam leh sihphir lam ah te a tren awm bok se,, chu tiang zel in a dang poh… office pawi mawh ho hi a awm khawm em avang in kan pan khawm na hi a in ang lo thei lo a ni.. tin New City hi neih tawh hi a theih chuan a tha ber..E.g. Hyderabad ah pawh Old city te, tin Orissa ah Bhubaneshwar leh cattuck te a awm ang deuh hian.. a nih loh chuan kan tawt hlum lo chauh dawn a ni…..

    Report this comment

  23. 23
    Fistbone Says:

    Ofis khaw pawn a sawn chhuah chu kan Babu te-a leh a pawl te hian an duh leh beuh bauh lova nge!!!

    Report this comment

  24. 24
    islander Says:

    Mirama an khawpui lunlai Downtown an tih hi keini ah chuan a tlangdung mar tha laiah an awm. Chep triah triah tak ani. Traffic jam hi a tihreh theih loh mahse a tih nep theih. Tinep tur chuan –
    1) Parking hmun i siam chuan motor lut leh chhuak a titama trafic jam a tipung. No parking at Downtown area.
    2) Downtown luhna hi toll tur (luhman a awm tur ani) traffic jam tinep turin
    3) Ram CK ah chuan khawpui chhehvel khua (sattelite town) te hi an ti changkang thin mi reng reng Downtown ah vek an kalkhawm loh nan. Tanhtil, sairang, lengpui, Reiek, ailawng, selesih, Sihphir etc etc te hi chei vak tur. Housing Complex thar leh Business Centre te din tur.
    4) Elevated rd siamtheih theihna ah siam Public transport tih changtlun tur, Metro thlenga la nei tura Ruahmanna siam tur.
    5)School & College hi zing dar 7 ah tan ngei ngei tlai dar 3 ah ban ngei ngei. Office hi zing dar 9 ah tana tlai dar 4 ah ban ngei ngei. Bazar hi Zanlam dar 9 thleng hawn ngei ngei

    Report this comment

Leave a Reply

You must be logged in to post a comment.