Mizo te thlang tlak hma leh hnu pawh hian reitak chu nomadic ho angin kan pem kawi sek mai. Thilthar zawnchhuah (explore) duh vang nge, ral laka him duh vangin’ khaw hmun ngaiah kum tam khawsa lovin kan pi leh pu te kha an pemkawi sek thin.
Mi an thih nikhua pawh hian mi-naran ho chu thingkhawn hnuaiah te an phum mai thin a. Lal leh mi challang te erawh chu an in ur tluk tluk a an ruh a filh vekah bel-ah an in dah tha thin. Hripui len leh thlichhe tleh avanga mi tamtak an thih khan a huho deuh te chuan an lo inphum ve awm e. Heng an inphumna sulhnu hi han hmuh mai tur avang hle.
1894 ah Kristianna a lo lut tana 1900 tir lamah sikul te hawn tan lo niin, Kristian missionary ten thlan ngei a inphum leh in vui dan te min zirtir chho. Mumal taka Mizorama thlanmual hmasa ber chu 1922 khan Aizawlah missionary te’n min dinpui ani. Lal ho in lungdawh te pawh an ching chho ta bawk.
Kristianna avangin hma kan sawn zela kalphung leh tihdan mumal kan nei chho zela, thlanmual pawh Kohran dingthar in a enkawl chho zelin, hun lokal zelah VC leh YMA ten an enkawl ta deuh ber.
Thlan laih Privatize chungchang pawh kan lo sawiho tawh a, ram thang zelah Mizoram ah ngei pawh hian inhal rala, a vap phum mai te pawh hi kan la chin ngei a rinawm. Chung hunah chuan thlanmual pawhin ram a heh nep ngei ang chu, thlanlaih lah a awlsam sawt dawn a.
Hmanlai mithi ruang sawngbawl dan hi khaw hran hranah tihdan pawh a hrang ngei ang, chi peng hrang hrang tihdan te khaw hrang hrang tihdan pawh a inang kher lo ang. Hriat ang te thawh ho ila, thlanmual hmasa ber thlalak te pawh thawh thei kan awm chuan i han thawh teh ang u.
August 25th, 2009 at 1:55 am
Thlanmual tih vel chhiar na atan chuan a tlai tawh e mai. Khaw enah chhiar zawk mai ang
[Report abuse]
August 25th, 2009 at 2:50 am
Only a heart-beat away …-ah hian kan thlànmual tùr a lo indawh ut mai hi a ni ber e! Hlim taka kan inkàwmhote hi a hlu hle a ni. Mizo hnamin Thlànmual tak tak kan neih hmasak ber chu … MISSION VENG, AIZAWL-ah a nih thu ka chhiar tawh a, a inziakna Bu hming erawh chu ràlkhat atang hi chuan ka târlang fàk thei lo a ni rih e.
https://img44.imageshack.us/img.....053vqp.jpg
Cremation (Inhàl) —hi a hautak lo deuh ber. Mawihnai takin an kan then tàk hming —bangah an târlang thlap a, a vàp chu duh duh dànin chhûngten an sâwngbâwl zui thei bawk.
https://img35.imageshack.us/img35/72/dsc0133ewr.jpg
Confederate Soldiers of America-ho thlàn a ni, American Civil War hun laia mi tawh kha … lungphun hmalama te tak tè te hi a original a ni zàwk a; an Confederate Flag nèn —a hnunga thlànlung sâng zàwkte khi a duplicate an siam a ni tawh zàwk e.
https://img12.imageshack.us/img.....174unb.jpg
Pu H.V-a te chènna leilung hmun nuam leh thianghlim tak (midum tlèmna) Frederick-a thlàn hlui —lèn khawthawn nân pawh a nuam hrim hrim a, an epitaph chhiar hi a bengvàrthlàkin, thu mawi lungkuai tak tak a tam mai!
https://img39.imageshack.us/img39/9798/dsc0628w.jpg
Virginia State-a Arlington Cemetery —a mawi zual lai chu kan la khèk ve rih ang chu …ram la naupang tak USA hian Indona-ah a pasaltha huaisente a hloh nasa hle.
Tùnhnai mai khân Assam-a Doctor nu pakhatin, Indopui II-na hun laia a pa thlàn, khawi hmuna thi leh phùm a ni nge tih pawh an hriat tawh hauh loh kha, kum 60 hnu lamah tihpalh thilthuin Singapore thlanmuala a len khawthawnnaah a hmu palh nawlh e, an ti. Assam Tribune-ah August 24, 2009 ka chhiar tlat!
Bible thumal pakhat, Mizo tawnga HREMHMUN tia kan neih hi —a dik tak chuan THLAN tihna a ni zàwk a —Grik tawng chuan HADES an ti; Hebrai tawng erawh chuan SEOL an ti thung. Mitthi-Khua —meipui awmna erawh kha chu GEENNA (Gehenna) tiin Grik-ho chuan an sawi hrang leh. Mizo Kristian zîngah NGAIHFIN ta mai mai, hre hrang lo kan tam hle.
[Report abuse]
August 25th, 2009 at 4:33 am
Mizoten Thlanmual (Cemetery) bik kan neihna hi British Missionary te rawn luh hnuah chauh niin alang a, chumi hma chuan mahni huan vel leh khawilai ram ruaka inphum vel mai mai kan lo ni thin nia a lanna chu khawkhat mi rau rau pawh Thlanlung awmna a darhsarh em em a, Lal leh upa deuh te kha chu Kawtzawlah an phum tlangpui a ni chek ang, hmuh tur pawh a la tam deuh a.
Pasaltha Vana pa pawh Hnahlan khaw kiang Tuithoh lui kamah a thi a, chutah chuan an phum nghal tih kan hria a. Hetih lai hian amah hi Champhaia awm a ni. Chuvangin heng hunlai atang reng hian Thlanmual hi an nei hran lo va, a rem remna hmunah an inphum mai thin a lo ni.
Sap an rawn lut a, kan chindan tam tak tha lo lai te chu min tih danglam sak a, Thlanmual te hi hnam upa zawk leh fing zawk te chuan an lo ngai pawimawh em em mai a, a bik takin Sap kan tih Mingo ho ngat phei chuan an dah pawimawh hle a, mawi taka cheiin duty te an siam a, pangpar huan mawi tak nen an tihnum hlarh thin a, chutiang thinlung pu miten kan ram an rawn awp tak hnu khan, Thlanmual pawimawh zia leh kan inphum dan te chu felfai zawka hmun khata inphum khawm chu, hun lo kal zel atan a la tangkai zel dawn tih hriain min kawhhmuh a nih a rinawm.
[Report abuse]
August 25th, 2009 at 10:41 am
Mizo ten thlanmual kan neih hmasak chu missionary sap min siam sak a ni an ti a,1922 a Aizawl a mindinpui/dinsak chu Mission Veng ah hian a ni mai em?
[Report abuse]
August 25th, 2009 at 12:20 pm
@XaiA
Mizoram Legislative assembly kawt Laldenga thlan bul Secretariat hlui leh MPC office bul vel saw a hmasa zawk em le? Mc Donald Hill tuna CM Bungalow tlang pawh hi thlanmual hmasa ani thei mai em?
Misual zingah Archive lam access nei kan awm chuan a hrait theih ang. Heng thlanmual hlui i sawi leh ka sawi ho hi nang thlala thiamah i lo tlawmngai dawn em ni ? Tirh rual loh hnial rual loh
[Report abuse]
August 25th, 2009 at 4:29 pm
chawnghilh, Gehenna leh hades/seol ilo sawifiah a a lawmawm e. Ka hrelo hle tih min hriatchhuah nawn tir.
[Report abuse]
August 25th, 2009 at 4:36 pm
nia, thingkhawn hnuai te kha a then tan chuan famrolungmual a lo nia. tin, ka ngaihtuah fo thin pakhat chu mizo te hian thih hnu khawvel kan lo nei hi a mak ve mai mai ka tia. ka ngaihtuah chhunzawm zel a, hei hi Mizorama kan pipute chhuk hnu (1700) hnulam a ni ngei ang, a chhan chu Rihdil kaltlang a ngai tawh tlat. ti r’u?
[Report abuse]
August 25th, 2009 at 6:27 pm
Mizo râwlthar rual kha Zàwlbùk thlazàrna hnuaiah Vâlupaten training an pe thìn a —huaisen, hlauh nei lo tùrin. Thingthu kha thim hnuaiah an indah hlat siak thìn. Thlàn kal tlàngtein, an va dah thìn a … dawihzep deuhte phei chuan an thingthù dahna an chhui thei lo (an vawm mai thin avang khân, dah hnai nih zak ve tlat hèk) … an thingthu dahna hre leh chat chat thei, hla taka va dah ngamte kha chu truly certified an ni thìn, thlàn darhsarh vèl mai mai leh thlànmual hrim hrim hi chu a lo dang hle ni ngei tùr a ni.
Chhûra kha chuan a fa—a àwm hlum kha—zàmpherin a zial a, pùkah a thawlh niin a inngai. Pukah mihring ruhro kan hmu châwk reng a ni, thlànmual an lo neih ngai loh avàngin!
A thei-fa an inur mup mup. Ruhro erawh thûl mawngah te an dah tha ve châwk. Tianhrâng thlàn chu thùk fê fêa inphûm pawh kan hmu leh nual —Treasury Bûngpui hnuaiah pawh laihchhuah a nih tawh kha, làmlian-kawngpui thlanglam chhuahchhawngah WAR MEMORIAL STONE (ruang inphùmna tak tak erawh chu ni lovin) leh 1990 June 7 hnu lamah Pu Laldênga thlàn a awm belh ni tàin ka hria.
Vai inhàlho pawhin Tuikual luidung leh Tuirial Lei thlanglam hret, a lui kawiah inhàlna hmun bìk an nei ve tho bawk. Mitthi chhûngte inthenfaina tùr lui tè rawn luang, Tuirial lui rawn fin awmna bul a ni ngei bawk tùr a ni.
Mitthi thlarau chungchâng chu AD 1700 hnu lamah chauh, Tiau kànthlàk hnu, Rih Dìl kan hmêlhriat hnua Animistic Mizo-ten kan tihchhuah ve chauh. Reincarnation pawh hnam dang reincarnation ringte aia HLEIHLUAK zàwkin kan che hial. Dârkâr rei lo tè chhûnga —tawng thei mitthi thlarau, rûlpui, pangang, dùmdè … a ni hlawm tà em?
Raicheha thi …naupang thi kha artui nèna bêllâma phùm kher an ni thìn an ti. Artui lum biang biang zui zèlin, Pawla kawta inhrosa thei tèn tèn tak …. Pawla’n a lo zahder èm èm; bàkah Pialrâl thleng ta … nula virgin hamtha, tlangvâl nula thei ngei an hamtha … thangchhuahte nihlawhna pialral faisa tlànna ram …
Thih hnu hun engemaw chhûng mitthi thlarau chu khaw tui-tlan tuikhùr vèla khawsà, in chung liang zawh liam, Thi tìn thla a inher liama Myanmar Pialràl pan …
Ringtute Thlànmual awm hnu cheu pawha “Rih Lipui khi thlafam lêng kaina” tih hla Kristian-ten kan la kùrpui hi chu … Theologian-te an chèt deuh salh chu a ngai!
[Report abuse]
August 26th, 2009 at 10:18 am
Upate sawi ka hriat danin Zosap Missionary Pu Zosaphluia khan kum 1905-ah Mission Veng (Hriangmual) hi a lei a. Chutih laia inphumna mumal nei lova mahni in bul leh a remchang lai laia inphum mai thin kha tha ti lovin Kristian Thlanmual a siam ta a, chu chu tuna Mission Veng-in thlanmual atan an la hman reng tak hi a ni.
Kristian hmasa ber Khuma kha kum 1917-ah a thi a, Kristian thlanmualah hian phum a ni nghe nghe a. Mission Veng Biak In Pui kawtah khan Rev. Chhuahkhama thlan leh Khuma thlan hi a ding thin a. Rev. Chhuahkhama kha chu Biak In kawtah hian a ruang phum a ni a, Khuma thlan erawh a Hriatrengna lung phun mai a ni. Kum 1995, January 11 (Chanchin Tha thlen champha) khan Mission Veng Kohhran chuan Khuma thlan hi siamthain, tha takin lung an phun thar leh a ni.
https://i31.tinypic.com/33magr6.jpg
[Report abuse]
August 26th, 2009 at 10:35 am
khuma thlan thlang chiah ami hi pazawna thlan ami le…
[Report abuse]
August 26th, 2009 at 10:42 am
samuelapa sawi hi a dik duh hmel thlup thlup hle mai, hei aia thlanmual upa chu a awm hmel loh chuvang chuan mi(sual) hian Mizorama thlanmual hmasa ber atan MSV thlanmual hi i declare mai ang u. Thlanmual hmantan 1917 ti phaw ila, an phum ni tak a date pawh hria kan awm leh tho chuan ka ring
[Report abuse]
August 26th, 2009 at 10:49 am
Khuma an phum hma hian thlanmual hi an hmang tawh niin a lang, an hman tan tak hi 1910 vel a ni mai thei. Pu C. Vanlallawma hian Kristian Thlanmual tih chungchang zir chianna hi a ziak tawh tlatin ka hria, ka lo zawt chiang dawn em ni?
[Report abuse]
August 26th, 2009 at 11:34 am
E lo zawt chiang teh, heng ho te a lang hi chhinchhiah vek a ngai ani, kei lahin 1922 tih kan risk top maia, a dik zawk cho chhuak turin 1910 te pawh chu a awm hlei hlei mai ka ti, han fiah thuai teh leh.
[Report abuse]
August 26th, 2009 at 11:21 pm
kan pi leh pu te khan an thih in an inbul ah te an in phum mai thin kha chu ani ngei mai a kawtchhuah ah lung te an dawh mai thin anih kha maw in hre dik hlawm hmel khawp mai beng in ti var e maipawl put tur kan hmu zo ve silova in zarah kan beng a var leh ta
[Report abuse]
August 26th, 2009 at 11:34 pm
hmingtea@ lo tel zel rawh, a nuam ania, a ai ziak thui(sei) tak tak tur khi an la tam a nia..
[Report abuse]
August 30th, 2009 at 1:33 pm
C.Vanlallawma ziak Hringlan Tlang atanga lak –
1. 1890 February ni 4 Vai Lian hotu Mr Darly ho Aijal an din atang khan kan ramah awmhmun nghet an khuar
2. 1892 ah kan lalte an tlawm fel
3. Vai Lian te hmelhriat Suaka leh Thangphunga te tuna Mcdonald hill CM Bungalow awmna tlang ah Thangphunga Veng an dintir.
4. Nepali tawngthiam, tawng lettu-a an hman Lal Singh-a, Mizovin Lalchhinga an tih kha Babu Tlangah Lalchhinga Veng an din tir
5. 1895 velah Lammual laih an duh avangin vai sipai nupui awmna kha tuna Khatla ah “Vai Hmeichhe Veng” ti-a sawn a ni a
6. 1894-97 vel khan A. Porteous-a chuan Thangphunga kha Chatlangah, Thangphunga Veng atangin a sawn chho 1896 khan
7. 1896 tho hian Lalchhinga kha Hriangmual tuna Mission vengah hian sawn phei ani,
8. 1905 kumah Lalchhinga Veng hi in 100 chuang lai niin, Tlangnuamah sawn leh an ni, a ram hi Zosaphluia Rs 100 in a leitir vangin
9. 1905 kum hian Zosaphluia hian model village tura plan in Lalchhinga Veng thin ah khan 1905 hian thlanmual tur hi an lo din ta a ni,n
10. 1902 ah kan late kha ramri an siamsak vek, ramri kham chinah duh duhna hmuna pem a ti tlem
11. 1901 ah Cole sapin Bazar a hawng
12. Thlanmual dang hi 1905 hnuah Saitual lal Dorawta te Durtlang lal M Suaka te leh Zotlang lal Thanghuta ten thlanmual an siam ve
13. 1930 khan Mizoram awptu Superintendent CGG Helme khan lalte an khua-ah thlanmual nei vek turin thupek a chhuah vangin khawtinah thlanmual kan nei ta.
[Report abuse]
August 30th, 2009 at 5:07 pm
mzvision,Pu C.Chawngkunga sawi dan chuan hman laiin Mizo te hian khaw hming kan nei mumal lo a,”khawi khua nge?’ ti lovin ‘Tu khua nge i nih?’an in ti thin.Chutiang bawkin thlanmual pawh kan nei mumal lo.Kum 1918 a hripui a lo thlen khan mi an thi nasa a,Pa ber thlan chu kawtlaiah an lai a,nu a thih chuan kaitenah ,naupang inhnuaiah,thalai erawh thingkhawn hnuaiah.Chu chu Parry sap khan tha a ti lo a,thlanmual nei turin a ti ta a,kum 1922 May thla ah Aizawl ah neih tran ni awm in a sawi.
[Report abuse]
August 30th, 2009 at 5:24 pm
@XaiA
chu ka va lo risk dik teuh ve.. mahse # 16 hi Hringlang Tlang bu C.Vanlallawma lehkhabu keu meuh-a ka komment a ni a dik ka ring 1929 a Thu leh hla Editor Makthanga thuziak te hial quote turin a bei nasa.
[Report abuse]