Ka Pu,
Kan thlangtling ta sauh sauh bawk che a. I beisei ang ngeia thil a inherchhuah takah chuan, kan beiseina dawrawm te te te hi min lo ngaihthlaksak ve reng reng la. MLA nih pawh i thiamphah sawt mai thei a sin.
Kan bial hmasawn nana hma la chiam turin kan beisei lo che. Kan Bial chhunga khaw kawngkar chhe tak takte hi siam tha turin kan beisei hek lo che. Zirna leh khawtlang nun hrim hrim chawikang a, eizawnna mumal zawk kan neih theih nana kawng min kawhhmuh tur leh kan hruaitu ni turin kan beisei hek lo che.
Khaw hrang hrang tlawh kuala, i bial mipuite harsatna leh mangannate hmufiah thiam tura kan zinga zan riak zauh zauh tur pawhin kan beisei hek lo che. Amaherawhchu, mitthi kan neih apianga Rs.500/- aia tlem lova ral ziah turin kan beisei che a; innei lawmpui nan te pawh i sumbawm te han karhawng thin la kan lawm ngawt ang. Tin, keini ram angah hi chuan Krismas apiang hian Masi Card man tlawm deuh hlek chi pawh i lak atangin chhungkaw tin hian dawn kan beisei bawk. Ruaitheh leh huau huau lian tham deuh a awm dawn apiangin rawn tel ve la; Rs 10,000 vel min pek a, zaithiam lar pahnih/pathum i rawn hruai bawk chuan kan beiseina i tihlawhtling a ni mai.
Kan beiseinate hi mawl te te a ni hlawm a, Politics khelmuala tal ve ngai lem lo tan pawh hriatthiam a har loh em avangin i hrethiam zung zung mai ang.
Zirlai lam hi thawm nei bengchheng thei deuh hlek leh i tana pawi thei thil eng eng emaw sawichhuak a, thil tih tul lo pui pui tih ching an ni nual hlawm a. I fimkhur hle a ngai ang. Anni tlawn lungawi tur leh sum hmanga an hruaitute ka hup thiam turin kan beisei che a. Zirna hmasawnna lam kawngah hma la eih lo mah la, zirlai hruaitute i biak thiam chuan zirlaite ngaihsan i hlawh tho tho ang.
Puipun nikhua ilo velah thutiam eng eng emaw hmanga mipui min dawi kual vel turin kan beisei che a. I intiamkamna chi hrang hrang hi ngaihthlak nuam kan ti ve hrim hrim a, keini mipui nawlpui lawm tawk hi a tling zova, a hlawhtlin nan hma la turin kan ngiat hran lo che, kan Pu i nia lawm maw le.
I khawsak phung kan hria; i fate tualchaina leh an thlatin sum khawhral dan pawh mita hmutute sawi kan hre bawk. Inthlan laia i sum hman ral zozai tam tham dan tur zawng zawng leh MLA i nih chhunga i hlawhin a rulh sen hauh loh tur i hman ral dan te hi kan hria a, chuvang chuan i nunphung pangngaia nung phak zel tur leh inthlan leh huna i campaign na tur sum te, YMA leh MHIP Conference i pek tur sum te i mamawh miau avangin eiru deuh nual turin kan beisei bawk che.
Kohhran lampang pawn i lakah beisei sang tak kan nei. Hetia dinhmun sanga i han ding ta hi, a zar zo awm ber chu Kohhran hi niin kan inhria. I thilphal dan azirin Tantu dinhmun atangin Nilai zan thupui hawn thlengin i kutah hlan kan hreh hauh lo. I thahnemngaihna azara missionary pali vel te kan chawm belh theih hlauh chuan kan upate leh kohhran hruaitute vote hi chu i ta a ni fo ang. Krista hnung zui turin kan beisei lo che; kohhran upa thenkhat duhthusama nung turin ani kan beisei che ni.
Ram hmasawn tak tak theihna kawng ni lova, ‘ram hmasawn theihna kawng niawm taka lang’ ngaihtuaha chak taka hma la turin kan beisei che. Mizorama kan chin ngai lem loh thlai hming mak tak tak chaw lut a, fak mawi vel tur leh, i nupui fanau leh thianthate nena in inawmtleina tur Thlam leh tuikhuah te nei ngei ngei turin kan beisei bawk che. Amaherawhchu, Zoramin kan neihsa, thing leh maute hman tangkai dan turte hi chu ngaihtuah buai vel turin kan beisei hauh lo che.
Tin, keini inthlan laia i tan liau liauva ban phartute leh ruahpui vanawn leh rial hial pawn a chhut hrep te hian Contract hna chhete tal min sihhmuh ve ngei kan beisei tlat bawk a, min ngaihthah thiang lovang. I vua leh vang, thenrual tha sawrkar hna la chelh ve lo ho zawng zawng, a hminga kawlawm dawm ve thei tawng tawng chin chu sawrkar hna pe vek tura beisei i ni bawk. Heng ti tur hian dan engzatnge i bawhchhiat tih chu keini lam zawngin kan lungkham lo. I zar zo ve hi kan phu tlang a ni ber mai.
He dinhmuna i din chhung hian i fate khawsakna khawpui leh in nu bazar duhna hmun khawpuite official taka tlawh zauh zauh tura beisei i ni. Masi dawnah pawh in family tradition ni awm taka Bangkok vela han bazar vel turin kan beisei che.
Heng chauh lo pawh hi beiseina chi hrang hrang kan la ngah mai. I hmaa ke lo pen tawhte pawhin kan beiseinate hi tihlawhtlingin ‘bumhmang’ an lo ni tawh thin a. Nangpawn kan beiseinate hi han tihlawhtling la, bumhmang i ni ve ngei ang. Mipuite hi khuang vuak fung chelhtute kan ni a, vawiin ni thlenga UT Zu kan la ruih avang hian pawisa menin kan meng a, kan khuang vuak rema i lam thiam leh i hlawhtling a ni mai.
Similar Posts:
- Ka nu chawhmeh siam kha ka va ngai tak em!
- Mizo class
- Tlawng ah insu ang aw
- Thihni-ah kan tah si loh chuan
- Zofate Internet Inpui or Online Home
June 11th, 2010 at 1:49 pm
Kan beiseina te hi politician ho tan pawh han tihhlawhtlin vek chu a harsa ve khawp ang le.
[Report abuse]
June 11th, 2010 at 1:50 pm
jewel a nuihzathlak i ti ve lo ami? Ka lo nui uar mai asin hihi… Keipoh JLo leh Pi Pari te ngaihdan hi ka thlawp zawng tak. Politics revolutionize duhte zing ami ka ni 1st.. thisen tlem azawng alo chhuak anih paw’n, ram thatna tur anih chuan ka thlawp ka ring.
[Report abuse]
June 11th, 2010 at 1:55 pm
@gothica a post neitupa hian a hau ang che..mi ram & hnam hmangaihin post an siam be a, lo nuih triah2 te chu a.. i tizialo e mei
pibuhdeng pon a khongaih to te mei ania..kei ang hian lo inhmuam up ve hmaks to ro 
[Report abuse]
June 11th, 2010 at 2:16 pm
lalpeace-a chu…haha..vawiin chu in va han lak tlak loh hlawm chiang e aw…ka bei in ti dawng khawp mai
sunshine-a lah hi..Love letter EMAW te a lo ti vel a..hmangaihna lamah i pachhe hrim hrim nge..hmangaihna hian fam lovin dairial a chansan zawk che?
[Report abuse]
June 11th, 2010 at 2:21 pm
nia, a beidawnthlak eee
[Report abuse]
June 11th, 2010 at 2:28 pm
keipawh ka bei inti dawng
[Report abuse]
June 11th, 2010 at 2:35 pm
mimal tak pawhin ka bei i tidawng khawp mai
[Report abuse]
June 11th, 2010 at 2:41 pm
@coolsoul09…….huhuhu…. a ‘rasgulla’ em a….love letter ni awm tak a ni ka tih vang a nia…te ka tia…
[Report abuse]
June 11th, 2010 at 2:43 pm
@Coolsoul09, thuziah hi I thiam khawp mai.
Ramhruaitute tan pawh in hmuhchhuah uai uai na tham chu ani…..
[Report abuse]
June 11th, 2010 at 2:45 pm
‘Amaherawhchu, mitthi kan neih apianga Rs.500/- aia tlem lova ral ziah turin kan beisei che a; innei lawmpui nan te pawh i sumbawm te han karhawng thin la kan lawm ngawt ang. Tin, keini ram angah hi chuan Krismas apiang hian Masi Card man tlawm deuh hlek chi pawh i lak atangin chhungkaw tin hian dawn kan beisei bawk. Ruaitheh leh huau huau lian tham deuh a awm dawn apiangin rawn tel ve la; Rs 10,000 vel min pek a, zaithiam lar pahnih/pathum i rawn hruai bawk chuan kan beiseina i tihlawhtling a ni mai.’
Tih hlawhtlin theih mai awm chu an nih khi maw le..
[Report abuse]
June 11th, 2010 at 2:59 pm
Beiseina beitham, inzirna tur kan hmuh ṭheuh theihna a nih hi! @coolsoul09 i ziak ṭha hle mai.
[Report abuse]
June 11th, 2010 at 3:40 pm
Diktea_Pa & lalpeace po hi an ron copy paste kual ve mei2 chu ni khi… ngaihdan ropui tak po an ron nei biklo
Post neitupa bei an tidawng zual ang chu ooo…mi pangai ve ve deu te po an la ron kal em ang chu mo..tuna tan chuan ala beidawnthlak zel rih zawng ani hi ti raw pu coolsoul?? 
[Report abuse]
June 11th, 2010 at 3:43 pm
A va beidawnthlak thin em!! Kan beidawn poh leh rah tha hmu tur paw’n rah a nei dawn siloa. Copy paste tur chang ve tawp ang
[Report abuse]
June 11th, 2010 at 4:46 pm
Hman a Kuthnathawktu, Chemtum leh hnathawh kawr nen a kawngzawh te kha… khawnge an awm takle? kha tih lai kha REVOLUTION hnaih berlai a ni mai awm mange ka ti… an ni pawh hian “if you cant win them, join them” kha anlo thlawp/pawm leh diam tawh em ni aw..
[Report abuse]
June 11th, 2010 at 5:19 pm
NLUP lam i ziak tello tlat mai a..
[Report abuse]
June 11th, 2010 at 5:29 pm
Tlai toh hle mahse ka hman hun a ni ve tlat……..a va han tha elhkhen ve male oooo
[Report abuse]
June 11th, 2010 at 5:39 pm
Mipui rawngbawl tura kan thlan tlin te hi LAL ah kan ngai hi a dik em? Mipui tan hian rawng an bawl nge anmahni tan an bawl ber zawk nge an awmna Party rawng an bawl?
Mipui rawng bawl thei tur hian chimbuai lutuk lo ila duhsak bik nih beiseia kan dawr vek chuan DAN BAWHCHHE turin kan nawr tihna ani. Duhsak bik leh thlei bik neia ro an rel chuan dan an bawhchhe chiang tihna ani bawk ang.
A thlangtu kan nih vanga mimal min duhsak lam ni lovin mipui te hmasawnna tur leh lo changkan zawk nana theihtawpin hna an thawk tur ani.
Khawhar ina lenga Rs 500 vel ralna pea hun khawhral kha mipuite tana rawngbawlna daltu lian tak ani lo maw
[Report abuse]
June 11th, 2010 at 6:00 pm
camping chhawng 3 threuh kan mamawh aniang a?
han camp ila, a pui a nawi in, nuam ang chu… camp luh zan phei phei..
[Report abuse]
June 11th, 2010 at 6:33 pm
he post chu a that nen….
an va chhuah ho hlawm ve!!
misual.com hi a va ho in quality a va nei ta lo ve.!!!!
hmmmmmmmmmmm
[Report abuse]
June 11th, 2010 at 6:44 pm
@bawmrang… chutak chu alawm kan sawi kan sawi… a hnuai ami ang hian
https://www.1238am.com/?id=j3mt.....2d3akhhbg4
[Report abuse]
June 11th, 2010 at 6:49 pm
thu tha ai chuan,hohna thinlung hian mihring nun luah tam thin viau sin!!!!post that pohleh kan fiamthu sang xel nimai lo maw ka lo ti nuah2 a….fiamthu duh hnam kan nia!!kan fiamthu duh luat ah hian chet chhiatna kan nei thei ve tho mai!!!thil chu ho deuha la tu tan chuan lo ho thei viau bawk xel…thutakna ah thutak thiam mizo nih kan va ngai tak em!!ka lo ti ve mai2a(@bawnrang)
[Report abuse]
June 11th, 2010 at 9:54 pm
Nuihzatthlak lamah kal lek lek thei dawn mahse, Zoram Politics a lut duhtur leh awm mek ten a taka an hmachhawntur/hmachhawnmek anih duh hmel hle mai. Politics kan khelh dan ziarang a ziaktu hian a rawn phawrhchhuak thiam hle mai. Hetiang Article awm zeuh zeuh thrin hian Misual.com hi tlawh a ti nuam thrin
[Report abuse]
June 11th, 2010 at 10:26 pm
Politicians te u, in ngaihtuahna zawng zawng khan Ram hi vei duh suh u. Mihring ve tho in ni a, in mimal hmakhua te pawh ngaihtuah a tul ve bawk alawm. 100% hi inhruai mipuite hian kan beisei hauh lo che u.
Mahse, in engkim atangin 60% tal hi i ram tan hian han hlan thei ula chuan aw… Hmuh theihin kan ram hi a thang ngei ang. Ram tana in hlan percentage hi a hniam lulai em thin alawm. In sumbawm a khah liam zawih zawih tawh hnuah pawh in laina hnaite sum bawm thleng thleng khah liam tir in tur thin a. Hlimna tur emaw intih kha in hlimpui rei dawn hauh lo a nia. Hre reng rawh u.
Ropuina lem uma phe phe lovin, thil nghet leh belhchiandawl lamah rilru pe teh u. Hun tha in neih lai hian RAM tan thawk rawh u. In khawnvar hunna hi sawn saka in awm hun chuan, inchhirin iak iak mah ula, in tlai tawh si ang. Khua a en lai ngei hian thawk teh u.
[Report abuse]
June 11th, 2010 at 10:35 pm
Mi tlemte ngaihtuahna a chawhthawh pawhin a lawmawm a lawm le..
[Report abuse]
June 11th, 2010 at 10:51 pm
Ha ha!!A Post tu hian thu athiam hle mai o!!2013 MLA Election ah Party Ticket a beisei loh tak ah!!. Uluk tak achhiar in Beiseina nung a nei tlats.
[Report abuse]
June 12th, 2010 at 4:41 pm
Ni khawp mai, fiamthua la pawl awm mahse he thuziak hian awmzia a neiin hlawkna a awm ngei ang. A thawhtupa, Keep It Up… Tha ka ti hle tak tak ani…
[Report abuse]
June 13th, 2010 at 3:02 am
Nie Beisei bo hi kan beisei leh thin.
[Report abuse]