Hun hmasa lamah chanchinbu leh news thenkhat ah te Mizorama kan airport neih chhun Lengpui Airport ah Instrument Landing System (ILS) bun anih tur thu te kan hmu in kan hre tawh awme .Sawrkar lam pawh in theihtawp chhuahin hma a la zel turah ngai ila, an bun dawn leh bun dawnloh chungchang chu lo dahtha ta ila,tuntumah chuan enge ILS chu anih a,mipui tan enge a tangkaina, enge a thatlohna te i lo en ho dawn teh ang u.
Instrument Landing System(ILS) chu radio signal hmanga thlawhna chhum zing leh khawchhia, meikhu kar ah pawha him tak leh tha taka runway a tum tir theitu khawl ti mai ila kan hrethiam mai awm e.
International Civil Aviation Organisation(ICAO) in ILS hi category hrang hrang ah an then hranga,chung te chu lo en thuak thuak ila:
i)ILS CAT I
ii)ILS CAT II
iii)ILS CAT IIIA
iv)ILS CAT IIIB
v)ILS CAT IIIC
Airport awmna a zir te, a airport lun dan a zir te leh mamawhna a san ang zelin category hrang hrang te hi install anni thin, a category sang apiang hi a tha a, amaherawh chu install man hi a sang hle thung. Kum 1964 March thla khan fully automatic landing(ILS CAT IIIC) hmang hian Bradford Airport , UK ah hlawhtling taka thlawhna lo tum tir tawh ani. Mizoram tlangram ah hian duhthusam in a function thei angem ?.
ILS hi hlawm lian deuh deuh 3 hmanga operate ania, chung te chu lo en leh ila, a tlangpui chauh in.
i)Localizer: Thlawhna lo tum tur runway lai taka tum thei tura lo guide tu ani. 150hz frequency runway dinglamah pechhuak in 90hz vei lamah, chumi radio signal intersection hmang chuan thlawhna chu runway threshold ah a guide ani.108-111.975Mhz a operate ani.
ii)Glide slope/glide path: Heihi 328.6-335.4Mhz a operate niin thlawhna sang taka thlawk chu angle mumal taka neia thlawh hniamtir tura guide tu ani ve thung ani.
iii)Markers: Marker beacon hnathawh ber chu thlawhna a glide path a lo thlawk a runway atanga a hlat lam, a san zawng leh flight level etc te lo hrilh tu ani. Marker hi chi 3 ah then hran leh ani a i)0uter marker: Heihi runway atanga 7-8 kms vela hla ah dah ani thin a,thlawhna in hemi hmun alo thlen hian purple colour indicate in cockpit ah 2dots/sec(ri tet tet) a pe chhuak thin.
ii)Middle marker: Hei hi a tlangpui in runway threshold atanga 3500ft a hla ah a awm thin, a hma ami ang chiin, amber colour pe chhuak in cockpit ah continuous dot ri a siam .
iii)Inner marker: Runway threshold atanga 1000ft a hla ah dah ani thina, thlawhna alo paltlang chiah khan cockpit ah white colour leh 6dots/sec ri a siam thin.
Awle, ILS chu enge anih a tlangpui kan lo hre ta a, Mizoram tlangram ah hian duhthusam chuan a function lo mai thei a, mahse kan harsatna tam tak chu a su kiang ngei ang.
Mizoram atangin damlo, sumdawng, sorkar official, zirlai leh zinmi tamtak flight delay/cancel avanga buai leh mahni tihtur pawimawh chan phah pawh kan tam awm e,a bik in lohal, khawdur chang te in a buaithlak thei thin hle ani.
Thlawhna lo tum tur tamtak chuan runway vawi 3/4 te an hel hnuah tum leh lovin an kir leh fo thin a,hei hi a chhan chu visibility that tawk loh vang a, pilot in vertical/decesion height khan runway hmu thei mahse runway a tum tura a elevated/slant height (atum dantur angtaka runway ahmuh dan) anga visibility a duh ang a neih theih loh chuan tum lovin a kir leh phah ta thin a , hei hi ILS hmang a solve theih ani. Pilot dawih vang ni lovin airworthiness leh safety(passenger and aircraft) ngaih pawimawh vang ani.
Awle, a thatna te ilo enleh zuai zuai ila.
i)Ram hal vanga meikhu, chhumzing leh khawchhiat ni pawn tluang takin a hmantheìh a, flight cancel leh delay a tlem ang.
ii)Airport a ti changtlungin hmasawnna lian tak Mizoram tan ani ang.
iii)Pilot teleh Air Traffic Control(ATC)te buaina a chhawk ang. A dang pawh a la tam ang chu.
A thatlohna te lo en veleh ila.
i)ILS localizer leh glide slope beam te hi hriatlawk loh in radio interference a vang leh thil dang avang ten an lo kul (bend) thei a, hei hian indication dik lo a siam theih avangin pilot te alert reng a ngai.
ii)A install man hi a sang chungchuang hle. India ramah pawh ILS CAT IIIC hmang thei phei chu airport tlemte chauh anni.
iii)Vawikhat install tawh chuan hmun dangah a sawn leh theih tawhloh avangin install hmain hemi lama mithiamte rawn a tha.
iv)Tlangram, terrain ah te duh angin a accurate tawkl oh avangin uluk lehzuala zir chian a tha.
v)Helicopter leh Vertical Take Off and Landiing(VTOL) Aeroplanes ten an hmang theilo.
vi)ILS hi thlawhna lianah hman ani tlangpui a, tin operate tur hian pilot in training a hrana a kal angai bawk.
A chunga kan sawi zawng zawng te khi a tlangpui kan hriat thiam nan leh Lengpui airport a an lo bun hun pawha kan bo lutuk loh nan ani e, a chipchiara ziah anih loh avangin tih hmaih leh tihsual a awm chuan in ngaidamna ka dil lawk bawk e.
Misual ho chu kan fing leh ta sawt animai ..!
Similar Posts:
- Lengpui ah thlawhna chesual trep
- ILS Lengpui Airport ah bun dawn
- Hyderabad air show ah thlawhna chesual
- Thlawhna cancel + Airport MI
- Lengpui Airport – Kan neih chhun
Bible Society ah hian a thawh...
May 7th, 2010 at 7:03 pm
Tiang an hman chuan thil pawimawh a zin tur beidawng a kir leh a awm lo deuh ang chu.
A that lohna i ziah a mi, “pilot te an alert reng angai,” i tih khi pilot an alert loh ten an chesual fo anga sin mawle. Mihring tam tak nunna an kutah a awm a, an de kawr reng turah ka ngai.
Report this comment
May 7th, 2010 at 7:06 pm
khai min khalh chu le…. A va bengvar thlak dep dep ve le…. A post tu chungah lawmthu awm rawh se.
Report this comment
May 7th, 2010 at 7:19 pm
@^-||RaLtE||-^: Khawngaihin i mail lo check lawk teh.
“iv)Tlangram, terrain ah te duh angin a accurate tawkl oh avangin uluk lehzuala zir chian a tha.” hei hi a pawimawh khawp ang.
Report this comment
May 7th, 2010 at 7:35 pm
PimPom ka reply toh che
Report this comment
May 7th, 2010 at 7:40 pm
@^-||RaLtE||-^: ka lawm lutuk e
Ka OT a ni maw
Report this comment
May 7th, 2010 at 7:42 pm
PimPom :lol: clap clap clap
Report this comment
May 7th, 2010 at 7:44 pm
BREAKING NEWS: PI VANLALRUATI (ZOAWI LELTE) chu hun rei tak a lo tawrh tawh Cancer natna avangin zanin dar 7:15 khan kan chan ta! Ka va ui em! Khawhar chhungte Lalpa’n awmpui rawh se.
Report this comment
May 7th, 2010 at 7:46 pm
News dang leh…. Mission Venga sikul naupang kum 6 hmeichhia chu Khatla tlangval kum 24 mi in a pawngsual voinah.
Report this comment
May 7th, 2010 at 7:46 pm
Ka van ui tak em…. kan naupan zual laiin, an dawhkan ah kut hnungsuih a dingin min zaitir thin, kan lian ve uaih tawh mitthla ah lang a van tam vele
Report this comment
May 7th, 2010 at 7:49 pm
Ralte, A zo a vai in, Khatla ho hi tunlai an va strength ve mawle
Naupang dimdawi loh pawh tih tawh nak alaia, pawngsual hi chu dam/nung tlakah ka ruat lo. Tawngthu chhe lovah, kan chhungkua ah hian thleng ve palh ta sela, engtin tak tuar ang i maw
Report this comment
May 7th, 2010 at 7:53 pm
Pu HV…. he tlangval sual zia chu… an soi dan chuan Tlangval hian mi in pakhatah a kal pui a, in chu tala in a inkalh a chu chu a tichhia a, a pongsual ta a, chuan tukverh ah thlak a tum lai chu kawng kal pakhatin a hmu hlauh a, hmeichhia naupang chu a thi nasa bok a ni om e, chuan a ringhlel a, an man ta a ni awm e.
Report this comment
May 7th, 2010 at 7:54 pm
@ H.Vangchhia ……”A zo a vai in, Khatla ho hi tunlai an va strength ve mawle
“….hets HV
Report this comment
May 7th, 2010 at 8:35 pm
Engpawh ni se,ruah leh chhum zingah pawh tum chat chat theih chu a nghahhlelh awm e.Tum hnih tum thum kan tum thei tawh lo a,buaithlak em mai.
Report this comment
May 7th, 2010 at 8:45 pm
He post chu a va thra em chhiar fo tur anih hi. Lengpui a ILS bun hi localizer hi airport chhim lamah phun ani a designtu AAI ho ngeiin an phun.
Glide path hi airport hmar chhak runway dep mai-ah dah ani bawk. Hei poh hi AAI ho install vek a ni.
Marker light ho hi localizer awmna lampang-a dah tura ruahman an ni.
Heng ILS I hi calibration aircraft pohin a endik vek tawha DGCA license nghah mek niin ka hria.
Hetiang ILS hi mihringin a install theih chuan an awmna hmun hi mihring bawkin a sawn theih ngei ka ring. amarawh chu a thar vuah ang chiaha tih thrat leh vek erawh a trul ngei ka ring.
ILS hi license la pek loh mah nise pilot trum ho chuan an hmang reng tho an ti mahse Visual landing rules hman ala nih vangin ATC ho in visibility 4500m aia hniamah thlawhna lian an la trum tir duh lo anih hmel
dan te te hi a awm vek zela, nghak hram hram zel phot ila
Report this comment
May 7th, 2010 at 8:49 pm
Thil tha leh tangkai hi chu Mizoramah hian awm ve zel se a lawmawm ani mai.
Vanlalruati chu a ka vanuui tak em may her soul rest in pice
Report this comment
May 7th, 2010 at 8:52 pm
Pu H.V Pilot alert reng angai katih khi ka explain mai thiamlo a,a awmzia tak chu ILS anhman dawnchuan ahma aia uluk lehzuala inrin angai ka tihna ah lo ngai mai teh.Hehe
#marker khi 75Mhz a operate ani.
#ILS CATIIIC pheikhi chu pilot in runway hmumiahlo mahse a tum thei.Hei hi mizorama bun antum kha ani in kahria, kahriatsual lohchuan, hmang pawh india ahchuan delhi airport,mumbai airport leh adang khawi ah emawchuan an awm ang,mahse hmang antamlo khawp mai,aman asang lutuka,
#NEC khan cheng vaibelchhe50+ kha a thuin apetawh anti mikha ??
Report this comment
May 7th, 2010 at 8:53 pm
ok, ty
Report this comment
May 7th, 2010 at 8:55 pm
Pu mz chu kei aiin lengpui news ihre zawk daih alawm,hansawi zelteh khai, an bun laipawh kalo hreve reng reng hleinem, !!Ka hawi hai lutuk lova mizoram lam chanchin ah hian…Hehe
Report this comment
May 7th, 2010 at 9:03 pm
Post tha hle mai. Hetiang post hian ‘misual’ nih a ti nuam
Report this comment
May 7th, 2010 at 9:06 pm
a ngaihnawm hle mai
Report this comment
May 7th, 2010 at 9:36 pm
teleptuama khan min chhang thei angem aw -
Delhi Airport ah hian ILS an nei mahse tinge chhum zing avang hian flite an cancel deuh reng le? Delhi khawpui zawl ah te chuan ILS te chu hman theih awm tak..
Report this comment
May 7th, 2010 at 10:04 pm
@Gold
ILS Category III ho poh hi Pathian thilsiam weather an la ngam chuang lo US or India ah poh.
Aircraft hi ILS III enabled anih phoin Pilot kha ani lo ve thei tho :?:
Pathian ropui zia tilang tu ani i ti mai ang i Q a chhan loh tak chein ka lo in rawl ve keuh kei misual hi
Report this comment
May 7th, 2010 at 10:09 pm
Goldmember, i zawhna chu zawhna pawimawh tak ani awm e.A chhan tamtak sawitur aawmthei awne, ahmasa berah chuan ILS hi take off na nilo in landing atan chauh ti hrephawt ang.
Delhi airport ah hian kahriatsual lohchuan ILS CAT IIIB dah ania, cat 3b hi runway visual range(RVR) 50m vel thlenga hmantheih ani. Delhi airport ah hian hmundang anglo takin chhum leivak fog kantih ang hi anasa bik em ema, hei hian RVR 50m aia hmiam a awm chang aawm thin a,mahse cat 3b hi RVR 50m aia hniamah chuan duhangin a function tha theilo,tin(ILS CAT3C dah mai awm ?), pilot pawh hemi operate turhian experience thatawk aneih angai.
News leh internet vela kalo hriatdan chuan Air traffic control(ATC) a thawk tepawh duhang in an expert tawkloh thuleh,khawl felhlel a awm zeuh2 thu an sawi,tin,pilot tepawh duhanga an expert tawkloh avangin diversion siamin jaipur,mumbai etc ah te tumtir anni thin anti.
ILS operate turhian pilot leh ATC lama thawkte expert tak annih angai.
I zawhna ka chhang em aw ?
Report this comment
May 7th, 2010 at 10:12 pm
@mz/teleptuama : ka lawm e. Ka chiang viau tawh e. Aviation hi ka tuina zawng a ni ve reng reng a.
Chutichu LEngpui ah hian ILS kan hman theih tak tak loh hmel. A lo tangkai zeuh zeuh chang te pawh awm mahse a investment ngaihtuah chuan a tel lovin kan awm thei tho angem?
Lengpui ang type Airport hilly region Airport ILS hmang an awm em ram dangah? Hre mial lo maw.
Report this comment
May 7th, 2010 at 10:14 pm
Tin,Pilot tehi ILS category hrang2 hmangthei turhian an training vek angai bawk a, chuan a training manhi a sang bawk anti, ansawi danin air india pilot tehi training tir anni tlangpuia,mahse ataka han hmang tak2 turchuan anla exper tawklo pawh ani ang e, hmachu kansawn zelturah ngai phawt ang
Report this comment
May 7th, 2010 at 10:19 pm
Ty,Nia,keipawh sawichhuak chuanglova kalo ngaihtuah mai2 ania, aman asang r0pui sia,tlangsam ah hian duhang takin ahmantlak angem tih hi ka lo ngaituah mai2 thin,tin lengpui airport a hman anih dawnchuan ATC pawh ILS lama expert tak an ngai ngei anga,delhi ATC tepawh duhanga an expert lo antih chuan thawk tur te an awm angem tih te kalo ngaituah mai2 a,mahse hmasawnna zel ani e, a thavek mai,
Mizoram ang tlangrama hmang chu kavan hremai biklo em,..
Report this comment
May 7th, 2010 at 10:25 pm
Mizoram atan chuan Helicopter lian chi Chinook civilian helicopter te ang hi service ve se.. tha phian ang a te ka lo tia.
https://en.wikipedia.org/wiki/CH-47_Chinook
Civilian Model kha han en chhin teh. Passenger pawh phur hnem ve thei tho asin.
Report this comment
May 7th, 2010 at 10:38 pm
Nia,atihchi phian maithei ani, kanram chhengchhe lutuk hi chu,anuam ve bawksia…,pathian in kan awmna turatana minpek ani sia kan sawisel ngawt thei bawksilova.
Ka idea mai2 ahchuan lengpui airport ah chuan,microwave landing system (MLS)antih tehi a that kan ring a, satellite communication hmang ania,mahse a to lutuk ILS ai in..
Report this comment
May 7th, 2010 at 10:45 pm
Teleptuama hi i lo ril zek hi maw le!
Kei ka englo thenna lo lam a nia!
Roger that!
Charlie!
tih vel hi ka hriat teuh ve ber chu a ni.
Tlangram a tha hi phaiah a tha ve kher lo mai thei, chutiangin phairam a tha hi tlangramah a tha kher lo thei bawk. hunin a rawn hril ang chu.
MLS chu GPS nen a danglamna a va tlem awm ve aw?
Report this comment
May 7th, 2010 at 10:52 pm
Goldie, hetiang helicopter chu a tha lo ang,a din rei hmel tawh em mai :lol:
https://img687.imageshack.us/im.....gp0919.jpg
Report this comment
May 8th, 2010 at 3:38 pm
#lushai, i tizahthlak emai,minbawl chiang…Ka lai der ania, tak tak in ka ril pawh ka inti hranpa lo,i ti lawmawm hrim hrim mi fakder i thiama, i fing kati.
Report this comment
June 16th, 2010 at 3:55 am
#28 na a MLS satellite comm hmang katih khi tihsual liau2 ani e,secondary radar hmanga Operate zawk ani e. Microwave Enhance Deviation Guidance Equipment(MEDGE) ahmang , I apologise
Report this comment