Hman deuh lawk khan mi(sual).com ah hian BREAKING NEWS SECTION hi khawilai kilkhatah emaw siam ni se tih rawtna ‘Post’ kha a awm a. Tunah hian chumi tuihnihna niawm takin “Rawtna kan theh lut ve lawk” tih Post a awm leh a. Hei hi a pawimawh khawp mai! Kei erawh chuan chuti mai chuan ka la duh tawk lo cheu. Khawnge, ka rilrua ka pai ruk reuh reuh ka han thehchhuak ve teh ang e. A nihna takah chuan tuna awm thar thut ni lo vin, hman atang tawha ka rilruk thin a ni zawk)
Pathian zarah Zofate hi ram hrang hrangah kan inzarpharh ve ta khawp mai a. Hna hrang hrang, inang lo tak tak vuanin mi inang lo pui pui kan ni hlawm a, a lawmawm. Chung Zo hnahthlak ram tina awm zawng zawngte leh keini Zoram chhunga khawsate tan IPTEPUI BANNA leh INTERNET INPUI-a kan hman tangkai theih theuh tur khawpin mi(sual).com hi chawm len a hun ta hlein ka hria.
Leilung pumpuia Zofa awm darh zawng zawngte tana thu haw lam leh kal lam, thu chhia/tha pawh kan inhriatpawh zung zung theihna ZOFATE INTERNET INPUI/ONLINE HOME atan “mi(sual).com hi upgrade ang u” tiin ka han rawt a ni ber e. A kal fuh phei chuan Mizoram chhung NEWS ah pawh rinrawl ber a nih theihna chance a sang fu-in ka hria. Tin, ram pawn lama Mizo News atan pawh.
Breaking News bakah hian Chat/IM (Instant Messaging) facilities awm thei ngei se la. Chu chuan mi(sual) te zingah inpawhtawnna awlsam leh tha zawk a siam bawkin a rinawm. Tin, mi hrang hrang tuina zawng inang lo tak takte pawh hip thei turin Group leh Category hrang hrang siam a chakawm khawp mai. Social Networking/Community Site changtlung leh rintlak tak, Zofate tan bik liau liaua siam hi kan mamawh tawh hrim hrim bawk a. Kan thalaite pawhin an bawh fu ang tih a rinawm a, chu bakah Pathian rawngbawlna lam atan pawh thui takin tangkaina a nei ngei ang a, Zofate inpawhtawnna atan pawh a tangkai ngei ang tih hi ka ring tlat bawk a ni.
Chutih laiin, Pi/Pu Admin lamte hian he Site maintenance atan hian engang takin nge sum lam an insenso ka hriatpui lo. Tin, sum mai a ni lo va, hun leh tha a ngai a, fimkhur leh taimak a ngai bawk a, thiamna leh finna a ngai bawk. An thawhrimna hian an fakawm thlawt!
mi(sual).com hi chutiang taka ZOFATE INTERNET INPUI/ONLINE HOME atan kan upgrade dawn chuan sum pawh a ngaih belh fu mai thei bawk. Tin, WordPress ringawt hian kan mamawh chu a cover lo mai thei bawk a, chutiang a nih pawhin Social Networking Domain thar kan apply mai turah ka ngai. Chung atana senso tur sum lam erawh chu kan sawikhawm liam liam ang a, awm turah ngai ang, rawngbawlna thinlung puin!
Chuvangin, kan tuipui ta sa sa, kan ram leh hnam tana rotling ni phak ngei turin mi(sual).com hi upgrade ila, ramchhung leh ram tina kan unau awmte zawng zawng tana innghahna tling ni turin mi(sual).com hi ZOFATE INTERNET INPUI/ONLINE HOME atan hi i tungding ang u khai.
Zoram Khawvar kan hnaih tawh bawk nen, a la tangkai khawp ang … Hawh teh u, i ngaihtuah tlang teh ang u!
Similar Posts:
- www.zofate.com
- Online Safety Tips
- SOPA and PIPA: GoDaddy an che buai nual
- Swine flu internet traffic jam siam thei dawn!
- Vanglaini Online Logo Design Competition
November 10th, 2009 at 6:23 pm
mi(sual) ADMIN-te:
1. Hnathawh lai nei vek an ni.
2. Hnathawk chungin ‘self-Voluntary’-in mi(sual).com hi an enkawl.
3. Sum lamah hlawkna engmah an nei lo.
4. Hnathawhna hmuna an Hotute hmaisa an chhawn fo!
5. Chuvangin, Admin 4(pali) phei chuan a hautak em vangin an bansan tawh.
6. Tunah Admin 9(pakua) an awm, mahse 2(pahnih)te chu an Office atangin mi(sual).com hi block-sak an ni!
7. Tunlai hi an buai zual lai tak a ni ….
8. mi(sual).com enkawl nan hian sum lamah harsatna an tawk lo va, Google AdSense hmangin an intumchawp thei. Tangka Ip vawngtu Nula fel tak an nei. An buaina ber chu HUN(Time) a ni.
………………………………………………….
Admin-te dinhmun chu a namai lo khawp mai le!
Engpawhnise, sawi leh sawi hnu, kan Admin-te hian hei leh chen mi(sual).com hi an lo buaiphah/pui ta sa sa, awmze nei zawk leh changtlung zawka an kalpui hi ka duhsak a ni mai. A chhan chu, heti reng ringawt, sum luhna emaw, kawng danga hlawkna tak tak neih si loh bakah, eizawnna hna lam thlenga harsatna tawh phah zawk zeuh zeuh reng chung chuan mi(sual).com hian engtia rei nge a daih ang tih a sawi theih hauh lo a ni.
Kei chuan … thui tak, hma lam hun lo awm zel tur … kum 3, 5, 10, 20, 30 > 100 thleng pawhin mi(sual).com hi ka thlirpui a. (Khawvel hi a tawp mai hauh dawn lo a nia auh! LEI THAR kan luah zawk dawn kan tih fo kha
) Chuvangin, nakin hun lo awm zel turah phei chuan (Google/Yahoo/etc. te chu tehkhin pha rih lo mah ila), Mizoram-ah IT Institution pawimawh ber pakhat a ni lo vang tih tunge sawi thei! mi(sual).com hi ZORAM KHAWVAR hun tur thlengin ka rilru-ah ka dah tihna a nih chu.
Chutiang taka a kal chhoh zel phei chuan, kan Admin-te hi mi hnuaia (Vai-ho hnuaia?) hlawh la ringawt an ni tawh bik nang!! IT Proffs, Webmasters, Employees tam tak hlawh petu an ni daih thei. IT Institution lianpui neitute, Company ropui tak hotute an ni daih thei! Chu chu MAHNI KE-A DING nihna a ni a, CHU TAK CHU KA DREAM-SAK DAIH A SIN!
Dik taka sawi chuan, tu’n lo ngaihaw lo hram ula. Tuna mi(sual).com-a hun kan hman nasat dan leh a hlutna kan puakchhuah si loh dan ngaihtuah hian a uiawm ka ti a ni. Engemaw changa thutak ren run lo va han nuih thler duai duaite a nuam e, titi holam deuh sawia han rik mam mam changte pawh awm tur a ni. Amaherawhchu, tun ang dinhmuna atang ringawt hi chuan RAM LEH HNAM tan share tham kan la hringchhuak lo deuh a ni e.
Tin, hetianga kar hla tak dana mite pawh hlim taka kan inkawm tlan theihna chhan ber, Nunna leh thiamnate min petu LALPA tan hian engemaw tal chu mi(sual).com hian Share or Sacrifice thei bawk ila chuan malsawmna nasa zawk a lo thlen ngei ka beisei.
____________________________________________________________
Meeting/Committee chuan rah duhawm tak a chhuah ngei ka beisei e
Report this comment
November 10th, 2009 at 6:34 pm
A lawmnan, Phek thar kai ve reng2 rawh se. Hale hale….!
Report this comment
November 10th, 2009 at 6:36 pm
Pu ZG chu a.
Report this comment
November 10th, 2009 at 6:39 pm
@Pc-a: a chunga mi khi ngun takin i chhiar em?
Report this comment
November 10th, 2009 at 6:51 pm
Z_G chu i va thlum teh hlup ve hairehai
tak taka a dik khawp ang i ziah khi
Report this comment
November 10th, 2009 at 6:55 pm
My Dear HV: Ka ti tak tak a nia!
E taka HV, pic 1 lo en teh auh! Ka Browser-ah hian mi(sual) lukhum sen khum a awm 
Report this comment
November 10th, 2009 at 6:57 pm
mi(sual) – lukhum sen khum
https://i34.tinypic.com/2qixob5.jpg
Report this comment
November 10th, 2009 at 7:17 pm
Z_G, ka ti tak2 lo bik chuang lova… honest, cross my heart
Report this comment
November 10th, 2009 at 7:26 pm
Pu ZG, vawi 3 ka chhiar chhuaka mi hneh khawp mai. Keini ang la nau deuh ta chuan, inthukhawchang hi ka lo ngaichang a ni deuh ber mai. Ka ram tan hian engemaw tal chu tihsak theih ka la neihve ngei ka beisei, mi(sual).Com zarah. Misual.Com damreng rawh se.
Report this comment
November 10th, 2009 at 7:40 pm
@HV: Ka lawm e
@Pc-a: Ka lawm e. Khawvela mi ropui ber berte hi saruaka lo piang vek an ni. Tumah thiam sa leh hre sa-a piang an awm lo. Tin, mi tumahin bei hmasa lovin hnehna an chang ngawt ngai lo.
Kan thalaite hian tih theih in nei! “KAN TI THEI A NI” ti ula in thei a ni mai! Zoramthar siam tur hian Thalaite in pawimawh. Milem Ban Sawm nei be-ho hnuaiah hian kan awm rei dawn tawh lo tih hi LALPA Pathian hriatpuinain ka hrilh a che u. Pen rawh u, hmalam panin pen rawh u. mi(sual).com pawh hian ngun takin LALPA AW hi ngaihthla se la, Ram leh Hnam pumpui tan malsawmna a ni ang!
Report this comment
November 10th, 2009 at 8:59 pm
@Z_G: Sandman & Vaiva chu an va ti lawmawm ve. i comment #51 khi a pui kher mai!
Committee ah chuan hmasawnna rahbi thar chu chherchhuak ngei teh se, all da best
Report this comment
November 10th, 2009 at 9:01 pm
Hello VaiVa
I thleng thla tluang ang chu? Hmel tello vin kan inhmuh leh a, a lawmawm e 
Report this comment
November 10th, 2009 at 9:15 pm
@bawlhhlawh: Ni e, an tilawmawm tak zet a ni.
Dik tak chuan ka beisei sang ngam hauh lo va, thahnemngaihna vangin ka’n post ve thuai kha a ni a. An dinhmun leh mi(sual).com kalphung hi chu tlem azawng ka hre tho va. Ka hriat avang taka inthlahrung ru tak chunga post ve pawh ka ni reng a.
Ni e, Admin-te thawhrimna leh inpekna azarah rahbi thar chu mi(sual) ten i beisei phawt ang u
Report this comment
November 10th, 2009 at 9:23 pm
@Z_G: Nia, hei tluang vak lo chungin ka thleng thla leh tawh e. Thlawhna kha a engine a chhia a, kei Jam kam turin min tia, thlawhna atanga ka chhuak tur kha ka chhum rah tum ka rah thelh a, ka in uai tang hman hram a. Ti chuan Imphal lamah zan kan riak ta a. Hei a tak lo chuan kan inhmu leh thei ta anih hi!
Tin, mi(sual).com in hma a sawn theih zel nan a in rilru leh ngaihtuahna sengthin tu zawng zawng te Admin zawng zawng ai awh zo lo mah i la lawmthu ka sawi e. Kan Admin buai tak te hi in tawngtaina ah in lo hre ve reng thin dawn nia!
Report this comment
November 10th, 2009 at 9:34 pm
@VaiVa: AAAA!!
Hmanni khan van lam thlirin kan lo inhnial luih luih a. “Thlawhna panga Sava uai nel nel khi Vaki a ni” an ti a, keiin “VaiVa a ni” ka ti a. Ka ti dik a nih chu. 
mi(sual).com tan chuan theihtawp kan chhuah tlang zel ang chu. Zam lo vin kal zel ula, rinawm takin in hnung kan rawn dawl ang e. Tawngtaina-ah chuan a ri chhuak ve fo a nia
Report this comment
November 11th, 2009 at 3:46 pm
MOBILE NEWS! Opera Browser thar (Beta version) Opera_Mobile_v.10.00.280_beta an release e!
Cell Phone atanga mi(sual) thin, thiante tan ka rawn thawh zuai. Ka’n hmang chhin a, Opera-Mini 5.0 nen chuan a inthlau khawp mai, special characters leh short cuts pawh upgrade tha hle mai, zia tak a ni!
Download Links:
https://www.ziddu.com/download/.....3.rar.html
https://uploaded.to/file/dj1xj0
Report this comment
November 11th, 2009 at 4:13 pm
umm..sumdawnna lam tur kan sawi ve lawk a nge ka line a ni bawka. Marketing department ang reng part time tho si hian awm i la. Eng eng emaw ni mi(sula) accessories hi zuar ta ila eg: T-shirt keychain etc…tlem a zawng kan hralh pawn kan hlawk tho dawn a sin chuan mi(sual) hian kawng thar a sial a ni zel mai dawn a lawm…ka ha chak ania mi(sual).com tih in chhu T-shirt hi.
Report this comment
November 11th, 2009 at 7:22 pm
@The Real: mi(sual) T. Shirt!
Niang chu maw le! mi(sual).com upgrade zel hian hian Online chauh ni lovin, Offline Business/IT Marketing thlengin a inzarpharh duai dawn a sin!
Head Office: Aizawl
Overseas Branches: MD – USA. Tel Aviv – Israel. Bangkok – Thailand. London – England. Paris – France.
INDIAN Branches: N. Delhi, Mumbai, Kolkata , Chennai.
Sandman, Goldie, etc … kan Admin ho chu kan be pha tawh ngut lo vang!
mi(sual).com hian khitiang chiah chiah dinhmun khi a luah phak lo a nih pawhin, hnaih takin a awm thei tih hi ring ila, thawk bawk ila, a tak ram kan thleng a ni mai! ZORAM KHAWVAR huna kan IT INPUI atan mi(sual).com ka hauh tlat a ni!
Report this comment
November 12th, 2009 at 2:36 pm
Chat lamah admin hran. News lamah admin hran. Social networking lamah admin hran. Ti te hian ti ila a zia phian ang chu male… News phei chu corespondent ngah pawl kan ni nghal ringawt dawn a nia. Kan tum hi sang lua awm lo hrim hrim. Keipawh zirlai mai mah ni ila puih chu ka inhuam ve reng phak tawk te te ah chuan.
Report this comment
November 12th, 2009 at 6:51 pm
Admin ten an ngaihtuah tur chu a phurawm hle mai a! Thlen chin atanga hmasawn zel hi mi puitling zia a ni reng a ni. Theihtawp han chhuah zel teh u.
Report this comment
November 12th, 2009 at 6:57 pm
Kei poh Admin tharah min ron ruat ringot pek a, ka peih loh teh lul nen auh
Report this comment
April 11th, 2011 at 1:33 am
Misual.com lo la join lehzel turte hnena poh a ka chah duh chu : hemi site improvement atan hean eng idea thra leh laktlak tak poh nei ula, suggest/request duh reng2 suh u..tih hi a ni. A sawt chuag lo e..lolz
Report this comment