Pathian thu hi chik ngun leh zirpeih alo ngai khawp mai.Ka tawng tu’n lo haw lo se,Bible ka zir hnu chiah hian Bible hi zirchian adawl zia te,Thlarau Thianghlim tanpuina nen zir chian angaih zia te hi ka hre chho zel a.Bible bu pakhat,chhah lutuk pawh ni silo behchhana lehkhabu a hrin chhuah hnemzia te,khawvel a lehkhabu ah hian kan Bible tluka lehkhabu dang hring chhuak/a peng ngah hi a awm kher lo ang. Chuvang chuan zirchian a tul em em ani.
Tin,he thu ka ziah avang hian ka unaute rilru ka hliam ang tih chu ka hlau khawp mai.Mahse chhiartuten hlawkna kan hmuh theuh theihnan,a kohhran zawnga la lo hram tur pawhin ka han ngen nghal bawk che u ani.
Tirhkohte 8:13 ah chuan “Tin, Simona meuh pawhin a awih ve ta a; tin, baptisma a chan zawhin Philipa hnenah a awm reng a, chhinchhiahna leh thilmak nasa tak tihte a hmu a, mak a ti hle mai thin a.” Baptisma chungchang ah hian inhnialna atam khawp mai a.amaherawhchu kan ngaihdan ai chuan ‘Bible in engtin nge a sawi’ tih hi a pawimawh lai ber chu ani fo.
Awle, Baptisma kan chang thin a. Kohhran thilserh(ordinance) ani bawk a.Amaherawhchu kan chan dan leh kan in chantir chhante hi a in anglo thei khawp ang. Thenkhat chuan nausen lai atang kan in baptis a. Thenkhat erawh chuan Baptisma kan zir a,zir zawhah kan in baptist deuh chawt bawk a (80% vel hi chu Baptisma,anihna tak hre lem lova,zirzawh vanga changta kan ni vel ang). Thenkhat erawh chuan chhandamna ani tiin kan in Baptis bawk ani.
ANIH LEH ENGTIK HUNA CHANTUR NGE? He zawhna hi a pawimawh khawp mai. Baptistma hi Ringtu te pawnlam chhinchhiahna Pakhat, public testimony ani. Ringlo/Thlaraua Piantharna la changlo ten an chan tur ani lo. Ringtu/Mi piangthar te chauh chantur a Lal Isua thupek ani ( “Chutichuan kal u la, hnam tina mi zirtirahte siam u la, Pa leh Fapa leh Thlarau Thianghlim hmingah chuan baptis u la.” (Mathaia 28:19)
“A ringa baptisma chang chu chhandamin an awm ang a; a ring lo erawh chu thiam loh changin an awm ang.” (Marka 16:16). Tirhkohte thiltih a kan Bible chang tarlan tawh atangte leh Mathaia leh Marka atangte khian Ringtu Baptisma, Rin hnua chan tur anih ngei zia kan hmu thei ang. Khilo pawh khi tamtak ala awm. Paula pawh a pianthar hnuah, Puitling anih hnuah a chang bawk. Bible a Baptisma chang kan hmuhte reng reng hi an pianthar hnuah ngei Baptisma hi an changvek ani. Tin,Nausen kan in baptist pawh hi kan ngaihtuah ngun angai khawp mai. Bible khawi laiah mah hian Nausen Baptist hi alang miahlo mai!!! Lal Isua thupek, ‘a ringa Baptisma chang’ a tih hi mihring dansiam/remhriatna in kan thlak mai dawn em ni ang!!
ANIH LEH ENGTIA CHANTUR NGE?
Hei pawh hi kan chandan a in ang lo leh hlawm khawp mai. A then chu kan in hnimphum a, a then chu tuiin kan in far a, a then chu puanzar hnuaiah kan lut bawk a. Engpawh nise, enge Baptisma awmzia hi ilo sawi phawt teh ang. Baptisma hi Greek tawnga Baptizo atanga lak ani a, a awmzia chu ‘Chiahpil emaw hnimphum’ emaw tihna ani. Tin, a theh/far (sprinkling) hi Baptizo ani lo a, sprinkling hi Greek ah chuan Rantizo ani. Hei pawh hi Bible ah kan hmu lo.Kum enge maw zat kalta atanga remchanna avanga anlo practise chawp mai mai ani bawk. Chuvangin Baptisma kan chang anih reng rengin hnim phum/chiahpil in kan chang tur ani ang “Tin, Isua’n baptisma a chan veleh tui atang a chhuak ta nghal a: Mat 3:16a ).
Lal Isuan ‘Tupawh in min hmangaih chuan ka thupek a zawm ang’ ati. Lal Isua thupek zawm mai hi kan tih tur ani. Mihring rem channa tih hi chunglam khian remchang min tihpui kher lo ang. Chhiartute Lalpan malsawm che u rawh se. Amen.
Similar Posts:
- Tripura lamah tihdam rawngbawlna
- Nausen/naupangte hi chhandam an ni a ngem?
- Nausen Lal Isua hi engtin nge kan lo lawm ang?
- Thihna hnehin a tho leh ta!
- Bible hi aw….
July 24th, 2010 at 9:52 am
mkima Chu, Bible i zir rual hian Mizotawng ziakdan zir tel la a tha ngawt ang, i thu ziak a awmzia hretura chhiarnawn sek a ngai fo mai.Chhiar a har ka ti.
Chubakah a chunglam commentah 50na ah khian keima pawm dan leh zir tir dan ka sawi ve a, min rawn hrilhfiah vak mai a….ka zawt lemlo che a sin.
[Report abuse]
July 24th, 2010 at 10:02 am
Mitdel Sai dek (khawih):
Pakhat-in, a bawp
Pakhat-in, a pum
pakhain in, a beng etc.
An han sawi ho a:
Pakhatin, Sai chu – ban lianpui ang a ni.
Pakhatin, Sai chu – bang chhah pui ang a ni.
Pakhatin, Sai chu – thil pan deuh, thlangra ang deuh a ni.
An khawih lai in angloh vang mai khan an inhnial ve laih laih a. Sai an khawih a ni si a.
Pathian thinlung (thu) thukzia, zau,zia,seizia hi a then pawh he luiral atang hian kan hre pha ngut lovang e. In hrilh fin i tum i tum lo mai teh ang u. A sawi peih peih hian anla hre tlem a ni duh khawp.
[Report abuse]
July 24th, 2010 at 10:15 am
mr.Duhlova Says:
July 24th, 2010 at 9:52 am
mkima Chu, Bible i zir rual hian Mizotawng ziakdan zir tel la a tha ngawt ang, i thu ziak a awmzia hretura chhiarnawn sek a ngai fo mai.Chhiar a har ka ti.
Chubakah a chunglam commentah 50na ah khian keima pawm dan leh zir tir dan ka sawi ve a, min rawn hrilhfiah vak mai a….ka zawt lemlo che a sin.
ka ziah lamah chuan a dik a lo, sawi sa kha Typ ka thiam lova, ka kut aiin ka rilru a lo hman hmawh sia, ka ziah sual fo ani e, ngaihdam.
50 na, chu chutianga i tih chuan, rawn ziah lo law law awm tak ,sawi ho i phal loh chuan, mahse sawi ngaiin i rawn ziak meu sia.
[Report abuse]
July 24th, 2010 at 10:16 am
@mkima:
Serhtan sawi takah chuan Mosia te ho khan Abrahama thuthlung anga serhtan kha a buaithlak emai, hriau hmawr tereuhte in vit thi ser ser ila a tawk mai lo ti sela, tunlai mithenkhatin baptisma hmingpua an lo thlawr ve nen hian kuang khatah a khung theih mai in i ring em?
[Report abuse]
July 24th, 2010 at 10:30 am
Donald@ a tanna chem pawh kha, pawh kha mei lung chemte a ti kher khera, Josua 5:2 ah khan. hawh u mau phel i la, i tan mai ang u, an ti lo va, mei lung chemte nen an tan ni. sam 118:18 lalpa chuan lungpui chu Dilah a chantira, Meilung chu Tui hna ah a chan tirta. tih anih kha. lung chu tuiah a chang sia, a nem ta duai mai le. Col 2:11 kut serhtan a ni tawh lovin, Baptisma ah phum kan nih thu paulan sawi kai ta daih mai.
khawimaw an phumna tho tho alom, tiin tui nen lo, a mah an vurna vai vut nen in phul ta law law maise te ka tih chang a awm. puak tur ang mai hian ka khat ani e.
[Report abuse]