-Lalbiakengi, Tripura
August 3, 2009 atang khan Tripura-ah Pathian-in a hnathawh mak tak a lantir a, Nl.Joyrani Molsom(28),Eloi Baptist Church (Boktomohanpara-village) leh Nl Maria Molsom(16), Tuichalong Baptist Church hnenah Pathian-in tihdam theihna a pe a,mihringte ngaihtuahna leh finna hmanga chhuichhuah ruallohvin thilmak tak tak a thleng a, heng thilmak tihtheihna hian damlo ka(mouth) chu kut zungtang pathum a zenin damlote chu an luaktir a chu chu ‘Operation’ an ti ve a, hengah te hian thil chi hrang hrang samte, thifangte, thingharte, maimawmte, ketaminu, thi, fanghmir, lung(stone) te leh thil dangte an luakchhuak thin a ni.
Heng thilte hi science hmanga thil ni theia kan ngaih loh thil a ni. Nula thianghlim Mari’n naute a pai mai pawh kha science thiamna hmanga chhut chuan thil ni thei a ni lo. He rawngbawlna hi a tirah chuan Eloi Kohhran-ah tanin, a hria an lo tam zel a, tunah chuan a rawn pantute hi a tam zawk 90% chu Bengali an ni. Bengali-te hnena chanchintha hrilhna hun tha Lalpa’n min hawnsak tak avangin Lalpa chu fakin awm rawh se. Heng Kohhran pahnih Eloi leh Tuichalong-ah hian ringtu Baptisma chang tawhte leh chang tur engemawzat an
awm.
Bengali-ho zingah hian tihdamna chang engemawzat an awm a, hengte hian tidamtu chu Isua anih thu hi an sawi tlat a ni. Chu mai bakah Bible Society of India kaltlangin Bible semchhuah a ni bawk thin.Heng damna changte hian an thiante an hrilh chhawng ve zel a, a vanglai chuan heng khaw pahnihah hian damlo inentir tura lokal te hi sangli/sangnga leh a aia tam hial te pawh an ni thin.
Taksa damna chang Bengali hote hian Baptisma chang nghal mai lo mahse an thinlungah tidamtu chu Isua a nihzia hi an ringnghet tlat a ni. Kristian(Lal Isua ringtu) ka ni ti kher lo mah se, a ruka Kristian hi an awm ngei a beisei awm. Tlangmi hnam thenkhat zingah pawh he tihdam rawngbawlna avanga damna chang engemawzat chuan Lal Isua hi ringin Kristian an nih tur thu an sawi nghe nghe a ni. Kohhran ringtu chau tawh leh muthlu tawh inkhawm nachang pawh hre tawh lo tam tak chu he harhna avang hian an thlarau lam nun chau tawh tak chu tihdama awmin, Kohhran an bel leh a.Tripura chhim lam Subrum circle ah phei
chuan chhungkaw 35 zet Kristian-ah inpein Kohhran din an tum nghal bawk a ni.
He thil hi sumdawn na’na tih a ni lo va. Pathian mi hman mekte hi lehkha thiam lo mimawl tak takte an ni tlat. Pakhat zawk phei chu a piantirh atanga School vawi khat mah la rap lo a ni. Pathianin khawvel thil aa leh hmuhsitawmte thlangin a ropuina a puang chhhuak tih hi a chiang a. Khawvelin finna hmanga Pathian an hriat theih tawh loh hnuin thuhrilh atthlak hmanga a ringtute chhandam hi tunlai khawvel changkang tawh takah pawh hian Pathian chuan tha a la ti ber zawng a nih hi. Mi fingte hriat phak loh remhriate chhut phak loh thilthleng hi mihring taka chhut chhuah chi leh hmuhfiah tumtute tan chuan buaina tham a tlin laiin keini ringtute tan chuan Pathian thiltihtheihna ropui tak a nihzia tarlangtu ropui ber a ni e.
He tihdam rawngbawlna hi darh zau zelin Agartala khawpui chhunga insawn dan kawngte pawh ngaihtuah chhoh mek zel a ni. He tihdam rawngbawlna-ah hian zengte, kebaite, mitdelte, tawngtheilote, kaltheilote rawn inentirin engemawzat chuan damna an chang nghal a ni.
Marka 9:38-39 kha han en la. Thessolonika khuaa mite khan tirhkohte thusawi chu a dik leh dik loh hriat nan Pathian lehkha-ah an zawng thin (TT 17:11) ang khan tunlaia Tripura-a thil thleng chung chang pawh hi Bible behchhana fiah a finthlak ber ang.
Similar Posts:
- Tihdam Rawngbawlna
- Damna duhin boralna lamlianah(?)
- Tihdam Rawngbawlna leh Thilmak
- Orissa Tihdam Rawngbawlna report
- Planet Shaker ten Tedim ah rawngbawlna nei
December 2nd, 2009 at 1:44 pm
@VIVI timualpho vak la a niang chu tenawm em mai
December 2nd, 2009 at 1:55 pm
Hindi hi ka thiam thei lo lutuk, kei chu! :lol:
December 2nd, 2009 at 1:55 pm
vivi sawi hi ka hriat a nih ka ring. Hmanah khan case an file in ka hria mahse, engmah a ni talo aniang, hmanni ka haw pawn ka hmu. Kulikawn veng (mihring) a nilo, Kulikawn ah erawh a khawsa hrih.
Saptawng a thiam asin. “hey you, both of you three, i want to see you behind the class,” tiin naupang 3 a hrilh. A sawi tum ni a lang te… “Nangni pathum kha, sikul banah ka hmu duh che u,” a tihna ni awm tak a ni. Tichuan, ” when you come to sikul, you are not to play. You shall write with your fountain ball point pen,”. hairehai (a sawi tak2 niawm tak a ni)
December 2nd, 2009 at 2:01 pm
@vivi : Parda phena tihdamna THIL a nei a ni maw?
December 3rd, 2009 at 5:34 am
@littlerascal, ka la naupang deuh a, ka kalpui te kei ai a upa ve ve in engmah tilo mai ang, mualpho na mai mai an ti a…
@H.Vangchhia, chupa chu pa sa tha ve lam pang ania, i sawi chu a dik mai thei, mi in luah an ang tlat. Vawikhat TV ah Mizoram Hindi Teacher Association tih vel nita in ka hria, chutah chuan an hruaitu aniang, LPS ah an rawn kawm a, Ka ten tawp. hei Kum li a liam tawh a, a hmel chu ka la theihnghilh chuang lo.
@chawnghilh, Nangmah hi ilo ni reng ang a…lolz
December 4th, 2009 at 4:05 pm
A tha e, a tha e, Pathian lehkha thu chu in chhiar ngu nimahsela nunna nei turin ka hnenah in lo kal duh si lo Lal Isuan a ti
December 4th, 2009 at 4:37 pm
Vivi chu k van khongaih ce ve ooo..! Pu Hv.a alo ho hunah kan threngs tir don nia.. NOI
December 4th, 2009 at 10:17 pm
@Vivi: Huaisenna sawm khawm nawn leh la, tih mualpho tlak a nih chu maw le aw! Pathian hming hian thil ni lo lo hi kan ti a, mahni hming hian a tha th atih kan chuh leh bawk si a. Pathian hi chu a lo tha mang e aw!
December 7th, 2009 at 5:15 pm
@Vaiva, nia ti raw….
January 10th, 2010 at 2:02 am
[…] https://misual.life/2009/12/.....wngbawlna/ […]