Mamit Bazar veng a leikhi chu akhik zau zel avangin, hemi huam chhunga cheng chhungkaw 53 te chu hmun dang ah an insawn chhuak a, in thenkhat pawh thiah mek ani. He lai hmun hi mualpharh tha tak niin, a mual mawng lam ah Leimin nasa tak awmin hemi kal zel hian a lu lam ah lei khi chat a siam ta niin a lang.
He lai hmun hi, Pu Lianngura Pachuau, Geologist(Jr) Geology & Mining chuan ni 21.July.2010 khan enfiah in, a hnuai lam ah Pialtlep awm ni a sawiin, a mawnglam ah leikal ral zel a awm thu alo sawi tawh a, Mamit ah hian mihringte hriat vak silova lir a nghin ve reng avangin, leikhi a siam thin thu sawiin, an zir chianna atangin, he leikhi hi kum 1997 atanga intan anih thu alo sawi tawh ani.
He lai hmun hi Pu A Biaklawma Addl. DC, Mamit chuan a hmun ah tlawhin, chhungkaw 53 te hnen ah, Tualpuk an sak duh a, an hman turin Silpouline 2 theuh a pe a, hmun dang ah ram pek tura ruahman nghal ani bawk. He leikhi hian Bazar Veng Presbyterian biak in chhungah khi chat tlangin, biak in kawngkhar pawh ak har theih tawhlo ani. In thenkhat pawh thiah darh tan mek ani. Vawin atangin, YMA leh mi tlawmngai ten inthiah hna hi an kalpui mek ani.
Similar Posts:
- Traffic Police ten milian man ngam lo
- JNV School, Sihtlangpui a Mandir thiah loh a awm reng hi tu mawh nge?
- Setana bia in tiin Biak in suasam!
- Mamit YMA-in Bru Baptist Church thiah an duh
- KTP General Conference Mamit 2010
August 5th, 2010 at 8:47 pm
An va khawngaih thla la ve aw! Himlo chunga awm reng ai chuan insawnchhuah mai chu a finthlak zawk ani
[Report abuse]
August 5th, 2010 at 8:48 pm
An va vanduaive aw…..Concrete in nei an awm phei chuan uihawmve tak tur anih chu…..
[Report abuse]
August 5th, 2010 at 8:51 pm
Van rapthlak ve an khawngaih thlak hle mai
[Report abuse]
August 5th, 2010 at 9:01 pm
Khawngaih thlak hle mai. Mahni in leh lo nghet chhuah san ngai ta chu.
[Report abuse]
August 5th, 2010 at 9:02 pm
An dinhmuna han inchanin a va na duh dawn ve aw….silpouline pek ringawt chu a la beitham hle mai…nasa taka tanpui an phu ka va ti tehlul em…..Ka lainatin hmalam hun eng tak an neih ka duhsak e.
[Report abuse]
August 5th, 2010 at 9:06 pm
A tuartu nih hrehawm zia ka hria. ‘93 kum khan leimin vangin veng mawngah kan in sawn a. Nikhat chu kan in kawng ka hai nge ka hre lo, kan in hlui lam ka pan tlat mai a. A hmun ka thlen chuan a lo sen mam mulh mai. Ka harh zawk a, ka mittui a far zung zung mai. Chhiat tawk te Lalpa’n awmpui mawlh rawh se..
[Report abuse]
August 5th, 2010 at 9:07 pm
an va khawngaihthlak awm hlawm ve aw…pawi hle mai..
[Report abuse]
August 5th, 2010 at 9:34 pm
kan lainat takzet…a hlauhawm sia,insawn chhuah ngei ngei a angai bawk si. Tanpuina tha tawk tak pek chu an ngai ngei ang.
[Report abuse]
August 5th, 2010 at 9:34 pm
Pialtlep chunga IN sak hi chu a pawi asin aw…IN hi sak hmain a hmun hi enfiah na chang hre teh u..helam ah pawh phaizawl vek nimahse ahnuai lei thuk tak an zuk en phawta IN sakna hmun atan atlak anih chuan an sa choh thin..Phaizawl pawh ni se a hnuai alo dûm thei tlat…
Harsatna/manganna tuartu te tan Mangan laia tanpui vartu hnai reng Lalpa chu a che ngei ang..amah duhtu annih phawt chuan.
[Report abuse]
August 5th, 2010 at 9:47 pm
kar hmasa kha ka zuk zin office duty in… ka la kual zuai zuai..a en tlak ve fu..
https://digimaltpic.blogspot.co.....bel/leikhi
[Report abuse]
August 5th, 2010 at 10:09 pm
Mr Philip kan mamawh anih chu…
*Mr Philip, if der is en aatkuek in Mizoram- Du iu think det awl da pipul uil die?
Mr Philip- Ai drawn naw
[Report abuse]
August 5th, 2010 at 10:33 pm
An va lainatawm ve le, sorkar leh khawtual tlawmngaite zarah a thlamuanawm hret tal a. Engtia han inchhawmdawl chhunzawm zel tur chu ni maw?
[Report abuse]
August 5th, 2010 at 10:37 pm
An khawngaihthlak hle mai. Hrehawm duh khawp ang mahni in han chhuahsan mai chu..
[Report abuse]
August 5th, 2010 at 11:39 pm
An va khawngaihthlak ve o..Silpaulin pawh a hlu dawn kher mai . Chhiatna nasa zawk an tawn loh hram ka beisei .
[Report abuse]
August 6th, 2010 at 2:16 am
An inthiar chhuah chu a tha rih hle ang mihring nuna ina a tuar hma hian.
An lainatawm hlawm hle mai sorkhar in an awm hlena tlak in an din theihnan tanpui na beihtham deuh pe se.
[Report abuse]
August 6th, 2010 at 7:42 am
An khawngaihthlak awm hlawm hle mai, disaster management ho han che teh se
[Report abuse]