Kan ram zim tê ar hmai pawh tiat mang lo, India rama châwmhlawm state, thawnchhuah leh laih chhuah sawi tur pawh nei lo; chutih rual ruala hnam chapo ve tak, mahni tawka induh ve larh mai, hlawh leh thawh chhuah phu lo va khawsa thiam tak kan ni lawi si! Rinawm leh taima taka sum leh pai thawh chhuah aia awlsam taka hmuh tum, a hlawk thei ang ber zela hlep duh, tei rei leh mi thu hnuaia kun peih lo kan ni. Huau huau leh hut hut nuam ti hnam, chutiang huna hnam huaisen leh fuihpawrh nuam tak kan ni lawi si.
Chutiang hnam kan nih avang chuan belh chian kan dawl tak tak lova, hnam ngaihsanawm kan nihna tur reng reng a awm lo. Innghahna ban ṭha nei ta lo chu inchhuang eng angmah ila abuk lung a kang tho tho. Kan vantlang nun leh kan inthenawm khawven dante thleng hian, bai insuaha in lâwm tawn ṭhin, khawtlang tan leh chhungkaw tana mi ṭangkai nih tum ṭhin hnam kha a tlu chhe zo ta em ni?
Kan vantlang nun leh kan inthenawm dan hi a dang tak tak thei si lova, chutihrual chuan khawvel a ṭhang zel mai si a, hei vang hian chin dan thar leh kalphung thar kan mahmawh ta niin a lang. Sum leh pai hian kan nunah kawng ro a nei ber a, rinawmna leh dikna ai pawhin thil a ti thei zawk!. Sum ngah ngah hmelthatna khawvel a ni tawh miau va!!
Nawmsakna thlahlela kan phut suau suauna ram zimteah hian, kei ka ni ti takin kan lengin kan hawi thawveng hle a ni hlawm si a!. Kan ram tun dinhmun en hi chuan ngaihtuah peihte tan chuan beng sika ngaihtuah a va hun em! Chuti a nih loh chuan kan hmakhua a êng em em hran lo.
Khawvel a ni a, puitling kan ni emaw, ṭhalai, naupang kan bang chuang lo; Politician, Officer, Office-a hnathawk, mahni thawhchhuah ngei mai ringa nung, Pastor, Kohhran upa, rawngbawltu kan ni emaw kan phak ang tawka khawvel chen hi kan tum ṭheuh a ni lawm ni! Nawmsakna zawng lo tu nge awm ngai le? Zep thu a cheng lo, kan nun sukthlek leh hawiher hrim hrim hian a ti chiang a ni. Kan ram zimte Pathian zawn chhuah ram kan ti maw? Pathian zawn chhuah ram ni tlakin a chhunga cheng mekte hian kan siam em?
Mahni sahmin ti puara mi dang chan tur leh hamthatna tur pawh kan tana hlawkna tur anih pawt chuan chhuhsak duh zel mai, kan Pathian thuina “Mahni ta mai en lovin, mi dang ta pawh en theuh zawk rawh u” ti a min zirtir zawmte chu a hnai mai ni lovin kan mausam der a ni ringawt mai. Mahni tana hlawkna tur a nih chuan ṭhenawmte chu sawi loh mahni pianpuite ngei pawh kan inhmelmak ta ngawk ngawk a ni lawm ni!
Chutiang zelin kan thlarau lam nun kaihruaitute ngei pawh an bang bik chuang lo tih hi mi thil chhut peihte tan chuan hmaih chi a ni hauh lo. Mihring nun khalh ngil a, sakhuana atanga inzirtirna ṭha mipuitea tuh a, ram leh khawtlang tana ṭha tura kan rilru leh thlarau khalh ngil ber tura kan ngaih, Pathian tana hun puma rawngbawl tura in pe te pawh an bang bik lo a nih ṭan hi maw!
Ram kal siamtute ngei pawh, mahni thu duh lutuk, ṭha ve tawka in ngai a, Pathian aia mihrinna dah liana zah zawk fo ṭhin an awm chhung chuan kan ram rorelna khawl hi bun fuh hleih theih a ni lovang tih hi finna neia beng chhite hmuh dan a ni.
Party pakhatina thil ṭha nia a hriat, ram tana ṭha tura ngaih a chhawpchhuah, party dangin sawisela ram a ṭuanna hmun, thil ṭha tih infaksakna leh inchawimawina awm ngailohna Politics; in zawrh leh inleina politics khawvela kan ram kal siamtute ngei an awm chhung chuan kan dam khawchhuahna kawng a ping zual ang tih hi mi pangai tan hai chi a ni lo. A bul ṭhut aṭanga a intahtawla kal lo va, a ler lam aṭanga in ṭhuai a, inchungtlaka lalna kan hrawt chhung chuan kan ram kalsiam hi a her fuh ngai lo vang. Ram hmangaihna rilru tak tak pu tan chuan bengsika ngaihtuah hi a va ngai em!
Infiamna kan ngai sanga kan hlut em em rual hian infiamna hmun tha kan ramah hian a va tlem em! Infiamna ngaisangtute tan kawl a eng meuh lo ve!!! Football kan ti maw, India ram club khawi khawiah emaw te chuan kan han lang ve lawp lawp a, nimahsela a tobul fu hek lo, stadium puitling pakhat pawh nei lo tan chuan han in vawrh vak ngaihna a awm lo a ni ber hi! Kan thalai chhuanawm tak takte sul lo sut kuak tawh chhunzawm zel tur hian Thalai a ngaihna hria pen chhuah a hun ta a ni lo maw?
Thalai ngaihtuahna seng peihte hian a sawi leh rel lam chuahvah ram tuan mai lovin, mizoram thalaite infiamna huang chhunga national level mai ni lova, international level theng pawh a kan in pho chhuah thei tura kan ram infiamna khawvel hi kan tihrualrem hi a hun ta e! A mawh chu tu nge phur le? Hnam nun leh ram rorelna thlenga mizo hnam zahpui ngai lo, thil tha tih duh mi, thalaite tui halna phuhru thei “Thalai Politician” kan mawh kan ti thei tawh mai lo maw? Ngaihtuah peihte tan chuan ngaituah chi a ni.
Ṭhalai nunza, awm ngaina pawh hre lo, awmdan a piang ning mai, nun han tih hlimna tur hmun leh hun nei lo, nun tawt up up a awm, thlarau lam nun ngaihtuah chu sawi lo, Pathian tak ngial pawh hre hman lek lova nun zat ruaina khawvela cheng mekte hian an nuna tui halna phuhru thei thil hi an va zawng nasa em! Television, computer, mobile, motor, vehicle etc. te hian a phuhru zo tak tak tawh lo, nu leh pa hriatpui lo hian kawng dang an zawng a, an hreuh va, an ker a, an dawt ta ṭhin a ni an ti.
Ṭhalai, thawh chhuah nei si lo va nu leh pa thawh chhuah sa ring a bike chhuak thar ber ber, mobile handset thar ber ber nei a, inchhungkhur ngaihtuah map lova duh dan dana khawvel hmangte hian an rilruah bike chei mawi leh mi biakna tur balance neih aia duhthusam an nei lo an ti hi chhut chi a ni; nu leh pa nge mawhphur thalaite? Kristian ṭhalai, kohhrana in hmang tak takte pawh an bang bik an lo an ti.
Chu mai a ni lo motorah a huhovin thil thiang leh thiang lo a awm tawh lo engkim mai kha nuam bon top-a hman kha an duhthusam a ni an ti. Chu maibakah a bika party buatsaih leh picnic hi an nun tuihalna phuhrukna turin buatsaih an ching hle, ruih leh hlim lam, sex hmanna remchang hun hlimawm tak a ni an ti. Nu leh pa tena thunun viauva an hriat lai, thei duat tak an duatte pawh an him chuang lo. Ram khawro tak maia ramsain a tui halna phuhrukna tur tuihna a zawng ang maiin, Tunlai khawvel hmanraw chang kang ber ber (kan hmuh phak tawk) nen nu leh pa te hriat loh hian thalaite hian an tuihalna phuhru turin duh tawkin lang leh langlovah hian nuam hi an chen a ni an ti.
Technology hian kan nunah hian kawng tam takah chuan hmasawnna chu min thlen ngei mai. Amaherawh chu mihring nun hi rinawmna, thianghlimna, dikna leh felna kawngah min hruai em tih hi chhut tham a ni. Naupang thlenga duh duha mobile leh computer an han chaihkual hi thil ṭha nge a thlen a thil ṭha lo tih hi chhut tham a awm. Kan nun hrim hrim hian mi dang pawi a va khawih pawi viau a nih loh chuan engkim mai hi a zalen ta vek mai emaw tih mai tur a ni hi!!
Similar Posts:
- MIZO TE HI HNAM DAWIHZEP TAK KAN NI.
- Ka ngaihtuah ve thin
- Zalen ka ni ta
- What can I do for my dad?
- Cheng 400 (500?) luanral thu…
August 5th, 2010 at 9:30 pm
ka van zephanath thei e zanin chu…. ziak tha hlemai. i tuihal mah2 ani
[Report abuse]
August 5th, 2010 at 9:38 pm
a sei mang e ngaihtuah mai mai ah chuan, chhiar ang
[Report abuse]
August 5th, 2010 at 9:40 pm
Rin aiin a sei..
A nia lawm..!
[Report abuse]
August 5th, 2010 at 9:42 pm
A va thui tak em!!!
a tha khawp mai,mahse hetiang vei hrim hrim hi chu kan tam khawp,mahse eng kan ang thei tak tak chuanglo hi enge maw a chhan ni ang le!
[Report abuse]
August 5th, 2010 at 9:46 pm
Sei hret. Mahse chawmhlawm state tih lai khi ka van ei lo chiang. Min chawm peih lo tu chuan min indan tir mai se. I fapa a indan hma hian, i fapa hian chawmhlawm mihring ka nia ti ti se a in ang reng. British hoin min rawn luhchhuah hma khan tu sawrkar khan nge min lo chawmhlawm le? ka zawt mai2 a che????????
[Report abuse]
August 5th, 2010 at 9:46 pm
Tluangtea Ralte ziah chu a vaiin ka amen e. A va sawi dik tak em? Nimin maia headline “Sorkarin 6th Pay a pawm ta” tih mai pawh lo khel ila. (Central) 6th Pay Commission kha central sorkar hnathawk tan ani a, Mizoram state sorkar tan ani lo. An sum neih leh an hnathawkte thawh chhuah ten pawn a phu lo. An grammar a diklo hulhual bawk nen. Leh lamah Gospel video star ho lah hi an sex appeal tih lan loh an hlau em em mai a. Kristianna hi hmai kawrah kan hmang a, Cross leh corruption hi kan hmu mawi thlap mai ani. Hui ham, hnam rehtei tlak kan va ni em!
[Report abuse]
August 5th, 2010 at 9:50 pm
Cabinet pawm tak “6th Pay” man chu “Mizoram budget pumpui atanga 40-45% vel hlawha kal tura rin a ni” -Vanglaini.
Mipuite chan tur chu 5 percent vel aniang. Thank you very much.
[Report abuse]
August 5th, 2010 at 9:53 pm
Post tha tak,zawm nghal hmak chi anih reuh hi maw le..
[Report abuse]
August 5th, 2010 at 9:54 pm
Sei tha hle mai= a sei a,a tha bawk.
Sub-topic te te in then leh se chhiar a nuam leh zual ang.
[Report abuse]
August 5th, 2010 at 10:01 pm
Kan chhiatna lam hi ka thlir phallo thin a; Mizo hnam hi hmuh Ropui a; hmuh mawi mawi hram hram ka tumve thin; Tluangtea ngaihdan lam hian min uaithlu lek lek a’ ka pai chawn chawn thin, mahse Zoram chhung a Baal hma la thingthi ngailote au rawl hian min kai tho a; minti harh leh thin.
A chang chuan He ram Pathian hian min hawisanta emaw tih rum rum chang kava ngah thin tak em. Pathian thilmak tih nghak hian vanlam kan thlir ngawt dawn nge? Kan puanvente sawi chhingin kanin sang phek dawn?
[Report abuse]
August 5th, 2010 at 10:36 pm
Mi tha tlem te chauh an awm pawhin Pathian zahngaihna leh khawngaih-hmangaihna hi a luang chhuak reng tho. Mi tha leh tha lo chungah pawh angkhat rengin ni a sain ruah a sur tho. Lalpaa lawm thiamte kan nihlawh zel mai!
[Report abuse]
August 5th, 2010 at 10:40 pm
Tha hle mai. Ngaihtuah chian ngai tak thil a ni e.
[Report abuse]
August 5th, 2010 at 11:06 pm
A thim zawnga ngaihtuah hi chuan hahthlak ve tak ani e
mizorama thil awm engkim deuhthaw.. politician atanga mipui, pawl ah pawh zirlai pawl, atanga KTP, YMA leh kohran te thleng hian sawisel natur hi an awm zel ani ber e. KTP, YMA leh kohran tehi chu a changin han sawisel mahila, sawisel bo teuh ber pawl anni mahna a group ang zawng pawhin. (tumah famkim kan awmlova, anni ho zingah hian mi fel tamtak erawh an awm thunga, mahse engemaw hlekah chuan kan sel luai luai tho mai)
Tunlai chu kan thalai naupang leh zual te chanchin ka hriat dan hi a thalo hle bawka..(keimah pawh ka tel ang chu. hihihi).
sex ah tehian anlo sang pherh erh hi alo nia. bawn tak ani bawn tak. a thalo lam ngaihtuah chuan.. heng ho hi an tam zawkin ka hre lehnghala.
[Report abuse]
August 5th, 2010 at 11:07 pm
A thim lam zawnga thlirna thra tak anih hi. Mahse, kei chu a eng lam thlir hram hram mi nih ka tum hram thrin a,i ron soi ang hi thralai zawng zawng awmdan a niin ka hre thei tlat lo. Bai insuah tawn thrin poh hi ka la hre ve nual mai. Kohhran thralai hruaitu ka ni ve thrin a, kum tin kan picnic ve thrin, sex hmanna chance remchanga la kan awm ngai miah lo. Mi 2/1 sual hi kan za vaia sualna ah kan puh ngot hi a dik ber lo. Hnam beiseiawm tak kan la ni thei. Kan hruaituten an zir chuan beisei tur tam tak kan la nei. Hruaitu thra tak tak poh an lo la chhuak turah ngai i la. Beidawng zawnga thlir lo turin tran ila tlang zawk ang u khai.
[Report abuse]
August 5th, 2010 at 11:22 pm
thalai zawng zawng hi an lifestyle a diklo tihtur chu ani miahlova, mahse tuna kan thlalaite trend hi chu a thalo ani..
bawn deuh awih pawh harsa pakhat mai mai.. mizroram school pakhat chuan study camp an neia, 10 nge 12 aw.. lolzz. chumi a zirlai pahat chuan, zan lamah anlo chet nasat viau thin thu asawia, a zirlai ho kha anlo in ngaizawngin anlo inti kual vel thin nitur ani… chu aia hriat nuamlo deuh chu.. khatianga kawppui neilo hmeichhia ho pawh khan.. virgin nih bik kha an zakin an duhbik silova.. a then te phei chuan taxi driver te anlo intih tir.. tih a sawi thawm ka hria a.. a sawitu kha chu a insawi fihlim viau na in engmah ka hriat puilo.. mahse an trend hi ka ngaihtuahin a bawn kati ani tawp mai.. an chhungtena innocent anga an hriat an chhungte hriatloha che bawn tak hi an tam anti khawpmai.
[Report abuse]
August 5th, 2010 at 11:26 pm
Mizo hnam, tlemte zingah hian misual hi an langsar zawk fo.
[Report abuse]
August 6th, 2010 at 12:16 am
Ka fel chu ka ti lo a mahse tun aia sual lehzual hi ka chak .a nawm hmel riau asin
[Report abuse]
August 6th, 2010 at 12:26 am
Adik khawp mai mahse achhanchu sum ngainatna(corruption) hi sual TINRENG BUL ania. Aler a thil thleng ania i sawi. Kan nu leh paten office leh an eizawnnaa an tuh thalai ten arah kan seng ani ber. Chu vang chuan solution no 1 chu KOHHRAN hian CORRUPTION DO KUM apuan angai. Hlawh phu lova thawhlawm pe hnawlin, hnawtchhuak rap zel se. Apuan hun2 hi ZORAM KHAWVAR HUN ani mai. Sawi2 pawh angai toh long. Kan khawtlang nun hian alangin hma a sawn ang. zu, drugs sex do kan buaipui hauh lovang.
[Report abuse]
August 6th, 2010 at 12:33 am
kan nun pawnlan dan hi thuk(ril) tak a ni… Takna nei kan tam lem lo khawp mai..
[Report abuse]
August 6th, 2010 at 12:43 am
sualna chu a awm ve bawk tur ani mizoram ah pawh!mahse a sual ve lo te’n a lo tisual tawh te deuhsawh zawng a thil kan kalpui chuan a punlun telh telh ka ring!
Chuvang chuan midang rilru tina lo zawng in sawi hram hram ila a tha ange..a eng zawng zel a thlir in insiamthatna hun i pe theuh ang u hmiang..
[Report abuse]
August 6th, 2010 at 12:45 am
Ka chhiara ka muthlu zel! Remchanga chhiarchhuahah khek mai teh ang.
[Report abuse]
August 6th, 2010 at 1:31 am
Ka chhiar thuak2 coment ka chhiar veks.Mizoram te chu a to bul atanga dik lo anih avangin siam theih ani tawh lo anih hi.Tihian a awm dan dan hi pawm tiamin lawm thiam ngawt mai teh ang u.
[Report abuse]
August 6th, 2010 at 3:04 am
Ka chhiar thuak2 peih lo va, ka comment lo mai ang!
[Report abuse]
August 6th, 2010 at 7:28 am
Saimthat a har viau tawh si chuan, a thara dik taka din tur an awm tho vang. Tuna kan ram hruaitute hi chu mipuiin kan awmtir a, kan hnawl bo leh mai theih an ni tho, that’s DEMON-CRAZY, I mean to say Democra-shield!
[Report abuse]
August 6th, 2010 at 7:57 am
Kan naupan laia thakthing zung chawh, tantial vai, sava veh, motor acid liah tih vel mai mai kha a lo nuam ber anih hi.
[Report abuse]