Suasam
Evening Post news: Setana betu inti hmeichhe tleirawlin Vaivakawn Biak In suasam.
Setana betu inti Chawlhhmun hmeichhe tleirawl pakhat chuan tukin khan Vaivakawn Presbyterian Kohhran Biak In a suasam a, amah hi Vaivakawn police ten an la nghal a, thubuai siamsak tum a ni.
Pulpit sawisak chu
Pu Lalchungnunga sawi danin tukina dar 8:00 pelh hnua Biak In a enfelnaah chhunglam-ah a inkalh tih a hmuh avangin pawnlam atangin a kalh ve thung a, a hnuah Biak In hnunglam atanga hmeichhe pakhat chhuak a hmu a, a ni hian Biak Inah hian a tawngtai niin a insawi a. Biak In suasam a ni tih hi a enkawltu hian a hriat nghal mai loh avangin he hmeichhia hi a kal leh mai a, a hnuah Biak In gate bula a thu chu hmu lehin a chhuahtir a, hemi hnua Biak Ina a lut leh hi suasam a ni tih a hre ta chauh niin Pu Lalchungnunga chuan Evening Post a hrilh. Suasam a ni tih a hriat hnu hian a umzui leh a, Biak In piaha mi inhnuai, inrela a lo thu chu an va man ta niin a sawi.
Biak In Maicham hnungah hian ‘Setan is God’ tih a ziah bakah, ‘anarchy’ leh ‘swastika’ sign a ziak a, Maicham-a Bible chu a pawtthler nasa hle a, Maicham ami leh lecturn pahniha microphone cable a pawt bung bawk a, keyboard a tihchhiat bakah FM bika an hman thin mic piece a tichhe bawk.
God is setan tih ziah a tum
He hmeichhe tleirawl hi a insawi danin kum ala tlinglo a, nikum kum laihawl vel khan an In atangin a bo a, ni thum vel a bo hnuah police ten Aizawl West Joint YMA field pavilion-ah an hmu a, hemi tum hian police te hnena a inpuanna ah Setana an be thin tih a sawi a. Chawnpui thlanmual, Ramhlun thlanmual leh Berawtlang-ah te Setana hnenah an inthawi thin niin police te hnenah hian a sawi a, mi 4/5 vel inthawipui a neih thin thu sawiin, an hming a sawi duh laiin an awmna veng erawh a sawi duh lo thung.
Kumin February 11-a Zotlang-a Setana bia nia hriat ten naute ruk an tum chungchangah khan police te pawh hian amah hi rinhlelhna deuh an nei a, mahse TNT camp-a a awmlai a ni thung. “Feb. 9 khan TNT Camp atang hian a tlanchhuak a, Thingsul-ah an hmu a, an dahlut lehnghal a, naute ruk tum intite hian puana ziahah naute nu leh Vaivakawn police OC te chu inhmuhpuia an sawmna kan hmu a, hetihlai hian TNT-ah hian a luh leh tawh hnu a ni a, mahse Sairang-a inhmuhpuia min sawmna te pawh hi Feb 19-a amah ka va tlawh hian a lo hre ve vek tho,” tiin Vaivakawn police station OC chuan a sawi.
Tuna Biak In suasamtu hi inthawina atana hman tur thisen a zaina ni ngei rin a ban rek, ban puam leh malah te ser hnuhma a awm niin Vaivakawn police OC chuan a sawi a. “Tunhnaiah chuan a inthawi ngai lo a ni maithei, a ser hi a tharlam a awm lo,” a ti.
Thubuai siamsakna turah hian IPC Sec. 295A hman a nih a rinawm tiin Vaivakawn police OC chuan a sawi a. He section-ah hian sakhaw biakna hmun tihbawrhban leh tihhmelhem lam a kawk a, kum 3 thleng lung in tan emaw, pawisa chawi emaw, a pahniha hrem theih a ni.
Setana biakna lam hrechiangtu tak hnen atanga thudawn danin tunlai hian Setana betu hi an inlar leh nasa tan tawh niin a sawi a. “An pung thar hluai chuang lova, an awm reng. Thla bial lai hi Setana hnena an inthawi hunlai a ni a, an banrek zaiin an thisen hmangin an inthawi thin a ni,” a ti.
Similar Posts:
- Lungleiah Setana biakna a hluar em
- Kolasib Vengthar Biak In suasam a ni leh ta!
- Nula pawngsual rawntu man
- Setana hi a biak tlak tak tak em?
- Pu Setana pawl te hi
July 12th, 2009 at 4:27 pm
@ taitesena:
Please read the news carefully. She is booked under IPC Sec. 295A. Just because she decides to follow Satan doesn’t mean she can destroy the Church. Does that mean that I too can just go defacing Temples and Mosques and then say “Hey, I have freedom of religion!” ??? No! I too will be booked under the same Penal code IPC Sec. 295A – “Deliberate and malicious acts, intended to outrage religious feelings or any class by insulting its religion or religious sentiments.” and definitely not “destruction of private property”.
Welcome to the real India my friend. Everything is not peaches and pie. Freedom doesn’t mean you can do anything you want, otherwise it will just lead to total anarchy.
Report this comment
July 12th, 2009 at 8:06 pm
Mi sawi hnu ah sawi ve zuah zuah mai teh ang.
Hetiang hi chu khawvel kentel a ni. Hei aia nasa hian chetna a la thlen ka ring. Lehlam takah chuan hetiang hi kan sawi zau vak hian thenkhat in an lo zir (imitate)leh khanglang bawk nen, Aizawl chanchinbu thenkhat leh Cable thenkhata an tarlang vak hi chu a lutuk mah mah lo maw? ka ti deuh.
Report this comment
July 15th, 2009 at 11:52 am
Amen to that — Sandman
Report this comment
July 15th, 2009 at 12:29 pm
Biak In a suasam kha Biak In a nih vang ni lovin property a suasam vang leh mi religion a beih vangin dan lamah chuan guilty a ni. Setana be thin a nih chuan dan lam ni lovin a thlarau nun chhanchhuahna lam erawh chu kohhran purview a ni thung.
Report this comment
July 27th, 2011 at 1:30 am
ÄÅÌÎÍÒÀÆ ÃÀÐÀÆÀ…
minny…
Report this comment