A nupuiin fa a hrinsak theihloh avanga nuparek a cheng an ni a. Thisen inzawmna phei chu kan nei lo. Mahse ka pu hi ani hliah hliah ringawt mai a ni; Pu Ngurchhuana kha. Ka tetlai, sikul kai rual pawh ka la nih ve hma hauh hian, “Pawl engzatnge i nih?” min ti thin a. Kei lah ta pek chuan phur fahran hian, “Pawl li,” ka ti lauh thin. (Ka kum zat kha ka sawi thin a.) Swit hiar pakhat min pe thin. Ka theihnghilh theih tawh ngailoh tur-
Tumkhat chu Pu Ngura hian Krismas dawhthlaka ka thleng dawhah artui chhum pakhat leh cheng nga tlang hi a rawn dah a. Thingtlang naupang tan kha chuan a va han ropui tehlul em!
Mi hi a ngaihsak em em thin a, ka zirna lam te hi min zawt peih em em thin. Ka lo thanglian ve a, in ti pa rual vel ka nihin ‘Putar mai mai’ tiin ka be tha peih ta mang lo. Min biak pawhin a rul tawk lek te in ka chhang thin a. Min titi pui a chak ngawih ngawih chang pawhin chhuanlam fahrah te te siam in ka kal pel vuk vuk ta reng mai. Tun hnu hian ka inchhir ta a ni.
Ka lehkha zirna hmun atanga chawlh laa ka haw tumin a damlo tih ka hria a. Tlaikhat chu ka va kan ve zuai a. Khawkhat pachak a an sawi thin ka pu chu Cancer natna laka tlawmin khumbet meuhvin a lo bawrhsawp tawh a. Mi tlawmngai thei em em thin kha zunram meuh thiarsak alo ngai ta. Hlim taka Pathian fakna hla a sakna thin aw-ka te chuan natuar rum ri bak a chhuah thei tawh si lo. Ka va han lainat tehlul em!
Chutia ka en reng lai chuan a rawn meng a; mi rawn bia a, “Faka, tha deuhvin zir la, khawtlang tana mi tangkai ber nih tum ang che aw. Kei ve zawngin ka chhawr ve hman dawn ta lo che a nih hi,” a rawn ti a. Ka hnuk a ulh thelh nghe nghe a ni. Thiam ang tawk chuan ka hnem ve a. Ka haw leh huna dam vara hmuh ka duhthu chu ka hrilh a. Mahse khami ni kha he khawvela ka pu Ngura ka hmuh hnuhnun ber na ni chu ani ta a ni.
October chawlha ka haw leh tum chuan an inah ka leng leh a. Mahse hlim taka minlo chhawn thintu ka pu chu a awm tawh lo. A nupui, Pi Thanmawii chuan, “I pu a awm ta lo,” tih leh min tah khum a rual a. Kei, mipa diktak hian ka mittui ka dang zo lo lek lek zawng a ni. Aw! ‘Thihna nunrawng,’ he khawvelah hi chuan ‘a tawpna’ hi i va ni tehlul em! Theih ni se ka tetlaia ka pu in sweet min pek thin te, Krismas a ka dawhthlak tur a rawn dah te kha rulhlet ve ka va han chak tehlul em! Ka thilzir te hi zo tawh ni ila min va han chhuang dawn tak em! Mahse chung hunte chu a inherchhuak ngai dawn ta lo a nih hi.
Pitar leh putarte hi an khawhar ve em em thin a. Kawmhlimtute hi an mamawh ngawih ngawih thin. Pipute duat tur la nei chuan i duat sauh sauh ang u. Nang leh kei anga vanglai hun nei ve tho an ni a. Kan dam phawt chuan nang leh kei ngei pawh hi engtikni ah emaw chuan kan la tar ve ngei dawn si a. Hnam fing apiangin upate zah/duat nachang an hria a ni. Aia upate zahthiam in, tarte i duat thar sauh sauh ang u.
August 29th, 2010 at 3:01 pm
naupang leh apu chu an first ve ngai em le??
Ka pu dam lai kha chuan carrom board kha kan khel nasa thrin khop mai. Pu te nge nge hneh an har thrin teh e.
[Report abuse]
August 29th, 2010 at 3:04 pm
A ngaihnawm khawp mai. Aia upate hlutzia kan hre ta lo lutuk hi chu aw… Keini aia thil hre zawk, thil lo paltlang hnem zawk an ni reng si.
Ka thawnthu ngainat zawng tak a ni.
[Report abuse]
August 29th, 2010 at 3:14 pm
Van ngaihnawm tehlul em Tar te hi an hlu a ni.Chineese thufing chuan Lu tuak chu Ropuina lal lukhum a ni a,TAR kawl chuan rangkachak an kawl an ti tawp mai a ni
[Report abuse]
August 29th, 2010 at 3:25 pm
ka tlangval chhoh thlengin pi pute ngaihsak leh duat vel hi ka peih ngai lova. Tun hnuah erawh ka inhrechhuaka, an la dam ve2 bawka. Theihtawkin tihhlim tihlawm ka tum ve thin tawh a, ram danga khawsa an nih avang erawh chuan buaithlak na chin erawh a awm.
Post tha tak a ni e.
[Report abuse]
August 29th, 2010 at 3:33 pm
Thalaite khawvelah hian kum upa te hi an khawhar khawp mai a, tu leh fa ten kawmhlim nachang an hriat loh phei chuan an khawngaihthlak. TV ah te hian an en peih zawng a vang em em a, chuvangin tv te pawh hi an en ve duh a nih chuan an en duh zawng tih sak a ken thiam hram hram a thra. A hun laia a nachang hre lo hi kan inchhir leh thrin.
Ngaihnom khop mai.
[Report abuse]
August 29th, 2010 at 3:40 pm
He post chuan min tiharh hawk mai a, ka pu(ka nu pa) pawh 2001 atang khan thisensang avangin khumah ala mu char char, a taksa pumpui a zeng a, harsa takin chaw a bar thei. han enkawl leh kawmhlim vel chu hmeichhe chanah ka lo dah ngawt pek a.
[Report abuse]
August 29th, 2010 at 3:47 pm
He post hi a tha ka van ti tak em…. Nang leh kei hi kan la tar ve tak tak dawn si a…. kan hma bak a ni ngei mai tiro… Kum upate hi an hlu a ni… i chawimawi in i chawisang in, i zah thiam ang u….
[Report abuse]
August 29th, 2010 at 3:52 pm
MUP a lo awm te hi a tihzia ngawt mai. Inkawm hlimna hun te an neih phah a, an tlin ang tawka hmalakna an neih thrin te hi a ropui a i hlutsak thiam ang u. MUP ngaithei lo leh hnawksak ti deuh zawng trawngkam ka hriat hian a pawi ka ti thrin.
[Report abuse]
August 29th, 2010 at 4:05 pm
Tar hlutna hria kan pung chho zel hian kan hnam hmel a titha ngawt mai. Fuihna thu tha tak tak kan ngaihthlak thin hi thiltih nei lovin a thamral ngawt lo va. Chuvangin hetiang lam thu hi ngaihthlak nawn fo a nuam a ni.
[Report abuse]
August 29th, 2010 at 4:10 pm
Nia naupan laia kan thil tih thin te hi puitlin hnu a inchir leh thil awm thei tak ani.
[Report abuse]
August 29th, 2010 at 4:11 pm
Keichu kapu hi ka hmu ve hmanlo a hmuh ka chak khawp mai,pi chu ka la nei ve hram hram a,ka la hriatreng chu zan khat ka mu ka harh hlawl mai a,ka pi chuan ka lu chungah kut nghat in alo tawngtai a
[Report abuse]
August 29th, 2010 at 4:34 pm
#patichawr I Pi chuan a hmangaih hle mai che,kei erawh zawng ka pi,ka pu,ka pa ti a koh tur ka nei ve lo……pi leh pu nu leh pa nei zawng zawngte ka awt hlawm hle mai che u
[Report abuse]
August 29th, 2010 at 4:44 pm
Lonelyboy chu i van lonly tak ve maw le. lalpa’n a let tam tak Pi leh Pu, Nu leh Pa pe mawlh che rawh se.
Kan nu leh pa, Pi leh Pu te hi an boral hian kan harh chhuak chauh thin em ni aw ka ti thin. A hunlaia harhchhuah nachang hria ini theuh ang u.
[Report abuse]
August 29th, 2010 at 4:47 pm
Leh lawk, ka Pi leh Pu hi ka hmu hmanlo a, nu leh pa erawh ka nei mek a, mahse, Ka ni te leh ka Pa unau reng reng tumah ka hmu lo, an hmel takngial pawh thlalak hmuh tur pawh ka neilo. Mahse, Lalpa hian engkim alo nei a ni.
[Report abuse]
August 29th, 2010 at 5:02 pm
A ngaih nawm hle mai,zir tur tha tak min hnutchhiah e.
[Report abuse]
August 29th, 2010 at 5:04 pm
Dam chho zel a tar hun kan thleng ve te a nih chuan, kan hun hnuhnung tur chu khitiang khi a ni mai si a. Chuvangin kan thatlai hian upa zawk te hi hun kan neih chang chuan kawm hram hram tum a tha hle mai…
[Report abuse]
August 29th, 2010 at 5:06 pm
A ngaihnawm dap dap hle mai a. Mahse, thu tluangtlam pangai (,) hmanna turah (.) i hmang uar lutuk a, chhiar a ti nuam lo pha hial. Thu a ti chhumbung nuaih duh… Ka’n ti ve khanglang ang e.
[Report abuse]
August 29th, 2010 at 5:08 pm
A ngaihnawmin a zirtir a tha kher mai. Han ziak zel rawh khai. Amaherawhchu, para 4-naa “khumbet meuhvin a lo bawrhsawp” tih hi bawksawp tih tur a nih hmel!
[Report abuse]
August 29th, 2010 at 5:23 pm
Pu keimah, Amen! ‘bawrh’ chu ’sawm’ in a zui ang a, ‘bawk’ chu ’sawp’ in. bawrhsawm/ bawksawp
[Report abuse]
August 29th, 2010 at 5:33 pm
#11 Pangti, keipawh ka pi hian min ngaihtuah thei lutuk. Ka nupuiin nikum April thlaa min boralsan tum pawhin ka pi hian engkimah min hrethiam berin ka hria. Kum 20 ka nih thlengin ka pi bulah ka mu. Ka zanmu hi min tawngtai nasa thei lutuk. Ka hreru reng zel. Tunah chuan kum95 ani ve tawh a, duat teu teu tak ka ni
[Report abuse]
August 29th, 2010 at 6:41 pm
I post that thin tehlul nen, hnukulhna ngei turah te i hnuk a ulh thelh a, mittui tlakna ngei turah te mittui i dang zolo lek lek a, ka rinaiin i nep tlat. Tunhma Sailo Lal ropuite kha an khua leh tui te tuarna ah chuan mittui an seng mai thin asin.
[Report abuse]
August 29th, 2010 at 6:51 pm
‘Bawrhsawp’ tih vel kha chu typing mistake a niang a.. Khawnge bucko te, mparalte te hi.. ‘Bawrhsawp’ tih tur an lo ti leh mai lo maw..?!! hehehe..
[Report abuse]
August 29th, 2010 at 7:38 pm
A ngaihnawm hle mai. Rawn ti zel teh.
[Report abuse]
August 29th, 2010 at 8:38 pm
@lonelyboy,kan inang chiah,khawvelah keipwh kapi hi ka nu ani e
[Report abuse]
August 29th, 2010 at 8:49 pm
Tar pakhat a thih hian, dairy book pakhat a boral tihna a ni. Tar te hi, abik takin chhungkaw tan phei chuan inthlah chhawn dan chungchangah te hian an hlu hle a ni.
[Report abuse]
August 30th, 2010 at 12:14 am
Ka pi leh pute an boral vek tawh. :very sad:
[Report abuse]
August 30th, 2010 at 12:49 pm
Faka, i pu hriatrengnan naupang pahnih tal Masi present pe ve rawh auh! Ziak tha khawp mai
[Report abuse]
August 30th, 2010 at 5:46 pm
zirtir a nei thra khop mei..lo continue zel don nia o
[Report abuse]