Kan hma lawk September ni 20 hian Mizoram Governor Lt. Gen (Retd) Madan Mohan Lakhera chuan Mizoram Assembly vawi 6-na a kova, he hunah hian Supplementary Demands (Regularization of Excess Expenditure) chungchang sawihovin September ni 22-ah vote lak a ni dawn.
Mizoram Assembly session hi vawi engemawzat an thukhawm tawh a, mipui khawih thil chi hrang hrang an ngaihtuah tawh thin. Chutih lai chuan, mipui nawlpuiin kan chhawr lem loh hi kan aiawha kan thlan MLA te hian an rel tamin an pass tam zawkin ka hria. Chuvangin, he hun pawimawh tak kan MLA rual ten kan ram thanna tur an ngaihtuah leh hunah hian misualte hian kan ram thatna tur leh hma sawn a, mi retheite thleng phak Assembly session an neih theih nan hian hma kan lak tha ka ti, inti ve em le ?
Misual.com hian tlawhtu a ngaihin heng zingah hian sawrkar mi pawimawh officer lian tak tak leh Minister te thleng pawh an awm niin ka hria a, chuvangin, tih takzeta ngaihtuahna sawrbingin kan ram leh hnam tundinna kawngah hian pen khat tal kan thawh ve dawn lawm ni ?
Serlui B Hydel Project hi inthlanpui kan neih hnuhnun ber hma MNF sawrkar lai khan ka tlawh ve tawh a, khatih laia Sawrkar lam hotute chuan inthlanpui neih hma ngeia hawn a nih tur thu min hrilh a, kha thil kha MNF sawrkar puipate khan sawi turin Official lam an rawn pawh a ni mai thei. Mahse, hei Congress Sawrkar pawh kum 2 dawn kan hrawn tawh a, anla hawng lo chu a nih hi. Khawl pahnih chu an enchhin a, pakhat erawh anla zo lo niin ka hria. Engtikah tak hawng tak tak ang maw ? Kan Politician te hian DAWT hi min hrilh tawh suhse tih hi ka duhdan a ni.
NLUP pawh rangtaka semtum tute hian tun thlengin anla sem thei lova, engtikah nge an sem dawn ? Congress sawrkar lai mek pawh hian an mahni thlangtu mipuite hi zahna chang hre ve mawlh sela a tha ngawtin ka hria. NLUP hi an sem thei lawk dawn lo a nih chuan chiangtakin sawi mai sela, kut hnathawka eizawng rethei em em, zanriah buhfai thlak tur pawh puk chawpte hi mihring ve tho kan ni e.
Sawi tur a tam, a thenin a sei kan ti leh tawh awm si a, duhtawk dawn phawt ila. September ni 20.2010-a Mizoram Assembly session neih turah hian kan MLA zawng zawngte hian ram hmangaihna tak tak neiin thusawi sela, an enkawl hmeithai leh pachhiate rilru tina tur hian thu tak lem lem hi min fah lul tawh suh se.
A Tawp ber atan chuan kan MLA rual 40 te hi misual.com hming hian ngenna lehkha thawn ila, kan ram hmangaiha enkawl ngai ngawh ngawih, a chhunga cheng hmun li a thena hmun thum rethei tak takte thleng phak Assembly House-a sawi tur leh thu dik tak hmanga min kai hruai turin i ngen ang u hmiang, enge in ngaih ve dan le ?
Similar Posts:
- Assembly session zawhna ropui tak mai chu!
- Assembly house adopts court bills, adjourned sine die
- Mizo hnam zingah Gangte telh an ni ve ta
- Probe report on ‘nexus’ with insurgents to be made public
- NLUP atan Rs 100 crore hmang hman ta lo
August 31st, 2010 at 12:46 pm
HV hmu let thei ila ka va tive…
August 31st, 2010 at 12:59 pm
A rawn chhang let turte hi ka ring dik sa reng a….
Americanho mipui mimir mawlzia te(rest of the world a awm tih pawh an hre mang lo!), an arrogant-zia te, an foreign policy tenawm rukzia te, American ni ve lo engah mah an ngaih lohzia leh an thih teuh pawh pawi an tih lohzia te, democracy leh human rights champion ni awm taka lang, engahmah ngai tak tak mang si lo an nihna te hi ngaihsan har ka tih lai tak chu a ni.
An intithei em em a, an thei tak tak bawk si te hi digest har ka ti teh mai a nia!!!
Fel deuh deuh, entawntlak tak tak pawh an tam, kei pawhin ka hre ve nual mai.
Germanho efficient-zia leh taimakzia te hi ka ngaisang tlat pek a.
August 31st, 2010 at 1:53 pm
Amerika ho chu amawl amawl te pawhin anram hi antran a,anhmangaih tlat theihna thuruk hi, pemkhawm? awmkhawm ve mai te si anram leh hnam hmangaih kawng a antrangrual tlat thei hi…: D
Germanho pawh hi anthra khawp ang ka hreve lemlo, mahse kan ZORAM a apply theih tur hi a ngai si, Hitlera ang deuh kha hruaitu neive ta ila kan thra ve phian thei angem aw.. kan thlahte tal..: D
August 31st, 2010 at 1:54 pm
Je Lo, Hitler anga fir leh strict kan mamawh, nunrawn lamah nilo.
August 31st, 2010 at 2:52 pm
Pu Phoro-a leh Pu Babute-a te an tar thih hma loh khi chuan Zoram-ah khua a var lul lo ange.
August 31st, 2010 at 9:56 pm
Kan Politician-te chunga rinna nghah hi chu lungpui suttlang a theih loh ang tluk deuh hian ka ngai tawh. Thangthar ram hmangaih tak taktu kan va mamawh tawh em.
August 31st, 2010 at 10:53 pm
Vei ve tehreng mai. A thim zawnga ka thlir chang hi chuan ka hah hluah hluah thin.Party mal khai phei chuan eng party-ah mah hian beisei ka nei lo. Inthlanpui a vote thlak dawn hian Mimal zawngin duh ka lo thlang ve thin a mahse mimal thu ai chuan party thu lah hi a lal leh zawk si a! a hahthlak a ni e. Politics tui nu, insawi thiamna, inchirh thehna, in bumna, etc. hi ka hne tawh. Hetiang reng reng a kan kal a nih chuan kan hmabak chu a eng lo khawp ang le! ‘Bei nge sei Run dung’ ti in keini thianho chuan ‘Tun sawrkar thar hi i nghak leh phawt teh ang’ kan ti a, mahse nghahchhuah duhawm tak erawh kan nei tam dawn in a lang lo.
August 31st, 2010 at 10:55 pm
* ruaruatapa, hei pawh hian comment tu a nei tlem leh pharh maithei a ni
September 1st, 2010 at 8:14 am
Vei ve khawp mai. Kan ram siam tha tur chuan a bul berah chuan Chief Minister hi a pawimawh ber. Tin, thuneitu ber leh thil titheitu ber tur pawh a ni. Hemi atangin, Minister ah…ti chuan Sorkar Officers –> Mipuite…
October 30th, 2011 at 7:44 pm
ka lut ve thei tawh lo maw ka ti, ka lo lut thei renga ! ka vei zawng in vei ve em? tih tho a lo la lang reng a !