![Nikum lama mi kan modify [resizing & reanimation]](https://misual.life/wp-content/themes/misual/images/banners/xmas-banners5.gif "Nikum lama mi kan modify [resizing & reanimation]")
Khawnge a vawikhat nan tiin ka rawn post ve e!
Mizote hi kan ram pawnah kan inlungrual viau na’ngin, mahni ram chhungah ngei hi chuan kan va han inngeih tlang lo tak em! Hnam dang (a bikin ‘vai’ kan tihte) hi kan han hmusit ve ngawt a, mahse eng teh vak nge kan nih bik le?
Tun hnaiah kan hriat theuh angin Taxi Driver Chawnghmingthanga tual thih chungchangah Bungkawn mipui lungawilo chuan a mawhphurtu Laltanpuia an hren mekna Central Jail chu an pan a, midang an rinhlelh te man turin Police an ngen a. A hmun an thlen hmain kan Police lam hruaitu te chuan lo dangin, buaina thleng lovin an haw darh leh thei ta a. Zawhna lo awm ta chu – lo dang lo ta se enge thleng ang? Hman deuhah Saiha-ah chuan tualthat pakhat tang mek tawh chu mipui thinrim kawng zawh chuan tan-in an pan a, vengtu Police leh Homeguard te an lo indaih lo nen lungin an denhlum tak ngawt kha! An la nui vur vur lehnghal! Tunah te pawh hian KTP hruaitu te an tel leh awm tho si a – kan Kristianna nen a va inhmeh lo em!
Heng mai piahlamah pawh hnam dangin kan Mizo nula lo pawngsual emaw lo that hial ta se, Silchar lam panin kan inphur thla vak leh ngei ang le! A nih loh paw’n Tuikuk miin emaw, Burma lam miin emaw kan pawi khawih ta se – chutiang tho chuan kan ti leh huai pek ang. Mizo kan ni, kan hnam kan chhuang… mahse – a pawikhawihtu dan anga man leh hrem an nih tawh chuan – ‘rik huk policy’ hi a tulin a tha ber em aw? Kan sawi tawh angin henga tel tam tak te chu Kohhran leh khawtlanga inhmang tak an ni si a!
Tum khat chu Upa-a thlan thlin thar pakhat chuan veng pakhat thalai inkhawmah YMA anga Rangvamual an zu fan chungchang a sawi a – “Zu zuar pakhat chuan zu a zuar ngai lo tiin dawt a sawi tlat a, vuak a tuar phah ta a…” tih chu zak miah lovin Biak Inah zu han sawi a! An zingah chuan a tel ve reng tih a chiang reng si a; sual tih a thatlohzia sawi a tum a ni maithei, mahse Isua’n mi ngaihdam leh tharum thawh lova zaidam min zirtir laiin ‘misual’ kan tih chu vuak a pawi lem lo tihlam hawi zawnga thu han sawi chu! Hetiang hi sawi tur kan nei tam tawh lutuk lo maw?
Mizo te hi hnam anga kan tet tawh tehreng nen, kan veng chuti khati te kan la ti mai mai – heng hian ‘communal feeling’ a hring a, buaina lian zawk a thlen phah thin. A pawisawi tute hi chu i dem mawlh ang u – mahse a veng/khua emaw, hnam ang zawng hi chuan huatah i la lutuk lovang u. Chutilozawng ‘global village’-ah hian kan hnam ‘preserve’ kan tum luatah, kan ‘method’ a dik loh avangin kan hmingchhe zawk dah ang e! In ti ve lo maw…?
Similar Posts:
- ILP leh Mizo te
- Tun kum YMA General Conference Pandal chu Kingfisher thlawhna a ang khawp mai
- Mizote leh Football
- Vairengte ah Bandh. Police leh mipui innawr buai
- A der-a that/ fel (Thlirna tlangdang)
January 15th, 2010 at 9:38 am
Dik khop mai
[Report abuse]
January 15th, 2010 at 9:42 am
Ni e,communal feeling hian mi ati ä thei khawp mai.mob rule anih tawh phei hi chuan a auring ring leh a pawr pawr thu hi zawm a awl duh lehnghal.communal feeling hi kan neih a tulna chin a awm bawksi.Kan hmanthiam chuan a tangkai hle thei bawk.chem hriam tak ang ani.
[Report abuse]
January 15th, 2010 at 9:48 am
Hnam dang te hi hmusit mai tur kan ni bik lo, dik tak chuan ‘vai’ kan tihte nunnah hian entawn tur tam tak kan nei zawk a sin, an tawrhchhelna te, an dawhtheihnate leh an huaisenna te hi, chutiang zelin hnam hrang hrang lakah pawh, an thatna lai hi hmuhsak thiam a tha khawp mai.
Pawikhawihtu ten an phu tawk nia kan hriat anga hremna an tawk lo nia kan hriat vang hian, keimahni khawtlang mipuite hian hremna pek kan duh vangin hetiang hian kan che ta mai thin a ni mai law’ng maw. Misual kan tihte hian mipui nawlpui lungawina khawpin hremna hmu thin ta sela chu a dan a dang mai thei e.
[Report abuse]
January 15th, 2010 at 9:50 am
Veng sawi takah chuan…a rawn sawi chhuak tute hi veng lian vak lo an ni duh ang reng (changkang lo lam ni lovin) NOI. ‘Kan veng a ni lo’ tih vel hi chu sim a tha viauin ka lo hre ve mai mai a. An veng kan va hmuh changkan lo phahin kan hmuh sual phah lo tih hi hre teh se.
[Report abuse]
January 15th, 2010 at 9:51 am
PS. Bungkawn . Not Bawngkawn
[Report abuse]
January 15th, 2010 at 10:01 am
Corrected.
[Report abuse]
January 15th, 2010 at 10:14 am
ania sin
[Report abuse]
January 15th, 2010 at 10:15 am
ih… hmana SRS ho jail a tang te pawh kha, an rawn chhuah khan an veng mipui ten pangpar thi an lo awrh tir a ni lawmni kha? Lehlamah Pathian Pathian Pathian kan tia, a lehlamah “That ru, that ru, that ru,” kan ti leh si a, chung tiang rilru pu chung chuan zu in ho kan han hmusit leh ringawt bawk sia, zu in thatloh zia vel sermon hrep pah in… huiha, rilru chu a ti hah ve duh a ni han ngaihtuah chiang hi chuan
[Report abuse]
January 15th, 2010 at 10:23 am
Kan ngaihtuah thui loh chang atam avang hian, ram dang atangin mi hmuh ah kan hmingchhia ang tih chu ka hlau ve thin.
[Report abuse]
January 15th, 2010 at 10:31 am
Nizan local news-ah ka hmu, Jail lam pana mipui haw haw kha…kan va la mawl em! Hetiang lam hi Post ka lo tum mek lai ania, he post hi ka ring mai ang e. A ziaktu’n a ziak famkim thiam bawk a. Sawi tur a tam, tlak duah ka chak, hun ka nei rih si lo.
[Report abuse]
January 15th, 2010 at 10:39 am
Laltanpuia khan zu inlo se hetiang hi a thlenglo mai thei. Nupui fanau te nen thlamuang takin a awm ve mai thei. Zu in mite hi sawimawi han tum viau thin mah ila, an sulhnu hi a pawr leh tlat thin.
[Report abuse]
January 15th, 2010 at 10:48 am
Kan source awmchhun ni ta ber chu Laltanpuia a ni si a; unaupa Chawnga lah mitthi a ni tawh si. Rangvamual leiminna bula zu an in dun pawh hi ka ring phal lo, pakhat thih hnuah Laltanpuia hian Chawnga nena zu in dun angin a insawi ta velah ka ngai tlat! Kha khan Chawnga a tihmelhem riau mai a, ka awih phal tlat lo mai —autopsy-ah engnge a result ni ta ang aw tih pawh ka ngaihtuah neuh neuh tlat!
A thinrimthlak a, Jail pana a khawnawta an kal kha a awm tho alawm. A vengah Ukil engemaw zat lai leh mi hawizau tak tak an awm ve tho va —an inkhap lo tih a lang mai a. An venga Ukil-ho leh Lalbiakmawia Ngente te, Ukil SL Thansanga te asin ka mitthlaah rawn lang daih zawk chu le!
[Report abuse]
January 15th, 2010 at 10:55 am
An thinrim ve viau chu a ni a nga. Mop rule hi chu khawilaiah pawh hian a awm a, mizo kan mawlna vang em em pawh a ni chuang lem lo a, mihring kan nih vang a ni mai a. boruak an khapdai thei a a lawmawm ah i ngai ang u. Mahse Mizoram chhunga hnam dang kan hmusita kan inti cham mah mah thin hi chu zahthlak chang a tam mai.
[Report abuse]
January 15th, 2010 at 11:02 am
@Sandman : SRS-ho an ni em ni? Mission vengthlang YMA member-ho an nih zawk kha? An President kha ½Bakthak a ni e an la ti ta dah a! Bail-a an rawn chhuah —tualthahnain a chim karah—chawimawina parthi an lo inawrhtir a, Central YMA hruaite an zu tel ve ngei a, an khap hauh chuang lo.
Kha daih kha kan ni, kan khawsa zia chu —misual.commer-ho mi tam vak lo hi chenna inkar hlat tak tak atangin duhthu kan sam ve vel mai mai a nih zawk hi!
[Report abuse]
January 15th, 2010 at 11:06 am
ok ka lo check leh ang… Tiang hunlai khan SRS kha an lar em a (infamous zawk, famous nilovin) ka lo ngaihpawlh a nih hmel.
[Report abuse]
January 15th, 2010 at 11:24 am
Kohhran upa /KTP leaders ,rawngbawltu etc ang in sual ngaihdam na thu kan sawi trhin a VDP ,JAC,etc ang in misual vuak kan uar ani mai a lom kohhran upa pa pawh chuan upa anihna ang in kohhran ah chuan ngaihdamna thu te a sawi ang a YMA ang in zu a chek in zuzuar a vaw leh mai anih chuhahahah
[Report abuse]
January 15th, 2010 at 11:29 am
Communal Feeling-ah hian doing the right thing in the wrong way and vice versa a awm thei ve ve a —men fim chu a ngai lehzual ta khawp mai! Engkim legal angreng takin kan kalpui ve tawh sina laiah!
[Report abuse]
January 15th, 2010 at 11:53 am
‘communal feeling’ nei kan ni tih chu kan pom tlang niin a lang..chu2 a tok chauh a control a nih chuan( a hman dan thiam) thil tangkai tak hnam inlung rual nihna a ni..hman sual eroh chuan hnam mawl,hnam kolhsen nihna a ni hlauh thung….
[Report abuse]
January 15th, 2010 at 12:56 pm
Pu Chawnghmingthanga thih chungchang leh communal feeling kan sawipawlh hi a dik berin ka hre lova. Vanglaini ka lo chhiar ve a, Police ten a thattu Laltanpuia statement hmanga news an clip kha a diklo ka ti a, Pu Chawnghmingthanga chhungte an zahawm ka ti a. Laltanpuia khan ‘dawt’ a sawi dawn tihkha a hmasa bera ngaih tur a ni a, a nupui leh fate rilru tihah lehzual tura statement pakhat pawh kan siam tur niin ka hrelo. Rs.400 min dil, mi dang aiin min dil tam atihte khan zu an in dun loh dan tur chu a tichiang hlein ka hria. A tuartute rilru tina lehzual tura news report pek hi ‘ethics of media’ a ni lo.
‘Communal feeling’ kan la sual deuha ka hriat chu pu chawnghmingthanga thihna leh midangte thihna nen kan kaikawp hi a ni a. State dangah chuan people’s movement an ti mai a, ngen an nei a, mipuiin nasa taka thudik, dikna an ngen chuan an hlawhtling fo a. Bungkawn mipui ten hetianga ngen an nei hi dan ngawt aia an ngen ngei, thudik zawn chhuah hi sorkar pawhin pek in tiam se.
[Report abuse]
January 15th, 2010 at 2:04 pm
Mob rule hian chuan rah tha chhuah khat viau.
A person is smart but people are dumb(MIB)
[Report abuse]
January 15th, 2010 at 3:58 pm
I thlir dan atang chuan a dik ve tho mai, nimahsela a thi a chhung te khi lo ni ta la, a pawr pawr ah chuan i tang ve tho lawng maw ?
[Report abuse]
January 15th, 2010 at 6:05 pm
Mizo te hi a tlahlang chuan meikhup dui in kan awm a, pali panga kan han nih chin ah tawh hi chuan kan pawr em em tawh mai zel h thin a,hei hian hnam huaisen kan nih leh nih loh a hril chiang viau in ka hria.
Veng hming chu sawi lo mai ila..kan thenawm nopang taxi khalh pawh YMA/SRS hovin tum khat zu a phurh leh phurh loh an check a, nopang ta na na na leh thil sual ti lo ta na na na chuan a lo chhang pawr ve deuh kha an sawisa hrep mai a,a chhung te rilru na chuan YMA hruaitu in ah an han leng a chuta an thu lo sawi mawlh mai khan vawiin ni thleng hian ka rilru ala ti na…’In ngam chuan min han khing teh u..YMA duty hi in khing hneh chuang lovang’ zu han ti a …ngaihdam dil a hnek in !!!!
[Report abuse]
January 15th, 2010 at 7:08 pm
A rawn post tu pa thiantha tak or chhungte ni ta se boral ta Uchawnga kha chu.. Kei ai pawh hian a thinrim ka ring.. Ka vaw thlu chak teh nia aw tualthat pa kha.. Sorkar hian awkhlum rawh se misual chu…
[Report abuse]
January 15th, 2010 at 8:06 pm
A hnam anga huat kan la te hi chu a la awm viau a, mahse a veng anga buaina kan cho chhuak thin hi chu a zia lo deuh chu ka ti… Aizawl khawpui tereuhte kan ni a, kan in kilometre tlemtea a inhlat avang maiin ‘veng’ a lo hrang a, ho deuh asin chutizawnga ngaihtuah chuan…
[Report abuse]
January 15th, 2010 at 9:13 pm
Chu vang lawm Aizawl hi la tet em vang hian veng feeling la awm.. Vairam ang chu ni se.. Veng feeling ai in colony or apartment feeling te awm tawh awm zawk sia.. Veng ah mithi an awm chuan kan threnawm ten an hre vek a, kan veng ten an hre vek a, veng dang ho pawn an hre ve zel a.. Chung te chu veng feeling a ni awm sia.. Lawm awm zawk a lawm heng ang feeling neih hi.. Mahse mop rule em a kal chu trullo thin khop mai.. Ti leh ta deih i la bungkawng veng mipui kal khawm kha mop rule nih na han sawi fiah teh..
[Report abuse]
January 15th, 2010 at 9:18 pm
thil tisualtu cu dan in hrem mai rawh se,,mipui lo inrawlh ve hi nge tul na awm?!!,tin tun hmalam a thil thlengah hnam anga phuba lak kan tum thin hi chu a fuh lo ka ti..thiltha pakhat mah a thlen lo… Pathian in phuba cu la rawh se a tawk!!!
[Report abuse]
January 15th, 2010 at 9:42 pm
India ram ah hi chuan kan dan hi kal muang em a ni.. Mipui in an nor loh chuan a riral duh khop mai.. Exmpl Rev. Chanchinmawia te kha.. Mipui in kan ngaih sak em lo a ni.. Final thu leh hla awm heklo..
[Report abuse]
January 16th, 2010 at 3:14 pm
Thil reng rengah hian ‘extremist’/firfiak pawl nih hi a tha lo va, khawtlang a ralmuan loh phah. Dan a lo fuh tawk loh chuan mupuiin kan ngaihven ngei a tul – democracy lungphum a ni chu chu… amaherawhchu ‘ngaihven’ leh ‘mob rule’ lai tak inanlohna kha a ni!
Mipui pungkhawm te kha lo dang lo ta se eng nge thleng ang? Mizo history en chuan a tlangpuiin tul hauh lova hliam tuar leh ‘lathi-charge’ anih loh leh kan sawi tawh angin lunga den hlum hial te an awm deuh ziah… mipuiin dan felhlel chu kan ‘ngaihven’ chu a ngai tak meuh, mahse kan kalpui dan, a ‘method’ hi chu a dik lo deuh lo maw…?
Danin a hrem na tawk lo kan tih avangin mipuiin kan va that ngawt thei tihna em ni? Chuti anih chuan Europe Dark Ages an tih lai, ‘Inquisition’ chho lai vela Roman Catholic Kohhranin ‘misual’ an tih tawh phawt chu an hal hlum zel ang kha kan ni dawn tihna mi?
A Bible thu lam atanga ngaihtuah duh te tan paw’n sualna nei lo midang kutthlak duh kan lo va nei tam ve – Kohhran huam chhunga ‘misual, mi tling lo’ an nihzia hahipa sawi leh tho si te! Jail lam pana buaina cho chhuah tuma kawng zawh tihte ai chuan ‘mass media’ lamah te emaw, kawng zawh kher lova public gathering, a peih te tan phei chuan ‘fasting’/chaw nghei tih te a awm teuh mai ‘ngaihven’ dan te chu… Pu Gandhi-a paw’n non-violent movement buaipui reng rengin a dam chhung hun a hmang lo’m ni kha…? Beidawng lovin mi kutthlak lovin a bei a bei reuha a ni te khan… a hlawhtlin tak mai kha mawle a tawpah chuan! Isua leh Bible ngaisang deuh a la ni zui… Kristian a ni lo na’a… enge keini ve…?
[Report abuse]
January 16th, 2010 at 3:24 pm
@RTPA: ‘Veng feeling’ ka rawn tihna ‘context’ chu – vai ramah chuan khawpui te a lo zau zawk avangin, veng te an inhlatin an inpawh lutuk lova. An inkarah buaina a chhuak fo te pawh hi a awm chin a awm. Chutih laiin keini ang Aizawl khaw te ve leh chhawng tak, i sawi ang deuha mitthi chungchangah te pawh veng hrang hrang kan inhrilhpawh mai theihna hmunah hian, ngati nge ni hetiang em em hian kan inlungrual loh? A social science lam zir deuh te’n, hmanlaiah khua angin kan awm hranga kan indo thin laia kan rilru/’mentality’ – kan ‘tribalism’ hi kan la thlah tak tak thei lo an tih hian ngaihtuah zui a phu em…?
[Report abuse]
January 16th, 2010 at 4:42 pm
A lo ni maw.. I veng feeling tih leh ka veng feeling tih a in ang lo ani maw.. Nang -ve in i la a kei +ve in.. Nung phung kal dan ni e..
[Report abuse]
January 16th, 2010 at 5:29 pm
Kha mi zan khan an veng a pa lar ve tak 1 chuan kawng dal in a ding lui tlat a (jail a zu kal tur te a dang). A bul chiah a motor phei chu an sawina sa in an kuai thlal hman trep. Kawng dang atang in an kal lui ta diak!!
Police 1 in thil tisual tu chhuichhuak tur in min phut a, lock up kan dah leh, an rawn pung khawm a, jail a kan dah leh an rawn pungkhawm tho bok sia. Misual pawh kan chhui hman reng2 hleinem a tih fiamthu pawh hian ngaihtuahna a ti thui fu.
[Report abuse]
January 16th, 2010 at 6:31 pm
mizote leh communal feeling ti in hmar emaw, thadou emaw, paite emaw, lai emaw etc trongin website dangah he thu, deAnGeLiZeD ziah tho hi ziak ta i la engtin nge kan ngaih ang tihte ka ngaihtuah maimai a..
[Report abuse]
January 16th, 2010 at 6:47 pm
Veng veng tih hi kan lak run loh deuh a trul viau laiin veng veng footbal kan tran leh dawn chu ania le, pui leh hem hem ngawt ang. Mob rule kaltlangin min han mop thlu rem rum leh mai dawn chu ania
Tual a thah thu a inpuang, an chhui belh zel ang, kan police mithiamte hi ring tawk ang u an ni lo rintur kan neih loh hi. Kan duh leh rindan anga keuh thluk pui kher tum bawk lo ila.
Police finding kha Court-ah an han chai leh ang, thudik hi dan ang taka hailan mai hi a theih loh hun a duh viau ani tih hi hretlang ila.
Taxi driver thah leh communal feeling kan neih leh neih loh hi a inzawmna kei chuan ka hre lo :!: Nge communal feeling kan tih hi Veng veng feeling kan tihna zawk le :?:
[Report abuse]
January 16th, 2010 at 9:31 pm
@mzvision mop rule lam zawk a sawi na ni ang ka ring.. nge mipui pungkhawm hrim2 kha mop rule ni ah ngai..
[Report abuse]
January 16th, 2010 at 9:31 pm
deAnGeLiZeD i chhungte vai kut tuarin an thi ve toh m???
[Report abuse]
January 17th, 2010 at 3:53 am
@RTPA: Political Science zirlai a hminga ka nih ve avangin tuna ‘mob rule’ ka hmanna context khi ‘metaphorical’ purpose atan a ni a, a academic definition ie ‘Ochlocracy’ lam hawi zawnga hman a ni chiah lo. Mipui mimirin ram dan an kuta an dah entirnana hman mai a ni e. Thumal dang han mai tur a vang em a!
@gorrilla21: Chhan a va har ve! Chutiang chu kei leh ka chhungte’n kan la tuar lo hlauh va, a vanneihthlak hle. Tualthahna avanga miin an nun an chan thin hi chu thil rapthlak leh tawrh harsa tak a ni awm e… damlohna avang ngawt pawha han inboralsan te pawh tawrh a harsat tehreng nen! Amaherawhchu, a tualthattu kha a thil sual tih avangin kan dem tur a ni a, a ’social/ethnic background’ avang khan kan dem kher tur tihna a nih tel erawh ka hre lo. Tunah i zawhna pawh ‘i chhungte “vai” kut tuarin…’ tih a ni a, ‘i chhungte “mi” kut tuarin…’ tih ni lovin. Vai kut tuar pawh lo ni ta se, chu vaipa chu vai ho zawng zawng aiawhtu tura an thlan chhuah a ni bik lova, anmahni hnam zinga a mawl fal – a ak nawi pawl a ni ve mai a, vai ho hmuhsit vek phahna tur a ni lo. Entirnan: India ram khawpui pakhat Mizo zirlaite chuan eng eng emaw inhmuhkhawmna an nei a. Mi fel leh taima tak tak hlir an ni. Amaherawhchu an bang an haw tur chu, an zinga zu rui lo awm pakhat chuan buaina a lo siam a, man a ni a. A nghawng – Mizo awm zawng zawng vaiin min hmuhsit phaha, a hmun ngaiah ‘function’ Mizo te tan neih phal a ni tawh lo. Enge hei hian a entir? Mipa pakhat thil tihsual avanga a hnam pum endawng hian eng kawngro mah a su lo!
@galngam: Ka hre bik lo le. Uluk deuhva ka ziah a ni lem lova, a huam zau ang zawnga chhuah tur chuan felhlel a tam viau maithei. In thu thu le.
Engpawhnise, “This is khawvel; everything is a cartoon!” an lo tih kha mawle!
[Report abuse]
January 17th, 2010 at 10:22 am
@deAnGeLiZeD vairam ah i la awm tlem deuh nih dawn kha… thil a tak a hmuh or ton ve hma hi chuan kan hrelo deuh khop mai..
[Report abuse]
January 17th, 2010 at 1:52 pm
Hei vairamah lehkha zirin kan la awm ve chu a nia… a chunga thil hrang hrang tarlan, phaia Mizo inhmuhkhawm chungchang te pawh kha nikum lam ka thil tawn ka tarlanna a ni e. A mawi zawk nan (for the sake of objectivity) ‘3rd person’ perspective-in ka ziak a nih khi.
[Report abuse]
January 17th, 2010 at 2:07 pm
RTPA leh deAnGeLiZeD – te chu phaiah lehkha in zir ani mawwwwww…………..
[Report abuse]