Archive for September, 2010

Mahindra Motorcycles

Thursday, September 30th, 2010

India rama tractor leh SUV siamtu lar Mahindra chuan vawiin (30th September , 2010) chawhnu khan Motorcycle chi hnih Mumbaiah an phochhuak ta. Mahindra hian tunhnai lawk khan Kinetic Two Wheeler Company an lo lei tawh a, tuna Bike an siamthar hi Mizoram lamah chuan kan lo tuipui viau mai thei a ni.

An Bike hmasa zawk hi Mahindra Mojo tih a ni a, a specifications chu:

Mahindra Two Wheelers Mojo 300cc Bike

* 300 cc, liquid cooled engine
* DOHC technology with 4 valves
* Ducati Energia EFI
* Inverted shock absorbers
* Gas charged Monoshock rear suspensions
* Radial calliper breaking technology

(more…)

HMANGAIHNA::Duh duh sawi theih

Thursday, September 30th, 2010

HMANGAIHNA…He thu zet hi zawng hrelo abar pawh kan awm lovang, hmangaihtu zawngin kan hmanhlela,nula tlangval tamtak he hmangaihna avang hian pumkhatah insiamin, tam tak tan erawh chhiatna zakhua thlentu mai erawh a ni si. Kan zawng chiam a, kan buaipuia, hmuh ve ngei tumin duhthu kan sam a,kan zawn ber hmangaihna erawh enge a nih chiah hria erawh kan awm tam silo.

A saptawng chuan hmangaihna kan tih hi LOVE a ni tihbak sawithui theih erawh ka nei biklo.Ka han tarlan tumtak erawh chu, hmangaihna hi a awm tak tak em, thil awm tak tak ni ta se, enge a nihphung chu nita ang?Thil awmlo, awm tlat a kan ngaih te hi a lo ni mai lo maw ? Abikin kan tunlai nula tlangval tamtak te pawh hian, he HMANGAIHNA zawng hian an buaia, hmangaihna an zawnga, an hmangaih chu hmuhtum in tan an la a, hmangaihna ni a an hriat chu a lo ni leh thin silo.Hmangaih hmuhloh vangin tam tak chuan SINIAR chan an chan phah leh bawk si.

Mizote zingah hian he HMANGAIHNA tih tawngkam hi kan Pi leh Pu te hun atang renga an lo hman tawh a ni angem ? Nge kan Zosap rawn chhuak hoin a, khawthlang ram nundan atanga he tawngkam hi an rawn sengluh? Ngaihtuah a tithui riau mai.Kan tunlai zoram dinhmun han thlir pawh hian, he HMANGAIHNA tawngkam hi kan chhep lar hle mai.Khawchhak leh thlang lam atangin ROMANTIC MOVIES chi hrang hrang,nula tlangval inngaihzawnna lam entur a tamin en pawh kan en nasa hle reng a ni.

(more…)

Bawng Thin (Liver) A Tenawm?

Thursday, September 30th, 2010

Bawng thin hi kan duh hlawm hle a, tenchhiate tan fimkhurna tur ka’n sawi mai mai ang e. Bawng hian rulhut an pai tlangpui a, uluk lutuka enkawlte chuan an pai lo thei tho na a. Rulhut chikhat (Liver fluke) phei chu a common hle a, hei hi an thina awm thin a ni a, oval shape lek lek, phek thler mai, kutzungpui ti vel hi a ni a. Heng rulhut te hi bawng thin ah hian an awm teuh thin a, mi naran tan chuan hmuh/hriat pawh a har a. Bawng thin hi a vang zawngin han zai bung ila(cross section) han hmet vak ila, an rawn chhuak perh perh thin.

Hre ngai lo tan chuan han zai bun pawh hian sa thin tisa (structure) ni ve awm reng hian a lang reuh a, chhum hmin hnua han ei phei chuan a hriat tawh loh reng reng. Bazara sa thin an zawrh tam takah pawh hian a awm fo a, chhum hmin that chuan taksa tana chuti teh luaa pawi phei zawng a ni lo, mahse rulhut ei kha chu nice lo ve hrim hrim a. Chuvangin tenchhe deuh ho kha chuan thingpui dawr leh hotel narana bawng thin an siamte hi ei mai mai duh suh u. Tui ti takin rulhut in tep chap chap a ni mai. Hriatchian chauh ei chi.

PRISM hi ka hua a ni lo

Thursday, September 30th, 2010

Ka thil rawn ziah hi ka la rawn ziak dawn chauh, mimal zalenna ram a nia kan ngaih dan nilo chu kan ziak thiang a lawm le. A duh chuan thlawp in thlawp lo sela enga tan mah ka ti themte liak lo e, PRISM hi kan haw hlawm tawp a ni lo mahse keia ngaih ve dan chuan tan bik nei lo hian hna hi thawk thin se, sorkar lai hi an hlau mah mah in ka hria an member ami tur an lak luh dawn hian eng party nge a awn tih hi chiang tak in chhui phawt thin se, chuti chuan a fel fai deuh ang .

Hman ah Congress ho sorkar lai pawh khan eirukna a nasa lutuka hlawh sem tur pawh an nei lo a, Aizawl pa hosa pawisa an puk a,bank te hial pawh an khar a nih kha an sorkhar duh lutuk in vote tih chingpen te pawh an awm kha chhim lam ah,pawisa a vote in lei pawh kha an tih chhuah vek a sin,tun an sorkar nilo an sorkhar hmasak dawn khan Mizoram mipui te rilru hi a thianghlim thin ,an sorkhar duh lutuk in pawisa ten vote lei tum in zan khua in mi in ah an vak kual a, khang hun lai a tang daih tawh khan a lo in tan daih tawh a.

(more…)

The True Iron Man

Thursday, September 30th, 2010

Hei baka ‘Iron Man’ hi an awm thei dawn a mi? :)

Vawiin chawhnu dar thum hian Ayodhya ram inchuh chungchang rel fel dawn

Thursday, September 30th, 2010

UPDATE: An in sem kual deuhreuh dawn nih chu!

Lawyer K N Bhatt, who represented the party on behalf of ‘Ram Lalla’ decrees the title suit in favour of Hindus. The Allahabad High Court ruled today that the Ayodhya land is to be divided into three parts — one part goes to the Nirmohi Akhara, one to the Babri Committee and the other to the Ram Janmasthan (the central dome). The title suit of the Sunni Waqf board has been rejected. The HC also ruled that idols of Ram existed in the site.

https://news.rediff.com/slide-show/2010/sep/30/slide-show-1-ayodhya-verdict-pronounced.htm

An rel fel dawn tih hi chu kan hre theuh awm e mahse an thil rel thluk tur hi kan hria em? Kei ngei pawh hian chiang taka ka lo hriat bik loh avangin tah hian i han tarlang teh ang –

1. Ayodhya a ram an inchuh  hi tute ta tur nge?
2. Hemi ram ah hian kum 1538 khan Hindu tempul a ding tawh em?
3. Hindu pathian (Ram,Sita,Lakhsman) lim te hi  Ayodhya rama mosque Babri Masjid ah khan a lo awm  tawh sa nge….
4.  Heng lim te hi kum 1949 khan Hindu hovin a rukin an lo dah?

(more…)

Marilyn Lalmalsawmi leh HD Lalremruati te tan i vote ang ule…

Thursday, September 30th, 2010

Marilyn Lalmalsawmi chu Bangalore Fresh Face ah thahnem ngai takin misual ho hian i vote ang ule. (Right)

https://www.itimes.com/4uk8mkw46226bqykipb9yh0kw?ctype=bangalore

Chennai nula zaithiam Mapuii Chennai Fresh Face :

https://www.itimes.com/1pp3s4h1sq6s56amuadeqge8e?ctype=chennai

Misualho hriat atan: Fresh Face hi hmeltha zawnna a ni bik kherlo a.Talent Hunt ang chi a ni mai a.Zai,lam,etc. etc anmahni talent an phochhuah atanga inelna ani mah mah zawk a ni.

I Tawngtaipui ang u

Thursday, September 30th, 2010

Kan misualpui (member-pui), MamiPa fapa upa ber David Lalramthara (16) chu Brain tumor avangin tunah hian GNRC Hospital (Guwahati) ah a awm mek a. Naktuk (Zirtawpni) hian an zai dawn a ni awm e. He a tumor hi a nasa angreng tawh a, Doctor-te pawhin beiseina an nei sang lutuklo. An chhungkua an thla a phangin an mang a ang hle a, tawngtaipui an mamawh hle.

Misual dot comer-te tawngtaipuina ka rawn ngen sak tawp mai a ni. Thenkhat tan chuan a ho viau maithei a, inthlahrunawm pawh ka ti angreng a, mahse kan member pui, harsatna leh manganna tawk mekte lainat avanga lo tawngtaipui duh tam tak in awm ka ring tlat a. Inthlahrung tak, beiseina sang tak nei chung siin ka rawn post tawp mai a ni.

Thiltih awmlo tak ka ti anih chuan in mi ngaihdamna ka dil mawlh mawlh e.

ZIRNA

Thursday, September 30th, 2010

Kan Mizo zirlaite chophur nan US a zirlaite lehkha zir dan chanchin tlem i thlirho teh ang u. US ah chuan high school (pawl 12) an graduate a, college an luh hian an seilenna hmuna university/college kai hi an tum lo tlang pui a. An seilenna hmunah college tha tak pawh awm mahse, hmun hla takah emaw state danga college kai hi mi tamtak tih dan a ni. Mahse September 11, 2001 a New York khawpuia Wold Trade Center Tower pahnih misualin thlawhna a an sutchhiat atang kha chuan state danga lehkha zira chhuak an tlem ta deuh niin an sawi.

Zirlaiten nu leh pate chawmhlawm nih an duh lo va. Mahni kea dingin lehkha an zir thin. Tanpui ngai nih an duh lo va, anmahni hringtu nu leh pate ngei tanpui nih pawh an duh lo em em thin. Nu leh paten an fate college zirlai an puih dan ber chu pawisa fai an puk tir thin, bank a loan kan puk ang deuh hian. Tichuan, an graduate a hlawh an neih that deuh hunah an in rul leh thin. Chuti a nih loh leh nu leh paten an fate tet lai atangin an fate lo len huna college an kaina tur sum tlem te te a khawl/invest an neih sak thin. Chutiang ti thei lo nu leh pa pawh an tam em em.

Engpawh nise, fate college admission fee, tution fee, in luah man leh ei leh in tur, zin vahvelna a senso zawng zawng bakah pocket money thlenga in chawmhlawm tawp ang chi kha chu a awm ve lo. An ni chuan mahni ke a din theih leh mite tanpui ngai lo nih theih hi an in zirtir nasa a. Chu chu an seilen pui a, an nun pui bawk. Keini chuan tanpuitu neih that hi kan intihtheih pui ve thung thin a ni lawm ni? (more…)

Red Ribbon Youth Icon Music Video thar

Thursday, September 30th, 2010

2009 Red Ribbon Youth Icon R Lalhmangaiha chuan taksa lam thatlohna avangin duh angin hma a la chak thei lova, accident-naa a ke na pawhin dam lam a pan chhoh zel avangin tunah chuan zai lamah pawh duh angin hma a la ve thei tawh a, tunah chuan  Music Video changkang tak a tichhuak leh thei ta.

He Music Video-a hla hi thil thleng tak tak behchhana siam a ni. Lungleia nu pakhat chuan a pasalin ngaihzawng dang a neihsan avangin hla phuahtu hnenah kalin, a thil tawn zawng zawng hrilhin, a lungngaihna leh hrehawmna tawh atangin he hla hi a siam tir a, hla nalh leh lungkuai tak mai a lo piangchhuak ta a ni.

(more…)