Archive for October, 2010

Kan khaw thla eng

Sunday, October 31st, 2010

Engin nge min mawlh ka hrelo, Ram lam hna avanga taksa chauh vangin  mut ka tin tuah vel mek a, chutihlai ngei mai chuan a ni CHHAWRTHLAPUI nge kan tih anga, CHHAWRLOHTHLAPUI  kan  ti zawk  dawn?

Thlir  nuam tawk/mit  zawl tawk  velin  a dinhmun a han in siam rem a, Ni eng atanga a eng hmuh ngei mai  chu ringtu nundan tur diktak ni mai awma mawi hian a enna thla a han zar chhuak ta chu, kan khaw in zahnih vel lek di chih in chung te, leh kan tual chaina ve ber  leh chhuahka  zawng zawng te chu suan chhun thar anga var dai dek dawk hian a rawn chhun ta mai pek a lawm le. keini ang val lungmawl  lairil ve zawng a ti hrilhhai thei ngei mai.

Kei a tihngaihna hrelo thinrim angreng bawk si chuan luhkaah thuthmun ka han rem tha ang sauh sauh a, ka han thlir ta mai pek alawm le.  Kan kawtzawl a seki/sazuk ki kan han tar te lah chu Lemziak thiam ten a an ziah ai a mawi mah hian a  thla a han siam sak zui a, chutah ka han thlir thla zel a, sipai camp-a nilo tih hriat fahran mai a Dap-in chung in zawn lo tak tak mai, mahse  kawngka in hawi  tawn far maite  chuan kan khaw inlungrualna  leh sa tlak tum leh ral hmaah pawha  kut insuih thin kan nihna te chu a rawn pho chhuak thar leh ta ni ber  hian ka hria .
(more…)

Zawlaidi factory moving to R.V.

Sunday, October 31st, 2010

Tun atanga hun rei lo te ah hian Zawlaidi hian zawlaidi a nihna a rawn pho chhuak dawnin ka hre tlat mai. Engtinmaw? A um ruak hi a tangkai dawn tlat. RV lam mi te hian a um ruak hi an lei huai dawn riauin ka hria. A um ruak apiang hi RV lam a thlen thlak zel chuan Alcohol content sang zawk hi RV lam hian an rawn siam chhuak teuh mai lo maw.

Tun atanga kum chanve a lo her chhuah meuh chuan. Fun-te theory hi bansanin zawlaidi ngaiin kan kur suau suau mai lovang maw?  HNAHLAN ZAWLAIDI nge RV ZAWLAIDI  i duh? te kan la ti dawn tlatin ka hria.

Tunah pawh hian mi tamtak chuan an hmang tangkai viauin ka ring tlat.

Chun leh Zua te

Sunday, October 31st, 2010

Zantiang tawnmang ah chun leh zua tawng e.
An hmangaihna chuai ngailo chuan min lo chhawn a.
Kei Lungmawl hian an hlutna ka hre seng lo.
Ka tana an thlantui luang leh an rilru sen zawng te.
Engtikah tak hrezo i maw?

Ka tan ti an chan ai chan tha min chan tir dan te
An neih zawng pawh ka tan an ui loh dan te.
Ka tana an tawngtaina zawng zawng te hi.
An hlutna hre zo lo mah ila heng hian min thlamuan thin.

(more…)

Mi ramah zawng lunglen a nâ e

Sunday, October 31st, 2010

Dik tak chuan keimah chu lungleng lutuk mawle…

V1

(more…)

Barcelona – City of Gothic Arts

Sunday, October 31st, 2010

Vawiin chu Barcelonia khua in fang kual teh ang. Barcelona hi Spain ram a khaw lian ber dawt tu (an khawpui Madrid dawt), Europe khawmualpui a, tourist tlawh tu ngah ber pawl a ni. A hmun a thengthaw nuamin zin vak te hip thei tur thil hrang hrang a tam hle. Mediterranean climate a neih avangin October thla-ah pawh a la vawt hre awm lo. He khawpui hi economy, trade, sports, tourism lamah te a pawimawh em avangin Global City tih a hlawh chawk. Gothic architecture a tam avang hian Gothic city an ti bawk. In fang tan ang aw !

A khawpui lai li tak El Born area-ah kan thlen avangin, zin mi te’n an hmaih ngai lo Les Rambles (Street hming) kan va chuang chhuak nghal a, street performers ho leh hmuhnawm dang a tam khawp mai

(more…)

Thla a lawn thu

Sunday, October 31st, 2010

Kan awmna lei atanga Kms. nuai li vela hla, khawvel hnam tinte a ruala VIP bik awm lova current petu, mahnia enna nei lo chung pawha a neih ang ang midangte duhsak taka chhawrthlapui tih phu khawpa inpe Thla chu kan thleng ta a.

Thla kan thleng chu kan ni deuh huih maia. Kan kalte hi kan pen duai duai mai a. A nuihzatthlak duh hle. Lei aia a let ruk laia hipna a lo neih nep avangin hetiang hian ka ngaihtuah mai mai a:-

‘Olympic Game’ hi Thlaa khelh chu ni sela, an record chu a rura hlawm hle ang. High Jump-ah leia feet 6 zuang thei chuan Thlaah chuan feet 36 zet an zuang thei anga; leia feet 300 laia thui javelin khawh thei chuan feet 1800 laia thui a khawh thei dawn a ni. Mahse leia Kgs 60a rit chu thlaah chuan 10 Kgs chauh a ni thung dawn,’ tihte hi.

Thlaah chuan mi fate hian hotel an lo sa mup mup mai a. Hnathawktu vai Muslim-ho an rawih ve lemloh avangin anmahni architech tech-in in an lo sa ve mawp mawp maia. An hah tawngkhawng tawh tih kan hmuhin kan Mizo tlawmngaihnain kan pui ve a.

(more…)

Sunday Pual

Sunday, October 31st, 2010

Thinlung leh tihtak zet a Misual ho ten kan ngaihthlak atan ka rawn chhawpchhuak e.

“The love of God”- Gaither Vocal band

The Assumption Song

Saturday, October 30th, 2010

Weekend te a ni tawh bawk a, thluak in refresh nan hei hi lo ngaithla ve mai mai teh u(n).

(more…)

Mizorama Tual thihna thleng fo hi.

Saturday, October 30th, 2010

Kei misual hi chumi kha mi chu kan post leh teh ang ka tih pawn ka hlen lo fo ta mai. Tun tum chu ka rilru in mi tur et et avangin thiam lo tak chungin ka rawn in thai leh ta. A ngaihthlak dan dan in lo thiam leh mai a niang chu.

Ni 18th oct, 2010  zing kar lama kan thu dawn kan la hre theuh awm e, Aizawl dung leh vang nghawr nghing lawih khawpa pawikhawihna thleng leh ta khan min va barakhaih kher em! Naupang pawisawilo chuan mi hur herh vang in a nun a chan maw ka ti vawng vawng a, chumi thu ka hriat lai vek chuan Venghlui lamah hmeichhe ruang chhar a ni tih kan hre zawm leh ta zat mai.

Ruang tawih chhe tawh tak a nih thu te leh tu a nih an hriat theih mai loh thu kan hriat in ka ngaihven ta riau mai a. Vanneihthlak takin New Life Home Society (NGO Aizawl a mi K.S ho enkawl tute) nen kan in hmu a, an ni chuan mitthi dahna hmun ah kalin a kar hmasa lama an nau enkawl bo ta,ka hnenah ngei pawh ka lo hmuh mial takin tia a thlalak te min hmuhtir chu mi ngei chu a ni tih min han hrilh chuan ka lainat khawp mai.

(more…)

An mawi asin!

Saturday, October 30th, 2010

Tunah chuan watermark awm thlapin ka rawn dah hlawm e. Thil siam mawina hi thlalatute hian min hmuh fiahtir ni ta berin ka hria!

Khatla lam kan awm takin..

click for larger size

(more…)