Archive for the ‘Fashion’ Category

Scooty Tangkaina Pathum

Friday, July 6th, 2012

(Zirtawp ni kan thleng leh ta. A duh apiangin a thawhbelh theih. Scooty fak duhin fak ula, sel duhin sel bawrh bawrh mai teh u… ;-) )

Aw, lal-Scooty, i va’n tangkai tak em!

1. Traffic jam changin, khalh i buaithlak miah chuang si lo. Bike te chu, gear thlak te te a ngai a. Nang zawng, chu buainaah chuan i buai ve ngai lo va. Kut zungpuiin ka’n hmeh zeuh hnuah, ka’n herh leh zeuh che chuan, i tlan a ni nghal mai si.

2. Inrahkhalh zauh zauh a ngai tih loh, kein hna dang a nei lo te hi a va hahdamthlak tak em! Duh duhna hmunah ke kan dah thei a. Duh leh a hmalamah, duh leh a sir deuhah te. Bike erawh, gear thlak a ngaihin, pheikhawh a rang/bal ve zauh thei a, nang erawh chuan gear i neih ve loh avangin, ke hnathawh tur zawng zawng i awl vek a, i van fel tak… ;-)

(more…)

Mizo tleirawl Korean ang deuh te!

Saturday, May 19th, 2012

Pu Chhama’n misual rukru ber min ti ta sa sa, hei hi ka rawn post leh rup mai; a zawngchhang tlak riauvin ka hria. Mizo tleirawl zingah Korean ang deuh tlemte an ni mai a, he’ng thlalak kan hmuh chuan Korean film hian Mizo á¹­halaite-a hmun a chan thûkzia a hriat theih ang. Anniho pawh hian vawi khat mai an en lovang tih a rin theih âwm e. Tichuan, in nau te, in fa te, in chhung te, in á¹­hian te, in hmelhriat te an nih chuan min han biak dawn a nia. Thlalak sawm chiah dah leh mai ila. An an dan indawta dah a ni kher lo bawk. (Sawi kher ngai lovin an an tum ve hrim hrim tih chu sawi nawn tawh lovang)

1
(more…)

Mizo Top Model 2013

Saturday, April 21st, 2012

Hun rei tak atanga www.zofate.com-in alo urlawk, khawvel huap Mizo Top Model thlan chu April 21st, 2012 atang hian tan a ni dawn ta. Vawiin, April 21st, atang hian model thlalak upload leh vote pek tan theih a ni. Mizo Top Model 2013 tur chu khawvel hmun hran hrana awm keini Zofate thutluknaah a innghat dawn a ni.

November 30th, 2012 thleng hian vote pek leh thlalak upload theih a ni dawn a, December 2012-ah mipuite vote leh comment-te endik a nih hnuin, Top 10 Models thlan chhuah a ni ang. Top 10 Models atang Top Model tur chu Zofate.com puipate leh hmun hran hrana awm Zofate zinga hruaitute (mibik te) leh milarte vote-ah a innghat tawh dawn a ni. Tichuan, January 2013-ah Top Model chu puan a ni ang.Top Model hnenah hian chawimawina certificate leh India cheng singkhat (Rs.10,000) pek tura ruahman a ni. Tanpuitu (sponsor-tu) an awm anih chuan Zofate.com hian lawmman hei aia thahnem zawk a pe ang.

Model thlalak hi upload sak theih a ni a, model thlalak upload saktu hian an thlalak upload sak chu Top Model atan thlan tlin a nih chuan a lawmman dawn zatve pek ve a ni ang. Terms & conditions erawh chhiar phawt a tul.
(more…)

The Wedding Dress

Tuesday, March 6th, 2012

Peihlo chung chunga dawr nghak tura tirhluih ka ni nangin dawrtu an tam vaklo nen kan dawr vel chu remfelin ka tifai a. College chawlh avanga haw leh nimin a thleng chauh nimah ila ka awm hi chuan “Nakina ila enkawl tur ania, inzir rawh, tiin ka chhungte hian dawr nghak turin min ring chawt thinin, peih vaklo thin mah ila ka hnial ngai lemlo.

Dawhkan chhung vela lehkha leh register inchhawp hnawk nuai te chu ka rem tha in a pawimawh vaklo ho chu ka thianfai a. Chutia ka tihfai lai chuan inneih sawmna card rawn tla chhuakin, special invitation card mawi tak chuan ka mit ala in ka ngaihtuahna erawh thui takin a vahkual tir nghal a.

Card mawnga, ‘from Lalrinsanga and Zonunpari’ tih chuan ka ngaihtuah fo thin leh ka rilru a awm fo thin min hriatchhuah tirin, ka hnuk tiulh fo thintu ka thiannu Parte-i hmangaihna nunkawng leh tawrhna rapthlak zia chu rilru ah a rawn lan thartir leh si thin.

(more…)

Pheikhawk!

Saturday, February 25th, 2012

Tukin, February ni 24, 2012 a chanchinthar hrang hrang, TV leh radio lama an sawi nawn sek mai chuan beng ati kham á¹­ep zawk mai. Mahse, duhtu tan erawh engkim mai hian awmzia a nei thei a, a hlu em em mai á¹­hin ani si!

Nike chuan pheikhawk chi thar “Galaxy” a hralhchhuak dawn tih hriain, pheikhawk dawr kawtah rêng mai chanve ngei tumin mi za-tel an intlar pet put mai anih chu. He pheikhawk hi $ 220 +6% tax = $233.2 (Rs.11,660) man lai a ni.

He pheikhawk leiduh tamzawk chuan a pheikhawk hrim hrim á¹­hatna bakah eBay vela hralh leh atan an duh nitepawhin alang. Tukin chanchinthar lamin an puan danin, eBay lamah chuan $2000 (Rs.100,000) te pawhin an hralh thei niin alang.

(more…)

Kan Nula ten Eden Fashion lam tluang an chhui kir e

Tuesday, February 21st, 2012

Mihring an ral kumte nen tih ang mai khan, Mihring kan ral zel a, chhuan thar an lo chhuak zel bawk. Chutiangin kan khawvel inher dan pawh a danglam ve zel a, kan duh zawng leh ngainat zawng pawh a inthlakthleng ve zel a nih hi. Tun tumah chuan Hmeichhe incheina lam bik hi thlur bing dawn teh ang.

Kan fashion chungchang hi kan sawi fo thin a, a thenin kan sel a, thenkhatin awm kan ti em em bawk a. A tha e, a tha lo e tih lamah chuan ka ngaihdan tarlan ka tum hran lo. hei erawh tarlan ka duh, mithenkhat sawi dan hi. Comment lamah ngaihdan chu kan sawiho zawk turah ngai ta ila.

(more…)

Incheina — Hmeichhiate tan

Monday, October 17th, 2011

1.         Hmanni chu kan Office kawt maiah hmeichhe tleirawl pakhat a rawn kal ka hmu a, ka phu zawk mai.  A inthuam dan aṭang chuan kan Office bul hnai a cheng tih chu a hriat mai a,  mahse, a inthuam dan kha pawn han chhuahpui chi ni hian ka hrelo. Kawr banbul, te tak te, tight ṭeng ṭawng a ha a, kekawrbul pangngai pawh nilo, boxer kan tih ang chi hi a ha bawk a, a malpui tawp thlengin zuk lang thei a. Bedroom dress tura ka ngaih nen pawn a rawn chhuak kha ka lo ip chawih chawih mai.

2.         Millenium Centre a nufa bazar ka hmuh pawh khan mit a tikham. A fanu kawr hak kha — a hnunglamah zau tak a awng a, a nghawngah a insuih ve á¹­et a,  kekawrbul chhing em em mai hi a ha a, stocking emaw bun se chu ka la hrethiam, nula kan tih ang rual hi a ni tawh si. Hmu vetu dang te pawh khan an en zui he haw hlawm a.

3.         Dawr pakhat nghaktu nula sawi leh ang.  A hmel chu a tha, mahse a kawr hak kha a nghawng a zau lulai lutuk a, khatia a ṭhutna a a ṭhut tawp pawh khan a hnute zahve chu zuk lang thei a!

(more…)

Nulate tana chhiar tur

Thursday, October 13th, 2011

Tlangval ho han tih-lawm dan hi chu thil har a ni lem lo, a tactic apply thiam chuan!

Thluak hi hman thiam ve a ngai a. Tihtauh bûr bûr ai chuan nui sangin bul han tan phawt mai la, thil harsa teh chiam a awm lo.

Nui sangin, “My darling, tui han chawi rawh le,” tih pawhin an tlan dawr dawr tawh mai a ni. Bialpate in-atchilhtir duhte tan chauhva apply tur a nih hi.

Han meng no hnaps phawt mai ila, khaw dang hawi thei lek lo khawpin an mit takah hian en no hnaps mai la.

First step chu i pass der a ni mai. In lak-mysterious thiam tur; mipa hian sexy an ti a nia. Fel hmel deuh ‘but’ a ruk taka pa deuh si hi han ni der vel ila, min star em em mai a ni.

(more…)

Gunfight at the OK Corral (to Ipads, X-Box 360 leh Korean fashion))

Tuesday, September 27th, 2011
https://www.youtube.com/watch?v=h_OO93x4cAc

Ka naupan ve lai lai chuan tlangval hovin western films hi an atchilh laileng khawp mai a. “Gunfight at the OK Corral” leh “Tombstone” (featuring Wyatt Earp, John Henry “Doc” Holliday, Franc & Tom MacLaury, Bill Clanton (Bill Clinton ani miah lo ania), Morgan & Virgil Earp) Arizona state a Tombstone khua ah October 26, 1881 khan minute 30 zet an inkap vak mai a, Chu chu thil awm tak tak ani a. He incident hi a lar vet vet khawp mai a, tlangval vawi 15 en pawh an awm an ti. Romeo & Juliet pawh en nawn awn awn an tam mai.
(more…)

Coat suit

Sunday, June 5th, 2011

Incheina hi thil pawimawh tak a ni a, ‘kan inchei dânin kan mizia a pho chhuak’ an tih angin kan mizia lanchhuahna langsâr tak anih avângin kan uluk a á¹­ûl hle a ni. Dik tak chuan suit leh necktie nêna han induan zaih hi chuan mahni rau rauvah kan incheina khân min thunun a, thil á¹­halo leh sual tihpui nân a inhmeh tlat lo.

Serchhipa inkhawmpuia ka kal á¹­umin zurui pakhat hian min tibuaiin insualah min cho tlat maia; á¹­awngkam na tak taka min tih avangin ka thin pawh a ur ve hle. Amaherawhchu, ka inchei dan hi tuna kan sawi tur coat suit leh necktie nena ka inthuam ve lai a nih avangin ka thawmhnaw nen insual buai kha a mawi lo tih ka hriat tlat avangin ka insum hram hram a ni.

‘Coat Suit’ kan han tih mai hian rilrua lo lang nghâl chu kawrchung (coat, American-ho chuan ‘jacket’ an ti) leh kekawr, rawng inang chiaha á¹­hui a ni awm e. Kawrchung leh kekawr bâkah waistcoat (American chuan ‘vest’ an ti) a tel hian ‘Three piece suit’ an ti a, kawrchung leh kekawr chiah a nih hian ‘Two piece suit’ an ti.

Suit á¹­hui hrang : Suit chi hrang hrang a awm a, a danglamna chu a kawrchung á¹­hui dânah a ni deuh ber. Hetiang hian an á¹­hen hrang –

(more…)