Archive for December, 2010

Malngaite tan

Friday, December 31st, 2010

Msi@Rose lunglei

Hmanpui tur tih vela buai hun a pel tawh bawk a, nikuma ka hman dan ka’n ak pui mai mai teh ang lunglen hnemah.

Nikum 31 December 2009 khan kan kawmchhak pa boral avangin mitthi lumen naah kan thian hoin kan tlaivar a, ngaiteh dar 11:30pm a thlen meuh chuan thutna zawng zawng deuhthaw chu a awl tih tur khawp a ni a, dar 2:00am a lo nih leh meuh chuan zai tui tham pawh kan awm ve leh tan ta. 1 January 2010 5 am ah chuan mutchhuah lam tawh nen he thu hi  ka rilru a a awm tlat avngin thiam leh thiamloh pawh sawi loin ka’n chhu chhuak ta zawk zawk a
(more…)

Nu Leh Pa Chawimawi

Friday, December 31st, 2010

Ephesi 6:1-3. Naupangte u, Lalpaah chuan in nu leh in pate thu zawm rawh u, chu chu thil dik a ni si a. “I nu leh i pa chawimawi rawh” (chu chu thupek tiam nei hmasa ber a ni). Chutichuan, i tan a tha anga leiah hian i dam rei bawk ang.”

Nu le pa chawimawite tana thupek tiam awmchhun chu dam rei a ni, “I nu leh pa chawimawi rawh: Tichuan, Lalpa i Pathianin ram a pekah che hian i dam rei dawn nia,” tih kan hmu (Exod. 20:12).

Nu leh pa chawimawi leh zah thiam chungchangah hian Mizote hian tlakchham kan nei lian hle. Thawh chhuah nei si lo, ei tui duh si, mut chhuak hlei thei lo, zinga kaihthawh theih bawk si loh, harsa taka nu leh pa thawhchhuah sa khawhral mai mai, nu leh paten, ‘Ka nei tawh lo,’ an tih pawha la vui zui khui khui, thatchhe tak tak kan tam hle.

Nu leh pa chawimawi leh zah kawngah hian vaiho hi an fakawmin an entawn tlak hle. Nu leh pa chawimawi lo leh hmusita ngaineptu chan tur Bible-in min hrilh “A pa hmusittu leh a nu thu awih ngaineptu mit chu phai choakin a kher chhuak ang a, Mupui noten an ei ang,” a tih hi i hre reng ang u (Thuf. 30:17).

Naupang zawkten dam rei kan duh chuan nu leh pa i chawimawi ang u.

Thu lakna: Chhung Inkhawm Bu – December ni 30.

Thian kawm tur neilo tan

Friday, December 31st, 2010

Dam chuan hei, kumhlui thlah zan kan lo thleng leh ta der mai. Zanin angah hi chuan tarte pawhin zanlai an meng thleng hram hram thin. Zan dar riat vela mut mai hreh si, thian kawm tur nei mai silo. Kohhran inpawl khawmnaa kal peih em silo tan hawh u, duh duh sawi ang u. Duhzawngte, duhloh zawngte, vei zawng leh vei lemlohte pawh. Ngainat zawng leh zawng lote pawh. Chhass, Pathian Thu, sipawt, eizawnna thlengin sawi awih.

Mahse tumah OT awih loh. Kan Bible thianghlim paw’n ‘OT suh’ (Gen 20:17) a lo tih kha.

Ka lawm e.

Kan sawi lak lawh tawh

Friday, December 31st, 2010

A phuah tu ka chiang tawh lo e a :D

Its all over now, baby blue

——————————————————————–
chuan
——————————————————————–
If not for you,Puister {jewel} :o :P :D :lol: (more…)

Kumhlui thlah ang aw

Friday, December 31st, 2010

Ka zan mu ka thangharh a, zunram te ka thiar hnuah muthilh leh tumin ka bei ngial a ka muhil leh thei ta lo. He kumhlui ral mai tur hian mak taka min zemin suangtuahna khawvelah min chentir a. Nunhlui ka dawn kir a, kan hun liam ta te chhui kirin chu he zanreh khawharthlak tak maiah hian ka zalna khumah ka inlet ka inlet a. Nau ang nuia kan hlimlai te, chhungkaw kima damtlang taka krismas leh kumthar kan hman lai te, kumhlui thlah nana ar kanga zan rei tak thlenga kan men thin lai te kha, kumthar tuka chhungkuaa hlim taka chawhlui thin te kha ka va ngai thin tak em.

Ka suangtuahna chuan tlangtin mualtin a hrut kual a, ka thian hlui te, nitin zantina ka kawm thin te kha an va ngaihawm thin tak em. Zan thla eng hnuai tukchawp tingtang nena zai kan vawr thin lai te ka hrechhuak uai uai a, thianza hova nula rim tur kan chhuak tham tham thin te kha, hmanlai an chang zo ta. A then hna avangin mual hran khaw hranah kan tuan ta a, a thenin kawppui neiin chhungkua an din hrang tawh a, a then lah famdairial changin thlanah an liam tawh bawk. Hun a ral a, kum a liam zel a, mahni tawk tete a kan hlimlaini te khan mual an liam zo ta.
(more…)

Kan ‘Puak’ dawn em?

Friday, December 31st, 2010

Hmanah chuan —
Nausen mu tui lai an phu zawk zawk a, Lung tha lo an buai a, Ashma vei an chau a, Pitar Putar an lungngai a…
Mahse, nikum mai atang khan, rinphak bakin thil a danglam ta!

Kan la hre theuh ang a; Chanchinbu leh TV hmangin, halpuah/halmawi a that loh zia nasa taka inzirtirna beihpuithlak ni a. Hal lo tura ngen leh dan hmanga vau kan ni bawk a. Kan veng te a’n puah nasat thin tehreng nen, mimawl phur fal pakhatin vawi 1 a tipuak pherh tih mai lo chu puak reng zu awm lo a! Hei, kumin pawh tun thleng hian kan la puak eih lo. Puah ngei ngei tumna thinlung kha kan hawisan ta, a va lawmawm em!

Kha ti khawpa puak leh éng nasa thin- Aizawl khawpui, zirtirna leh thuawina avanga a reh thiap ta mai kha, engemaw tizawng tak chuan khua a har letling phian a, mahse, a nuam a ni!

(more…)

COUNTDOWN..

Friday, December 31st, 2010

New Year’s Eve a kal na tur hre lo tan 2nd floor, Aizawl club ah kal mai chi a ni e.Ei leh in tuihnai tak tak leh music nen kumhlui thlah liam ang u hmiang. 9.00 pm atangin  tan a ni ang. :)

I penalty vawi khat thelhah kan teh lo che a sin.

Friday, December 31st, 2010

World Cup 1986 chu tum dang ang bawkin khelh ani a. Football ram ropui Brazil pawh champion ngei tumin an thiampuipa Zico ho in an rawn thawk chhuak leh ngei a.  He tih lai hun hi chu Zico ropui vanglai ani bawk a, mitam zawkin champion turin Brazil an ring ngei ang le.A thiam pawh an thiam e, an hma a awm a piang an tudawl zawt zawt mai ani ber e. Tichuan quarter final ah France nen an in tum ta. An in hneh tawkin an in khel tawk ngei mai.

Chak tur zawk an awm dawn lo emaw tih hnuah hun tawp dawn minute nga a la awmin Brazil lamin penalty an hmu tlat mai le. An in khelh dan enin an pet goal chuan an chak sa tih chu a chiang ani deuh ber e. Tichuan Brazil thiampuipa leh an in nghahna Zico ngei mai a rawn ding chhuak a, lehlam tan chuan a huphurhawm ngei ang le.Hetih hunlai na na na hi chuan Brazil mipui te pawh au hluah hluah tumin an in puahchah ngei ang, a pet tu tur kha Zico a ni miau a. Tichuan Zico chuan penalty chu an pet a, France goal keeper chuan a lo dan sak ta tlat mai.

Penalty pet thelh zawng zawngah a pawi ber mai awm e. A tu lam mah mahin goal khung thei hek lo, a tawpah penalty pet bawkin chak zawk an zawng a, France lam an chak ta daih mai. Zico penalty pet thelh kha a pawi zo ta. World cup champion nomawi hawn tum Brazil pasalthate an hlawhchham ta.

(more…)

Chanhai te tan In i sak sak ang u le

Thursday, December 30th, 2010

Pic.1 na.

Misualdotcommers tan hma kan rawn chhawp ta phawt mai a. Kolasib khaw daifem a awm Davida Team te rawngbawlna tlawm tak hian tunlai Misual ho te min luhchilhin,min luahkhat hle a. Puih duhna rilru pawh kan nei tlang hle in a lang a.He Home ah hian Naupang 9, enkawllai 42 leh an mahni enkawltu/rawngbawltu 5-Total : mi 56 an awm mek a. Pic. 1 na khi, post danga ka sawi tawh ang khan, Team Mother pa in a rawn sak a ni a. Hetah hian fahrah naupang ho zawng leh hmeichhia leh Mother leh a thachhang dawltu Muanteii an riak a.
(more…)

AIZAWL SKYLINE (MITHIANGHLIM LAWR Part-2)

Thursday, December 30th, 2010

Note : Skyline movie a mi kha a hmuhnawm nan a clip 2 ka telh a, ka FX pawh ani lo tihna a nih chu!

Chuan, mithianhlim lawr ho kha cartoon vek an nia…Hehe..
(more…)