Naupang Bawihbawihi pawngsual a ni a, rawng taka thah a ni bawk hi runthlak hle mai. Ani zawng naupang pawi sawi lo rual a ni a, Lal Isua bulah a awm tawhah ruat ila, a kalsan tak a chhungte erawh Pathianin thlamuan takmeuh rawh se. Ka fanu ni ta se a, a sarhu lai na na na chuan a thattu hi a thih thlenga sawisak bawrh bawrh ka duh ang a, mahse engemaw hunah chuan ka inchhir leh tho chuan ka ring.
Mob Rule hi sawi mawi chi a ni em?: Mob psychology hi a awm hran ve a, mimal tinten an tih duh loh pawh hi a huho (mob) anga a thawh tawh hi chuan kan ti duh mai thin a. Mipui thinrim chu a nu bat thin. Thiltisualtuin a phu viau chuan “a tha” tih liam mai pawh a awl hle, mahse mob rule hian loop holes a ngah em avang hian han sawi mawi chi zawng a ni hauh lo. Tunhma khan Mizoramah ‘mihur zawn’ a awm thin a, mi hur hremna chikhat a ni a, tlangvalhovin an zawn hrep thin ni awm tak a ni. Mahse, mimal inhuatna avanga zawn sual deuhte pawh an nei a ni awm e, khatih hun laia bawrhsap khan a khap ta a ni (a khaptu hi N.E. Parry a ni em aw?).
Tunhma cowboy bu kan chhiar thin laia thil lar tak chu thil hriat sual vanga a changtupa mipuiin an khaihlum thelh thin hi a ni. Chuvangin dan kengkawhtu hna pawimawh em em chu mi tupawhin ang khat vek a dan ang taka rorel sak an an nih theihna tura hmalak hi a ni. Hmanah Gauhati-ah mizo tlangval pakhatin vai naupang a chhawnchhaih lai chu naupang ruk tumah puhin mipuiin an chil hlum der mai a, a lainatawm hle mai.
Zoram chhim lama misual hrang tak mai an zawn laiin khaw pakhatah chuan mi mize hniam tak mai hi an rinhlelh mana, a hlau lutuk kha a nihna lo puiin a inpuang ringawt maia, vuak hrep a tawh phah a, misual awzawng a lo ni si lova, pawi tak a ni.
Tit for Tat dan hi: ‘Ha aiah ha, mit aiah mit’ dan hi a fair viauin a lang, mahse famkimlohna khawvelah hi chuan a rit lutuk deuh a ni maithei, an hmanna ram reng reng ram nuam a ni thei ngai lo. Fair takin an hmang meuh lo bawk. Bibleah pawh Lal Isuan he dan hi chu a duh lo tih chiang takin kan hmu. A nihna takah chuan rukru kutte hi tan zel dawn ila Mizoramah hian kut bul kan tam ngawt ang le, officerhote kut nei lo an awm fur ang.
Capital Punishment hi: Nunna petu Pathianin engtin nge a ngaih ang tih lam chu lo dahtha rih ta ila, practical taka a thatna leh that lohna lam hi han thlir teh ang. Dan hi a tha, mahse mihring kan nih tlat avangin a inhrem dik reng theih loh. Kum engemaw zat hnu a, an sual lo a ni tih hriat chhuah leh avang a, zangna dawmna pawisa tam tawk nena an chhuah leh tak sawi tur pawh hi an awm ve zauh thin. Chuvangin thihna em han awrhtir hi chu ….. Tin, thih pawh hi misual thenkhat hremna atan hian a nep lutuk thei ve tho mai. Pawngsual/tualthat han chil hlum nghal ringawt maite hi a zo der a, an fihlim hmak mai a ni, a la damate tan lah thawventhlak huai a ni hauh chuang si lo.
Kan dan hman lai hi: India rama naupang pawngsual hremna dan a zang lutuk hi siam that a ngai hlein ka hria. A rei berah kum 10, a tlangpui thuin kum 7-ah an tling tla mai. Tualthat pawh hremna sang ber khaihlum a ni a, mahse hei hi tamtakin (keimah tiamin) tha an ti lo. Dam chhung jail tan lah a rei berah kum 20 velah an tlingtla mai bawk. Tualthat thenkhat phei chu kum 10 vela rawn chhuak leh maite an awm bawk.
Chuvangin kei chuan ram thenkhat ang hian kum 100 tang tura rorel sak theihna dan hi siam ve ila, khawtlanga rawn let lehna chance hi nei lo se a thain ka hria. Dan hi siam that theih a ni a, a siam tha tur hian hmate pawh la mai ila. A tawrawt zualho dahna tur special jail-te hi awm ta se. Kan jail tanghote pawh an thau mum nalh hlawm mai a, anmahni enkawlna senso titlem thei turin hnate thawh tamtir deuh se a tha ang.
Mob rule hmanga misual kan han tihlum mai hi Zoram mipuite kan nunrawng bik tihna a ni lova, khawiah pawh mob rule kalhmang a ni ve hrim hrim. Mi5ual zinga duhthawh taka comment-te pawh a thisen lum rual deuhte an nih ka ring, an demawm hran lem love.
Amaherawhchu puitling taka thil han ngaihtuah hian kan khawtlang leh ram thatna tur hian mob rule lam hi chu awm zen zen lo se a tha khawp mai a, misualten dan ang taka rorelna an hmachhawn theih na’n dan kengkawhtu chak kan mamawh bawk. Tin, dan tha, tun aia sual haw deuhhlek hi kan mamawh bawkin ka hria.
Similar Posts:
- Kumtling lo Pawngsualtute hremna dan hi na taka siam theih nise.
- ‘Tualthat’ vs ‘Ralthat’
- Happy Birthday Nancy
- Engtin Nge An Fihlim Theih Ang?
- Min lo pui ve teh u
November 11th, 2010 at 2:21 am
@hlatekhua, hlimsang 1 pawn ‘”RINNA mittin Lota nupui, chikhawn a changta kha ka zu liak a, a AL tha teh asin” a ti e” an tih kha min ti hre chhuak!!
[Report abuse]
November 11th, 2010 at 2:22 am
@ funny mob ina min tih hlum sak pawh khan kan nui ver ver tho lo maw?
Kei chu ka lawm tho ang!
[Report abuse]
November 11th, 2010 at 2:48 am
@hlatekhua! Ka fin bik vang a rinthu sawi ka ni lo va, Henry hi tualthattu a ni tih hi 100% a hre chiang an awm loh zia hi hmu lo mah i la ka hria. Engvangmaw? Tuman naupang a that lai hi an hmu lo va, an hmuh loh chian zia chu naupang a bo thu leh an zawn dan vel a ruang an hmuh hma in kan hre daih tawh. Tin, tualthattu a nih chian zia hi prove na hun a awm loh chian zia chu an rinhlelhpa thih nghalna hian a sawi chiang a ni lawm ni? Diktak chuan a that lai ka hmu titu pawh lo awm mahse dawt a sawi a ni thei asin, court in thiam loh a chan tir hma chu Henry hi tualthattu a ni tih a sawi theih loh. Tin, court in tualthattu a a puh thluk ngei pawh tualthattu a lo nih leh si loh zia kan hre zauh zauh.
Lungdai bul a Taxi driver thattu then khat, a hnu fe a jail atang a tlan chhuak leh a mi va that leh ho te kha, mipuiin an sawisa hlum a, a hmun a awm ve ngei kaputean an sawisak dan leh, tlangval thenkhat enge a chhan hre miah lo va mi in an sawisak a vang a rawn tlan lut a kut rawn thlak ringawt, kut an thlak hnu a enge an man chhan zawt chawp te an awm a ti asin!
Mizo society hi ka hre chiang ve khawp mai,@129 a ka comment leh funny @ 136 te khi i chhiar chuan ka rin thu hi awm kher lo mah i la a dik khawp ang tih a lang reng. Ralkhat atanga ka rin thlir dan a dik ang ngawt hi a nih i rin loh chuan enge i rin ve dan le? Police lak atang a hnuk chhuak khawp a hrang mipui te hian ngaihtuahna fim tak nei in kut an thlak i ring em ni zawk? Henry kut thlak tu zawng zawng hian tualthattu a nih zia sawifiahna hun an pek i ring em? Thlalak a sumo zim huaih huaih tu te zingah te khan fim tak a ngaihtuah hmasa in leh tualthattu a ni tih hrechiang bal a kutthlak duh tur hmel i hmu em lolzz..Mi in tual a that tih prove hmasa lo va an rinhleh an thah ringawt dan atang khian hmu kher lo mah i la an rinthu kal puiin an sawisa ringawt tih a chiang reng a ni lawm ni?
Mizo society chu a nawm chang a tam rual in a nawm loh chang chu tam ka ti khawp tak a sin, i ring dik fu mai, I fing viau a nih dawn zawks hi
[Report abuse]
November 11th, 2010 at 2:50 am
zeus: revenge lak hi primary/middle sikul ka kal laia bethlehem sahuan kan en truma bethlehem hovin min tihbuai chiah khan kala ngaihtuah. Anmahni hre tawhlo mahila kala hre rei ve khawpmai. hehehe
Sahuan chhungah min rawn nek lui deuh khera, kei lah lo inti pa ve bawknen kan in lehpel hman deuh kha a awmah ka thrama hnek tumin ka tin uaih a, an hmeichhe kalpui te kha anlo trawng ve bawknen ka thlah lehta a, Sahuan pawnah an thiante anlo pun khawma kan chhuak chiah tihin minlo tibuai leh, sawm velin min din huala an hmeichhe hruai te hma ah ka biangah te min beng vela ka pawr ngam tawh der silo. hihihi, chet chhiat theih ve khawpmai. lolzz
Naupan lai ania kan la thring ve bawknen, ka tlawmngaih ve zia chu a… phuba lak nan insual pui tumin min beng tu kha kan va zawng leh thina kan hmu ngai tawh der lo. Midang, hmeichhia tihvel te te awm thrup laia han in ben vel kha chu a nice lo ve tak ani. lolzzz
Hei chiah hi phuba lak duh khawpa ka thinrim ani hial awme, tun hnu ah hi chuan ka thinrim khat ve khawpmai.
[Report abuse]
November 11th, 2010 at 2:56 am
Phenglengpung deuh deuh mizo ah hian kan tam ka tih kha
. YMA/NGO etc. eng pawl pawh nise DAN piah lama tharum thawhna a awm chhung chuan ka thlawp ngai lovang. Tuna mi hi ka sawisel ta vak a, mipui an diklo vek ka tihna a ni lo, hetiang hi kan sim loh chuan nakin lawkah mirethei In a kang hluah hluah ang a, tualthattute hi kan la chawimawi ta ve ang. Sawi leh sawi hnu, tuntum pawh hi POLICE lam thiamloh pawh a ni thei . Hepa (Henry) hi police kutah a lut tawh a nih chuan mipui lam tih tur ni awm tak zawk chu DAN dik taka a chungthu rel tura court a nawr a ni mai lo’m ni ? Chutiang ni lova a LAW bawhchhe zawng bawka an awm leh kher hi chu a pawi takzet a ni. A hma chuan mi pakhatin inthlahrung takin DAN a pal zut a, hremna a NEP em avangin a ngampa tial tial a, tunah chuan MIPUI meuh in an bawhchhe ta a nih hi , sawrkar a mualpho ka ti lo theilo hetiang thilah hi chuan. Misual hremtu tura ruat an awm a, an kut ah i dah ngam ang u. YMA hruaitu mi kutthlak ching te hi ka ngaihnep zawng tak an ni, mi chunga zah ngaihna chhete pawh neilo chuan death sentence a phu ngawih ngawih lai in, inti thudik tan fahran ni awm a zahngaihna nei hauh lova lo khawsak thin hi enge a mah(thil tisualtu) nen an danglamna ? ka ti .
Hmmmm mizo hi chu kawlphet ruala lam zuk zuk hi kan tam em a tihngaihna a awm tak tak lo
[Report abuse]
November 11th, 2010 at 3:04 am
@ elcee, thil sual ti lai hmutu an awm pawha kan rinhlelh tho dawn si chuan eng proof dang nge maw kan beisei chuang ang le? Ram changkang zawk te angin DNA leh hmanraw tha kan la hmang ve thei azeng lah a nih hek loh. Thlalaka mi hmel i hmuh te kha i rinthuin i lo judge ve em em ringawt a ni mai lo maw? An hmel atangin engtinge an thil hriat leh hriat loh te thlengin i lo hriatsak theih bik a?
Mi tih dan hre ve nial nual, kan dinhmun ngaihtuah thiam lo leh hmusit tawk vela intifing si tan chuan lo ralkhat sawisel ve chiam chiam pawh hi a awm ve tho e. Mahse reality chu a dang daih fo si ang.
[Report abuse]
November 11th, 2010 at 3:32 am
@hlatekhua! Kan ringhlel dawn ka ti em ni? Hmu ang a in sawi pawhin dawt an sawi theih tho thu ka sawi mai a ni. Court-ah pawh dawtsawi hi an tam teh asin. Tin he case-ah hian hmu pakhatmah an awm lo bawk. Engpawhnise DNA te chu an check thei tawh turah ka lo ngai a, Tin,an lo check thei ta lo a nih phei chuan a prove-na a der thawng leh zual a, fimkhur lehzual tur kan ni zawk lawm ni!
Thlalaka mi hmel chu ka judge awm pawh ka hre lo. Mizo ka nia, mizo society hi ka hre chiang a, kan ram a hetiang lam chi thil thlengtawh te ka hre bawk a, chutah thlalak ka la hmu zui bawk a, rinthu sawi ngam tur te chu ka ni ve bawk lawm ni,ka chungah hian i sitrik lutuk deuh lo maw
“Mi tih dan hre ve nial nual, kan dinhmun ngaihtuah thiam lo tawk vela intifing si tan chuan lo ralkhat sawisel ve chiam chiam pawh hi a awm ve tho e. Mahse reality chu a dang daih fo si ang.”
Obs! Keimah min tihna a ni chiang
kan dinhmun ngaihtuah thiam lo tawk vela intifing si tih hi enge a awm zia ????? kan dinhmun ngaihtuah thiam lo tawk vel a intifing ni lo vin, kan dinhmun hre chiang chung leh intihfin lam ngaihtuah miah lo va ngaihdan/hmuhdan sawi lam a ni zawk e. Mi intifing ti a puh ching chu anmahni an intifing duh an ti 
” Ralkhat atanga a lo “rin thlir” ang ngawt hi thil awmdan a ni lo tawpin ka ring”
Kei chuan kan ram a thil thleng ka hmuh ve ngei tawh te, kan chet dan thin, kan mizia ngaihtuah chung a rin dan sawi ka ni a. Henry hi tualthattu a ni tih prove-na awm miah lo va sawisak hlum a ni ngei bawk a, khi mi kalh zawng a rin dan i nei a nih chuan tuna Henry a that tu mipui te hi hmun hran, khawhran a mizo te ai in an chet dan a danglam daih dawn tihna a ni ta a, i rindan chu hriat a chakawm hle mai
[Report abuse]
November 11th, 2010 at 3:39 am
Va meng rei hlawm veee…
[Report abuse]
November 11th, 2010 at 3:42 am
Nia
Kan mu daih ange 
[Report abuse]
November 11th, 2010 at 3:54 am
Comments kan pawt thla dial dial ta mai chhiar a nuam @pi Elcee, ngaihdan hi ka tawm zawngtak ka chungah pawh thlengse mi chung ah pawh thlengse ti in ka duh ve dan ani.
Insawisak hlum ka duh lo mi va sawisa hlumtu nih pawh ka duh lo.
[Report abuse]
November 11th, 2010 at 7:59 am
A heee! Lol! A tawp lamah tih trawk a awm an tih kha mou?
-Tunge naute chhungte tana trawngtrai tawk zong, ban phar ang! Mmmm..pharlo kan om nual…
-tunge tawrhpuina thu sawi hmasa miah si lova mahni ngaihdan sawi nghal par2 te kan om em…ban phar! Mmmm…kan om nual..
A bak chu sawizui tawhlo ang u. Mi chhiatna tawp tawhna chanchin hi kan ideology proclaim na hmun tur pawh a ni berlo e aa..te ka tia.
Gus morning vek u!
[Report abuse]
November 12th, 2010 at 3:17 pm
2010 World Cup: Oh Sang Eun-Vladimir Samsonov…
I found your entry interesting thus I’ve added a Trackback to it on my weblog :)…
[Report abuse]