Engvangin nge ‘Mawl’ min lo tih thin?
Keimahah hian Mi chi 2– Thil engemaw boruak avanga sa pha thin, insumkarna awm lek loa phûl-bulh bulh thin, tharum thawha che buan buan tura ka tha tiza tlattu- Mr. X leh,
Ri nghal buan buan mai lo a, thil thui tak ngaih a, zawldawh taka ngaihtuahna fim hmang hmasa phawt tura thurawn min pe thintu- Mr. Y an awm a.
Mr. X hi hneh lo a, a thu anga ka chet buan buan apiangin, ‘Mawl’ tiin miten min lo sawi thin a lo ni.
Engvangin nge ‘Khawvel mi’ min lo tih thin?
Keimahah hian Mi chi 2– Damchhung tawi té àm taka hmang a, a nuam apiang um a, hlim hlawp khawvela nawm tawl tura min thlem thintu– Mr. X leh,
He’ng khawvel hlim-hlawp thil mai mai leh nuamtawlnate hian hlimna tluantling/ lawmna famkim min pek theih loh zia, Pathianah chauh lo chuan hlimna leh lawmna famkim a awm tak ta loh zia min hriattir thintu– Mr. Y an awm a.
Mr. X hi hneh lo a, a thu anga ka nun apiangin, mi ten ‘Khawvel mi’ tiin, min lo kawk thin a lo ni.
Engvangin nge ‘Pawi’ ka sawi thin?
Keimahah hian Mi chi 2– Mite thinlung vit sawk khawpa tawngkam hriam, mite mittui sawr tla hial thei khawpa tawngkam nâ tak phuhchhuak thin, mi chhiatna/tlin lohna hlir aupuia timualpho fo thintu– Mr. X leh,
Thinrimin puak keh lek lek mah ila, tawngkam nem leh thuhnuairawlh zawk, tlawm zawka tan hreh lo tura min fuih sauh sauhtu– Mr. Y an awm a.
Mr. X hi hneh lo a, a thu anga ka tawng pung pung apiangin ‘Mi pawi’ sawi ching/mi rilru tihnat ching ka lo ni.
Engvangin nge ‘Mi uikawm’ min tih?
Keimahah hian Mi chi 2– Mi rethei harsa/ mangang tanpui ngaite ka puih dawn apianga thawhchhuah harsat zia, inren a tul zia hlir min ngaihtuahtir a, chhuanlam fahrah te te siama min thulh tir tum ngar ngar thintu– Mr. X leh, Malsawmna kan dawnte hi, keimahnia pumbilh mai tur ni loin, mi té berte tan pawh a ni a; he’ng mite chunga kan tih hi Krista chunga ti kan ni. Tanpui ngaite tanpui hi a bata kan bat a ni ti a, thil tha ti tura min nawr thin tu– Mr. Y an awm a.
Mr. X hi hneh lo a, a thu anga ka awm hian, mite mak tih leh Pathian dem hlawh hial khawpa ‘Mi uikawm’ ka lo ni.
Ka nunah hian, Mr. X hneh lo a, Mr. Y rah beha a awm apiangin, mualphona/ selna leh demna awka ten min zui thin a.
Similar Posts:
- Pathian i buan tawh ngai em?
- The Preying Raven
- 5 Compliments Every Woman Loves To Hear
- Advent Christmas
- Thufing
:D
ka pw te...
November 13th, 2010 at 5:02 pm
E hiau
[Report abuse]
November 13th, 2010 at 5:07 pm
Vapual awh khaiah kawlhawk chu ziak tha leh hle mai a…ngaihtuah peih te tan a nih ber awm hi maw
[Report abuse]
November 13th, 2010 at 5:07 pm
Mahni leh MAHNI inhrechiang tur in keimah leh KEIMAH ka inenfiah a ngai dawn tihna a nih hi. Chutiang bawkin nangmah leh NANGMAH kha inhrechiang tur chuan i In enfiah a ngai dawn a ni.
[Report abuse]
November 13th, 2010 at 5:08 pm
I hi!
[Report abuse]
November 13th, 2010 at 5:18 pm
Zirlai tha tak zir tur min chhawpchhuah sak leh ta.
[Report abuse]
November 13th, 2010 at 5:23 pm
Post tha leh pek thin. In-pawi-fak lo mai ang. Chaw ei ve phawt nge.
[Report abuse]
November 13th, 2010 at 5:25 pm
Mr. Y ni theuh thei turin in buatsaih ang u.
[Report abuse]
November 13th, 2010 at 5:36 pm
Tha Ka Tiin Dik Ka Ti Khawp Mai. Mite Chhiatna tura Thil Tiching-te leh Mahni Tlinlohna Hre-thei miah silova, Mi-tlinlohna Hlir Hmu Thin-te hi “Pathian hi a awm a nih ngat chuan, An Hun-tawp Thlenga Khawvel hi Nuam taka an Hman Ka Ring Thei lo. Felna avanga Tihduhdah tuar a, Hmuhsit leh Endawng Tuar Hram Hramtu-te pawh Hrehawm Zawng Zawng nena an Hring-nun an Hman-liam mai hi KA RING THEI LO HULHUAL BAWK.” “AMAH CHU RING LA, AMA’N A TI VEK ANG” (Ps.37:5)
[Report abuse]
November 13th, 2010 at 5:48 pm
Ziak tha hle mai a,,
[Report abuse]
November 13th, 2010 at 5:48 pm
Ka chhiar chhuak e ! A tha khop mai ! Danin emaw miin emaw hotutenemaw min ‘break’ ai chuan mahni hi in ‘break’ na chang hria ila mi puitling kan lo ni mai don alo ni
[Report abuse]
November 13th, 2010 at 5:57 pm
Post tha tak a ni. That kan tum leh fel kan tum ve leh hian kan sual leh thin tláng a nih hi maw
[Report abuse]
November 13th, 2010 at 6:05 pm
Kawlhawk-a nen hian kan nitin eizawnna inang se, nitin inkawm thei ta ila, a lak atang zir chhuah tur ka ngah awm mang e.
[Report abuse]
November 13th, 2010 at 6:19 pm
Caribou ka like e
[Report abuse]
November 13th, 2010 at 6:23 pm
Dr,Jekyl and Mr.Hide kan zir lai te pawh ka hrechhuak uai uai mai.
Nia, mihring re re hian ze chhia leh Ze tha kan nei vek a, Kan Ze chhe zawk kan tihlan hian misual (dot com tello in) A ze tha zawk kan chhuan hian mifel kan ni leh vel mai mai alawm.
[Report abuse]
November 13th, 2010 at 6:29 pm
Ziak tha hle mai………he ti lai ‘Ka nunah hian, Mr. X hneh lo a, Mr. Y rah beha a awm apiangin, mualphona/ selna leh demna awka ten min zui thin a’ tih hi chu Pu HV a soi ang deuh vin ngaihtuah tham a nih hmel.
Mr X zawm chuan tunlai chhanah mi pangngai tihdan zawm a nih lai in, Mr Y zawm chuan el relna leh selnaa/mualphona dawnna a nih hmel si a…….
[Report abuse]
November 13th, 2010 at 6:39 pm
Mitin hian keimahni ah thil tha tih duhna leh thil sual tih duhna kan nei vek! A eng zawk khi nge kan in hnehtir dawn? He duhthlanna hi Pathianin mitin min pek ani! R.L.Stevenson a ziah ‘Dr Jekyll and Mr Hyde’ min tih hriat chhuah zawk chu! kan dual personality theuh-ah hian Dr Jekyll nge kan chak tir dawn Mr Hyde hi le?
[Report abuse]
November 13th, 2010 at 6:43 pm
Komen petute leh pe zel turte chungah lawmthu ka sawi e. He paws hi ka paws dangte ang lo takin, a thu inchep leh tawng kauchheh mar zat lo a awm ang tih ka ring a (duh anga ka thual hman loh avangin), in lo hrethiam mai dawn nia. Mr. X
[Report abuse]
November 13th, 2010 at 6:49 pm
Nia, i sawi ang khian
Typing mistake pawh a awm zauh2 in ka hria. Mahse a laimu hi a ril ngaih mai
[Report abuse]
November 13th, 2010 at 6:53 pm
A tawi a, chhiar a nawm phian hi. Thui duah hi chu han chhiar zawh mai a huphurhawm deuh thin a..
[Report abuse]
November 13th, 2010 at 7:03 pm
Saitawk sawi ang khan Dr Jekyl & Mr Hide ka hre chhuak ve chuai2 main, heng mi chi hnihte hi huang khata mixed khawm an har a ni ang, ka thei der pek lo. Kei chu rei tak bengsika ka ngaihtuah veng2 hnua ka ngaihdan lo chhuak hi ka ring chawk. Tlang hrang2a thlirin ka thlifim thin, midang ngaihdan chu ka hre law! Min delh rit taktute pawh an lo ni thin a nih tak hi a!
[Report abuse]
November 13th, 2010 at 7:08 pm
kei chu keimaha Mr.X hi a fim zawk
[Report abuse]
November 13th, 2010 at 7:19 pm
Pu kawlhawk, a va ṭha leh pek em!!
[Report abuse]
November 13th, 2010 at 7:46 pm
Hringnun ava sawifiah ve. Han sawi zawm zat zat tur ka va hre mai lo ve… (comment dangah pawh a sawi zawm zat zat thin ni awm tak in…
)
[Report abuse]
November 13th, 2010 at 7:50 pm
Mr X hi awmlo ta se, nun hi a boring phian mai tur ania.
[Report abuse]
November 13th, 2010 at 7:52 pm
Mi zawng zawng hian kan nun theuhah Mr.X aiin Mr.Y hi dah lal zawk reng thei vek ila chuan khawvel hi a nuam lehzual ngawt ang.
Good post.
[Report abuse]
November 13th, 2010 at 7:56 pm
#24: nih duh hmel khop mai
[Report abuse]
November 13th, 2010 at 8:41 pm
Misual ka thlir tirh atang khan Burma lam sub.Post ah chauh khan i Mr.X a chak zawk, nidangah ka hre ngailo.
I post tha tawp thin.
[Report abuse]
November 13th, 2010 at 8:54 pm
post tha em a ka rawn hello zawk..ka chhuak leh nghal, ka hman lo tlat..
gudnite all
[Report abuse]
November 13th, 2010 at 9:09 pm
@kawlhawk: hee thu i post hian Mr. X a nge lawm ang Mr. Y?
post the hle mai.
[Report abuse]
November 13th, 2010 at 9:52 pm
Post ho mahse tha ve riau si a nih hi
[Report abuse]
November 13th, 2010 at 11:21 pm
Mr. X leh Y ka nei. Ka thlawp che. Ka la pangngai fu mai. Mr Z ka la nei tel cheu hian min tibuai thin khawp mai, kei zawng…
[Report abuse]
November 14th, 2010 at 6:58 am
A teh dan riau atanga mawl, mawl lo bawk si kan ni!
[Report abuse]
November 14th, 2010 at 7:22 am
mr. X leh mr. Y hi chu an indo nasa ve thei khawp mai. Hla in a sawi ang deuhin van indona aia nasa zawk hi a ni ringawt! Mr. X lah hi an chak ngun thei em em lehnghal! Mahse, nun Krista neitute nunah chuan Mr. Y a chak zawk fo thin!
[Report abuse]
November 14th, 2010 at 9:38 am
Insumtheihna a pawimawhzia min zirtir. Mahse vawiin chu Mr.X a lal zawk tlat mai. Inkhawm suh a ti a. Kartluanin hah takin hna i thawk a, vawiin te chu chawl hahdam ve rawh a ti tlat mai.
Chhunah Hmuifang kal la, kerh kerh ti la, tlaiah i haw dawn nia a ti bawk a. Ka Yes hmiah. A post-tu pa leh drinking master te’n min peih lo san bawk si a, a va khawharthlak dawn ve le
[Report abuse]
November 14th, 2010 at 4:58 pm
Zer0 chu hmuifang thleng loin, sialsuk ‘ngei ngei tlang’ ah i ‘ngei ngei’ ta nge nge maw
[Report abuse]
November 15th, 2010 at 4:01 am
kawlhawk, Hmuifang kan ti thin mai pawh a, ngei ngei tlang khi a nuam zawk. Haw lam chu che chhe leh pek asin aw.
Mr.X a thu ka awih apiangin che chhe ve ziah.
[Report abuse]