Mizoram sorkarin New Land Use Policy (NLUP) a kalpui mek chungchangah hian inhnialna leh sawiselna a tam hle a. Sawiselna thenkhatah chuan “Kan sorkar veleh NLUP hi kan sem ang an ti a an sem leh si lo,” tih te leh “An sem ta vek vek a Rs 6000 chauh an sem” an tih te a awm a.
Grassroot level-ah chuan hetianga sawiselna hi a awihawm duh khawpin a rinawm a; a chhan pawh sum tam tham tak rang tak leh vawi-leh-khata hmuh duh kan tam em vang a ni ngei ang. Intellectual lam erawh chuan NLUP chungchanga sorkar muanna chhan leh a tahtawl (installment) a pawisa a semna chhan an hriat avangin NLUP kalpui dan hi tha niin an hria a. Mahse tha ti si-a an ngawi tlat mai hi chu a mak a, tha an tih danah hian sorkarin NLUP a kalpui danah hian enthlak an nei a nih a rinawm a. Cluster-wise a kalpui tum a nih avang te, beneficiary thlan dan chungchanga felhlel a awm avangte leh mipui lam rilru a la inpeih loh avangte a duh anga kalpui chak theih a nih lohzia hi hria kan tam lo a ni mai thei.
NLUP hi a tirah State sorkar project tura ruahman niin hemi ang hi chuan kum 5 atan Rs 364 crore chauh Central sorkar hnenah dil a ni a. Central sorkar hian NLUP thil tum chu thuang nei (multi-prong) a nihna an lo hmuh chuan a tira kum 5 atana Mizoram sorkar rawtna Rs 364 crore chu tawk lo tiin Plan thar siam turin Mizoram sorkar chu a rawn ti leh a. Pu PL Thanga, IAS (Rtd), project planning lama foreign degree hial nei tawh kan lo nei hman hlauh a, a ni chuan project tha tak, kum 5 chhung atana Rs 2,873.13 crore hman theihna tur a rawn duang chhuak a, chu chu tuna Central sorkarin min pawmsak leh min pawmsak chu dan a ni.
Rs 2,873.13 crore hi Central sorkar atanga kum tina lo kal ve thin Centrally Sponsored Scheme (CSS) an tih te nen a belhkhawm a ni a. Rs 1000 crore vel chu CSS atang hian NLUP-a hman turin kum 5 chhungin alo la kal dawn a ni. Rs 1500 crore vel chu NLUP sum liau liau atan Special Plan Assistance/Additional Central Assistance angin kum 5 chhung vek alo kal ang a, Rs 360 crore bawr vel chu NLUP beneficiary te’n tha-in an thawh ve dawn a ni. 2010-2011 fiscal-ah hian Mizoram Plan sum pangngai chu Rs 1300 crore (State’s Own Resources atanga chhut in) bawr vel chauh a nih theih laiin NLUP avangin Rs 234.82 crore kan hmuh belh a, Plan sum pawh Rs 1500 crore lai alo ni ta zawk a ni.
He Plan sum Central sorkarin NLUP nena converge tura a ruahman dan hi MNF party hian an hrethiam lo lui emaw tih turin an President Pu Zoramthanga chuan NLUP sum hi Plan sum a mi tho a ni a tiin Central sorkar hian a hranpa in NLUP atan pawisa min rawn pe lo angin a sawi thin a; hei hi a dik lo a, thudik chanve a mipui bumna a ni. NLUP kalpuina turin CSS pawisa NREGA ami te, BADP Fund ami te leh development kalpuitu Department (Agri., Horti., Seri., Soil etc) te’n kumtin CSS sum an hmuh thin te hi tunah hian Central sorkar chuan NLUP hlawhtlinna turin NLUP-ah khung tel a rawn remti a, NLUP Infrastructure hnuai-ah heng sum te hi hman tur a nih angin infrastructure siam nan duh ang angin Mizoram sorkar chuan a hmang thei tawh zawk dawn a ni. A hma chuan CSS pawisa hi a hmanna tur Central sorkarin an rawn bithliah sa bakah a hman theih loh a, tunah erawh chuan NLUP hnuaia Infrastructure component-a an rawn telh tak avangin NLUP kalpuina nena inmil tur a nih phawt chuan Mizoram sorkarin tha a tih danin a hman theih dawn ta a ni.
Central sorkar hian NLUP atan sum leh pai a phalrai chhan hi environment protection nen NLUP hi a inthlunzawm tlat vang a ni a. Mizoramah NLUP hi hlawhtling taka kan hman chuan State dangah pawh Central sorkar project anga kalpui tum a ni. Chuvang tak chuan fimkhur a ngai a, CSS sum duh anga anga hman theih tih pawh hi NLUP nena inkaihhnawih a nih loh chuan a hman theih chuang lo a, Ministry of Rural Development chuan pawisa hman dan hi a rawn monitor reng dawn a ni.
NLUP nihna tak tak hretu tan chuan sawisel luih tum phet an lo awm hi a huatthlala hle a. A chhan pawh NLUP hian mirethei leh chhuanchhia te khaikan a tum vang a ni. Constructive criticism welcome a nih em em laiin tunlaia kan criticise-na hi chu destructive tih mai a awl awm e.
NLUP hnuai-ah hian Line Department 8 an awm a, chungte chu Agriculture, Horticulture, Industries, Soil & Water Conservation, Sericulture, Fisheries, Environment & Forests leh AH & Vety te an ni a. Heng department 8 hnuaia-ah hian kum 5 chhungin Mizorama cheng chhungkaw 1,20,000 tanpui tum a ni.
Similar Posts:
- NLUP chungchang hi Pt II
- Finally, NLUP to be implemented!
- Sorkar hnathawkin budget sum ei tam
- Boss, engtia rei nge min la bawl dawn le? Part II
- NLUP atan Rs 100 crore hmang hman ta lo
pawh ka...
November 15th, 2010 at 6:36 am
1st em?
[Report abuse]
November 15th, 2010 at 7:13 am
dmt sawi chu ni lo se Congressman ziah ve mai mai ah ka ngai ang a, ka chhiar miah lovang. Mahse amah hi 2007 atang tawha media lama ka hero ania, a ziah reng reng hi dik vek turah ka ngai. NLUP chugnchang a ziak kimchang hle mai. A lawmawm.
[Report abuse]
November 15th, 2010 at 7:23 am
NLUP sum chungchang hi ka hrethiam hrep tawh love. A sawi hnuhnung hnung sawi ka awih zel tawh mai…
[Report abuse]
November 15th, 2010 at 7:35 am
NLUP hi mirethei khai chhuah nan a Sawrkar Policy ani, then khatin rinthu nen a, lo sawihnawm chiam an awm thin hetia irawn ziak hi a lawmawm e.
[Report abuse]
November 15th, 2010 at 7:38 am
Ziah fiah thiam khawp mai, tihi chuan online community member te pawhin an hrefiah kuar tawhin a rinawm e.
[Report abuse]
November 15th, 2010 at 7:51 am
NLUP cc hi ka chhut ve nial nual a… a tum chu ‘mirethei chawikan’ a ni tih erawh ka hria.
https://www.youtube.com/watch?v=COBR9BSBG2Q
https://www.youtube.com/watch?v=TL20pmFWNzw
[Report abuse]
November 15th, 2010 at 8:03 am
NLUP hi a dan tur dik takin kalpui se, shifting cultivation system hi khap bur ni tawh bawk se. Kan environment tan a va tha dawn tehlul em.
[Report abuse]
November 15th, 2010 at 8:05 am
caribou, a ni ngawt asin
[Report abuse]
November 15th, 2010 at 8:06 am
Pu Hv i Video pahnih khi kan Pic News atan a kan pek anih khi
[Report abuse]
November 15th, 2010 at 8:08 am
ThaiBoy, i in hnamhnawih chu a mawi e
[Report abuse]
November 15th, 2010 at 8:17 am
@Dmt
“NLUP vangin Rs 234.82 crore kan hmuh belh a” tih lai khi NLUP vang nge kan Plan fund pung ve hrim hrim ni ang tih hi ngaihtuah ngun a ngai khawp mai.
2009-2010 atana plan fund chu Rs 1250 crore a ni a, 2010-2011 fiscal tana plan fund chu Rs 1300 crore a ni ta a. A punna chu Rs 15 crore chuah a ni. chumi awmzia chu kan Plan fund punna hi 1% vel chauh a ni. Hei hi a tlem lutuk , a zahthlak.Ram hruaitu tan zah ngawih ngawih na tham a ni.
NLUP vanga kan dawn khi lo belh ta ila…Rs(1300+234.84)= Rs 1534.84 crore a lo ni ta a. Kum hmasa nen a punna Rs(1534.84 – 1250)=Rs284 crore. Chu chu 18% velin a pung tihna a ni a. 18% vela plan fund pung hi India ram dinhmun enin a awm viau mai.
NLUP hi Special package liau liau a nih chuan Mizoram Plan fund punna 1% chauh khi a tlem lua e
[Report abuse]
November 15th, 2010 at 8:22 am
Mak ve deuh chu NLUP nuai 1 sem turah khan thingtlangah motor book hman anlo awm tawh nia……tuna an sem chin ah hi chuan ahman dan tur an tih chin atan kha chuan a tawk viau in ka hria sem ta treuh se chu NLUP dawng ho inah khan kal ta ila Mobile phone tha chi, Fridge, TV, Computer etc. thar kan hmu leh mai lo maw…te ka ti ve mai mai a kei misual hian……..tunah pawh hian eng tak ang ang maw…..
[Report abuse]
November 15th, 2010 at 8:24 am
NLUP chungchang a politics inchirhthehna diklo deuh hlir ngaihthlak lai a fiahtaka a nihphung i rawn ziak chu a tha hle mai
[Report abuse]
November 15th, 2010 at 8:35 am
Pawisa awm ang ang te hi ram hmangaih takin tu mai pawh hian tun aia tam hret pawh hi hmang ta ilang, kan ram a than nasat phah viau thoin ka ring!
[Report abuse]
November 15th, 2010 at 9:05 am
Pawisa tam hi a tha.Mahse, a lakluh tam lam nilo, a hman chhuah dan zawk hi a pawimawh zawkin ka hria. Ni 100 inhlawhna hi kum khatah Rs. 1100/- chauh a ni a, thingtlang miten an hman tangkai dan chu kan hriat hnu a ni. Nuai 1 hi vawi khata an pek mai chuan kan thingtlang mirethei te tan chuan retheih leh zualna a ni ngei ang. Chuvangin a pek dan tur system leh monitoring uluk se a tha mai thei. Vantlang rorel inkhawmin Beneficiary selection hi ti se, a hmang diklo chu Village Committee in khak ngam se, Social Audit neih ni bawk se a system la siamthat theih a ni ang.
[Report abuse]
November 15th, 2010 at 9:13 am
#14 correction: Pawisa enkawltu ten hman anga an ziah thin hman chiah si loh ni lo in, pawisa khawih tu ten an hman tak tak zat aia tam hret pawh hi hmang thin ta sela (ram that nan) Mizoram chuan hma kan sawn ngawtin ka ring.
[Report abuse]
November 15th, 2010 at 9:15 am
Zawngte khuangtum hmuama sawi ang ngawt chu alo nilo a ni maw. Bangchhak sahthlaka, bangthlang thawm nana hman ang a ni, a tih kha. Hawl Ngalliana alah chuan a ni ro minrel pui kan ngailo. Alo ti chhap bawk nen.
[Report abuse]
November 15th, 2010 at 9:16 am
Khaichhuah theih reng reng loh khawpa mihring thatchhia leh rinawmlo hi kan tam viau mai a, NLUP hi a dawngtu 50% tal te hian hlawhtlinpui se ava lawmawm dawn em.
[Report abuse]
November 15th, 2010 at 9:19 am
Line Department 8: Agriculture, Horticulture, Industries, Soil & Water Conservation, Sericulture, Fisheries, Environment & Forests leh AH & Vety ten idea an thawh dawn tihna anih hmela, eng tak thlen pui ang maw (?)
1986 [Statehood] atanga kumtin vaibelchhe chuang hmasawnna tur dawng ziah ten min thlen pui chin en hian in nghahna tlak ani meuh angem(?). Nge project ropui leh in ngahna tlak an siam chhuak thut zawk(?). CSS an dawn zat ringawt poh hi a theuneu lo teh ania. Kumtin an hmang ral ve zel tho chu ania, details en a chakawm angreng.
[Report abuse]
November 15th, 2010 at 9:45 am
NLUP hi Mizo (Zofa nilovin)hausak thut chak takte tan chuan hlu vet vet deuh a nia.
[Report abuse]
November 15th, 2010 at 10:01 am
A tha hle mai, kan ramah hi chuan plan mumal tak nen, central atang a kan sum hmuhte hi dik tak a kan hman a tulin a pawimawh reng a ni. Eiruk ral vel mai mai ringawt hi zawng a lungchhiatthlak thin em mai, kan state in tih tlak tak tak thawhchhuah kan nei bawk si lo..Tin, tun a kan sawrkar hi inthlan hnuhnungber a hnehsawh tak a an tlinna chhan pakhat chu NLUP tha mi leh nuai khat tih vel hi ni maiin ka ngai ve ngawt a. Chuvang chuan uluk takin, he NLUP hi kalpui se kan ram hi khai ding tak tak turin theihtawp tak meuh meuhin han tang teh se. Chutilo zawng mipui min bum kan ti leh huai huai awm si a…
Post hi a tha khawp mai, a lawmawm NLUP chungchang kan hriatfiah hi a tul reng a ni.
[Report abuse]
November 15th, 2010 at 10:45 am
Pathian thusawi ang deuh ani, mipuite hian kan tlin lo ang tih hi kei ka hlau khop mai. A enkawltute pawh hian hmuhthelh an nei ang ti pawh ka hlau tel.
Land use plan awmlo hian kan liluh dawn ang riau te hian ka hre thin. Seeds Act te pawh hian ngaihven a hlawh lo. Capacity building tur hian kan inpuahchah nep em aw ka ti bawk
[Report abuse]
November 15th, 2010 at 10:52 am
Kei ka ngaih dan ah chuan pawisa a thlawna sem kan in sawihmuh nasa lutuk hian mipuite min tibuai thin in ka hria. Hetiang lam ai chuan mi hlawhtling te hi tanpui sela. Mipui te pawhin hlawhtlin tum tak tak na kan neih phah in ka ring. Tuna kan in zirtirna ah hi chuan a thlawn deuhthaw a pawisa dawn lam kan uar. Hei hian min ti chhia ni in ka hria.
[Report abuse]
November 15th, 2010 at 10:54 am
NLUP hi chu sawi ngaihna em em a vang hle in ka hria. PEK anih chuan a petu te chu an thusawi ah an rinawm tihna a ni ang a, an pek loh chuan dawt sawi an ni mai dawn tihna a ni.
KA sawi ve duh chu NLUP a mipui thlem a, sorkarna chang mek te hian an sawi ang hian NLUP Cheng nuaikhat hi sem ta se…. 100 a 50 te chuan engah mah an chan leh chuang lo ang. NLUP zai thei leh tlan thei, en theih a tam leh ngot ang. NLUP vang ringot a mahni nihna thlauh thla a, Congress vote ho hi chuan Nuai tam pawh dawng mahse ENGMAH an nih pui chuang lo ang.
[Report abuse]
November 15th, 2010 at 11:07 am
Pu Dengan Jhum control a ti a.Lalthanwalan NLUP.Babutean MIP.pu Duhan engting nge a tih ve?Brig an Hydel project.
Vai chhia kan tih ho hian sum of tangka chu min vur tam thlawt thin mawle.Kan ram hmasawnna tak tak ai chuan mimal in leh car huan leh adt a tan an hman eiru nasa thin mai pawh a.
Tin sorkhar deptment kan nei tamin an lian mahmah hian hmasawnna a dal bawk.Officeah an thu khir khup tham office thawktu nei thei sorkhar hausa tak zawng anih hi mawle kan Mizoram hi le.
Kal dan thar an hman hma chuan engang pawhin NLUP emaw P loh pawh nise hmasawnna leh intodelhna hi chu kan la hlat ka ti ve mI MAI
[Report abuse]
November 15th, 2010 at 12:31 pm
Intodelh leh changkanna lei rem han rap pha ve tak tak tur chuan kan ram riangte leh a chhunga cheng mihringte thluak finna hian a la pha ve mawlh lo ani e,…. kei ni zawha thangthar lo awm leh tur te putar hunah chuan hma kan sawn ve tawh mahna…. chaw kha tui taka eiin chantawkah lungawi i zir theuh zawk ang u, kum 70 bak chu anuam tak tak tawh hmel chuang si lo, ho lutuk
[Report abuse]
November 15th, 2010 at 1:28 pm
Aizawl Pa fing pui pui in “kan sawrkhar veleh NLUP kan sem ang” an ti a, thingtlangpa pa mawlte te chuan an lo ring a, an vote a, an sem leh si loh te chuan eng intellectual ho mahin an sawifiah chuang lo a nge.Campaign lai hian pawr lutuk lo se, thil tih theih vut vut a ni dawn lo zia te, mahse party policy a nih thu te sawi se, mipui hi bawl vak vak a tha lo ania.
[Report abuse]
November 15th, 2010 at 1:51 pm
Congress Press Release ni awm tak lah ni. A post tu hi a tawngkam hman dan atang hian a intih neitu hmel riau mai lehnghal a!
Nia, NLUP hi tluang takin kalpui se, a hmangtu mipui lam hian eizawnna ngelnghet siam ngei tumin tan la bawk se chuan thil tha tak a nih ngei a rinawm.
CM-in NLUP atanga party dang a ban titih mai thin erawh hi CM meuh tan chuan tih loh zawk atan a tha ngawt mai. Unit level party worker ten duhdah taka an comment ni se a inhmeh tawk viau ang. Sorkarna an chelh tawh chuan an party leh party lo tan pawh kan zavaia intawm sorkar an ni ve vek a, ram leh mipui zawng zawng chungah mawh an phur si a.
[Report abuse]
November 15th, 2010 at 1:56 pm
Project leh Plan siamtute chu an ti tha, A hmangtu tur Ministry hi an ngaihtuahom ka ti.. Kan Pu tawngkam reng hi mipuite rilru hneh tum leh fuihna aiin vauna leh rikrapna hlir a ni… A dawng hmasa sa in an phatsan hma ang tih a hlauhawm tlat..
[Report abuse]
November 15th, 2010 at 2:15 pm
NLUP hi fimkhur taka kalpui chi a ni. Mahse inthlan dawn campaign au hla khan mipui tam tak rilru hi a hruai khawlo niin alang.
[Report abuse]
November 15th, 2010 at 2:24 pm
@30__ An fimkhur chhungin term a zo mai dawn ,….hairehai. Mizoram Party Hruaitulu leh a lawk lawk te hian Ka LUAK an va han ti chhuak teh lul em. Uak…. che thei lo a mipui hnungkhirh bak thiam an nei lo…..Tra la la la la
[Report abuse]
November 15th, 2010 at 2:30 pm
Hahaha, Campaign laia an sawrkar veleh a sem mai tur a sawi tu te khan fimkhur a tul vanga an sem hma theih loh thu hi mipui te hnenah hian sawi darh se a tha ang chu, midang sawi a khek lovin…
[Report abuse]
November 15th, 2010 at 2:37 pm
Mr. S chuh, tunge mawni le?!
Nia, NLUP hi chu sawi a nuam a ni e. A dawn ai pawhin nuam kan ti tlang niin a lang.
[Report abuse]
November 15th, 2010 at 2:38 pm
Semna tur hun chu ala awm alom, pawisa pawh kha a awm ve tawh awm kha maw ! Mahse an sawi ang ni lo hian an ‘muang’ over tlat maia, kum nga chhunga an sem hman mang loh vaih chuan…sem tur hi an awm hauh lo mai ang tih a hlauhawm te k alo ti ve mai2 a ! Hriat ve mai2 tur chu kan sorkar meuhin , tu ministry pawh nise, thil an han ti ve tur hi chu….NOI ..viau zel ringot mai hi ani ! He NLUP pawh hi puitling taka an sem chhuak thei anih chuan ‘achievement’ ropui tak ani ang..
Tin, hetiang zawnga kan ‘comment’ liam2 hian kan’ negative’ tihna hrim2 ani lo ania, sorkar kalhmang kan hriat chian em vang ani zawk bawk..positive theih mang miah lohna lai hi a awm ania
[Report abuse]
November 15th, 2010 at 7:37 pm
New Landuse…Shifting Cultivation chawlhsan rualin lonei mite thar khawiah nge hralh an nih ang aw
Sawrkarin a leisak angem le 
Leisak dawn ta se khawiah nge a leina hmuntur ni ang 
A leina hmunah chuan storage facilities bun turin electric a thatawk em aw 
Engtin nge chu ta tang chuan thawnchhuah anih ang 
Lonei mite hian thigfak atan ramngaw an tih chereu hi an bansan angem 
LPG pawh lo pe ta theuh ni se, Aizawl pawhin a indaih si lo a 
Land-size holding a len loh avang te leh etc etc Punjab-Haryana tih loh a ‘Green Revolution’ a hlawhtlin loh kha ngaihtuah let in Mizo thingtlang pamawl insuihkhawm lemlo hian thil an tidanglam thei ngut dawn emawni le 
Chawei hun a la nilo bawka, thil ho mai mai ka ngaihtuah te
[Report abuse]
November 15th, 2010 at 8:10 pm
Cheng nuai 1 hian shifting cultivation a titawp thei ngut nge maw? Tuna hmunphiah ching turte an pek Rs.6000 pawh hi lo vahna tur tho a nia. NLUP an kalpui dan leh New Land Use Policy inzawmna ka hriat miah loh chu! Vawk leh ar vulh an phal bawk si lo!
Policy thar eng eng emaw duan ai chuan thingtlang lo neitute thar hi a market an zawnsak theih loh paw’n leisak (tak tak) se. Sawhthing hi an kawtkaiah kg. 1 ah Rs.15 in leisak ta se, sawhthing ching an tam tur zia chu! An changkang sawt mai ang. Hnahlan leh Champhai-a grape chingtuten port wine siamna a ngaihtuahsak te hi NLUP tha mi zawk a ni lo maw?
[Report abuse]
November 15th, 2010 at 8:39 pm
[...] NLUP chungchang hi | mi(sual).com [...]
[Report abuse]
November 17th, 2010 at 4:08 pm
Sony, awi loh pha tur tihna phei chu a ni lova, i lo hriat loh takin.
“NLUP Implementing Board Member David M. Thangliana…”
https://thezozamtimes.org/index.....;Itemid=63
[Report abuse]