Vairengte tlangval Kaplianmawia(26) thattu nia rinhleh vai thumte chu court-a hruai an ni.
(Pic: The Mizoram Post)
US marine sawi a ngai lo a, Vikings pasaltha te pawh kan tan sawi chhen a tul hek lo. Kan neih chhun hnam pasaltha, thiante tana nunna chan huam, thiante ruang hlawm ngam sang tam tak kan awm hian Mizo nun hi a ti vul leh thin.
Ruanghlawm loa khuaa luh hreh Mizo tlangval rual chuan vairamah Mizo tlangval mite hnamdang kut tuarin a thi a, a ruang hlawm an duh a, a ruanghlawm tura kalte hian an Mizo pui thi tawh ruang la tur hian an nunna an hlan ngam asin! Hei hi Mizo hnam tlemte tlang pang awih tak, sa leh ral laka an lo damchhuahna ‘thuruk’ chu a ni ngei ang.
Skylinks speicial report buatsaih thintu TV lama senior reporter tih theih tawh hian Vanneihthanga chuan Vairengte leh Cachar vai inkar buaina report turin Kapliana a thi tih a hriat rual rualin Mizoram leh Assam inrina hi Aizawl atangin a pan thla nghal a.
Vairengte mipui chuan an khaw tlangval hi a thi tih an hriatin a ruang an hlawm nghal thei lo tih an hria, lei danin a tiamchin a awm a, chu chu thih tawh hnua ‘postmortem’ a ni. Postmortem hian nikhat a awh a, hemi zan la la hian Vairengte mipui tan chuan Kapliana ruang vawt tawh tak chu ‘hlawm’ ngei kha tih makmawh a ni tawh si a. Ruang hlawm tura kalte hi police lamin an dan tlat avangin a tuk lama tha thara thawkchhuak turin an inpuahchah ta a ni.
“Zing dar 8 a rik meuh chuan mipa zawng zawng an inpunkhawm a, Mizo tlangval a tia, a ruang hlawm turin i feh chhuak ang u, kan hmanraw neih ang ang ken tur, tiin an inau a ni,” tiin Pu Vana chuan muk takin a sawi a, ani hi a hmuna boruak zu hrechiangtu mai a ni lo, Mizo pa diktak a nihna zuk tilangtu a ni ngei ang.
“Ruang hlawm ngei ngei an tum a, dan chi rual an ni lo, anmahni lo dan tumtu Mizoram police te chu lehlam pawla tangah an dah lek lek a, an thu an ngaichang duh tawh si lo… ” tiin a sawi zel a.
Mizo tlangval ruang hi thlangkawr vaite chuan Mizorama chhuah an phal ve ta tlat lo. Hei hian Vairengte mipui thin a ti na a ni, “Rawng takin min that a, ruang lak an phal lo a, a ni em em lo e, ruang i hlawm ang u,” tiin mipa tawh phawt chu luchhum ban chhum huamin an thawkchhuak ta hlawm a.
Vairengte lama chawhmeh zuara tangkhang, vai 200 vel zet an la awm avangin thlang lama vaiho chuan an chhungte’n an chenna hmun an rawn thlen leh hma chuan ruang chu chhuah an tum lo. Karna atan Mizo tlangval ruang chu an hmang ta a ni!
Mizoram lama vai tangkhangte chu ruahmanna felfai taka siamin Bairabi lam atangin thawnhaw an ni a, anni lah hi mobile signal a awm si loh avangin an chhungte’n an bepawp thei lo. An ngaih a tha thei lo a, an chhungte nunna an chan hlauin khawlaiahte chuan vainuho chu an mu a, ruang chhuah an phal lo a ni.
Mizo pa thinlungin a tuar tawh lo a, ruang hlawm tur chuan an thawkchhuak ta a. Hetih hunlai tak hian chhiatna rapthlak, Mizo history-a dai ngai tawh lo tur a thleng lo chauh a ni si a.
“A hmun ka lo va finfiah hmasa vek a, Assam police chu hnim kar zawng zawngah silai nen an ding fur a, tharumin an dang hneh dawn lo tih an hriat avangin an kap dawn tih hi a chiang reng a,” tiin Pu Vana chuan a sawi a.
Ani hian journalist a nihna angin Assam police lam chu a lo va bekbawr tawh a, anni lam atangin beiseina a nei lo. Tharum nena Mizo tlangval rual an rawn fehchhuah chuan buaina a chhuak ngei dawn tih hriat a ni a, chumi dan theihna awm chhun chu silaia chinfel a ni mai awm asin.
“Journalist ka nihna ka dahtha a(journalist chuan eng pawh thleng se chu chu chanchinthar a nih avangin a thla a la ang a, a cover mai thin) Mizo pa ka nihna angin Vairengte mipui chu ka ngen ta a ni, ruangchaicheh a ni ringawt mai a, anih loh chuan kan thi hnem viau ang, kan vel hi en rawh u, silai nen hnim karah min hual vek a ni,” tiin theihtawp chhuahin bengdaih a tum.
Vanneihthlak takin tudang thu ngaichang tawh lo khan a thusawi hi an bengkhawn hlauh a.
“Ka cameraman hruaite leh ka hmanrua te chu hmun hima dah turin ka naute chu ka hrilh a, ti hian ka sawi chhunzawm ta a, ‘tunah hian kan aiawhin mi pali vel va kal se, minute 5 vel bawr inbia ila, thil a fello a nih chuan kan vaiin kan kal ang, kei pawh ka tel ang, kan thlen thlen kan thleng ang,’ tia ka sawi chu an pawm ta hlauh a, keimah telin kan va fehchhuak ta a, SP lahin DC thu lo chuan engmah a titlang ngam si lo, mipui boruak a rit tawh si, mahse vanneihthlak takin DC a lo thleng ta hlauh a, ani chuan ruang hawn tura min hrilh mai bakah zangnadawmna thlengin pek a nih tur thu a sawi ta a ni,” tiin a sawi.
Mizo tlangval rualin Mizo tlangval ruang hlawm tura thih ngama an chhuak hi Mizote tan chuan hnam damna a ni lo thei lo. “Thih leh ruam khatah, dam leh tlang khatah” tih kha a ni fo si a.
Similar Posts:
- Mizo hmeichhe ruang chhar!
- Vairengte ah Bandh. Police leh mipui innawr buai
- 5th IR Havildar bo PB Lalsangliana ruang Delhi dai-ah hmuh a ni
- A pianni chu a thih ni ah chang ta.
- Mizorama Tual thihna thleng fo hi.
July 26th, 2007 at 2:07 pm
Just read thru. Very interesting report.
[Report abuse]
July 26th, 2007 at 2:40 pm
..
mizo tv thattute kha man an ni maw? kha lam pang kha report a van awm awm lo ve.
ziak thra khawp mai!
[Report abuse]
July 26th, 2007 at 2:41 pm
pu zoa nge nge.. i rawn online thih ka hmuh khan thil ngaihnawm tak kalo beisei ve leh tawp maia…
Tuna hetia kan buai te hi .. ka ngaihve dan mai mai chuan tlem in la buai deuh hlek ila kan mizo rilru tak tak kan phawrh leh phah lawng maw.. kati hial ani.. kan zoram politics leh kalhmang diklo tak te hi tlem chuan hma a sawn phah thei mai lawng maw? in ring ve em?
[Report abuse]
July 26th, 2007 at 4:04 pm
Ngaihnawm dup dup thin hle mai. A phur nazawng report te chu nise kan chhiar peih hlei na’ng!!!!
[Report abuse]
July 26th, 2007 at 6:38 pm
hmmmm a ngaihnawm e!!!!!
[Report abuse]
July 26th, 2007 at 7:25 pm
Ka lo ngaihtuah ve dan mai mai chu enga tinge khulai Silchar leh Dholai tih vel kut khawih tuar Mizo tih thu hi ka van hre zing, khulai mite thah emaw kut tuar emaw tih thu hi?…..A reng reng thu ah vai hi mi thah hi an awlsam bik riauin ka hria…
[Report abuse]
July 26th, 2007 at 9:22 pm
anonymous i tidik ka ti ltk crime and detective te hi ka chhiar hnem bok a a rapthlak ka ti ltk hetiang em em hi kan nilo in ka hria
[Report abuse]
July 26th, 2007 at 9:45 pm
crime and detective a ‘very lovely girl’ tih chung a picture hi lovely gal han tih tur ani em
chhiar tran chuan ngaihnawm lutuks.
[Report abuse]
July 26th, 2007 at 11:13 pm
Mizo nih a va nuam thin em… mi tlem te hian han tihmingchhe thin mah se a tinuamtu a la tam zawk zel…
[Report abuse]
July 26th, 2007 at 11:53 pm
VAirengte tlangval ho, an fakawm hle mai
[Report abuse]
July 27th, 2007 at 9:45 am
ziak thiam khawp mai. Mizo nih nawmna a phawk chhuak khawp mai.
By the way, a tam zawk kha chu a huhova huai ringawt an ni ang em le aw? te ka tia(h)
[Report abuse]
July 27th, 2007 at 10:07 am
The only bright side to this incidence.
[Report abuse]
July 27th, 2007 at 10:38 am
good read!
witty way to cover up an infamous episode….
[Report abuse]
July 27th, 2007 at 11:28 am
A ngaihnawmin rilru a dek hle mai. A tam zawkte kha a huho chauha huai pawh ni se fak tlak an ni reng reng. Ruang lakte mahnia tih chi a ngai lo.
Tin, he thuziak hian eng thil mah ‘cover up’ a tum ka hre lo. Mizo tlawmngaihna, thih ngam lu pua thiante ruang hlawm tura an thawh chhuah chanchin a ni a. Kar hmasa emaw lawka thil thleng leh a kaihhnawih khuh mawi tumna lam a kawkin ka hre lo.
[Report abuse]
July 27th, 2007 at 11:44 am
kan mizo pui threng khat hi chuan eng kim lak koi an tum vek a….
[Report abuse]
July 27th, 2007 at 2:45 pm
I am a bit surprise to see this pic, it never comes to my mind that who killed one of our Mizo is that they are actually men, I mean a ‘grown ups adult’ and not a hot blooded youth. It makes me think further….our actual connection and relationship with that area – Silchar and Dholai.
[Report abuse]
July 27th, 2007 at 4:27 pm
Right to freedom – speech, expression etc. within this blog freedom to comment. He article hi thil khuh mawi tumna lam a ni lo, chu chu ka ngaihdan.
‘Ruang lakte mahnia tih chi a ni ngai lo’ dik khawp mai, naupang deuh pawn an hria ang. mahse a dinhmun a zirin mahni a ngam, a lak chi ti an awm, an tam lo. Ka sawi tum zawk chu a hawk lak ho kha ni ka tih ni. Vai lemchang ho, a huhova an han chhuak khawm a, hockey stick nen a thawkchhuak ang deuh hian. Dawn a sei lo deuh em? vairengtea an vai chhungte ho kha haw tir ta mai se ruang kha lak an phal lohna chhan tur enge awm? Police ho in an lo dang kha an tih tur dik tak ang ti a ni, buaina lian zawk pumpelh kha an duty a ni. Ruang lak an phal lo a nih pawn state hotute an indawr mai tur a lawm. Pu Vana hian a ti tha thlawt. Two sided story awm thei a ni. for eg. Cachar vai lo ni ta la, i nupui fanau/chhungte vairengtea an lo awm lai ni ta se, Mizo in an bungrua suasam sak ta se, kut thlak pawlah te hial tangin, buaina tawk ta se la, Enge i tih ang? I buai ve viau chuan ka ring.
Pu Vana hian Buaina lian tham, mizo history a in ziak reng tur pumpelh nan a hna a thawh hi a ropui hle a ni. “Journalist ka nihna ka dahtha a(journalist chuan eng pawh thleng se chu chu chanchinthar a nih avangin a thla a la ang a, a cover mai thin) Mizo pa ka nihna angin Vairengte mipui chu ka ngen ta a ni, ruangchaicheh a ni ringawt mai a, anih loh chuan kan thi hnem viau ang, kan vel hi en rawh u, silai nen hnim karah min hual vek a ni,” tiin theihtawp chhuahin bengdaih a tum.
[Report abuse]
July 27th, 2007 at 4:55 pm
@anonMizo: I had the same feel and surprise.
[Report abuse]
July 30th, 2007 at 1:27 am
A ngaihnawm hle mai. Thihlu ngampu politician ram hmangaih tak nei zui bawk ila, kan ram zawng a zuan in a zuang ang. Kan Zotlangval te an fakawm e. Tin, hemi hrulah hian dan leh hrai kan ngaihpawimawh a rilru fim taka chet hi a tha in ka hre ve mai mai a. Heng ruanghlawm piahah hian Kutthlaktute danang tak a “Kreinch” hrep tir a hmalak zui chi ni bawkin ka hria.
[Report abuse]