Kohima, 26th November 2010: 19th Royal Gold Cup 2010 khelh mekah vawiin khan Mizoram team chuan Quarter Final ah Kuki Sporting Club (KSC) chu goal khatin an hneh. A tir atangin Mizoram team hian an nawr viau a, chu chuan rah chhuah nghalin minute 10 na ah R. Lalnunzira ball pek tha tak chu R.Lalnundanga’n lo la in mawi lutukin keeper a chip khum a, a goal !
Hemi hnu pawh hian Mizoram team hian game an thunun viau a, mahse lehlam team pawh hian chance tha tak tak an nei ve nual a. Mizoram team GK Ramhlunngaia’n tha tak takin a lo save thei zel thung.
Game hi a tangin a hmuhnawm hle a, Mizoram team hi tlemin an sa a lian tlang zawka, KSC player te hian an ngamlo deuh niin a lang. Second Half ah Mizoram bawk hian goal an thun leh a, mahse linesman in Offside flag a lo phar hlauh mai a, Refeeree in goal ah a pawm ta lo. Mahse a offside loin a lang a, Chief Guest pawhin offside lo ti ni awm takin a lo ner ve nang nang niin an sawi.
KSC hian red card hmuh ngeina tur pawh an nei a, an player pakhat chuan chiang takin Mizoram player pakhat chu a banin a vai a, mahse Refeeree in a lo hmu fuh lo hlauh anih hmel. Tichuan goal thun belh awm lovin Mizoram Team chu an khelh hmasak berah an chak ta ani.
He inkhel hi Kohima a awm Mizo thahnem takin kan va en a, entu mipui zingah KSC fans tam zawk mahse kan zam bik lo hle. Kan nula te an au ring bawka, kan pawr tlang ve hle !
Mizoram Team hi ttRoyte company in an rawn sponsor a, team hming pawh TTFC Mizoram tih ani. Mizoram team list –
Coach : Vanlalhluna
Manager : Lalbiakzuala
1 . Ramhlunngaia (GK)
2. R.Lalnundanga
3. H. Lalnunzira
4. R. Lalrammawia
5. David Lalchhuanawma
6. Lalhriatzuala (Tezawka) (Captain)
7. Lalchhuanmawia
8. Zonuntluanga
9. PC Laltlankima
10. Kingsley (Nigeria)
11. George (Nigeria)
12. Lalhruaitluanga
13. Lalremruata
14. Johny Zonuntluanga
15. Lalhlimpuia
16. Lallawmzuala
17. Lalsiamthara
18. Lalrinkima
Next fixture (Semi Final) –
29th November 2010 (Monday)
TTFC Mizoram vs Dimapur District Football Association XI
Final hi 1st December ah khelh tur ani a, Mizoram team te hi SF ah hian an chak a, Final an luh ngei kan duhsak hle. Kohima a Mizo awm te a tam thei ang ber, Mizoram team inkhel hi rawn en ve turin kan sawm nghal bawk e.
Thank you 
Similar Posts:
- U-21 National-ah Mizoram in final lut
- MIZORAM IN BIHAR A SAWP
- 19th Royal Gold Cup-ah Mizoram kan champion
- Man Utd Fans ho hi engtia tih tur nge ni dawn aw?
- Royal Gold Cup, Nagaland-a khelh mekah Mizoram chuan Final an lut
November 26th, 2010 at 8:53 pm
eee, han chak lo se chu aw!
Congrats.
A tha e.
Kal zel rawh u.
Report this comment
November 26th, 2010 at 8:53 pm
Ava lawmawm ve tlang zel tur in duhsakna ka hlan ve khanglang a che u.
Report this comment
November 26th, 2010 at 8:53 pm
Dear Admins, ka rin aia hmain min lo tihchhuahsak a..ka lawm lutuk e. News item anih deuh vang anih ka han ring ringawt a. Thank you
Report this comment
November 26th, 2010 at 8:56 pm
A tha e……LONGLIVE MIZORAM :!:
Report this comment
November 26th, 2010 at 9:10 pm
Empty seats?
Report this comment
November 26th, 2010 at 9:10 pm
Seat a va ruak si ve..kohimians ho chu football an va ngaisang omlo em em!
Clap! Clap! Champion ngei roh se!
Report this comment
November 26th, 2010 at 9:17 pm
Han champion hlauh se…..
Report this comment
November 26th, 2010 at 9:27 pm
Avan lawmawm ve! Nigerian pahnihte khi Mizoram tan sum hlawhin an khel chu ani ngei anga; tuten nge an hlawh pe le ?
Chhakchhuakvunga te, Tialthawnga, K. Lala te hnulam hi chu hriat abar pawh ka nei ta mang lo
Jersey No 8- ( a dinglam sir bera thu khi ) khi Munga tiin an ko thin em kha! Ka chiang ta lo.
Report this comment
November 26th, 2010 at 9:34 pm
pics. ka keu hawng ve thei rihlo a…’Chak’ tih hrim hrim khian min ko tlat.Ka hmuhkim hun ah ka comment leh tho ang.
Report this comment
November 26th, 2010 at 9:35 pm
A va lawmawm thin em. Mizo nih a nuam thin khawp a, hmai uanna tur pawh kan ngah ta e.
Tukin Times of India ah chuan ‘mizo churh shut after sex on porch’ tih thupui hmangin Serchhip Darnam venga UPC hall a chesual an man chanchin an rawn ziak tlat mai! Hmai a va uanglo thin em! Tunge hrilh ta ang aw? Hnam tawngthei mizo kan ni ta em ni?
Report this comment
November 26th, 2010 at 9:48 pm
Lammual ai chuan a chang zawk fe dawn mai a…
Report this comment
November 26th, 2010 at 9:52 pm
Mizo kan ni kan lawm e!
Report this comment
November 26th, 2010 at 9:55 pm
Mizoram team ka lawmpui e.
Report this comment
November 26th, 2010 at 9:55 pm
Duhsakna ka hlan e
Report this comment
November 26th, 2010 at 10:03 pm
ka lawmpui e,team list #18 khi ka ni hial lo maw?
Report this comment
November 26th, 2010 at 10:04 pm
Congrats!!!!
chuan sorry lutuk, mahse kan OT lawks – CNN IBN leh news channel dang chuan kan unaunu pawngsualtute police sketch chu an rawn release chiah e. Kan rawn chhuah dawn a mi?
Report this comment
November 26th, 2010 at 10:24 pm
Sandman, i chhuah ngam chuan ka en ngam. An inti ngam anih chuan ka en ngam bawk.
Report this comment
November 26th, 2010 at 10:47 pm
@Sandman: A chunga ka comment khi edit teh u. Ka boxing en zo, ka lo chhiar uluk lutuk lova, Serchhip biakin tihbawrhban nen ka hriat pawlh a ni e, (No 13 ah ka comment khi).
Report this comment
November 26th, 2010 at 11:15 pm
chak zel teh se a
Report this comment
November 26th, 2010 at 11:23 pm
@ caribou: Posted. Chuan i comment #13 pawh ka edit e
Report this comment
November 26th, 2010 at 11:35 pm
Kan veng pa a tel ve, chak zel teh se, an lawmpui awm e, a lawmnan fitness tichhe thei tur lakah erawh in ti fihlim se
Report this comment
November 26th, 2010 at 11:40 pm
Champion phawt se la
Report this comment
November 27th, 2010 at 3:58 am
mizo hlang ani si lo va Post-tu-pa Mizo team an chak tih ngawt theih ani lo, Mihang thisen kai an tel ve a vang in. Mihangthisen kai lo vin mizo thisen kai vek nge he team ah hian teltheise la chuan ka lawmpui ve ngawt ang.
Report this comment
November 27th, 2010 at 6:58 am
@ 10- a ni khawp mai,Kan kristianna hnamdangte ngaihah a hmelhem leh ta a ni ber e.Thil pawithei tak mai a bengvar viau mai hi a thalo asin.
An fit hmel hlawm bawk a..chak zel turin duhsakna ka hlan e.Ka tan over bon top top a ni tawp mai.
Report this comment
November 27th, 2010 at 7:04 am
Pic.1 na a Sam tizum ho khi…an inhmeh ka ti lo..ka tan over bon lehlo mai dawn amaw ni.Tiang hair style hi buaithlak ka ti eee…Zum peett lo khian mam then se an smart zawk fee ang..NOI.
Report this comment
November 27th, 2010 at 7:14 am
@ainawn chu, i tlaivar elo?
Report this comment
November 30th, 2010 at 3:27 pm
A van lunglen thlak ve le.1994 khan Royal Cup hi kan lo chawi toh a, PHE S/c hmingin Final ah Nagaland Police kan hneh tawh asin.Mzoram Team poh hi Champion ve ngei teh se.
Report this comment