Tun hma chuan hnahthial hnah hi Mizo ten thil fun nan kan hmang na sa hle a ni.Chaw te, sangha te mai bakah chi seh thlengin kan fun a,polythene hman uar hnu hian a lar ta vak lo hle.Tunah polythene that loh zia kan hre thar zel a,hmun tam takah hman an khap hial a, a thlak nan hian hnahthial hi uar leh ta ila a va duhawm dawn ve le.
(click pics for larger size)
A par hi ka lo hmu ngai lo em a,a hnah ai hian ka rawn tar lang ta mai a ni e.
Similar Posts:
- Hnahthial-ah MAP 400 chuang an lut
- Teak Kung
- Crash Helmet
- Kham Ropui An Tih Chu
- Hnahthial district a piang ta
September 14th, 2009 at 7:32 am
Thiltlâng leh Leite inkâra NH 54 dungzuia khaw lian tham tak thlalàk kan thlîr dâwn emaw tih nàk-alaiin! District thar lawmna Ruai kil lai photo a awm dâwnah ka lo ngai rawk a. Hetiang lam daih hi a lo ni maw?
Hnahthial hi Hnahthial khuaah sâwn an Daily News hming atân an hmang ve nghe nghe asin! Hnahthial Times Editor Thanghuta, Hnahthial Today editor Vanlalmuana. An khawdai Leite lamah sawn buanchak Chalchungnunga hriat rengna thlàn lung (a accident tawhna hmunah) a awm.
Hnahthial hnah hi Khumbeu chhûnga chih atân te, Siksil chhûnga chih atân te —kan upate khàn an lo hmang nasa viau va, a hnah hi a ro pawhin a nel ru riau va, sumdàwnna lam thila thil eng engemaw fùn nân a lo tha pherh èrh bawk si!
Zochhang (Chhangban) fùn nân te hlei hlei hian a tui duhin ka hria. A pâr hi ka hmu tawh nàin, hei hi ka hmuh chianna ber a ni hial e. Macro-ah XaiA hian a lens a adjust chiah em âw? A thlalàk property ka check chiang rih lo!
[Report abuse]
September 14th, 2009 at 8:53 am
Hnahthial hnah ngei a, telhawng fun te kha kan duh deuh thin chu anih kha maw le!
[Report abuse]
September 14th, 2009 at 11:13 am
Hnahthial hi kurtai funna atan pawh an la hmang nual. Changel hnah ai hian a nel thain a vuai har zawk hmel.
[Report abuse]
September 14th, 2009 at 11:47 am
Hnahthial chu a kuang deuh hlir in a khat tihna em ni? a hnah ber pawh a awm mang hlei nem maw le thilfun na tur pawh in …kanidari
[Report abuse]
September 14th, 2009 at 12:56 pm
Hnahthial hi tlangram a awm chi deuh a niang a? Tahan leh a chhehvelah hian ka hmu ngai meuh lo tlat. Keini lamah khi chuan Chizawl hnah hi thil fun nan kan hmang nasa khawp mai. A hlai tha bawk a, a hman a nuamin a rim a tui a, a tih chi phian. Changel hnah pawh an hmang ve tho a, bekang um fun nan hi chuan theibate hnah hi an hmang deuh kher thin thung.
[Report abuse]
September 14th, 2009 at 1:28 pm
chawnghilh ,Nia a fiah lokhawp mai,ramhnuai a kawng bo ti tih a ka vah vel naah ka hmu a, kham pang deuh ah a awm a,ka la duh bawk si,auto focus in ka dah ringawt a,a zuk focus na lai tur ber hi a in zawng chawp nasa a niang,a fiah ta lo tlat a,hman a post ka tum tawh , a fiah tawk loh vang a ka thulh leh deuh, post leh hnuhnawh a ni,a dang ka tawng fuh ta mai si lo
myself, A par ah hian ka rilru ka lo seng lutuk a
[Report abuse]
September 14th, 2009 at 1:54 pm
Ni e, a thupuiah pawh hian, ‘Hnahthial Par’ tih ni se a ziaawm ngei ang.
Engpawh nise Mizo nun leh Hnahthial hnah hi chuan nghet taka inzawmna a nei. Fun chi chitin fun nan kan nu leh pa, kan pi leh pute kha chuan an hmang a. Ka pite rapchunga Hnahthial hnaha thil fun an rep, inkhai nel nelte pawh ka mitthlaah a cham thei hial mai! Mizo pa Inah chuan Hahthial tel leh Hnang hlai sa hi a awm kawp chawk niin ka hria..
[Report abuse]
September 14th, 2009 at 3:03 pm
Hnahthial hi enge a boatanical name le. A thra phian sia, Hnahthial hmunte hi siam ni law law sela. Kei a par thrin tih pawh ka hre hleinem, a par hi ka hmuh vawihkatna a ni.
Lungleng kurtai hnahthiala fun ngei leh chhangban la lum thar thar ka va chak e
[Report abuse]
September 14th, 2009 at 3:08 pm
Hnahthial hian a hnah hi a chhuang zawk aniang a par hi a biru tlat. hnahthial par hi mi ingaitlawm example ah misual ho hian i hmang mai ang u hmiang
[Report abuse]
September 14th, 2009 at 4:21 pm
lianchhiara Says:
September 14th, 2009 at 1:54 pm
Ni e, a thupuiah pawh hian, ‘Hnahthial Par’ tih ni se a ziaawm ngei ang.
A tir ah Hnahthial par ka ti a, a hnahthial kha ka highlight duh a ni leh si a, kan thlak leh khang lang a lawm maw le
[Report abuse]
September 14th, 2009 at 4:52 pm
Mizo nun ah hi chuan Hnahthial hian nasa takin tangkaina a lo nei thina nih kha, tunlai thleng pawh hian. Mizo hmangchang hria te tan chuan hnim tangkai chu a ni chiang alawm. Hmangchang hre em em lo,kei ngei pawh hian ka hmang ve nasa thin khawp mai.
[Report abuse]
September 14th, 2009 at 5:01 pm
Ka vawikhat hmuhna, ava mak ve…. ka tumloh dan daihin a awm
[Report abuse]
September 14th, 2009 at 6:15 pm
@Mzvision: very good idea. ka pawm thlap e.
@XaiA chu thawh nalh deuh ve, hnahthial par hi live-in ka hmu ve fo tawh a chu hetiang hian thlalakah a nalh ang tih lam ka lo chhut ngai hauh law. Mawi tak a ni.
Tunhma thingtlangah kha chuan hnahthial hi buhzem phah atan kan hmang thin, chuan buh kha kan lak phai apiangin a hnah kha kan dah tha zel a, chhe mai bik hek lo, chaw fun nante kan hmang leh thin. Hnahthial a chawhmeh tur thlai han fun hrin nghalh mai hi chu a it awm bik teh a sin. Amaherawhchu hnahthial hian zo chhang erawh a fun chi ve vak loh, a bet tlat a, a fun phelh a har duh khawp mai.
[Report abuse]
September 14th, 2009 at 8:43 pm
@XaiA : Sa-pa-vah paha làk, ramhnuaia han bo chhâ chhâ hi a nuam fu —close-up hi thil namai lo deuh a ni reng a. Hnahthial pâr hma lamah hian hnahthial kuang a awm fir fer bawk si … auto-focus lens pawh hi luhai deuhvin a siam ve theih rèng a ni!
Kan Missionary pakhat, chula bo hrep kha chuan MAITE thawnthu min hnutchhiah a, nang erawh chuan mite hmuh zen zen loh Hnahthial Pâr min chhawpchhuahsak aleiah Hnahthial Pâr hmu chiangtu kan lo ni ve ta, a va làwmawm èm!
Ramchhuah, chhuahvah rèng rèng hian —trekking a ni emaw, hike a ni emaw … ngîl tak emaw kìkawi deuhva hma lam kan pan rual hian hnung lam hi thlìr kìr ziah tùr a ni a, LANDMARK kan insiamchawp ngei ngei tùr a ni —kìr dik leh thiam tùrin a ram hmêlhmangah kan chiang hmasa ngei ngei tùr a ni. A nih loh vèk pawhin, chhâwl zìk elh tliakin direction kan chhinchhiah duh lam kan hawitîr zeuh zeuh a ngaihna chin a awm … chuti chung pawha la bo fo chu sipai-lumùm atân pawh a tlàk tawh chuang lo vang.
Hnahthial hnah hi ka chhawk khàwl ve chiam tawh, muk al khawpin kan têl a. A pawnlâng zual ro deuh mah se, a chhûngrila mi a hring rei thei phian. Changêl hnah ai chuan hlai lo zàwk mah se, Mizoten kan chelek nasa khawp. Bekang um tui tak fùn nân te, sangha rêp lu lang fara fùn nân te, nghathu —a rawh rem zâwnga dah khàwm han fùn thlap nân te, chi fùn nân, hruizìk no cher chawr han fùn vèl nân te … kurtai diak deuh fùn nân, a hnaha bet kurtai diak han liah vèlte kha a va chàkawm ve le … picture mawi tak an tling zèl e.
Rûl chi khat, hnahthial hmuna chêng uar tak, hnahthial hnah chunga tleng fua fua thei kha eng rûl nge ni ta khà? A venom a hlauhawm hle a, tleng pahin mi a chuk thei si —hnahthial hmuna fimkhur a tùlzia rawn sawi lan ka duh a ni e.
[Report abuse]
September 14th, 2009 at 8:49 pm
Hnah thial kuang hi ngun deuh in en teh u.mizo thawnthu lar ber (CTR) ah a tawp ngaihnawm lai takah khan chanvo a nei ve a nih kha!
misualtupa tui leh mei a tanga a escape hnu khan detective ho khan man theih loh rau rau chuan an ti a .kaikuang hmai tlang tha leh mam pel thin kha khi hnahthial kuang ngei khian puk chhunga a biru chu an hawlh ner ta niu neu mai nia.
[Report abuse]
September 14th, 2009 at 9:00 pm
@darchhunval : I rawn thlawh nalh lutuk. Flashback Story kan neih hmasak Chemtàtràwta thawnthu hi roh tham a tling. Pitar tè, tuikhur hnâra a dailèn têt têt atang khân a thawnthu a inher lèt leh a. Sàp-ho pawhin ‘Wuthering Heights by Emily Bronte’ kha thawnthu (novel) invial lèt an neih hmasak ber ni tain ka hria —Mizo thawnthuin kan lo nei hma ve viau pawh hi kan namai lo asin, publish a ni kher lo nà khân! Chemtàtrawta thawnthu khàn —mihring nunphung, creepers, bamboo, stone age, metal age, aves world, insect world, luia chèng, khawmuala chèng, society in a hygenic atmosphere etc., a lo fawmkhàwm kim khawp mai! Hnahthial kuang for a disciplinary rod!
[Report abuse]
September 14th, 2009 at 9:10 pm
chawnghilh , Hnahthial Today editor hi Vanlalmuana ni lovin, Lalbuatsaiha zawk a ni e. Chuan, chanchinbu pakhat a la awm, Calathea an ti. Editor chu F.Zosangliana a ni. Calathea tih hi Hnahthial tihna a ni tiin Zosanga hian hmanah min hrilh.A dik em ka hre bik lo
[Report abuse]
September 14th, 2009 at 9:20 pm
Bo lutuk chu hemi ka lak tum hian ka ni law
Hma lam panin kawng pawh ka tumna lamah tum loh deuh deuh in awih deuh ka thleng a,tribal road(vai hoin short cut hi tribal road min tih sak thin)a kal ka tum vang mai a ni e.Scout leh Rover kha ka lo tui vak lo a ni 
Rulngan a ni lawm ni kha 
Calathea family chu a nih hmel a,Silver Plate an tih hi a ni in ka hria.
[Report abuse]
September 14th, 2009 at 9:30 pm
Cathea family a silver plate hi hnathial chu a lo nih hmel in tia mi ka awih khop mai.Sapavah chu hahthlak deuh asin luang bawn hnak karah khei chuan
[Report abuse]
September 14th, 2009 at 9:34 pm
Kei chuan ka hre chiang ve hauh lova, mahse Calathea editor berin Hnahthial tihna a ni e a ti miau a, a hmangtu berin a sawi chuan a hria ni hmiang ka ti mai….
[Report abuse]
September 14th, 2009 at 9:37 pm
@chhimkunpa : Calathea tih kha Zosânga khàn a dah tel ngei ngei tak kha maw le … hmaihmâah ngei mi hrilh ve tawh tak asin! Tùn hmâ 1960s vèl kha chuan Lungleh leh Aijal inkâr kha jeepable road kachcha tak mai a la ni a. A inkâr hlat zâwng pawh 128 miles chiah chiah a ni tih ka la hre reng. Zîng vàrtiana kan chhuak hi zàn dàr 8 vèlah Lungleh/Aijal kan thleng thei tawk tawk thìn. Jeep insùlpèlhna tùr a awm ngang loh avàngin Hnahthial hi Gate hmunpui pakhata hman a ni thìn a. Gate-pui vawngtu —chabi kawltu an awm bìk a, scheduled fel tak vawngin, gate hmuna jeep kal tùr an thlen khàwm hun an nghàk kher kher thìn. Gate an han hawng ta a —hmàr lam pan tùrin hmàr lam, chhim lam pan tùrin chhim lam … Lungleh Chanmari Falkàwn-ah Pi Aizìki kha gate keeper a ni thìn bawk, nu hmeltha tak a ni.
Chutih hun lai ata tawh Hnahthial khua hi Hotel hmunpui a ni a; ka experience han sawi ta mai mai ila —1960 hun lai atanga an Hotel chawhmeh siam dàn hi an la thlàk danglam vakin ka hre lo, a la ngai deuh reng mai … dining table leh chair erawh chu a changkàng tawh khawp. Pu Hmuaka Chawngthu Headmaster a nih hun lai khân Hnahthial High School record hi a tha thei hle.
1960-a Hnahthial khuaa artui ka thlauh keh kha ka la hre reng thìn. Ka nun min kuk leh nghàl! Leh ta duah pek a!
[Report abuse]
September 14th, 2009 at 9:56 pm
1971 khan hnahtial hotel pakhat ah zanriah kan han ei mai chu kan ril a tam hlawm tawh bawk a aneitunu in ka chawibelh teuh ang zan in chu, ni dangah chuan dawr dangah ei tawh rawh u min ti thlawt a zia lo mai mai thin tlangval buh duh kal khawm ta ngang chu
[Report abuse]
September 14th, 2009 at 9:59 pm
MNF sawrkarin Hnahthial Dist a pek duh loh tuma Leite thlang lawka kawng an tihchhiat tum khan ka camera nen ka thawk chho ve a, mahse mobile pawh ken an phallo. An rum hlawm raps mai!! Geletine a puak dur dur a, a thlang atangin kan thlir reng ringawt! District an hmuh an lawmnaah erawh kha chuan ka kal ve ta lo.. ka peih tawh lo. An rum hlawm em mai….
[Report abuse]
September 14th, 2009 at 10:02 pm
Rambuai lai kha chuan hnahthial khaw gate kal pelh hi ka huphurh thei thin khawp mai. Vai sipai sual deuh deuh kha an awm thin a anin awm thei
[Report abuse]
September 14th, 2009 at 10:54 pm
@nghasih : Hnahthial leh Seling —sipai an sual zual bìk! Khatih lai khân Aijal leh Lungleh kha convoy-in ni sarih te kan thang. 1968 khân Christmas vuakvèt lai a nih avàngin kan chak hret a, ni hnihah kan ban. Convoy Supervisor a zun chuan, convoy-a kal truck zawng zawng 40 rualte kha a ding vek zèl, an va thu hleuh hleuh tak èm!
NH 54 hi a ni ta ber àwm e, 1966 khân Lungleh Lunglawn hnuai Pu Rothanga te in kawng kual vel kha an rawn lai thleng hman chiah a, black top chu la ni hman lo mah se, Aijal leh Lungleh inkâr chu BRTF kawngpui hian a pawh hman chiah chiah a, chu chu Pastor Chhawna Inlàrnaah pawh khân a inziak tel niin an sawi ve fo mai! One Ton Nissan paw-dâng (light blue) kan hmuh chuan, Pioneer (Painar) Motor kan ti deuh kher thìn. A hringduk aiin a pawdângte kha chu kan nêl zàwk deuh hret!
[Report abuse]
September 14th, 2009 at 11:00 pm
Ka Pa pawh 1950 kum khan Hnahthialah a kal tawh:)
[Report abuse]
September 14th, 2009 at 11:08 pm
Hnahthial hmun hi Rulngan tan chuan cruising speed lakna an ti. A kung vel a a in hlap pah hiana tleng chak zual phah sauh e an tih thin kha mawle. Ot, Rulngan sa hi a hlawk, a lian ve tham bak ah a sei a, ei teuh tham a ni hairehai
Hei radio ah Tequila Sunrise (Eagles) an rawn ti chhuak mek a, lung a ti leng reih rawih hle mai…rawn share mai mai
[Report abuse]
September 14th, 2009 at 11:17 pm
Hnahthial hmunah rulngan a hlauh awm a,di hmunah sanghal a hlauh awm an ti thin.
[Report abuse]
September 14th, 2009 at 11:26 pm
Pangzawl-ah chuan Naufadawntuai, Leite-ah chuan Leite Miss … Keitum-ah chuan mihring sa an ei tawh …
[Report abuse]
September 15th, 2009 at 4:02 am
Keitum thil thleng kha a ti tu te kha an thi vek tawh. Keitum khaw pa, Laithangvunga ( ka thianpa) chuan, “khaw mualphona ania, a ti tu te an thi vek tawh a, mi hian sawi2 tawh bik lose ka ti thin,” tiin hman ah min hrilh.
[Report abuse]
September 15th, 2009 at 5:46 am
Crime or prime —it can never be delible. Sealed somehow! Abel’s blood still speaks!
[Report abuse]