Eizawnna hna (duty) tul vangin India hmarchhak state (hmingthup) pakhatah ka zin a. He state a kan thawhpui hnam dang pahkhat (amah hi engineer a ni) chuan hna tul kan thawh dun laiin ka rin loh leh tum loh deuh mai thil a sawi chhuak a, zawhna min zawt nghâl bawk a.
A thusawi chu hei hi a ni-
‘Tunah kan state khawpui berah hian sorkar hna thawkin ka awm mek a, kan khua tak chu thingtlang lamah a awm. Keini hnam dan (culture) ah chuan Zû hi keimahni siam chawp kan in a, sualah kan ngai lo. Tin, rui buai pawh an awm ngai lo. Kan hnam kût pawimawhah phei chuan a serh zinga a mei ang a ni. Tichuan, kan khuaah chuan state dang atangin Kristian Missionary an lo kal a. Missionary lo kalte hnathawh avangin kan khaw mi engemawzat chu Kristian-ah an inlet a.
Missionary-te’n Kristian chuan Zû in loh tur, Zû in chu sual a ni an tih avangin kan khaw mi Kristian a inlet-te chuan Zû an in ta lova, chuvang chuan kan hnam dan a Kût pawimawh kan hman thinnaah pawh an tel tawh ngai lo. Kan cuklture an ti dazât zo vekin ka hria.’
Hei hi a sawi chhunzawm leh a-
‘Kan khua atanga hla vak lo khaw dangah Kristian Missionary dang an kal leh a, Zû leh kan culture a inzawm êm tih an hriat vang pawh a ni mai thei, Kristian chuan Zû in tam loh tur, ruih miah loh tur tiin zirtirna an thehdarh ve thung a. Kan hnampui chu khuaa Kristiana inlet-te chuan Zû an in a; tin, kan hnam Kût hman tum pawhin buai miah lovin an zawm ve mai. Kristian tha tak an ni tho.’
A thu min zawh chu-
‘Kei chu Kristian ka ni lova. A khawi zirtirna khi nge dik zawk i tih? Engnge i ngaih ve dan?’ tih hi a ni. Thil ka sawi khawlo zo ang tih ka hlauh luatah eng pawl / kohhran missionary nge an nih hlawm tih ka zawt duh ta bik lova.
Inrinlâwkna awm miah lova min zawt a ni bawk a, kei mimawl hian chhan har ka ti ngang mai. An hnam culture an ngaisang si a, chuvangin ti hian ka chhang ta mai-
‘Midang tumah ka sawi thei lo, kei chu Kristian ka ni a; tin, Zû ka in lo bawk a. Kristian ka nihna hian ka hnam dân a pawlh dal tur a ni lova. Chutiang bawkin ka hnam dân hian ka Kristianna hi a pawlh dal tur a ni lo.’
Nia, Zu chungchang sawi hi in ning viau tawhin ka ring. Tin, ka chhan dan hi in pawm vek pawhin ka ring chuang lo. A thu min zawh khi enge in ngaih ve dan le? A peih peihin kan ngaihdan han sawiho ila…
Ka tawn...
November 16th, 2010 at 10:44 am
ekhai a inva sawi bawn ve a… :?
November 16th, 2010 at 10:50 am
Ka sawi teuh dawn emaw ka ti a, ka sawi leh lo mai ang. Ngaihtuahzui chi tak a nih hi, la ngaihtuah ve ngai lo te tan chuan.
November 16th, 2010 at 10:57 am
#41, sillyBoy, chu i sim hmak tawk a mi, ti tawh re2 suh :lol:
November 16th, 2010 at 11:01 am
#38 Sony, Paula hian ringtu nun chawmna lam a ziak tam a, chawmna lam sermon hi kan ngaihthlak tam ber a nia, chuvangchu niah ka ngai.
November 16th, 2010 at 11:15 am
ZU ah hi chuan kan buai ve thlawt a ni. A ni bawk reng a, keini Mizo te hi chu ruih kher tum a in chi kan ni bawk sia. Sual a nih leh nih loh lam chu ka sawi theihah pawh ka ruat lo a, Chunglam rorelna nise. Ka duh chuan ka in a, ka in peih loh chuan ka inlo mai. Ka in loh laiin ka fel phah em em ka hrelo a, ka in laiin ka sual phah em em ka hrelo bawk.
Bible hi ti ve thla zen ila. Bible ah hian ZU in tur hian min ti ve tlat a sin. A bung leh chang chu ka sawilo ang. Amaherawh chu lo lak vung vak a, ruih ngheng tur tihna pawh a ni chuanglo. Hei hi mi tamtak kan kal sualna thin a nia, Bible a chang kan duhlai leh zawmawl kan tihlai hi ka la vung vak thin a. Chang dang kan thlir leh chuan, ZU rui lo turin min ti bawk.
Chang duhlai zawng thlan khawm a, vuahrem khawm vel hi Gospel a ni ngailo.
November 16th, 2010 at 5:47 pm
mizo te hian zu in aiin zu in lo ten zu kan rui nasa.
November 16th, 2010 at 6:01 pm
Zirtirna hnuhnung zawk khi a dik zawk lo maw? Bible han thlir vang vang hian zu in aiin zu ruih hi sual angin a sawi tlat. Europe leh US-ah te pawh zu in chunga motor khalh hi an phal lo bur a ni lo, an in tam leh tam loh an en zawk a. Chuvangin zu in hrim hrim hi chu Pathian thu leh thu lo pawhin sualah a ngai lo a, zu tam tak ina ruih erawh sualah an ngai a ang hle. Culture te sawi tel a nih takah chuan Mizo chuan kan Kristianna avang hian kan culture hi kan hloh lek lek tawhin a lang. Kristianna zawk hi kan culture emaw tih mai palh a awl ta hle.
November 17th, 2010 at 6:27 am
I chhang ‘save’ khop a lom. hehe
Tak2in a, a chhangtu ka ni ve lo bawka. Kan zinga sawi ah chuan – Zu in phallo ho chu ka dem tlat. Chutiang a nih vanga keini Mizote pawh kan buai kan buai hi.
Ka rilru put hmang chu in hre thiam vek mai awm e.
November 17th, 2010 at 2:10 pm
Post tupa, Arunachal state ami i sawi aw ? I sawi lang bawk si lova. Kristian nih hnuah chuan kan culture hi Kristian culture a ni tawh mai alawm kalo ti deuhva. Zawlbuk neihte, pawlkut lawm etc etc a ngai tawh lova, cuture thar chu a ni tawh hrim hrim. Kristian la nilo hnam arunachal mi te pawh tiamin zu hian a tibuai khawp mai, chubakah ramhuai hi an hlau em em, a hring a hran hian ramhuaiin a tibuai thin. Tin, an kut hi hman lai a kan pipute ang tho khan zu nen a inchiahpiah nasa a, missionary te tan chuan Kristian an nih hnua zu in zel a pawilo tih chu thil theih a ni lovang.
July 25th, 2012 at 8:11 am
Kristian inichuan Isakhua leh Iculture pawh Kristian ani maitur ani, En tirnan Mi, a sakhaw hlui atanga Muslima a’in lehchuan a culture pawh a Muslim emem tawhthin tihchu, ihmu’in ihre fo tawhin karing chuvangin Kristian kannihchuan, kan Sakhua thurin’in Tihtur’a aphutchu iti maitur ani, Tih lohtur atihchu itilo maitur ani, ZU tlemte inhi apawina kahrelo, amaerawhchu ZU ruihhmang erawhchuan VANRAM ankai lohtur zia maichu, Kan thurin kanlakna BIBLE ahhian hmun tamtakah a in ziak alawm lochhiar’in lohreve mai tache.