Vawiin ni chu a vawt var var hle mai.. Ruah lahin sur tawp tih a nei thei bawk si lo. Chawlh hmanga haw zawk pawh ni ila, thian kawm tur an awm si loa, khawvawt nen, khumah ka mu lum mai mai a. ruahsur chuan tukverh darthlalang a rawn theh ri that that a, ka mutna atang chuan muangchangin ka thochhuak a, tukverh atang chuan khaw awmdan vel chu ka thlir reng a, kawmthlang kawngpui pawh a reh duak a, tuihawk a luang dam dam a, ruah ri cherh cherh leh thli vawt thaw ri vuk vuk bak thawm hriat tur a awm lo.
Reivaklo hnuah kawngpuiah chuan school naupang te pahnih hi nihliap pakhat zawnin an rawn kal phei chan chan a, an vawt tih hmel tak ka hmuh chuan lung te pawh an ti leng reuh hial a, ka room thim leh reh takah chuan keimah in ka nuichhuak hak nghe nghe. An kal liam thlengin ka thlir reng a…
Kum hnih liam ta vawiinni ang a khawvawh deuh ni kha- film black & white sound neilo ang maiin ka mitthla ah a rawn in play ta riai riai a..chumi ni chuan ka phai chhukna tur ticket buaipui a ngai a, flight beisei ve phak kan nih loh avangin bus ticket min lakpui turin ka thianpa phone-in ka va sawm a. Ani hi naupan tet atanga ka kawm ve ania, tleirawl lerh rual kan nih atang erawh khan a mi en dan a dang ta tlat a, hmangaih biahthu lam rawng kai hi mi hlan leh kurh thin..!
Amah ka hrechiang a, ka ngaina a, ka ngai hle thin, keipawhin. Mahse ngaihzawng neilo a awmtheih tum tlat ka nih avangin, ka haider lui tlat thin.Tichuan, taxi-in kan phei dun ta a, kan tihfel zawh chuan haw lehna mai tur taxi a vang ta riau mai a, a awm chhun lah chu a phar tha duh der lo. keipawhin ka awmbo daih tawh dawn tho avangin chumi ni tal chu tiin ke a kalpui chu ka duh rilru ve tho a, kan kal dun ta a.
Nihliap kan inzawn a, kan titi phei dun malh malh a, chutah thli na deuh rawn thaw thut chuan kan nihliap chu a lip ta vek mai, siamthat tumin kan inchuh titih a, min en ran ran a, min chhuhsak thut a, kawngthlang lama paih leh tlanchhiat a rual a, thinrim nuihza bawk siin ka um a, kawngsir thingkung lian deuh awmna bul thleng chu kan inum phei a, thingkung hnuaiah chuan kan ding hah chawl ta a. kan huh hneh hle a, kei phei chu ka thawmhnaw huh chu ka taksa ah a bet tlat a, ka zah deuh vangin amah chu hnunglam ka chhawn tlat a.
Muangchangin min rawn kuai her a, ka sam huh ka hmai a bet chu a hui kiang a, ka hmui a ruah mal te nuai fai pah chuan mi rawn fawp ta! ka meng kawk kawk a, vawt ti vang a khur der der tawh chu ka lum ta pap pap mai..! ka hnung tawlh thut a ,ka thaw hawk a, ani chuan ka ban rawn la in ngawi rengin min kuah ta vawng vawng a, keipawh chuan ka ban chuan ka va dawm ve deuh a, kan inkuah chu ani ta reng mai!! Keima nun a ka ramri kham ka bawhpelh tak avanga inthiamlohna ai mahin zalenna chuan min luah a, sava bawm a khung, chhuah zalen tak ang hi ni berin ka inhria, ka zang hawkin ka inhria a, ka kang delh delh thei hialin ka hria!!
Tichuan, in lam panin hlim takin, inkutsuihin kan kal ta a, ruahsur hnuaiah chuan hla te kan sa a, tuihawk kan inchhuih per bawk a.. engkim mai chu ka hmu par ta chiai mai!! khawpui ri dur dur te, motor-in tui a chil per ri te leh drain-a tui luang ri huah huau te chu ka bengah chuan an inchawhpawlh mawi ta em em a, rimawi nalh tak ni vekin ka hria. kan sir lehlam lehlam ah chuan chhimbal a zam ta chiai chiai mai!! A ni, hmangaihna chu ka thinlungah a hma fe in a lo intan daih tawh a, ka dangbet a, ka danbeh zawh loh hun a lo thleng ta a ni! khawvel hi a lo va mawi em!
Ruah si chuan ka hmai a rawn theh huh thrawt a, ka harh zawk a, ka thlir ngai chu ka lo la thlir reng a, tukverh darthlalangah chuan ruahtui te chu an inum thla ngiai ngiai a, chutah ka biangah pawh mittui lum pep pep chu an rawn inzui thla ve ta ngiai ngiai a, ka hmui ka pet fan a, mipa vanga trah tum ngailo chu ka inhnit ta hlawp hlawp mai. Engvangin nge ka hringnunah hian hlimna ka hmuh zat chiah hi lungngaihna ka hmuh tel kher thin?? Engvangin nge kum li vel lek pawh min nghak thei lo a midang min lo neihsan tak mai le..a na ani..
Khami ni, ka nuna ka ramri kham ka bawhpelh ni kha boral teh se… tukverh tlang dawm chuan chhuatah ka thusawp a, ruahsur chu mittui nen ka thlir ta vawng vawng a…
“..I can see the first leafs falling
It’s all yellow and nice
It’s so very cold outside
Like the way I’m feeling inside
I’m a big big girl
In a big big world
It’s not a big big thing if u leave me
But I do do feel
That I do do will
Miss u much
Miss u much
Outside it’s now raining
And tears are falling from my eyes
Why did it have to happen
Why did it all have to end..?
October 10th, 2010 at 9:03 am
Phek thar atrangin tran keuh ang, hmuh tlai manah. Min ziahchhan chu a ni em lo maw?
a ngaihnawm hle. I ziak ropui, i hun sawi apiangah chhiartute min awmtir ve zel thei. I room thim reh tak atrangin khua kan thlir ho phawt a, hun kal ta i ngaihtuah kirna ah kan let dial a, i thrianpa nena ruah in do lai min thlir tir a, ruah in i hmai a rawn theh huh i harh rual chiahin keini pawh kan harh veleh zawk a, i room reh takah bawk kan kir leh ta! Ropui hle mai. Ziak zel ang che.
[Report abuse]
October 11th, 2010 at 10:13 am
no…not another breakup poem/song
[Report abuse]
October 11th, 2010 at 11:02 am
@kobain, in nu nena in inthren dan nen chuan a dang deuh lo maw?
in nu kha chuh, a lo les… vang kha niah! Huk huk..
[Report abuse]
October 11th, 2010 at 11:05 am
#53 talkman i hming hi thlak2 suh…..break up hi chu a chang chuan a hneawm khawp a sin,ila hre phak ve lo maithei…..brilliant story though…
[Report abuse]
October 11th, 2010 at 11:15 am
@kobain, thutak ka sawi dawn chuan ‘zobama’, ka uang dawn chuan ‘talkman’ ni mai, ka zep lo..huhuhu..OT lo ang, a ziaktunu hi facebook lamah kan ngam leh dawn si lo.
A sawi hmang khian zarkawt veng anih ve duh hmel ka ti
[Report abuse]
October 11th, 2010 at 11:35 am
@talkman,i chhe heu ho…
[Report abuse]