- Lalrinawma, Aizawl
Aizawl Municipal Council inthlan chu kan zo fel ta a, Mizoram State a sorkar siamtu party chuan seat 19 ah seat 10 changin Aizawl Municipal Council ah sorkar an siam dawn ta a; mahse hei hi ka sawi tum ber pawh a ni lo va, he inthlan hma leh a hnu lam thil te, a hma lam a MLA leh MP inthlan tum a thil awmdan ka lo hmuh ve dan thenkhat ka han tarlang ve mai a ni e.
1) Party hruaitute tawngkam a felfai em?
Kan state hi a la naupan ang bawk in, mipui nawlpuiin politics kan hmelhriatna pawh a la rei lo hle a. Hei vang te pawh hi a ni maithei, kan politician hlun leh lar tak tak, puitling fe a kan ngaih te hi an tawngkam a nawi leh tlat thin. Mipa naupang infiam vaupung tawngkam awm tawk lek lek hi kan hruaitute hian an chhak chhuak leh mai thin a, ram hruaitu tih a tan chuan a mawi lo mai ni lovin, a puitlin loh thlak hle a ni.
Kum 2008 MLA inthlan dawn khan Congress party chuan an flagship programme “NLUP tha mi” chu hmathehin an inzuar nasa hle a; an party a inpe tura mipui nawlpui an sawmnaah “Cheng hnihin (party membership fee) cheng nuaih khat (NLUP hlutna) in thleng dawn tihna a nia” ti in vote an zawng a, an han tling ta cheng a, an thutiam a din chu a hnai lo hle a ni tih kan hre theuh; sawi a awlsam ang ai hian a tak a tih a awlsam leh si lo.
Pi Sonia Gandhi meuhin NLUP chu Central atangin Special Package a pek tur a nih thu a sawi pawh, kan state budget pangngai atanga pek tur zawk ni ngei a a lan thu pawh kan mithiam te thuziak atangin kan hre ta viau in a lang.
Ram hruaitu tur a inpe chuan ram a kaihhruai danah policy mumal tak a zam lawk tur a ni a; mahse tun a kan hruaitute erawh zawng kum hnih dawn ah pawh policy an la zam mumal thei lo hi chu a mak ngawt mai. Thâwk-a-phit a “Sorkar hmasa kihhnawk thenfai tur a tam lutuk a, hmasawnna hna kan la thawk chak thei lo” tih reng mai te hi a dik thei lo a ni. Inthlanna a an hneh tawh hnu la deusawh zui reng mai hi a puitling zia lo hrim hrim. “Saipui kal lai uitang rualin a bauh ding mai mai dawn lo” tih tawngkam te hi State sorkar hotupa ber tawngkamah chuan a mawi lo mai ni lovin, patling kum 70 chuang tawh tan chuan sawi awm a mawi pawh a ni lo.
Chu lo rengah political forum pawh ni miah lo, eng building hawnna emaw, eng emaw thiltihna a khuallian nih vang a thusawina apianga mahni hneh tawh hnu la deusawh zui chiam mai hi ram hruaitu tan chuan thil tihawm pawh a ni lo. Hei hi chu tun hma atanga kan sorkar hruaitute hri vei pakhat, sim hlauh tlak chu a ni ve hrim hrim. Tha takin ram tan thawkin ngaihtuahna seng se, tlak duah lovin a takin hna thawk se fak leh zah hlawhna a ni zawk.
Municipal Council inthlan hma in kan CM berin “Sorkar lai kher kher tur chu thlan loh a tha, kan thawhpui theih tur thlan hi a finthlak ang” tih rawng kai zawnga a sawi phei kha chuan kan politics leh politician te rilru leh dinhmun a la puitlin lohzia a tichiang lehzual awm e. Municipal Council ah chuan eng party pawhin majority chang se, state sorkar chuan pa chan changin a chhawmdawl zel tur zawk a ni ngai a; chuti ni lova, mahni party ni lo party dangin majority an chan chuan fahrawn ang lek a enkawl an tum te pawh a ang thei dawn a lawm le.
2) Electronics Voting Machine (EVM) chungchang
Electronics Voting Machine hian tunhnaiah sawi a hlawh hle mai a. Kan hriat theuh angin kum 2008 November MLA inthlan atang khan Mizoramah kan hmang ve tan kha a ni a. A duh leh duh lo an kat nuk mai a; ballot paper kum kha leh chen lo hmang tawh chuan la hmelhriat ngai loh thil, a bik takin electronics khawl, inthlanna atan a hman chu rinhlelhna nen an lo hmuak lo thei lo va, an demawm bik lo ve.
Tun hma pawh khan, Mizoramah Computer kan la hmuh hma, a hming leh hnathawh theih dan ralkhat hriat a hre riai ruai kan nih lai khan, Sakawlh, Bible in a sawi lo thleng tur ang a ngai in thenkhat chuan kan lo ralkhat hlauh em em a nih kha. Mahse tunah zawng, Mizoramah, a bikin Aizawlah phei chuan Computer awm lohna in hi za a 30 vel bak a ni tawh kher lo vang. Chutichuan Computer chu hlauh enah kan en lo mai ni lovin hnathawh nan te, film en nan te, kan fa te pawhin game khelh nan te an duhtawkin an hmang leh mai a ni si a. Rin thu a puithuna mawl tak hi kan la kian san zel chu a nih si hi maw.
Amaherawhchu heti chung si hian, kan ram hruaitu fel tak tak, pa fing leh rawntlak awm tak tak hian EVM hi an rinthuin an sawihnawm nasa hle mai a; TV ang mai a ralkhat atanga Remote Control hmanga duh duh a tihdanglam theih turah an dah tlat mai hi a pawi hle a ni.
Hei hian tun lai thiamna thar, Electronics leh Information Technology ah a mipui nawlpui, kan ram hruaitute tiamin kan la hniam hle a ni tih a tichiang hle a; chu mai ni lovin kan thalai, Electronics leh Computer khawih thiam ve zul te hian a thiamna thuril (Technology) hi an man lo mai ni lovin, zuk hriat a zuk dai chhuah an tum lo a ni tih a hriat hle. A hria leh a man pha te pawhin mipui vantlang hriatthiam theih tur a han sawifiah tum mai lovin an ngawi ral mai a ang ka ti khawp mai. Chuti ni lo se chanchinbu ah te hian kan hmu fo in ka ring a ni.
EVM hi Computer tenau, mawl mang deuh ang a ni a; TV angin Remote Sensor leh Antenna a nei lova, nei tur a duan pawh a ni hek lo. A him thei ang ber tur a duan leh siam a ni a, pawn lam atanga thu (vote) a lakna ber chu a hmehna (key pad) atangin a ni. A design siamtu leh a design dan azirin a hmehna hi a intam hleih hle a, EVM unit khatah hian hmehna 6 atanga 12 thleng vel awm thei a ni tlangpui. Hmehna pakhat zel hi Candidate pakhat pual a ni a, chuvang chuan hmehna pakhat zawn zelah hian vote tlak khawmna (memory chip) pakhat zel dah a ni tlangpui a.
Heng hmehna te hi a tir chuan an nung vek lo va, hmeh hmasak ber chauh kha a nung a, a dang zawng chu a nung lo a ni. A rual in pahnih emaw a aia tam emaw hmet pawh ni la, i hmeh tlum hmasakber chauh kha a nung ang a, vote ah chhiar a ni ang. A rang khawp a, a rualin tam tak pawh hmet la, a tlum hmasa ber kha a ni mai; Second khat hmun maktaduaih khat a then a hmun khat ang lek a hmasaber a nih pawhin, kha hmehna zawn a candidate ah khan vote tla ah EVM chuan a chhiar hman tho tho a ni. A dawt a vote thlak leh tur tan erawh Presiding Officer in EVM chu vote thlak nan a buatsaih/ready leh phawt a ngai. Vote chhiar lai a Ballot box thenkhat bo thut thin leh rawn lang leh thut thin ai chuan a rintlak zawk hle a ni.
Candidate tlemna hmunah chuan a hmehna chuangtlai kha chu Election Commission of India in mithiam a tirh te hmangin nung thei lo turin a disconnect tir hmasa phawt thin. Entirnan EVM hi Election Commission of India chuan a rintlak PSU Company entirnan, BEL emaw, Company dang a duh dan mil in a siamtir a, chu chu Scientist leh Engineer rual in a him that leh him that loh an test leh phawt thin a ni. Chu bakah EVM unit tin te chu Quality Assurance test an paltlang tir leh phawt a, hemi test paltlang chauh hi hman theih tur a chhawp chhuah thin a ni.
3) EVM hi a khawih/tih chingpen theih em?
Hei hi zawhna lian ber chu a ni ta awm e. A chhanna chu Aw/Aih a ni mai, a zawttu rilru a thu in. Hman deuh inthlan pawh khan party pakhat thalai chuan EVM thenkhat chu an vawchhia a; mahse a chhung a vote awmna ber memory chip chu a lo la that vek avangin vote tla chu chhiar chhunzawm a ni ta tho a nih kha. Chu pawh ni se, engvangin nge EVM chuan rin a la hlawh loh cheu? A ring ngam lo tu chuan chhuanlam fahrah te te a zawng a nih ngawt loh chuan ram hruaitu nitlak lo khawpin a hawi zau lo tihna a ni mai.
Pawn lam (khawl hawng miah lovin) atangin EVM hi khawih chingpen dan chi hnih chiah a awm; pakhatna – Tuboh a chhut sawm vek. Hei chu thil dang daih, Remote Control emaw, electronics thil a tel hauh lo. Pahnihna : – High Electromagnetic Field or Pulse influence (electric leh magnet power sang tak hnathawh). Hei hi chu a awm deuh. Tun lai khawvel changkang zelah electromagnetic warfare a lar zel a, a inhmeh deuh. Electromagnetic field/pulse hi mahni hmelmate electronics ralthuam leh hmanrua tihchhiatna tha tak a ni a, mahse target mumal tak, power leh control na felfai tak neih a ngai thung.
Target mumal tak leh a thawk thei tur chin power a neih erawh chuan memory chip hnathawh te, electronics circuit leh a chhehvel zawng zawng tibuai vek thei khawp a ni leh thung. (I prove duh chuan i Computer Harddisk pangah emaw magnet chak tawk tak han dah kual la i hre mai ang, mahse i Harddisk a tihchhiat vangin min dem suh).
Ralkhat atanga Remote Control emaw, electromagnetic radiation hmang a hmelma (opposition) memory chip bik va target a va tihchhiat ngawt theih a ni lo; a chhan chu Polling Booth pakhat zel atan Candidate zawng zawng te vote tlakna memory chip tin te kha EVM unit pakhat chhungah a awm vek tlat a ni. Candidate dang te (mahni party candidate te tiamin) vote awmna memory chip tichingpen tel lovin Electromagnetic radiation hmangin EVM hi a khawih chingpen theih loh. USA ah CIA in an lo ti thei a nih pawhin, kan ram riangte ah hi chuan kan Technology hian a la phak mawlh lo.
Thil pakhat zawhna la awm thei chu, EVM te hi hawng ngei chung a, a hmehna eng ilo hmang a vote khawih chingpen theih a ni em, tih a ni ang. Hei hi chu a theih loh hul hual. Presiding Officer in Polling Booth a khar dawn ah, Polling party te leh Micro-observer hmuh lai ngei in EVM chu a khar (electronic lock) a; hei hian memory chip te pawh a lock nghal vek a, hemi hnu hi chuan engti kawng mahin EVM hi a tihdanglam theih tawh loh.
A saptawng takin “Tamper Proof” dik tak a ni. Chu mai a la ni lo, EVM te hi Aizawl DC Complex chhung a Strong Room ah kalh hnan a ni a, Strong Room chuan Concrete leh steel structure encasement a neih bak ah, Lead (suan) protection a nei ngei turah ngai bawk i la. Chutiang a nih chuan Electromagnetic radiation pawhin a khawih buai thei hauh dawn lo a ni. Chuvang chuan, kan hruaitu thenkhatin EVM khawih chingpen ni a an sawi thin te, tun tum inthlan chu EVM khawih chingpen loh nia an hriat thu an sawi te, thalai 20 rualin Strong Room an veng a, an riahchilh tih vel thawm hi ngaihtuahna tibuai tham a ni lo ve.
Similar Posts:
- Vote thlak chungchang
- EEE hmelhriat teh ang u
- Hei le inthlanpui chu
- Vote thlak loh hi
- Zoram tan engnge i tih ve theih?
November 10th, 2010 at 1:05 am
A dik ang
khawnge Zeph leh 2States??
[Report abuse]
November 10th, 2010 at 1:07 am
AMC inthlan (hmasa ber) result chu a chaklo lam pawh an lawm viau ani lawm ni.
[Report abuse]
November 10th, 2010 at 1:07 am
ha ha..han 1st ve hrim hrim ka tum asin le..hmmmm chhiar phawt mai ang..
[Report abuse]
November 10th, 2010 at 1:11 am
@sisen chuh a edit leh vel a,mu tawh rawh..
[Report abuse]
November 10th, 2010 at 1:14 am
Ka comment hnuai a lo comment ve ho pum thum chenghnih man lek lek,bingbawlawl te te khu nuih
pahin kan mu daih teh ang. :jokes:
[Report abuse]
November 10th, 2010 at 1:16 am
EVM a mawhpuh emni…? a ho angreng. hehehe
A post tu hi a MNF hmel… sawisel tur vak nei silovin EVM te a mawhpuh ta vel emawni. lolzzz
Party tran bik neih leh sawisel tur zawn a trul lemlo, dik chu tran a diklo chu tran loh mai tur.
Engkim hi hman sual theih ania, manual a vote chhiar tepawh kha a chhiar tute leh endik tute an in thurual chuan an vote chhiar chhuah loh daih kha an sawi thei ve tho bawka, chutih laiin EVM pawh hi fimkhurlo taka an ti kual vel anih chuan cheat theih ani tho bawka. hehehe
Mahse, an veng fimkhur anih ngat chuan, mit hmuh ngeia “seven segment display” ngeia rawn in ziak kalh chu mi 4 aia tam tan chuan hmuh dikloh danah in thu rual a har khawp zawk lo ang maw. hihihi
Manual-a chhiar pawh hi a chhiar tute leh endik tute an in thurual chuan diklo thei tho ania…
[Report abuse]
November 10th, 2010 at 1:19 am
OT lok, @funny hmanni a bank chungchang i rawn post ami last date kha khawi tang nge i hriat?
sory
[Report abuse]
November 10th, 2010 at 1:24 am
ava thui ve le..EVM chu alo rinawm ber ber hle mai
Politician-te hi chu sawi vaklo ang, mahse hei chiah hi..
Tuna kan sawrkar hruaitu lu ber ber-a hi chu a chapo a, chutiang bawkin a tawng chhuak thin, kum an vei leh deuh ang a, a intiam ang a eng tak tak tichhuak mang si lo hiana intihtheih rah ala seng leh em em ang..Pu Zorama ang bawkin a intiam zut ang a, Dawthehpa kan la ti ve luai luai ang ka ring:D
Minister thenkhatte hi chu an tha viau ka lo ti mai mai a…
[Report abuse]
November 10th, 2010 at 1:31 am
“Sorkar lai kher kher tur chu thlan loh a tha, kan thawhpui theih tur thlan hi a finthlak ang”
‘Kher kher’ tih lai hi ka va’n chhiar sual nasa tak em!!
EVM hi 2008 a hman tan a nilo. Kan hman tan hun tak kha ka chiang tawh lo na a; 2008 kum khan hmun danga ka awm vangin vote ka thlak lova; mahse, hemi hma hian EVM hmang hian vote ka thlak tawh tlat.
I thuziak a bengvarthlak a; mahse, uluk deuh la chu tha ka ti mang e. Mi’n zaah za dikah an ngai maithei si a.
[Report abuse]
November 10th, 2010 at 1:39 am
vlchinzah: sbi ho notice ami ania, mahse a bank a zirin anti danglam thei… hmanni khan, “kalo zawt ang” kati lemlo a, vawiin khan sbi ah kava enquire chhina, kava dawr ber chuan ni 18 ah alo sawn leh mai bawka, “Tlai ah lehkha rawn lam la I awmna state ah income certificate lak theih natur, chumi I lak hnu ah chuan lekha dang ka pe leh che anga chu chu I parents ten an sign hnu ah I income certificate kan accept ang” alo ti.
A lehkha a inziak ka hre miahlo, ka lam ta chuang silova. Income certificate bak a ngaih ka ringlo, mahse chumi tur chuan Bank lamin “rin tlak” a an ngaih theih natur chuan eng lehkha emaw chu tihve angai maithei, a bank lam thu ani tawh ang chu erawh chu. Central sawrkar chuan a guarantee in a implement tawh.
Central sawrkar khan an notification ah chuan date line an siam pawh ka hrelo. ka en chiahlo na in MHRD tihvel ah net atangin a zawn chi maithei… (ka ngaihdan chuan central lam chuan date line an siam dawn emawni le… kati!!! nakin thlenga applicable tura plan siam an niin ka hria a… nakinah peichuan a awlsam zawk mah in ka ring. (arear ang deuha nikum april hnu a lo la tawhin an claim theih na hun an bi thliah anih chuan thu hran…))
At least, central a Kapil Sibal a minister chhung tal chuan students loan pung hniam hi a applicable chuan ka ring.
[Report abuse]
November 10th, 2010 at 1:47 am
@ funny thanks, ka zawng nual tawh net ah chuan i rawnsawi ho bka kha awm vak chuanglo. Income certificate chu DC atang hemi atan chuan ahran a awm ngei ka pa in min lo lak chhuahsaka nihnih lai abuaipui tawh.
Harsatna lai tak chu Bank lamin engmah anlo lahre chiang lova, Manager ber pawn tihh ngaihna ahre lo, thilthar nia kan la chianlo tihbak sawi tur ahre lo. lastdate kha kan hre chiang duh mai2 maw le thanks lots..
Kan OT ta vak nih kha naktuk lastdate tih vangin minlo hre thiam hlawm dawn nia
[Report abuse]
November 10th, 2010 at 1:48 am
A last date a sawn ka tih khi, ka native state min zawt a, “aizawl” ti a ka chhan vangin aizawl atanga lehkha vel kan in thawn hman natur anga last date siam chawp vel mai mai niin ka hia, a chhan chu, Pencil ngaitin paper ah min ziah sak. A gesture vel atang pawhin a phuahchawp tih a chiang viau chuan ka hria lo tlai leh ta pawh ni ila a accept thei dawn tho tih ka chiang. hehehe
[Report abuse]
November 10th, 2010 at 1:52 am
ok,apply dan tur tak kha an hre bik lo hian min tibuai lawm le kan inhrilh zel dawn nia, information awm chuan.
[Report abuse]
November 10th, 2010 at 2:05 am
vlchinzah: ava buaithlak ve, I vanduai anih chu, keini chu, (ka vannei kati dawn nge) kan campus chhungah ah sbi leh canara bank an awm a, hetiang student thil vel an buaipui thran avang hian dawr pawh an nuam angrenga. Branch dang chuan an deal ngailoh lam anih chuan an hrelo maithei. Mahse an hrelo anih pawhin Central in a tih chu follow lo thei anni bik lovang.
An hrelo anih pawhin an follow lo theilo ang, Kapil Sibal-a ngei pawhin thu a rawn sawia, amah ngei pawhin a sawi alawm ka mit hmuh leh ka beng hriat ngei ah.
[Report abuse]
November 10th, 2010 at 3:04 am
Ka’n OT ta hluai a: On Topic chungchang ka’n sawi leh lawk ange.
Article ang zawng anih pheichuan awn lam nei ran a thuziak hi ka pawm lemlo
Academic lamah pawh awn lam nei ran a thuziak hian ngaihsan a hlawh lemlo in ka hria 
“A ziak tu chu a laiah a ding tur ani”
(keipawh hian, mi ka sawisel emaw dawn anih chuan article ang zawng nilovin, titi na angin comment ah ka sawi hram hram. hehehe. Article emaw lehkhabu emaw ang zawng thuziak hi chu a serious dan adang tlatin ka hre ve deuh a. hihihi )Neutral taka kan ngaihdan reasonable tak kan sawi anih chuan a pawm awm hle thunga, chutiang nilo chu a thu atang hian a hriat ve mai chuan ka hre deuh. Hetiang han judge turin ka fing lo na in, ka ngaihdan kalo siam ve mai mai anih ber chu. hehe
Kan Hawl-eka hi a tawng sual thin e tihloh ah chuan thil a ti tha viau in kalo hria asin, Pu H.Rohluna emni? kan food and civil supply changtu minister hi? a chaklo tih mai lo ah chuan midang ho hi chu an tha hlawm thre thraw viau chuan ka hria, Personality hniam ve tak, R.Lalzirliana te leh Zoramsangliana te tiam lohin. hehehe
Pu Hawla hi eiruk mamawhlo khawpin sum nei sa ani bawka, tlawn tur dang neilo khawpin hmelhriat tepawh a ngah tawh bawka anga, an chi leh kuang thleng pawha vulh len tur vak awm chuanglo khawpa milian chhhung, future thui tak ngaihtuah turin a upa ve deuh tawh bawka, Mizoram that natur tak hian Zoram mipuite hi a hnuh in min han hnuk hrawih sela. ka ngaisang ang.
chapo taka tawng liam mai mai lovin. heheheA minister te zingah pawh hian mi tha tak tak an awm nual, hengte hup bo thak khawpa leader ber a Vawkpui tuallen anih ngai chuan mizoram history ah a hmingthatna zawng lehkhabu a awm tamlo khawp ang…
[Report abuse]
November 10th, 2010 at 3:44 am
Mut hma in ka’n sawi leh lawks;
Mizoram politics hi chu a buaithlak ve han ti dawn ila hmun dang politics pawh hi mizoram ai hlei hlei hian a tenawm emaw tih mai tur ani lawi bawksia…
Pu Hawla hote han thlang tlinglo ila, Leadership quality neilo Zoramthanga te ho kan thlang tling anih chuan, Tlanghmngthanga te, K.Sangthuama teho kha an inti thu leh emaw kha anianga… Dr.Lalthangliana teho kha, ‘Central lam atanga sum sawi chhuak thei’ tiin kan ngaisang leh emaw kha anianga.
Tun kan sawrkar ah pawh mi tha ni a kalo hriat Pu Zodintluanga te chu a lar lo pawl an ni leh lawia. Pu Lalsawta te lah hming chhe pawl. hairehai. R.Lalzirliana, zinloh bill tepawh la duh ni a an sawi tekha a lar lar ah an tang leh lawia.
[Report abuse]
November 10th, 2010 at 4:42 am
E khaih aw, politic lam ani maw,
Funny te ho sawiah hian duh tawk mai teh ang, hriat ka nei ve lo ka hul hiu hiau e…..
[Report abuse]
November 10th, 2010 at 4:42 am
Mahse sawmpariat law law teh ang…no. kawpkim lo hi ka ten riau..
[Report abuse]
November 10th, 2010 at 7:03 am
Constituency pahniha han artelukawn meuh kha chuan —EVM rintlak lohzia sawi mai loh chu! AMC inthlana EVM hman hi rinawm tawka sawi a ngaih lehna chhan pawh MNF+MPC an tling thahnem ve em alawm!
A theitui in lai baw lova US kawngpuia zu tleng zur zur thei hian, Zoram kawngah eng tikah tak baw lovin min dawmtir thei ve ang maw? Kan kawng a la chhiat em avanga tawngkam pawh la thlahdah awm reng kan ni! “Pathian Nung” lamrik a khat tak deuh vang a niang e! Nebukadnezzara pawh kha a ralthum dawna lamah —a tawngkam a pawhraw mai zawng a ni! NOI.
Saihmarthur hi vaitawngin HATHI a ni lo, GANESH a ni zawk e. Ui tang rual kha German-shepherd leh Alsatian an lo nia!
[Report abuse]
November 10th, 2010 at 8:15 am
Congress candidate 13, winner 5! Ui tang rualin Saipui a bauh ding tep alawm.
ZNP an lo che tha hlauh mai pawh a.
Sorkar-na siam te hian opposition aiin vote 770 chauh an hmu tam zawk tih hre reng se. Congress party tukhum chhah an chhawn dawn lo bawk a, tunah Vanlalpianga zai turin i lo sawm ang.
[Report abuse]
November 10th, 2010 at 8:21 am
Funny hi Zoramsangliana ngaitheilo ber #1 i niin ka hria. A chhan pawh ka hre rin ran mai ah…
[Report abuse]
November 10th, 2010 at 8:30 am
ZNP Lalduhoma hian khawi Party pawh a lungrualpui zil zel a, a lungrualpui rei ngai bawk lo va. Ze dangdai hi a nei hrim hrim ve a … mi thuruk puang thei zel hian a awm a. TLANGZARHA ti ila a fuh ber tawh awm e. Eng thil thil emaw tih-LEAK hi a hna a ni a. Police Officer thin thil tih atan chuan a nep riau mai!
Nau puakpuan sawi chhinga, paw fual thiam, hma-thlak leh thlauh dawt thiam nen an han in-awi mek chu a ni ta a! I lo thlir teh ang, an inpaw tlei rei ang emaw chu?
Parasitic party nena survival game khelh ngai pawh hi a nep thial thial!
[Report abuse]
November 10th, 2010 at 8:30 am
CyberThug, a fanu Eli vang tiraw?
[Report abuse]
November 10th, 2010 at 8:57 am
A ziaktu pa pawh hian nep riauna lai nei tlata ka zuk hriat chu. Media hian kan ram hi ati hmelthain ati hmelchhe thei khawp mai.
[Report abuse]
November 10th, 2010 at 9:10 am
EVM chungchang a tha khawp mai..mahse thil pakhat chu khawl lam thil re re hi ideal in hna a thawk kher lo.Tih chingpen loh tur in siam mahse engemaw thil hote vang in a danglam thei fo.Phai lam chanchin hi chhiar chuan mithiam in an ziah hmuh tur a awm fo.nway i rilru i senna a ropui e…Vlchinzah hian sawi tur a neih ka ring.a sawi tha duhlo mai2 aniang ani hi aril hml tlat lol
[Report abuse]
November 10th, 2010 at 9:54 am
Hleih neia ziak anih ka ring lo ka’n ti ve teh ang. A thuziak tir lamh khian CM lo sel deuh poh nise a second part atang khi chuan tu e maw tling ta lo ina an sawisel leh an puh rawn vak EVM chungchang ani a rawn soi ni (tuna tlinglai Congress chu ni lo ngei maiah). A soi tuma ka hriat chu chak toh in chak loh zok nghaisak vak2 a tha lo e tih leh a chak loh chhuanlamah thil dang puh mawh hi ram hruaitu tan a mawi love a ti na ni in ka hria te ka tia
[Report abuse]
November 10th, 2010 at 9:55 am
@funny
He article hi tan lam nei a ka ziah a ni lova, neutral point of view a ka ziah a ni e. Point no 1 ah Sorkar lai hotupa ka kap deuh a, Point 2 ah EVM chungchang a Mizo mipui nawlpui hriatthiam loh te ka sawi a; Point 3 ah EVM reliability sawi pahin CM hmasa kan kap leh zeuh mai a ni e… i hrethiam pha emaw ka lo tia lol…..
[Report abuse]
November 10th, 2010 at 10:11 am
@belebuta
Ka sawi tum kim takin i rawn funkhawm thiam hle mai.
Precis writing lamah i turu hle a nih ka ring ringawt a? 
[Report abuse]
November 10th, 2010 at 10:33 am
Good post.
[Report abuse]
November 10th, 2010 at 11:41 am
sakhawliana: hehe, A thupui ka en bak chu kalo chhiar chiang lem hleinem
I post thu aichuan ka comment ho khi a trullo terh tuarh daih zawk alo nih tak hi
[Report abuse]
November 10th, 2010 at 11:45 am
funny h comments ngaihnom thei tops
[Report abuse]
November 10th, 2010 at 12:21 pm
Heng zawng zawng tawpna chu ‘Amen’ kan ti ang e…
[Report abuse]
November 10th, 2010 at 12:30 pm
@21 cyberThug:
Pu Zoramsangliana hian EMV tih chingpen a chin vangin Funnya’n a ngai thei lo i tihna em ni …lol
[Report abuse]
November 10th, 2010 at 12:55 pm
comment na lamah pawh hian tan bik nei lo hian i comment thin ang u
[Report abuse]
November 10th, 2010 at 1:13 pm
Politics inrawlh tawh lo sela, kan fel fai mai ang
[Report abuse]
November 10th, 2010 at 1:40 pm
Frost, a te ho hi a lawm an rawn in rawlh ve tawh hi chuan thu hi a sai sa nuaih tawh zel a
[Report abuse]
November 10th, 2010 at 1:47 pm
badboy pawh politics khelh a tum ve a, Hnam Run ah khuang vuak atangin a tan a, nakin a kan politician lar tur ania..
[Report abuse]
November 10th, 2010 at 1:49 pm
@sakhawliana. post tha viau e, maipawl min put tir leh ta vah mai
[Report abuse]
November 10th, 2010 at 2:45 pm
Tun atang chuan EVm chungchang sawi a nih apiangin ‘a khawih danglam mai mai theih loh’ ka ti tlat tawh ang. Post tha khawp mai. Comment ka chhiar char char a, funny khian a insawi hma daih khian a chhiar lo a nih ka lo ring tawh a
[Report abuse]
November 10th, 2010 at 4:04 pm
#37Frost, nangpawh hla hril tu ah i tan ve reng kha aw.
[Report abuse]
November 10th, 2010 at 4:05 pm
Politic hi chu a hming ngaihthlak hi ka duh tawk viau ani….hairehai
[Report abuse]
November 10th, 2010 at 5:01 pm
saipui nge uitang huai ang le
[Report abuse]
November 11th, 2010 at 1:17 am
@sakhawliana thanks. ka thiam loh lampang tak ani, i post tha ema comment chakawm alom
[Report abuse]
November 11th, 2010 at 2:16 am
An LAL vanglai tak pawha mahni thusawi ngei pawh tihlawhtlinglo politician te hi chu ‘MI BUM HMANG’ ti ngamin chhinchhiah hmak hmak ang u. Chhan tha tawk a awm anih loh chuan.
[Report abuse]